الكنق قريبا في بريطانيا .... ارجو المساعده - نادي الهلال السعودي - شبكة الزعيم

الكنق · #1 08/07/2006, 10:22 AM

السلام عليكم ورحمة الله وبركاته

الله يحي زعماء نصف الارض

يا جماعه انا قصتي

الوالد الله يطول في عمره كل سنة يروح دورتين او ثلاث خارج المملكة <<< يمكن معرس وحنا ماندري

تتفاوت من اسبوع الى ثلاث شهور

عاد هالصيف وجهه الوالد هي united kingdom

دوره لمده شهر ونصف في لندن

وانا بما اني فاضي وجالس في اليبت هالصيفية لا شغل ولا مشغله

وبما اني ضعيف في اللغة الانجليزية ودرجاتي في الكلية بالانجلينزي ضعيفه

قلت ياولد ليش ما تستغل الفرصه وتروح مع ابوك وتسجل في معهد انجليزي منها تستفيد لغة ومنها تتمشى في هالبراد والخضار اللي يرد الروح في لندن عاصمة الضباب

وعكسها الرياض عاصمة الغبار

المهم امس جالس مع الوالد وقلتله بروح معك بريطانيا ... قال مهيب مشكلة قال لكن الخوف ان الفيزا تتاخر !!

طبعا اخوك في الله ماعمره سافر خارج المملكة ابد

واول سفره باذن الله اذا توفقنا بتكون لندن

ومامعي جواز سفر

قالي الوالد لازم تطلع جواز هالاسبوع اذا ماطلعته يعني بتنطق عند اهلك في الرياض:sad:

قلت طيب

فا ابيكم تساعدوني يا شباب دقيت على الجوازات اللي يقول مايدري واللي يقول راجعنا !!

وانا بطبعي عجاز مابي اروح وارجع مره ثانية

ابيكم تساعدوني في بعض المعلومات

بالنسبه لجوازت السفر هل يلزم حضور الوالد معي لاني سمعت اخوي يقول لازم يروح معك ابوي انا من مواليد 1406 شهر 4 ؟؟

هل لازم اخذ ابوي معي ولا

وش اخذ معي اذا رحت للجوازات ؟؟

اثبات وصور فقط ؟؟

انا عندي مخالفات قيمتها 400 ريال

وين اسددها يقولون لازم بنك الرياض بنك الراجحي وانا عندي حسابين واحد في الاهلي والثاني في البنك العربي

ما ادري ها اقدر اسددها عن طريق الصراف ببطاقة الاهلي او العربي ؟؟

اشوفكم على خير وبعلمكم وش صار من تفاصيل

alhawey · #2 08/07/2006, 11:12 AM

هلا،،

من حسن حظك اني توّي مجدد جوازي ، وممكن افيدك..

إقتباس


	هل يلزم حضور الوالد معي لاني سمعت اخوي يقول لازم يروح معك ابوي انا من مواليد 1406 شهر 4 ؟؟

اخوي انت اكملت سن 21 سنة ، عشان كذا ما يحتاج يروح معك الوالد...

إقتباس


	وش اخذ معي اذا رحت للجوازات ؟؟

صورة بطاقة الاحوال
2 صوره شمسيه تكون خلفيتها بيضاء
ايصال تسديد الرسوم(300 ريال)
استماره( تعبيها عندهم أو عن طريق موقعهم في النت أحسن لك)

إقتباس


	انا عندي مخالفات قيمتها 400 ريال

لازم تسدد المخالفات اللي عليك...
شف لك اي واحد من خوياك عنده حساب ببنك الرياض وخله يسدد لك...

بالتوفيق انشاء الله..

الكنق · #3 08/07/2006, 01:13 PM

مشكور اخوي ماقصرت يالذيب ...
alhawey 11

يخليك ربي

بس عندي سؤال كم تاخذ ويصدر الجواز ؟؟

alhawey · #4 08/07/2006, 01:25 PM

العفو اخوي،،

إقتباس


	بس عندي سؤال كم تاخذ ويصدر الجواز ؟؟

آخذ عشرة آلاف واطلع جوازات لك ولعيال جيرانكم

ــــــــــــــــــــ>> الله يهديك قلبتنا معقبين

تجديد الجواز ياخذ يومين ، تقدم اليوم ويطلع بكرا..

والظاهر ان اصدار جواز جديد مثل التجديد..

تحياتي،،

سهل · #5 08/07/2006, 01:31 PM

شف اخوي الكنق الجواز يوم ويطلع
واذا تبي آي شي رح لهذولا وهم يسنعون امورك

من كتابة معاريض لتسديد بنوك لو تبي راس مدير الجوازات يجيبونه لك

عزوز الأزرق · #6 08/07/2006, 01:53 PM

إقتباس


	من كتابة معاريض لتسديد بنوك لو تبي راس مدير الجوازات يجيبونه لك

ههههههههههههههههههههههههههههههههههههههههههه
ان الذبابة تدمي مقلة الأسد,,,

الكنق · #7 08/07/2006, 02:20 PM

هلا والله اخوي سهل

هههههههههههههههه

والله الظاهر ماجبتها الا انت يالذيب ...

بمرهم بكره باذن الله وبشوف وش نهايتها

يعطيك العافية يالغالي ..

اخوي عزوز الازرق شكرا على مرورك

مجنون فيك يا ياسر · #8 09/07/2006, 03:11 AM

والله ما ادري

الكنق · #9 09/07/2006, 08:26 AM

إقتباس

الرسالة الأصلية كتبت بواسطة alhawey 11


	العفو اخوي،، آخذ عشرة آلاف واطلع جوازات لك ولعيال جيرانكم ــــــــــــــــــــ>> الله يهديك قلبتنا معقبين تجديد الجواز ياخذ يومين ، تقدم اليوم ويطلع بكرا.. والظاهر ان اصدار جواز جديد مثل التجديد.. تحياتي،،

هلا والله توني اشوف ردك اسف

لا يارجال وش معقبه :p

لا بس ابي اتاكد متى يطلع عموما شكله مثل ماقلت ياخذ يوم ,

انا رايح للجوازات بعد شوي

قطري هلالي · #10 09/07/2006, 12:39 PM

الله يوفقك وترجع بالسلامة

الكنق · #11 09/07/2006, 12:48 PM

السلام عليكم ورحمة الله وبركاتة ..

توني راجع من الجوازات وكل شي تمام

كنت شايل هم المخالفات وتسديد رسم اصدار الجواز

وقلت 100% راح يرجعوني وبيقولون رح سدد وارجع ...

لكن الفضل بعد الله يرجع الى نصيحة الاخ سهل

والله هذولي شي بصراحه

سدد المخالفات ورسم الجواز بالجوال

وظبط اموري وقال ادخل رح للدور الاول وخذ رقم واجلس على الكراسي

بالفعل جلست على الكراسي لمده ساعه بعدين جا دوري وعطيت الموظف اوراقي وصوري وعطاني ورقة استلام الجواز

قال مرنا بكره واستلم جوازك ..

من المواقف الطريفة اللي حصلت اليوم

وانا توني نازل من السيارة ومعي الابلكيشن طابعه من موقع الجوازات على الانترنت

جاني شايب وولده الصغير
وقالي السلام عليكم لو سمحت يا اخوي انت بتطلع جواز جديد

قلت عليكم السلام ايه نعم سم امر ؟

قال والله توني جاي من الديره انا وولد نبي نطلع جوازات الاهالورقة اللي معك من وين نحصلها ؟؟

قلت والله يابوي مدري انا طابعها من الانترنت !!

قال هذا في اي حي وين مكانه !!

قلت لا يابوي هذا برنامج بالكمبيوتر !!

افضل ما اعجبني في الجوازات السرعه في انجاز المعاملات

هذا الجواز وخلصنا منه الله يستر باقي الفيزا البريطانيه !!