حصرياااااا على الزعيم وبعدأنتظار: كيف تعرف أن الي معك في الدردشه ولد >> أدخل لا يفوتك
بسم الله الرحمن الرحيم
حياكم الله شباب كنتم ام شابات في الحقيقه قمت بطرح هذا الموضوع من باب الفرفشه والضحتس ((( الضحتس هي مرادف لكلمة ضحك في منطقة القصيم... رجاء لاأحد يضحتس تراااااي اتكلم جد))) وليس للتشجيع على المغازل وما يتبعه من نتائج وخيمه على الفرد والمجتمع ((( الفرد والمجتمع....... وش عنده عبدالله الفوزان))) قلت في نفسي الدنيا حـــر
(( شوب أكتير على قولت أخوننا اللبنانين أزال الله همهم... قولو آآآمين))) والناس ملت قلت خل اوسع اصدورهم بهالموضوع وأن شاء الله يعجبهم
الاسباب الرئيسيه لطرح الموضوع :
وبعد جولات عده في دردشات مختلفه يقوم ناس من التماسيح(مفردها تمساح وتعني شاب ) بي اللعب قي قلوب الشباب
(الي هم التماسيح) وذلك بتسمية أنفسهم بأسماء بنات ((( أتوقع أن فيه بعض يقول لنفسه اي والله انه صااااادز))) وكم من الشباب تم التسحيب بهم على أخششهم حتى هلكواااا ((( صراحه موقف ما أتمناااه لأي واحد فيكم....تحس اني عايش الموقف صح ))) ومنع من ذلك وحماية لكراااااااااامة الشباب وحفظااااااا لحقوقهم سأقوم بعرض بعض التوجيهات الي تخليك تعرف انت تكلم تمساح اما بنيه حلوه واموره ((( أبسط ياعم )))
ملاحظه : لا يعتقد البعض اني رااااعي بنات وخرابيط أنا واعوذ بالله من كلمة أنا ما أذكر اني مره كلمت بنت .. ولله الحمد والشكر بس انا تكونت عندي خبره من كثر ما أدخل الدرشه وأنا هل حين تاركهااااا من زمان .. ولله الحمد .
التوجيهات والنصائح : 1) لابد تعرف طريقة كلام الولد والبنت يعني لازم اتميز بن اسلوب الولد والبنت في الكلام وهذا لا يأتي الا عن طريق الخبره والمعرفه.
2) اذا كتبت لأي بنت في الخاص واعطتك وجه بسرعه ومشت معك في الكلام وما صرفتك اعرف أن الوضع فيه أن الأ في حالات نااااااادره.
3) اذا لاحظت أن البنت تتكلم كثير وما يمديك تكتب الا هي كاتبتن سطرين اعرف أن الوضع فيه أن أدري أنك تبي تقول يمكن تكون البنت متمرسه بس أقولك يا حبيبي في الغالب أن البنت تكون نا عمه وصعب تكتب بسرعه .
4) بعد ما تتكلم معها لفتره تعال واكتب أي شيء يدل أنك نسيت أنك تكلم بنت ((( مثال : الا ما قلت لي أي صف تدرس)))
اذا لا حظت أن البنت انزعجت بشكال ما يستهال العصيبه اعرف أن الوضع فيه أن ((( كل ذا علشان ما تجرحها يعني )))
5) اذا قلت للبنت انا خلاص ابروح ولاحظت أن البنت أنفعلة وتقول تكفااااااااا لا تروح يرحم أمك لا تروح في هذه الحاله توقع أن الي معك تمساح .
6) اذا طلبت من البنت الايميل وأعطتك بدون اي نقاش يعني على طول أنتبه تسوي كذاااااا ترى الوضع ما يطمن.
بس هذا الي عندي أتمنى أنكم استانستو وانبسطتو أكررررر والي عنده أضافاته للنصائح والتوجيهات لايبخل علينا وأكررررر وأقول هذا الموضوع للضحك والفرفشه ويعلم الله أني ما حطيت الموضوع لاأي شيء أخر
وأقول في النهايه أعذرونا يازعماء انا أعتذر اذا كنت ما وفقت في اختير الموضوع بس هذا الي طلع معي..... وسلامتكم