هلا بكم كل ابوكم



~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
عاشق الفيلسوف 15

إقتباس الله يعينك ، بس اذا جاك أكرشه على أمه وقله يروح يسأل امه

تصدق مره من المرات لزق بي واشغل مخي بالسواليف والاسئله، يوم مليت منه قلت له : خلاص ياحبي لك رح العب مع البزران، قال انا كبير!! ، قلت له : طيب رح شف امك تناديك ، قال : ماتدري انا رجال ما اروح عند الحريم!!..
يعني وش اسوي به هالوليد

تشكرااات

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


رضيو

إقتباس لو انا منك اذا ما يزبطوا جيب إليهم FBI

لا مهما كان هالبزارين يبقون اهلنا وجماعتنا وحنا قادرين على حل مشاكلنا الداخليه ...

تشكرااات

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


عزوز الأزرق

إقتباس حلو ..انه ملقوف من بدري...بس لاتتهرب منه .. ولا تكذب عليه .. حاول تجاوبه على قد عقله علشان يطلع الولد فطن .. مو قطن ..

صدقت اخوي ، بس فيه نوعيه من الاسئله منشان تجاوب عليها لازم تكذب، والا فان اخلاقيات الولد تبي تروح وطي;)

تشكرااات

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


احمد التويجري

إقتباس لكن الطفل لما يسمعها يخاف يضن انك بتركب له اذانيك او انك تاخذ من اذانه و بعدها يهجد و يصير عاقل

والله يابعض البزارين ما يهمه اذانك واذانه أربع أو ست

تشكرااات

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


البارق2000

حيا الله اخو قلبي،،

إقتباس ذكرتني بواحد من الشباب يقول أذكر إني دخلت الجامعة وأهلي يخوفوني بالمقرصة الحامية ..

هههههههه ما ينلام خويك ، اذكر اني وصلت أولى متوسط وانا اخاف من سعيده اللي تسرق البزران من الشباك

إقتباس فيه في كل إنسان في عقله ( وعي ) و ( لاوعي ) ..وفيه أشياء لازم نخاطب فيها الوعي بدلاً من اللاوعي ..!!

وشو ذا يالبارق هذا كلام كبير ، الله يرحم والديك تراي انا ما احتسي بالسياسه

إقتباس يعني إن سألنا عن الذات الإلهية ما نجاوبه جواب بالأحاسيس أو الأشياء الخاصة بالمشاعر ..يعني نقوله حرام ما يجوز وش هالكلام ..!! لأن هذا ممكن إنه يُبقي الاستفسار عنده ويشوف إنه مصدر إزعاج له ويستغله

كلام سليم% ، مثل هالاسئلة تبقى عالقه بالراس اذا كان الجواب مجرد تصريف للموضوع ، ومصداقيةً لكلامك دائما نسمع بعض البزارين يكرر السؤال اذا كان جوابك له على طريقة ..مايجوز ..وعيب هالكلام..
ماشاء الله عليك يالبارق الظاهر ان الوظيفة خلتك خبير بكيفية التعامل مع نوعية الاسئلة..

إقتباس وممكن تقريب الصورة له عن طريق لالمقارنة بيننا وبين العرائس أو اللعب اللي نصنعها .. مع الفارق طبعاً ..

حلوه هذي، الحين تأكدت انك راعي سواليف وقعدات مع البزران ، صدز ان التحاور معهم حلو ، بس ترى بعض البزارين بثر، اذا جلس عندك يلصق بخشتك ويفجر اذنك، ودك يذلف..

إقتباس تحياتي لك ولسواليفك ( مانيب قايل موضوعك ) اللي ما أدري وش تبي <---- إلى الحين ..

ولك تشكراتي واشواقي بس تراي عصرت مخي وقضى هرجي وانت الى الحين ما تدري وش ابي و علشان انهي خدمات هالمدحه حقتك أبحط موضوع بعنوان " ماذا يبي هذا الموضوع " ، تستاهل ،كم بارق عندنا ..


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


الكناري الأزرق

شف لنا جواب منا ولا منا..

تشكرااات

ٌٌٌٌٌٌٌٌٌٌٌٌٌٌٌٌٌٌٌ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~



,,تحياتي للجميع,,

آي وِل كوم باك عقب شوي ــــــــــــــــــ>> اربعطعش سنه دراسة بامريكا

هلا بكم كل ابوكم مره ثانيه


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

نـــــــ15ــــــمر

إقتباس المهم اذا عرفت ا اجوبه الاسئله عطني بس احلى شيء انك جبت اقرب مخرج

ابشر و لا يهمك ابرسلهن لك مع السواق
منين لي أجوبه ماعندي الا هزة الراس ، دائما استخدم المخارج..

تشكرااات

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

سندريلا الهلال

إقتباس لو فاز واحد على الثاني نقعد نقول مكرر الين كلهم يصيرون الاوليين كله عشان مايزعلون

هذي على وزن كلكم شاطرين...

إقتباس طبعاً سؤاله عن وشلون اذاني واذانك اربع قله 2+ 2 كم يساوي بقولك اربع

توه صغيّر (5 سنوات) مايعرف 2+2 ، و لا تقولين لي اشرح له ، اخاف اذا بديت اشرح يقول لي وشلون يعني 2؟؟ بعدين ابلش بعمري انا وياه..

إقتباس اما سؤاله عن الذات الالهيه طبعا كثير من الاطفال يسأل هالسؤال والمفروض تكون الاجابه تقريبيه بأشياء يعيشونها مثلاً الملك ليش مانشوفه يمشي قدامنا ولا نصادفه لاانه يعيش في القصر البعيد

مثالك حلو، بس يارب انه ما ينط ويقول شفته بالتلفزيون
خصوصا وانه دايم يجيب لي الجريده ويقول صح هذا الملك..

إقتباس اما سؤاله ليه المرأة مالها شنب قل له عشان الرجال ماله شعر طويل لازم تقول طويل لانه بالاساس عنده شعر

اتوقع عقب هالاجابة ابقضي عليه واسئلته..


تشكرااات

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

تغريد

إقتباس طب واللهي انا اول مره اسمع فيها واول مره افهم معناها!! شي غريب خخخخخخ طب اصلا اذاني واذانك 4؟؟ اممممممممم اذا فهمته فهمني ههههههههه

لاحول ولا قوة الا بالله الحين حنا متورطين بهالوليد ، طلعت لنا تغريد

بس معليش ركزي معي الله يرحم والديك :

والله لا أخلي اذاني واذانك أربع = والله اني ماراح اسوي لك شي

عساك فهمتي؟؟ وان كانك عاد ما فهمتي والله لا أخلي اذاني واذانك ثنتين

تشكرااات

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

الكــلاسيكي

إقتباس تصدق عاد ان عمي توه قايلها لود عمي الصغير ... وعلى طول خاف مع انه مايدري وش معناها..

حلو ، وليدكم ما شاء الله عليه محترم فهم انه تهديد وخاف ، لكن ولدنا من البرود اللي فيه راح يسأل عن معناه ولو لا لطف الله ثم الساعه اللي بيده ولاّ كان الشناط ما رجعت..

إقتباس اما هالأسئله الذكيه اتوقع انك لازم تطلع لك بجواب من راسك .. والا راح يلزق لك البزر لما تجاوبه ..

لزق وقضى لكن الامل بالله كبير..

تشكرااات

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

الفيروسه الزرقاء

انتِ هنا ، ياهلا والله ومسهلا

إقتباس أصبر أصبر خل أعدل الجلسة

هذا انتم يا حريم من تالي ما عندكم غير التسدح قومي اقعدي زي الناس واطبخي وانفخي ..

إقتباس خلاص أنت مسموح لك مـ تحط مداخل لأنك توك مابعد تطورت جالس ع المقدمات

مناااااااااااب حاط لا مداخل ولا مقدمات وأبصير متطور غصب عليك وبعدين هذي ثاني مره تجيبين طاري التطور عندي!! في أحد قايل لك اني اراسلكم من شعيب؟؟..

إقتباس أشوف عيال خالي الصغار أول مـ يجون بيت جدتي قمة بالإزعاج والله مزعجين بشكل مو طبيعي

افا عليك بس يالفيروسه ، شي أكيد لانه فيه أحد جالس يحارشهم شي طبيعي جدا جدا ...

إقتباس ومره رحمته يبي يرقى الدرج وهو راقي طخ طاح ع ظهره وصقع رأسه بـ الأرض تحسبه بكاء ! الدم يصب من ع رأسه وأحنا صراخ وإزعاج وهو يناظرنا مستغرب ويبي يقوم من حضن جدتي

انا ودي اضحك أول ، بعدين يعجبك رجل ما عنده وقت للصياح والكلام الفاضي مهوب زي البنيّات لو ياخذ الواحد منها حلاوه جلست ترغي ..

إقتباس حرام عليك وشوله تذله ، لو أنا في مكان حمودي لاروح واذبها عليك واقول مـ أبي منك شي

لو أخذ بنصيحتك هو الخسران ، معناتها مافيه هدايا مستقبليه لو يعض الارض، بس هو ذكي يدري انه أقل شي ابجيب له من داكن دونت وبطاطس من ماكدونالدز ..

إقتباس أعرف لك واحد من أهل أمي أنحرم من العيال 20 سنة وهو يتعلاج وحتى فقد الأمل والحمدلله ربي رزقه بـ ولد هـ السنه و طاير من الفرحه فيه

ماشاء الله يستاهل بعد هالصبر ، والله اني افرح للي مثله ومثل جارنا مثل ماأفرح لنفسي

إقتباس جر أذنه وجب بزر شقي وراه وجر أذانيهم وقل كم عددهم !

لالا حرااام كذا أصير انا غشاش لأنه اذاني+ اذانهم يبي يصيرون ست!!، ويصير تهديدي باطل شرعا

إقتباس لأن ربي كبير ---->> مـ يمديك ع الذهانه .

صراحه جوابك سهل وحلو ، والله اني داري انك ذهينه بسم الله عليك ما شاء الله ، يحرسك من العين

إقتباس لأن الحريم نظيفات

....... حلوووووووه ، عقب ما ضحكت رحت أمسح شنبي بمنديل

إقتباس أريجاتو الهاوي ع سوالفك من جد أستمتعت بـ موضوعك

عفوا عفوا اختي ـــــــــــــــــــــــ>> مستانس يوم عرف معناها

إقتباس ع ع ق ---->> أتحداك ذي تعرفها عاد ذي من إبتكار من إبتكارات البارق .

ع ع ق ما يبي له شي معروفه : عمري عيوني قمر دايم اكتب لنا سواليف


تحياتي لك ،، و مرسي أوي


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

هلالي الظهران

إقتباس هلا اخوي الاولاني ..

وشو ذا اللي انت كاتب .. الاولاني.. !! ، وش سويت الله يحوم تسبدك فشلتنا قدام الناس
اسمع ترى عقب شهر يبي يصير بالظهران رطوبه تذبح وبالرياض حر يصلخ ، ابقدم على اجازه ونروح ان وياك لامريكا منها سياحه ومنها نعلمك انجليزي عشان تعرف تقرا الهاوي ...

إقتباس احلى المواضيع اللي تطلع ببساطه تحس لها نكهه ( يعني مثلا كانك تاخذ معصوب عسل بالقشطه معه شوية مايونيز وكاتشب وهو يقطر من برطم عبد )

، ياخي انت والبارق ما تعرفون تمدحون أبد تراي انا حساس :sad: يا أما انكم تمدحون زي الناس أو خلاص مايحتاج مدح اتركوني وشأني حرااام عليكم ترى يبي يغمى علي من شين مدحكم

إقتباس الين صار اللي صار وطبيت ببنت خالتي وقطعت ازارير فستانها حق العيد

فستان العيد والله يا انت نجس بعد اخبر ايام العيد كنا نكب على فساتين البنات عصير ونلزّق علوك لكن ما وصلنا لمرحلة تقطيع ازارير ..

إقتباس انت تقول لازم كل واحد ينام بغرفته صح ؟؟ طيب انا بنام بلحالي بس ليه انت وماما تنامون مع بعض؟؟

اخوك ذا خطير ، ماشاء الله عليه، هذا لازم تقول له ترى ابخلي اذاني واذانك اثنعش


تسلم يابعدي وتشكرااتي لك،،


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~



،،تحياتي للجميع،،