شباب ابي ادخل جامعة الملك سعود قسم لغة فرنسية - نادي الهلال السعودي - شبكة الزعيم

@مايكل بالاك@13 · #1 13/07/2006, 05:36 PM

شباب ابي ادخل جامعة الملك سعود قسم لغة فرنسية بس ما ادري وش تطلعني بعدين؟

وانا مسجل في جامعة الامام يوم الأحد الماضي واخذوا الأصل

فهل جامعة الملك سعود تقبل الصور مع ان القسم قسم لغة فرنسية ما احد يبيه

نـــــــ15ــــــمر · #2 13/07/2006, 06:35 PM

اتوقع ويا شين الفلسفه
تصير مترجم ولا مدرس ولا تشتغل بالسفاره الفرنسيه بالرياض واذا عندك واسطه السفراه السعوديه بفرنسا هيك شيء
واحتمال تنزل افلام فرنسيه وتقوم انت بالدبلجه

وتشــــــــــــــــــــــــــــــــــــــــــــــــــــــــــــــــــــــاو

الاعصار الاسيوي · #3 13/07/2006, 06:41 PM

اولا مبروك قبولك بالجامعه ....
ثانيا الاصل يطلبونها جامعه الملك سعود لن القبول فوري و هذا موقع الجامعه
www.ksu.ede.sa
و اذا احتجت اي شي كلمني على الخاص
والله يوفقك و نصيحه قبل ما تسحب ملفك من جامعه الامام استخر لله
وبالنسبه للوظيفه يمكن توظف بالاستخبارات اذا دخلت كليه المللك فهد الامنيه بعد الجامعه
او تشتغل بالسفاره الخارجيه
او مجلس دول الخليج
وبعدين الرزق على الله

@مايكل بالاك@13 · #4 14/07/2006, 02:24 AM

مشكووووووووووووووووورين على ردودكم يا زعماء القارة

هلالي و مانشستراوي · #5 14/07/2006, 06:08 AM

والله انا ماعندي خبره لكن حبيت اتمنالك التوفيق ؛؛

ابو عابد2004 · #6 14/07/2006, 06:43 AM

يارجال خل عنك الجامعة وقدم على الحربية مثلي
ترى مافيه ازين من الضابط اذا تخرجت

مـيـلانـيـللـو · #7 14/07/2006, 09:03 AM

اخوي ؛؛ جامعة الملك سعود مايقبلون الا بالاصل ؛؛ وانصحك فيها

وادخل كلية اللغات والترجمه قسم اللغه الفرنسيه (( اذا كنت مهتويها ))

اما اذا بتدخلها عباطه صدقني تبي تطلع كل موادك ورود >> هـ

الله يوفقك

الزعيمه آشلي · #8 15/07/2006, 05:04 PM

والله انا مثلك توني متخرجه من الثانويه وما ادري وين
اروح كل ما اروح للكليات قالوا نسبتك انتساب ..اخوي انا
ما عندي خلفيه عن الجامعه بس قسم فرنسي ماله مستقبل
انا اعرف وحده تدرس فرنسي لكن ماتقدر تطلع منه لانها
حولت اكثر من مره ..بس انت ولد مستقبلك لازم يكون مضمون
افضل اخوي انك تدخل انجليزي ..ولا اي قسم ثاني لأن
نهايتك راح تكون في أحد المعاهد القليله ألي تعلم الغه
الفرنس.

حبيبي توتي · #9 15/07/2006, 05:31 PM

طيب اخوي

تخصص لغة فرنسيه في جامعة الملك سعود

اي واحد اداب ولا لغات وترجمه ؟؟!

شكل فيه فرق بس والله مدري

وتقبلوا خالص حبي واحترامي
°•°ابو فيصل°•°

سبحانك الله وبحمدك ..اشهد ان لا اله الا انت استغفرك واتوب اليك

@مايكل بالاك@13 · #10 01/08/2006, 02:11 PM

قدر احول من اللغة الفرنسية الى اللغة الانجليزية؟؟؟؟؟؟
لان اللغة الانجليزية اكتفت

s3odi · #11 01/08/2006, 03:29 PM

السلام عليكم ...
هلا اخوي ...
اذا تبي نصيحتي لاتدخل لأني اعرف واحد معه لغه ألمانيه وواحد معه لغه اسبانيه مافادتهم ولا راح تفيدهم الأبالواسطه بالنسبه لتوضيف اما للفائده الشخصيه تفيده فقط ...أنا سجلت بالأمام واختبرت تحديد مستوى يوم الأحد الماضي طبعا أنجليزي هذا الكلام ....واذا قدرت تدخل الأنجليزي بالأمام افضل لك..لأنه اسهل وافضل من الملك سعود ...

انا أتوقع انك ما عندك مبادئ للغه الفرنسيه يعني بتواجه صعوبه فيها كثير اقل من الأنجليزي واذا كنت تعرف وتمشي فيها ترا المستقبل فيها مو واضح على العموم حبيت النصيحه والتوفيق لك اخوي ...