|
الكنق قريبا في بريطانيا .... ارجو المساعده السلام عليكم ورحمة الله وبركاته الله يحي زعماء نصف الارض يا جماعه انا قصتي الوالد الله يطول في عمره كل سنة يروح دورتين او ثلاث خارج المملكة <<< يمكن معرس وحنا ماندري :d تتفاوت من اسبوع الى ثلاث شهور عاد هالصيف وجهه الوالد هي united kingdom دوره لمده شهر ونصف في لندن وانا بما اني فاضي وجالس في اليبت هالصيفية لا شغل ولا مشغله وبما اني ضعيف في اللغة الانجليزية ودرجاتي في الكلية بالانجلينزي ضعيفه قلت ياولد ليش ما تستغل الفرصه وتروح مع ابوك وتسجل في معهد انجليزي منها تستفيد لغة ومنها تتمشى في هالبراد والخضار اللي يرد الروح في لندن عاصمة الضباب :d وعكسها الرياض عاصمة الغبار :thumbup: المهم امس جالس مع الوالد وقلتله بروح معك بريطانيا ... قال مهيب مشكلة قال لكن الخوف ان الفيزا تتاخر !! :no: طبعا اخوك في الله ماعمره سافر خارج المملكة ابد:D واول سفره باذن الله اذا توفقنا بتكون لندن ومامعي جواز سفر قالي الوالد لازم تطلع جواز هالاسبوع اذا ماطلعته يعني بتنطق عند اهلك في الرياض:sad: قلت طيب فا ابيكم تساعدوني يا شباب دقيت على الجوازات اللي يقول مايدري واللي يقول راجعنا !! وانا بطبعي عجاز مابي اروح وارجع مره ثانية :d ابيكم تساعدوني في بعض المعلومات بالنسبه لجوازت السفر هل يلزم حضور الوالد معي لاني سمعت اخوي يقول لازم يروح معك ابوي انا من مواليد 1406 شهر 4 ؟؟ هل لازم اخذ ابوي معي ولا وش اخذ معي اذا رحت للجوازات ؟؟ اثبات وصور فقط ؟؟ انا عندي مخالفات قيمتها 400 ريال وين اسددها يقولون لازم بنك الرياض بنك الراجحي وانا عندي حسابين واحد في الاهلي والثاني في البنك العربي ما ادري ها اقدر اسددها عن طريق الصراف ببطاقة الاهلي او العربي ؟؟ اشوفكم على خير وبعلمكم وش صار من تفاصيل :thumbup: |
هلا،، من حسن حظك اني توّي مجدد جوازي ، وممكن افيدك.. إقتباس:
إقتباس:
2 صوره شمسيه تكون خلفيتها بيضاء ايصال تسديد الرسوم(300 ريال) استماره( تعبيها عندهم أو عن طريق موقعهم في النت أحسن لك) إقتباس:
شف لك اي واحد من خوياك عنده حساب ببنك الرياض وخله يسدد لك... بالتوفيق انشاء الله.. |
مشكور اخوي ماقصرت يالذيب ... alhawey 11 يخليك ربي بس عندي سؤال كم تاخذ ويصدر الجواز ؟؟ |
العفو اخوي،، إقتباس:
تجديد الجواز ياخذ يومين ، تقدم اليوم ويطلع بكرا.. والظاهر ان اصدار جواز جديد مثل التجديد.. تحياتي،، |
شف اخوي الكنق الجواز يوم ويطلع واذا تبي آي شي رح لهذولا وهم يسنعون امورك http://www.alyaum.com.sa/images/11/11375/196506_1.jpg من كتابة معاريض لتسديد بنوك لو تبي راس مدير الجوازات يجيبونه لك :d |
إقتباس:
ههههههههههههههههههههههههههههههههههههههههههه ان الذبابة تدمي مقلة الأسد,,, |
هلا والله اخوي سهل هههههههههههههههه والله الظاهر ماجبتها الا انت يالذيب ... بمرهم بكره باذن الله وبشوف وش نهايتها :) يعطيك العافية يالغالي .. اخوي عزوز الازرق شكرا على مرورك :) |
والله ما ادري |
إقتباس:
هلا والله توني اشوف ردك اسف :) لا يارجال وش معقبه :p لا بس ابي اتاكد متى يطلع عموما شكله مثل ماقلت ياخذ يوم , انا رايح للجوازات بعد شوي :razz: |
الله يوفقك وترجع بالسلامة |
السلام عليكم ورحمة الله وبركاتة .. توني راجع من الجوازات وكل شي تمام كنت شايل هم المخالفات وتسديد رسم اصدار الجواز وقلت 100% راح يرجعوني وبيقولون رح سدد وارجع ... لكن الفضل بعد الله يرجع الى نصيحة الاخ سهل http://www.alyaum.com.sa/images/11/11375/196506_1.jpg والله هذولي شي بصراحه :d سدد المخالفات ورسم الجواز بالجوال s13s وظبط اموري وقال ادخل رح للدور الاول وخذ رقم واجلس على الكراسي بالفعل جلست على الكراسي لمده ساعه بعدين جا دوري وعطيت الموظف اوراقي وصوري وعطاني ورقة استلام الجواز قال مرنا بكره واستلم جوازك .. من المواقف الطريفة اللي حصلت اليوم وانا توني نازل من السيارة ومعي الابلكيشن طابعه من موقع الجوازات على الانترنت جاني شايب وولده الصغير وقالي السلام عليكم لو سمحت يا اخوي انت بتطلع جواز جديد قلت عليكم السلام ايه نعم سم امر ؟ قال والله توني جاي من الديره انا وولد نبي نطلع جوازات الاهالورقة اللي معك من وين نحصلها ؟؟ قلت والله يابوي مدري انا طابعها من الانترنت !! قال هذا في اي حي وين مكانه !! :rolleyes: قلت لا يابوي هذا برنامج بالكمبيوتر !! :yes: افضل ما اعجبني في الجوازات السرعه في انجاز المعاملات هذا الجواز وخلصنا منه الله يستر باقي الفيزا البريطانيه !! :mad: |
| الوقت المعتمد في المنتدى بتوقيت جرينتش +3.
الوقت الان » 04:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd