سر ابوح به لاول مره ويهم الهلاليين
 

السلام عليكم ورحمة الله وبركاته
بعد كتابه هذا الموضوع يمكن بعض الاخوان سيتعرفون علي ولكن هذا لا يهم لاني اريد فقط تسليتهم بهذا الموضوع وهو موضوع مهم وييخبرنا هذا الموضوع عن رؤيه بعض العالم ومن ضمنهم الاوروبيين لفريقنا الهلالي والموضوع هو التالي :
انا لدي مجموعه من الاصدقاء الاوروبيين الذين يعملون معي في عملي وهم من الجنسيه السويديه والالمانيه والهولنديه .. وبعضهم مغرم بكرة القدم الى خد الجنون وفي يوم من ايام العام المنصرم الح علي احد الاصدقاء السويديين بانه يريد ان يحضر مباراة كرة قدم في الرياض وقد اخبرته بان هذا صعب لانك اوروبي ومميز خاصه انك اشقر وطويل جدا وعيونك خضر يعني مميز على طول فالح علي وقال اريدك ان تحجز لي تذكره انا وزميلي ( يحسب التذاكر حجز مثلهم ) فجلست افكر وافكر وقلت مالي غير اكلم احد يروح معه ولكن لسوء حظي فالشخص الذي امون عليه ويمكن ياخذهم للملعب متواجد في تلك الفتره خارج الرياض فاجلت الموضوع اكثر من مره وفي يوم من الايام وكان يوم اثنين خطرت لي فكره فيوم الاربعاء القادم ستكون مباراة الهلال والنصر في الدور الاول ( السنه الماضيه ) وقلت لاصدقائي الاوروبيين عن ذلك وقالو تمام هذا يعني ديربي قلت لهم نعم فقال واحد منهم انا حضرت ريال مدريد وبرشلونه واريد ان احضر الديري هنا ايضا .. توكلت على الله وكنت بصراحه خايف من نظرات الجمهور واخذتهم معي واخذت اخوي معي ورحنا للمباراة ,, في البدايه انبسطو من الزحمه والبياعين عند البيبان ( كانت المباراة في ملعب الملز ) ودخلنا الملعب وكان فيه واحد من رابطة الهلال يوزع اعلام فقلت له عطنا علم للخواجه هذا قال ابشر وعطانا علم والغريبه في الموضوع كان الولد اللي يوزع اعلام صغير وشكله مراهق ولكني تفاجأت به يتكلم لغه انجليزيه بشكل ممتاز مما رفع معنوياتي وانبسطت وانبسطو الجماعه وكانو اثنين واحد مجنون كوره والثاني نص ونص لكن يحب ويفهم كوره المهم الاخوان لبسو الاعلام وصارو بس يصورون بالملعب والناس بس تناظر لكن للامانه كان الجمهور يشرف يعني اللي انا خايف منه ما صار مع اني حذرتهم وقلت لهم توقعو اي شىء قالو ماعليك حنا متفهمين وعارفين ,,
وبدأت المباراة وللاسف الهلال لم يلعب بشكل ممتاز واحرجني الهلال في تلك المباراة خاصه وان النصر سجل الهدف قبل الهلال وضاق صدري لكن محترف الهلال الاجنبي البرازيلي الاسمر سجل التعادل وارتحنا ومن ضمن احداث المباراة والتي تدعو للغرابه بعض الشىء كان فيه هجمه للهلال واعيق اللاعب الهلالي وطالبنا بضربه جزاء لكن الحكم رفض فسألت صديقي السويدي عن الحركه فقال لا ليست بلنتي اللاعب لم يلمس المهاجم وسالت صديقي السويدي الاخر فقال نفس كلام زميله بالحرف الواحد مع انه لم يسمع كلامي مع رفيقه ابدا ,, ( لهم وجهة نظر ) المهم بعد المباراة سالته من افضل لاعب من الفريق الازرق فقال رقم 6 يذكره بالنجوم العالميين ورقم 9 له هيبه ولكنه لعب متاخر هذا ما ذكره اصدقائي الاوروبيين وبعد ذلك بفتره كانت ليلة اعتزال الثنيان في استاد الملك فهد واحضرتهم معي لانهم اصرو على الحضور خاصه بوجود فريق فلنسيا ,,, ومره اخرى اثبت جمهور الهلال انه جمهور وافي ومحترم بطريقة تعامله مع الاجانب والاوروبيين وقد اعتزيت بتشجيع هذا الفريق بعد المدح والثناء من قبل هؤلاء الاوروريين على فريقي الهلالي وجمهوره الواعي ,, المضحك في الموضوع ان بعض الجمهور في الملعب يسالني عنهم ويقول هذولا اكيد اسبانيين عشان فريق فالنسيا فاضظر اشرح لهم واعلمهم انهم سويديين ويشجعون الهلال وهم فعلا الان هلاليين من الدرجه الاولى وقد طلبوا مني جدول مباريات الهلال وبدات اخبرهم عن المباريات حتى يتابعونها بالتلفزيون او يحضرون اذا طلبو مني ذلك ,, بعد مباراة النصر اللي تحدثت عنها رحت للدوام صباح الخميس وعندما دخلت على واحد منهم في مكتبه لقيته معلق علم الهلال البلاستيك خلف كرسيه ومشخص فيه ,,, المهم انا عندي صور كثيره لنا في الملعب وساحاول تنزيلها بالمنتدى عندما اتفرغ لذلك لتشاهدوهم بلبسهم الهلالي داخل الملعب او في المكتب ,, الان هم يعرفون سامي والتمياط وعزيز وعمر الغامدي وياسر القحطاني ومعجبين حد الجنون بعزيز وعمر الغامدي كثيييييييير
ودمتم سالمين يا هلاليين

موضوعك روعه يعجبني اسلوبك اللبق ولا اوصيك سلمني عليهم

مشكور على القصه

مشكوووووور اخوي على الموضوع





واحب اشكرك لحسن معاملتك لهم





وما ادراك يمكن يسلمون والسبب المعاملة





واشكرك ايضا لانك خليته هلاليين





ويمكن اذا راحوا لديارهم يكلمون احد النوادي عندهم و يحترفون اللاعبيين المميزين

الله يعطيك العافيه

ومن المباريات الجايه بندور عليهم:d

اقول ليش مايضمهم حقوي للرابطه؟؟؟ :clapping:

علمنا اي مباراه بيحضرون .. علشان كرم الضيافه :D ..

مشكور اخوي على الموضوع الرائع

ههههههههههههه الله يعطيك العافيه

ههه هههههه هههههه والله انك رجال من ظهر رجال

كفو ياسنايدي

بكرة تلقى السويد كلها هلاليين

شكرأ لك يالغالى

واهم شى الصور

مشكوووور على القصه

شكرا على موضوعك
بس مرة ثانية انصحك اعزمهم على المنصة احسن لك لان تعرف بعض تصرفات الجمهور الله يهديهم يفشلونا
او على الاقل الدرجة الممتازة

لوووووووووووووووووووول


بانتظار الصور باقرب فرصه

يعطيك الف عافيه اخوي ..

موضوعك روعه يعجبني اسلوبك اللبق ولا اوصيك سلمني عليهم

لو تدعوهم للاسلام بعد يابو ديما ويصيرون مسلمين هلاليين كان آخر روعة،
يعني اي واحد يصلي او يتصدق او يذكرالله منهم لك مثل اجره حتى وانت نايم!!!!!!!!!!!!

يؤ يؤ يؤ يؤ

يخوي حمستنا نريد أن نرى صورهم وهم مشخصين في علم الهلال


وسلمني عليهم

ياشيخ والله انك رجل......

تكفا تكفا تكفا....لو حطيت الصور علمني..

قل لهم جمهور الهلال في شبكة الزعيم يسلم عليكم
وعلى فكره ليش ماتخليهم يدخلون على النت على شبكة الزعيم خصوصا انه في قسم انجليزي في الشبكة على ماضن

وفي انتضار الصور

الف شكر لك ابو ديما ..

واتمنى ان نرى الصور قريباً ..

مشكور ياخوي

والهلال يبقى زعيما

واشادة صديقك الأوروبي بالهلال


شهادة تمنح الهلال أفضلية

وتسلم على موضوعكs60s

مشكور اخوي على الموضوع

واكيد مافيه احد يشوف الزعيم الا يعشقه

ننتظر صورهم عشان نقزهم

مشكور على الموضوع

مشكووووور وننتظر الصور

تصدق وناسه موضوعك:D :D

ان شاء الله تصير اوروبا كلها تشجع الهلال>>>>معصي صح:D

لنتظار الصور على احر من الجمر

مشكووووووووووووووووور
على
المووووووووووضووووووع

سلمني عليهم

الضاهر انك ابو لما ولا

الله الله بالمفطحات :D

قصة لا يمل منها

الحين طيب شلون نعرفك من الموضوع :) ؟؟

الله يعطيك العافية

الاخوه الهلاليين ..... لازلت عند وعدي لكم بتنزيل الصور لتشاهدوها وانا الان اعمل على تجميعها وترتيبها والتدرب على طريقة تنزيلها في المنتدى
كلها ان شاء الله اربع وعشرين ساعه باذن الله وتشاهدونها
وشكرا لكم على تعليقاتكم الرائعه

تسلم انت واخوياك السويديين

ومشكور على السر واسلوبك اللبق في التعامل والله يوفقك

وبنتظار الصور على احر من الجمر


كــــــــــــــــــــــــــــــن كحــــــــــــــــــــــامل المـــــــــــــــــــــــــــسك عطــــــــــــــــــرك يبقى اينما ذهبت يالغالي

[ابوعبد الله]موضوعك روعه يعجبني اسلوبك اللبق ولا اوصيك سلمني عليهم]



والله يعطيك العافيه

هههههههههههههههه
رهيب واعجبتني وش يدريك يمكن تلقى عزيز في السويد

المهم علمهم بالشلهوب

الشبكـة كسبــت قلـم راقـي بأسلوبـة متزن بطرحــة !!

.........................................................................................

أخوي .. بعض الجماهيــر تحرجــك ..

مثل ما صارلـي أنا حبيــت .. آخذ أخوي الصغيـر ( 7 سنوات ) للملعــب .. وأونـســـة .. وخليـه يطيـح الي براســه .. !!

لاكــن أتحسـف إذا خـتــه .. !!

كلمــات قذرة لأبعد حدود !!

حركــات مالـهـا داعـي .. !!

والمشكلــة أن أخوي يسـألـنـي عن كل كلمـة .. معنـاهـا ؟؟؟؟؟؟؟؟؟؟؟؟؟؟؟

تسلم اخوي على الموضوع الجميل

الله يعطيك العافية أخوي

وإن شاء تكون سبب في اسلامهم إن كانوا مو مسلمين

وشكراً

مشكور ومثل ما شجعوا الهلال بسبت معاملتك يمكن سلمون بسبب معاملتك
والله يوفقك

مشكور اخوي على الموضوع الرائع

مشكووووووووووووور على الموضوع

مشكور

مشكور على الموضوع ...

وفي انتظار الصور

قصة رائعة بمعنى الكلمة

و الاروع هو اسلوبك في سردها

والله انك رهيب .

تكفى سلملي على الهلاليين السويديين

وننتظر الصور بأسرع وقت

ربي يوفقك يالغالي وبانتظار الصور

هذا الزعيم .. له مشجعين من كل مكان ..

لك الف شكر ..