أنا محتاره!!اللي يقدر يفيدني يدخل.. - نادي الهلال السعودي - شبكة الزعيم

سوسوالهلاليه · #1 26/06/2006, 12:04 AM

زي ما انتم عارفين نسبتي 92.55%
وبكرة موعد تقديمي في كلية التربيه وزي ما انتم عارفين قبولي فوري
لان تقديري ممتاز يعني ياخذون شهادتي الاصليه
يعني لو قدمت في التربيه ما اقدر اقدم في غيرها
وفي عندنا بينبع كليه اسمها الكليه الجامعيه نظامها يشبه نظام الجامعه
وتخصصاتها مرره حلوة واحى قسمين هم حاسب و انجليزي
فأنا محتاره بين كيمياء في كلية التربيه وبين حاسب او انجليزي في الكليه الجامعيه

انتم شو رايكم؟؟؟ولا تقولوا لي انتي شو ميولك لان ميولي الاقسام الثلاثه..
كل واحد يقولي رايه!!

رعبوبة الزعيم · #2 26/06/2006, 12:19 AM

هلا سوسو
شوفي انا سمعت أن الكليات الحين مايأخذوون بشهاداتهم يعني
مالهم مستقبل فالجامعه أحسن
واذا احترتي بين الحاسب والانجليزي
استخيري واللي ترتاحين له سويه
والله يوفقك انشالله

سوسوالهلاليه · #3 26/06/2006, 12:31 AM

إقتباس


	هلا سوسو شوفي انا سمعت أن الكليات الحين مايأخذوون بشهاداتهم يعني مالهم مستقبل فالجامعه أحسن واذا احترتي بين الحاسب والانجليزي استخيري واللي ترتاحين له سويه والله يوفقك انشالله

الكليه الجامعيه 5 سنين لان اول سنه تحضيريه
ويعني بعد السنه الاولى نختار التخصصات بس انا مياله لـ الانجليزي
لان الحاسب حمد لله عندي المعلومات اللي تكفيني عنه
وبعدين لافهمت الانجليزي اقدر افهم الحاسب عن طريق الدروس على السي دي
اوعن طريق الدورات الشهريه

عزوز الأزرق · #4 26/06/2006, 12:31 AM

أنا بقولك .. مشورتي وانتي ادرى بنفسك ..

اولا كليات التربيه .. تعطي بكالوريا تربيه ... يعني تتخرجين معلمه بس...

والجامعات ... تعطيك بكالوريا عاااااااااامه .. يعني لو بغيتي معلمه والا غيره ...

اما عن التخصصات ...

ابدا بالانجليزي...لمعرفتي به ..

الانجليزي كل مايحتاج منك ... كلمااااااااااااااااااااااااااااااااااااااااات يعني حفظ ..
اما القواعد فاظنها تكرار لما في الثانويه ... مع تفصيل فقط ...
فاذا كنتي ترين في نفسك القدره على الحفظ ... فادخلي ولا تحتارين ...

الحاسب الألي ... تخصص حلوووو جدا جدا جدا ...
يمكن يحتاج شوية مصطلحات ومدري وش بس انه متطووووور ولازم عليك انك تتابعينه اول باول ..اذا كنتي تبين تبدعين فيه ..ويمكن الأخوان يفيدونك اكثر فيه ..

الكيمياء .. وماادراك مالكيمياء.. هذا التخصص انا ابي اعرف فيه اكثر..
وش مستقبله . ووش طريقته .... يعني ماقدر افيدك ...

وانصحك قبل اي شيء انك تزورين موقع الكليه او الجامعه .. وتعرفين التخصصات .. ومستقبلها .. وطريقتها .. ومنهجها ...اذا وجد موقع ..

الله يوفقك ويوفقنا .. والسلام ختام ,,,,

الهنوووف · #5 26/06/2006, 01:19 AM

الله يوفقك

الحاااااااااااااسب صعب يعني اذا ودك تتعبين ادخليه
الانجليزي اذا عندك لغه حلوووه ادخليه انا ودي فيه بعد

كيمياء انا ماااااااحبه بس ماله مستقبل

سوسوالهلاليه · #6 26/06/2006, 01:37 AM

إقتباس


	ابدا بالانجليزي...لمعرفتي به .. الانجليزي كل مايحتاج منك ... كلمااااااااااااااااااااااااااااااااااااااااات يعني حفظ .. اما القواعد فاظنها تكرار لما في الثانويه ... مع تفصيل فقط ... فاذا كنتي ترين في نفسك القدره على الحفظ ... فادخلي ولا تحتارين ...

انا نفسي فيه
لمواكبة العصر..وكذلك لنستطيع ان نوصل الدين الاسلامي للاجانب ولنستطيع الرد عليهم في كل الحوادث!!
ومن عرف لغة قوم آمن مكرهم<<اظنه زي كذا!

والكيمياء فانا اعشقه لحد الجنون وكنت دائما اشرح لصحباتي الغائبات ولو كنت غائبه معهم!!
ولكني ارشح الانجليزي

وشاكرة لك النصيحة اخوي/ عزوز الازرق

إقتباس


	الانجليزي اذا عندك لغه حلوووه ادخليه انا ودي فيه بعد

ايوه ندخل الثنتين انجليزي ونقعد نهرج بالانجليزي ونخلي الباقيين يحوسون
الا الفاهمين طبعا
شاكرة لك المرور

مقدر الهلال · #7 26/06/2006, 01:40 AM

بصراحـــــــه بقولك شي ومهم مابي احد يزعل

سوسو الهلاليه لاتشاورين احد اختي لانك اذا شاورتي احد لابد من اختلاف الراي وهذا

بيفسد عليك قبولك وتكونين متوتره

راجعي نفسك اختي سوسو الهلاليه واقعدي مع نفسك نصف ساعه او ساعه

وشوفي اللي يصلحلك وقدراتك الجيده فيها واللي لها مستقبل واااااعد

انا اعتذر للجميع وعارف اختي سوسو الهلاليه يمكن تزعلين مني لان كان قصدك تبغين احد يشاورك

واكيد ماشورتي الا اخوانك وبين اهلك بس نصيحه القرار الاول والاخير راجع لك

سوسوالهلاليه · #8 26/06/2006, 02:01 AM

إقتباس


	اختي سوسو الهلاليه يمكن تزعلين مني

يمكن ازعل شوي لكن ..
سرعان ما ارضى
والا ماعشت في هذه الحياه
وبعدين عادي حنا اخوان نتزاعل ونرضى!!

z3ym2005 · #9 26/06/2006, 02:14 AM

شوفي اختي

الحاسب يعتمد على الفهم بالدرجه الاولى

واهم مافيه الرياضيات والفيزياء

ماهو صعب لكن المفروض يكون لك رغبه فيه

الكيمياء ماله مستقبل

سوسوالهلاليه · #10 26/06/2006, 02:21 AM

7777
شاكرة لك المرور

هلاليه سنعه · #11 26/06/2006, 02:46 AM

اهليين اختي سوسو مبروك النجاح ولو انها متاخره
ياشين الحيييره الله يكوون بعونتس
شووفي استخيري وشوفي اللي ترتاحيين له ..
شووفي الكيمياء بس بتصيرين معلمه والفرررص قليييله مره
الحاسب حلوو يجمع بين المواد العلميه واالأنقليزي ..
بس اعرف لتس بنات تحسفوو انهم دخلووه قالو ان عالم الحاسب كل يووم جديد
وناخذ لنا كم دووره ودبلووم وننتهي ..بس فرص الحاسب كثيره
تدرسين بمعاهد اوو مدارس او تشتغليين في مؤسسات نسائيه ..
والانقليزي حلووو اذا معتس لغه وانتي حابته ..
شووفي اختي انا ما ابي احيرتس بس زي ماقلت لتس استخيري وبإذن الله بتختارين الاصلح ..
ودمتي بخير ...

الكلاسيكي · #12 26/06/2006, 04:43 AM

هلا فيكـ أختي سوسو ..
انا من وجهة نظري المتواضعه ان الحاسب والانجليزي افضل بكثير من التربيه
هذا بشرط واحد اذا كنت لاتواجهك صعوبه في هذين القسمين .. وابضاً بشرط ان
تكون رغبتك الحاسب او الانجليزي .. والله يكتب لك اللي فيه الخير ..
وفكري كويس وتوكلي على الله حاسب او انجليزي ..
وخاصه ان هذين القسمين مطلوبه كثير هالاوقات وفيه وظايف كثيره بحاجه لهم
اذا كنتي ترغبين بالوظيفه ..
تمنياتي لك بالتوفيق والنجاح في الدارين ..

سندريلا الهلال · #13 26/06/2006, 05:12 AM

غاليتي سوسو اولا مبروك النجاح والله يرزقنا جميعاً نجاح الدنيا والاخره

سوسو

الدراسه قبل انها تكون مطلب علم هي بحد ذاتها مثل الهوايه يعني الدراسه ميول ولو ماهي ميول ماتعددت التخصصات وتنوعت الكليات احيانا الواحد يكون هدفه بالدراسه انه يدرس هالقسم مو حباً فيه أوانه يجد نفسه فيه او كان طموحه في يوم من الايام او انه يسيتمتع فيه لا

يمكن سبب دخوله لهالقسم بأنه المستقبل القادم له وراح يكون مستقبله معتمد اعتماد كلي على هالقسم بينما الشي اللي يحبه واللي يجد نفسه فيه ويستهويه من ايام الطفوله من الاقسام اللي ماراح تقدم ولا تؤخر في مستقبله يعني ممكن تأمن العيش له لكن مع فقدان رقي الطموح!!

انتي لازم تكون عندك قناعه تامه بأن الدراسه غير انها مستقبل هي في المقام الاول محاوله لابراز الذات والابداع في القسم المحبب لك لانك راح تتخصصين فيه والدراسه في الجامعه مو شهر ولاشهرين هي على الاقل اربع سنوات راح تتكرر عليك المواد وكل ماتقدمتي تتعمقين اكثر ومافيه انسان يستمر في شي مايحبه ولا شعر بالانسجام فيه

فكري وقبل كل شي استخيري وشاوري اولا واخيرا من ستجلس على كرسي الجامعه اللي هي نفسك انتي

فكري انتي ولا تستشيري الاستشاره في هالموضوع ضياع لموهبتك وتقدير لاراء الاخرين

مع أجمل الامنيات لك بالتوفيق والسداد والراحه دائما وابدا

أحلى مشجعه هلاليه · #14 26/06/2006, 06:38 AM

هلا حبيبتي سوسو
أولاً ألف مبرووووك النجاح ...
أنا وجهت نظري تدخلين قسم اللغه الأنجليزيه ..لأنك إنشاء الله بتستفيدين من هذا التخصص..أولاً في التدريس...وثانياً بيكون عندك لغه ممتازه..

وأهم شيء أنت تكوني مرتاحه ومقتنعه بنفسك من القسم الي تختارينه...

والله يوفقك ووفق جميع خريجي الثانويه العامه..

قوي الباس · #15 27/06/2006, 04:13 AM

مبروك التخرج ,, و مبروك للنسبه لانها نالت شرف حصولك عليها

يمكن ردي بيكون عديم الفائدة لانه جاء متأخر .. لكن يمكن ما انقبلتي >>>>> توقع نحس خخخخخخخخ
لكن انا اشوف ان كل الاقسام الي قلتيها حلوه و مستقبلها مضمون ..
لكن الاختيار يعود لك .. بعد ما تستخيرين .. شوفي اعلى درجاتك من بين هالثلاث مواد ..
وقبل كل شي المهم انك ترتاحين للقسم الي تدخلينه و تقتنعين فيه قناعه تامه بدون تأثير من الي حولك
لان الي بيدري انتي مو هم .. والدراسه اذا كانت نابعه من هواية و رغبه صدقيني راح تكون اسهل بكثير .

بالتوفيق ان شاء الله
دمتِ ناجحة
قوي الباس