نادي الهلال السعودي - شبكة الزعيم - الموقع الرسمي - شباب ابي ادخل جامعة الملك سعود قسم لغة فرنسية

اخوي @مايكل بالاك@13 اذا انت تحب اللغة الفرنسية ممكن تدخل جامعة الملك سعود تخصص لغة فرنسيه وبعد ما تاخذ البكلوريس تروح المعهد الدبلوماسي وتدرس سنتين وبعدها راح تتوظف في اي سفاره خارج المملكه براتب لا يقل عن 10 الاف ريال

يعني اذا كنت تحب العمل الدبلوماسي يفضل انك تدخل المعهد الدبلوماسي بعد ما تحصل على البكلوريس

انا واحد من اقربائي يشتغل الان في السفاره السعوديه في اسبانيا..تخرج لغة فرنسيه من جامعة الملك سعود بعدين درس في المعهد الدبلوماسي سنتين..بعدين قدم على وزارة الخارجيه وتوظف في السفاره السعوديه في اسبانيا براتب 10 الاف ريال وبدون واسطات ولا شي..وبيقعد هناك اربع سنوات وبعدها له الخيار انه يكمل عمله او يرجع السعوديه..وطبعا اذا رجع السعوديه راح يمنحونه مميزات كثيره لانه صار عنده خبره في العمل الدبلوماسي

قريبي هذا يقلي انه 80% من الموظفين في السفارات السعوديه في الخارج اجانب...لان أغلب السعوديين لا يقبلون على التوظيف في السفارات الخارجيه..لانهم ما يبغون يتغربون ويبتعدون عن اهلهم وبلدهم سنين طويله

عشان كذا الوظائف الشاغرة في السفارات السعوديه في الخارج كثيره جدا..لانه للأسف السعودي يبغى وظيفه سهله ومريحه وما يبغى يتغرب ويبتعد عن اهله وبلده عشان وظيفه

عشان كذا الفرص الوظيفيه لسعوديين في السفارات كبيره ومتوفره..وكمان برواتب كبيره

واذا كنت اخوي @مايكل بالاك@13 تتحمل الغربة والابتعاد عن الوطن لسنين..واذا كنت تهوى اللغة الفرنسيه والعمل الدبلوماسي ومجتهد وطموح..فباذن الله راح يكون لك مستقبل ممتاز في هذا العمل..........يعني يا انك تكون سفير..او مترجم للملك اذا سافر برا... :)

طبعا عشان تصير سفير لازم خبره 20 سنه في العمل الدبلوماسي

وعموما اخوي..مستقبلك انت تحدده بنفسك..وما عليك من كلام الناس اغلب الناس تبالغ وتكبر وتضخم الامور وكلامها يجيب الاحباط والهم والغم

في طالب يتخرج من الجامعه ويقعد في البيت..ويقول ما لقيت وظيفه
وفي طالب اول ما يتخرج من الجامعه ثاني يوم يتوظف

فلا تتأثر بالحاجات الي تشوفها والي تسمعها ..واعرف انه لكل مجتهد نصيب..واذا انت ثابرت واجتهدت راح تجني ثمرة اجتهادك ان شاء الله