## هذي الــــــمـــــرة الثــــــانية يا فـــــــيفا تسويها مع المــــــانيا ## - نادي الهلال السعودي - شبكة الزعيم

الزعيم_الأول · #1 09/07/2006, 07:33 AM

المانيا تتأهل لدور الاربعه في كاس العالم 2006 وفيفا يمنع لاعب الوسط ولاعب الخبرة فرينجز لعيون ايطاليا بلد الرشاوي والغش واللي اقترح يسمون دوريهم بدل الكالتشو (الغشو) فرينجز صرح ان اسباب ايقافه نكته وسياسيه وان فيفا اوقفه حتى يظهر بمظهر العادل امام الاعلام كون اغلب الموقوفين هم من جحلط الارجنتين تربية الشوارع واللي مبدأهم يا نفوز يا نخرب!!!!

المانيا تتاهل لنهائي كاس العالم 2002 والفيفا يوصي الحكم لا يفلت بالاك للنهائي والحكم يرد يسلم راسكم وهذا كرت اصفر لعيونكم وانطق يا بالاك بالاحتياط عشان تتضبط للبرازيل واللي ما فازت الا بغلطة كان ومع ذلك فاز كان باحسن لاعب مش احسن حارس لا احسن لاعب في كاس العالم كاول حارس يفوز بهذا اللقب.

المانيا هي والبرازيل اكثر المنتخبات تأهل للنهائي ولو قدر ان دربهم (حمار) بدال كلينسمان كان الحين شفناهم بالنهائي لكن !!!!

في كاس العالم 1982 صرح بلاتيني بأن من نعم الله ان فيفا ينظم بطولات كاس العالم وكاس اوروبا كل 4 سنوات والا لما استطاع اي فريق بالعالم ان يلحق بهم!!!!

ضحكت اليوم لما قريت واحد يقول ان فيفا اعطى جائزة احسن لاعب لبودولسكي مجاملة لالمانيا ولا ميسي احسن منه بمليون مرة!!!! وانا اقول الله يصلحك متى لعب ميسي بكاس العالم غير دقايق معدودة عشان نشوف ميسي كون الجائزة تقدم بناءا على مستواك في كاس العالم فقط (يعني بالعربي وش سويت بكاس العالم الحالية فقط) لو قلت رونالدو كان قلنا ممكن نقارن ولو ان رونالدو بهالبطولة مهب رونالدو اللي نعرفه اقصد كريستيانو طبعا.

المانيا المانيا ليتني نازي او فاشي بس مسلم هههههههههههه وبالتوفيق للمسلمين بالنهائي الا طبعا اذا ايطاليا كالعاده اتفقت مع الحكم ومضبطين امورهم هذا شي ثاني زي حكم مباراتهم ضد امريكا اللي طردلهم اثنين ومباراتهم مع اوكرانيا هدف تسلل والفضيحة اللي كبر راس جاتوزو البلنتي ضد استراليا هذا عاد حكايته حكايه

معليش الاخيره هذي مزعجه بس مش انتم يالسعوديين (وش عنده الفرنسي) اللي معطينكم المانيا ثمانيه ههههههههههه

نراكم

الزعيم الأول

AL PACINO · #2 09/07/2006, 07:48 AM

والله انا معك في اللي قلته ولكن منتخب المانيا يعني ادائه متفاوت وليس اداء متطور يعني اغلب مبارياته خسران فيها او منتصر فيها بالحظ او لضعف الفريق الخصم

(الكــــرزان) · #3 09/07/2006, 07:53 AM

إقتباس


	اغلب الموقوفين هم من جحلط الارجنتين تربية الشوارع واللي مبدأهم يا نفوز يا نخرب!!!!

اقوول الارجنتين هذي لاالمانيا ولا البرازيــل يجوون ربعها لاكــن في مباراة المانيا والارجنتين الحكم وااضح ميووله مع المانيا وحسب لهم فاولات مهب مستحقة ولا ماكسي رودريغز ليــه يـوم كسره مدافع المانيا وجاء الحكم يركض وقام مدافع المانيا يضحك للحكم ويغمزله وعطى كرت لماكسي ويــوم ايالا ضرب بالااك لعب الفاول بالاك قام يمثل وطرح نفسه الحكم عطى الارجنتين فاول ولا عطى بالاك كرت ليــه لانـ بكنباور مضبط الالمان عند الفيفا يكفي انكم فريــق يمشي بالحكام وبالحظ وشلوون وصلتو دوور الاربعة والله مدري يمكن لوو يعيدون الدورة ويحطوون حكام مضبوطين ماتتأهلون حتى للدوور الثاني يا فريــق الرشاوي

الزعيم للأبد · #4 09/07/2006, 07:54 AM

اقول لا تسب ايطاليا وش دخلهم هم

تبي تسبهم مع السلامة رح منتدى ثاني

الزعيم للأبد · #5 09/07/2006, 07:55 AM

اقول لا تسب ايطاليا وش دخلهم هم

تبي تسبهم مع السلامة رح منتدى ثاني

الزعيم_الأول · #6 09/07/2006, 07:59 AM

إقتباس

الرسالة الأصلية كتبت بواسطة (الكــــرزان)


	اقوول الارجنتين هذي لاالمانيا ولا البرازيــل يجوون ربعها لاكــن في مباراة المانيا والارجنتين الحكم وااضح ميووله مع المانيا وحسب لهم فاولات مهب مستحقة ولا ماكسي رودريغز ليــه يـوم كسره مدافع المانيا وجاء الحكم يركض وقام مدافع المانيا يضحك للحكم ويغمزله وعطى كرت لماكسي ويــوم ايالا ضرب بالااك لعب الفاول بالاك قام يمثل وطرح نفسه الحكم عطى الارجنتين فاول ولا عطى بالاك كرت ليــه لانـ بكنباور مضبط الالمان عند الفيفا يكفي انكم فريــق يمشي بالحكام وبالحظ وشلوون وصلتو دوور الاربعة والله مدري يمكن لوو يعيدون الدورة ويحطوون حكام مضبوطين ماتتأهلون حتى للدوور الثاني يا فريــق الرشاوي

غريبه ما جبت طاري بلنتي بالاك لما شد فانيلته ايالا ولما ما شفتها صح صح يمكن ما شفتها

الزعيم_الأول · #7 09/07/2006, 08:03 AM

إقتباس

الرسالة الأصلية كتبت بواسطة الزعيم للأبد


	اقول لا تسب ايطاليا وش دخلهم هم تبي تسبهم مع السلامة رح منتدى ثاني

الله يهديك بس ترانا نمزح ونضحك مع بعض ما تسوى تقول رح منتدى ثاني عشانهم
وسع صدرك

(الكــــرزان) · #8 09/07/2006, 08:06 AM

إقتباس


	غريبه ما جبت طاري بلنتي بالاك لما شد فانيلته ايالا ولما ما شفتها صح صح يمكن ما شفتها

الظاهر انك بعد ماشفت بالاك يـوم دف ايالا قدام الحكم والحكم ماقاله شئ بعدين ايالا سحب فنيلته لان بالاك دفه وبعد الفاول طرح نفسه بالاك يبي بلنتي لاكن وااضح وضووح الشمس انه تمثيل والحكم حسبه فاول للارجنتين لكن ليـه ما عطاه كرت لانه كان يمثل وعطى رودريغز فهمني

دمـوع · #9 09/07/2006, 08:27 AM

إقتباس


	وفيفا يمنع لاعب الوسط ولاعب الخبرة فرينجز لعيون ايطاليا بلد الرشاوي والغش

ههههههههههههههههههههه
اجل لعيون ايطاليا

ومن يطلع هذا فرينجز عشان تخاف منه ايطاليا ؟!

ثانيا من صجك انت ان فرينجز ما يستاهل الإيقاف ؟!
اقول يا حرام يالفيفا توقفوا دي روسي أربع مباريات وهذا مباراه وحده بس ! قال لعيون ايطاليا قال

طيب ليه وقفوا دي روسي ؟

إقتباس


	لا طبعا اذا ايطاليا كالعاده اتفقت مع الحكم

اكبر دليل على ان الكورة في جهه وانت في جهه ثانيه !

إقتباس


	زي حكم مباراتهم ضد امريكا اللي طردلهم اثنين

بالله قولوا لي وش يفرق عن أطفال كابتن ماجد ؟!
الحكم طرد اثنين من امريكا يعني مليون % الحكم كان مع ايطاليا << قانون لا يطبقه الا الأطفال سابقاً .. اما عاد الحين فالأطفال تطوروا وصار تفكيرهم أحسن من كذا !
أنت أول واحد يمر عليي في حياتي الواقعية وفي عالم الأنترنت يحتج على طرد اللاعبين الأمريكيين لأن الطرد كان مستحق بنظر اللامتعصبين وحتى المتعصبين ضد ايطاليا !! !
تبي صور بلنتي لياكونتا في مباراه امريكا ؟ وهدف لجاتوسو صحيح 100000000000 % لم يحتسب ؟؟؟ ترانا حاضرين ;)
وبعد أربع حالات تسلل تم احتسابها على ايطاليا غير صحيحه ! كل هذا والتحكيم مع ايطاليا اجل وشلون لو صار ضدهم

إقتباس


	ومباراتهم مع اوكرانيا هدف تسلل والفضيحة اللي كبر راس جاتوزو البلنتي ضد استراليا هذا عاد حكايته حكايه

المشكلة اني مو فاضي اشرح لك واجيب لك الصور اللي تثبت عكس كلامك
بس اقول لك حياك الله وكل يوم تعال اكتب موضوع اوكي

;)

دمــوع

the night wolf · #10 09/07/2006, 09:11 AM

ياشيخ انت اصلي.

%ابوسعود% · #11 09/07/2006, 09:53 AM

حرام أنك مظيع الكوره

متيم به · #12 09/07/2006, 09:55 AM

اقول والله محد درى عنكم لا انت ولا وهو ولا هو

زعـ بريدةــيم · #13 09/07/2006, 04:46 PM

ياعيني عليك يالزعيم الاول كلامك عسل ولا يهمك الجحلط المتعصبين

أحــب الـشـلـ 10ـهـوب · #14 09/07/2006, 06:33 PM

لاهنت على ما كتبت

وباذن الله الكاس فرنسي

المنضار · #15 09/07/2006, 10:51 PM

هدوووو اللعب يا اخوان ..................

ألمانيا رائعة وايطاليا تستاهل ............. جميعهم أبطال العالم بس بدون تعصب وألفاظ غير لائقة.

تمنيت الكأس لألمانيا لأنهم نظموا كأس عالم بكل ماتعنيه الكلمة وأمتعنا الجمهور والمنتخب الألماني في كأس العالم بس خيرها في غيرها .