#1  
قديم 27/09/2001, 05:33 AM
زعيــم مميــز
تاريخ التسجيل: 11/03/2001
مشاركات: 1,605
Talking اخر اخبار الانقلاب على المشرفين .

هلا والله بالشعب الكريم <=== صدق روحه شوي :


في شوية اخبار يا شبيبة ودي اعلنها لكم على العلن .

اولا : احباط محاولة تهريب .

ثانيا : محادثة صارت بين الاسطورة وعضو مجهول الهوية .

ثالثا : محادثة بيني وبين احد قائدي الفيالق .

============================================

نبدى في اول شي .

بحمد الله وبفضله تم احباط محاولة تهريب 150 طن برينجلز بنكهة البيتزا .

وتمت هذه العملية الشنعاء في احد المنتديات العزيزة على قلبي وهو منتدى الالعاب المختلفة والي ما احد لمها <=== اختيار ذكي منهم .

بعد الساعة 12 باليل قام احد الاعضاء المجهولي الهوية بمحاولة تهريب 150 طن برينجلز بنكهة البيتزا .
ولكن احد الجنود راى ما حدث وقام بابلاغ قائد الفيلق , ثم بدات المطاردة بين العضو ( المجهول الهوية ) وقواتي وقد هرب العضو من احراش المنتدى وتوجه الى اللجنة الاخبارية وصك الباب على روحه والى كتابة هذا التقرير هو محاصر .
وقد اصابت قواتي هذا العضو اصابة غير قاتلة ونرجو من السادة الكرام عدم التستر على هذا العضو والا سوف يعاقب كل من تسول له نفسه بان يتستر عليه .

وبعد التفتيش في الكميات المهربة وجدت اسلحة يدوية من قنابل ورشاشات مخباة في بعض علب البرنجلز , وبعد القيام بالتحريات اثبت ان منتدى الجمهور الهلالي له دخل في ها السالفة .

========================================

ثانيا : هذا نص محادثة صارت بين الاسطورة وعضو مجهول الهوية الى الان



الأسطورة:
هلا والله
??????????????:
هلا والله بالاسطورة
الأسطورة:
كيف الحال ؟
??????????????:
والله تمام كيفك انت
الأسطورة:
والله الحال ما يسر يا الغالي
??????????????:
ليه ؟
الأسطورة:
والله اني خايف من ها الداج fahoode لا يصيدني بقواته ويعذبني لاني اخاف من التعذيب
??????????????:
لا ما عليك داج ما وراه شي
الأسطورة:
لا يا اخوي شفت قبل يومين سرية تخرع شكلها تبعه
الأسطورة:
وشكلي راح استخدم قوات اجنبية بعد ما صودرت الاسلحة الي كان يبي يهربها ....
الأسطورة:
اقول سلام اخاف ان الحين جنوده يراقبوني
??????????????:
يلا سلام
??????????????:
انتبه على روحك

هذا دليل على قوة وقدرة جواسيسي .

========================================

هذا حديث صار بيني وبين احد قائد قواتي حبيت اطلعكم عليه


قائد قوات الفيلق الحادي والثلاثين:
طال عمرك كيف الحال ؟
قائد قوات الفيلق الحادي والثلاثين:
عساك بخير
FaHooDe:
الحمد لله تمام
FaHooDe:
بعدين وش الي خلاك تدخل على الماسنجر
FaHooDe:
ما قلت لك ما تدخل
FaHooDe:

قائد قوات الفيلق الحادي والثلاثين:
اسف طال عمرك بس في مستجدات حبيت اطلعك عليها
FaHooDe:
وشي
FaHooDe:
اخلص علينا ورانا شغل
قائد قوات الفيلق الحادي والثلاثين:
حاضر طال عمرك
قائد قوات الفيلق الحادي والثلاثين:
طال عمرك القوات الحين جاهزة 100% وودي اعرف متى راح نهجم على المنتدى العام ومشرفيه سفر وابراهيم
FaHooDe:
يمكن بعد يومين ولا ثلاثة , احتري اللحظة المناسبة
قائد قوات الفيلق الحادي والثلاثين:
سيدي
قائد قوات الفيلق الحادي والثلاثين:
لاحظت خلال اليومين الماضيين تحرك كبير في المنتدى العام خاصة من ارانب سفر , وانا خايف طال عمرك انهم يسوون شي
FaHooDe:
خايف , ما توقعتها من قائد يخاف
FaHooDe:
ترى ابعزلك اذا كررت ها الكلمة
قائد قوات الفيلق الحادي والثلاثين:
حاضر سيدي وهذي اخر مرة اسويها
FaHooDe:
لا تعودها
FaHooDe:
وبعدين ارانب سفر ما تسوي شي ما بيدها حيلة
قائد قوات الفيلق الحادي والثلاثين:
سيدي , احنا لاحقنا كبير الارانب واستطعنا معرفة وجهته وراح لغرفة الادارة , تتوقع راح يكون تحالف بين منتدى الجمهور الهلالي والمنتدى العام
FaHooDe:
حتى لو صار بينهم تحالف ما راح يسون شي
قائد قوات الفيلق الحادي والثلاثين:
سيدي حبيت اعلمك ايضا اننا استطعنا اسر 16 ارنب من ارانب سفر امس الليل وبعد التحقيقات والتعذيب اتضح ان عندهم خطة قوية
FaHooDe:
خطتهم ولا شي قدام خطتنا
FaHooDe:
اقول ما تشوف انك طولتها
FaHooDe:
يلا ضف وجهك لموقعك ولا عاد اشوفك على الماسنجر
FaHooDe:
دق على تلفون القمر الفضائي
قائد قوات الفيلق الحادي والثلاثين:
حاضر طال عمرك
قائد قوات الفيلق الحادي والثلاثين:
استئذك طال عمرك
FaHooDe:
اذنك معك

=============================================

اخبار سريعة :

سوف يتم يوم الخميس تقليد الجاسوسين 001500 و0000001 على مجهوداتهم القيمة والكبيرة في كشف الكثير من الخفايا وسيتم تقليدهم ميدالية الشجاعة من الدرجة الثالثة وسيتم الحفل في منتدى الالعاب المختلفة والدعوة مجانية للجميع ولكن الخروج ب15 ريال

اخر تعديل كان بواسطة » fahoode في يوم » 27/09/2001 عند الساعة » 07:30 AM
اضافة رد مع اقتباس
  #2  
قديم 27/09/2001, 08:42 AM
الصورة الرمزية الخاصة بـ تيماوي
مشرف سابق بمنتدى الجمهور الهلالي
تاريخ التسجيل: 11/02/2001
مشاركات: 6,535
@@ من جد خيالك واسع !!!!!

@@ بصراحة تخوف على ها السيناريو !!!!!!!!
اضافة رد مع اقتباس
  #3  
قديم 28/09/2001, 02:44 AM
زعيــم مميــز
تاريخ التسجيل: 28/01/2001
المكان: الرياض
مشاركات: 1,574
Red face

أقــــــول يالداج اقووول اعقل علشان ماتنقلب على وجهك

مابقى الا هالأشكال تتكلم علي
(( في أحد جاب طاري زعيم آسيا ))
----
أٌقـــول فهودي شكلي دخلت موضوعك بالغلط
----

بس نصيحه انتبه لا يجي الأسطــــوره

اخر تعديل كان بواسطة » زعيم آسيا في يوم » 28/09/2001 عند الساعة » 02:47 AM
اضافة رد مع اقتباس
  #4  
قديم 28/09/2001, 06:43 AM
مشرف سابق في شبكة الزعيم
تاريخ التسجيل: 18/08/2000
مشاركات: 2,235
لا حول الله فيه هذا وفيالقه ((المفلوقه))
أجل فيه احد جواسيسك مسوى معي محادثه ((لايكون تقصد هالمظلات اللي في المحادثه بس )) !!!

اقول يارئيس ((المفلوقين)) انت يبيلك تتعدى صف طويل وعريض علشان تاصلني , فمابالك باحد جواسيسك (الداجين) على بالك المحادثه معي سهله اما مااتكلم الا في مؤتمرات عالميه يحضرها المع شخصيات المنتديات

اقول يافهودي , انت و(المفلوقين) ماتتعدون (4) اشخاص مختبئين في منتدى الالعاب المختلفه ((يعني حتى فاضح حتى مقر جحوركم) وبنطلعكم منها مثل مانطلع الضبان

أقول اذا شفت هالصوره أعرف اني جاي ((اتمردغ فيك )) انت والمفلوقين اللي معك



على الله تعقل وتقدم خطاب اعتذار في المجلس العام و(نفكر) نعدمك والا نحبسك مؤبد
اضافة رد مع اقتباس
  #5  
قديم 28/09/2001, 06:50 AM
زعيــم مميــز
تاريخ التسجيل: 11/03/2001
مشاركات: 1,605
هلا بالشباب :

حبي تيماوي : اي خيال يا الحبيب هذا الي صار بالكلمة .

زعيم : اقول ابجيب طاريك بس اصبر علي , بعدين واذا جا الاسطورة يمه خفت الحين .

الاسطورة : ههههههههه ضحكتني وانا فيني نوم , وبعدين انت والي باز فيها وفرحان فيها ترى الحين اجي واتفاهم معك , وللعلم ها الجاسوس من زمان وهو يراقبك علشان كذا انت واثق فيه , انتبه من الي حولك يمكن بينهم جواسيس .

انتظروا البلاك لست لقواتي والي صورهم منشورة بين قاوتي للقبض عليهم .
اضافة رد مع اقتباس
  #6  
قديم 28/09/2001, 08:40 AM
زعيــم نشيــط
تاريخ التسجيل: 31/07/2001
المكان: مضارب بني عبس
مشاركات: 622
اشوف ان الحرب بتقوم وبكيذا اعلن انضماني معك يافهودي بس لاتجحدنيًٌٌَُِْ!!!
اضافة رد مع اقتباس
  #7  
قديم 28/09/2001, 05:16 PM
زعيــم مميــز
تاريخ التسجيل: 30/12/2000
مشاركات: 1,874
Talking

أعتــزلكم واعــتزل افكاركم الخربوطيه

بجلس اتفرج شلــون فهودي يكفخ الأسطــوره والعــكس

بس بالله بدوووووون قبـــــص

قال ايش قااااااااال فيااااااالق

أذا احتجتم فزعه لايردكم الا الكيبورد,,


تحياااااتي لك,,
اضافة رد مع اقتباس
  #8  
قديم 28/09/2001, 05:34 PM
زعيــم مميــز
تاريخ التسجيل: 11/03/2001
مشاركات: 1,605
Talking قرارات جديدة مرة بقراطيسها

هلا بالشعب الكريم <=== يبي ينطق يوم من الايام :

ابي اعلن لكم اليوم عدة اعلانات .

==================================

اولا : القائمة السوداء :

هناك عدة اعضاء في هذي القائمة وقواتي سوف تلاحق هذه الثلة <=== لا احد يحسبها كلمة شينة , والقبض عليهم .

1- الراس الكبيرة : الاسطورة + رامبو .

2- سفر وارانبه .

3- الاولاني ( النائب العام لقوات الجمهور الهلالي ) + هاجس ( دبوس اول في قوات الجمهور الهلالي ) + زعيم اسيا ( جاسوس في قوات الجمهور الهلالي ) + عاشق النمر ( اكبر الداجين ) + طلال ( راعي البرينجلز ).

هذا للعلم ان قواتي تملك صور شخصية لهولاء الاشخاص واي شخص سوف يتستر عليهم سوف نقوم بتعذيبه وقد يصل الامر الى اعدامه .

=====================================

ثانيا : توفير الحماية لعدة مشرفين .

سوف تتم عملية حراسة مشددة للمشرفين سلمان 99999 - الاعصار - كوكتيل للخوف عليهم من حالات الشغب التي قد تطولهم وسوف يرسل معهم سرية لكل واحد <=== يعني اذا شفتوا زحمة في المنتدى اعرفوا ان واحد منهم جا , ويقدرون الشباب يتحكمون بها القوات ويقدرون يرسلون بعضهم لحماية من يعز عليهم .

==============================

ثالثا : تعيينات جديدة للقائدي الانقلاب .

تم تعيين كل من الاتي والوظيفة .

1- الاسير الهلالي : قائد كتيبة سوف ترابط حول منتدى الالعاب المختلفة نظرا لاي طارئ .

2- محمد الراجح : قائد كتيبة سوف ترابط حول منتدى الجمهور الهلالي تحسبا لاي امر طارئ .

3- ابو سليمان : قائد كتيبة سوف ترابط داخل المنتدى العام .

4- عبود : قائد سرية في حول المنتدى العام لمساعدو ابو سليمان في حالة اي طارئ .

5- محب الفن الازرق : قائد سرية سوف ترابط داخل منتدى المنتخب .

6-زين الدين زيدان : قائد سرية سوف ترابط داخل منتدى الكرة العالمية .

7- سوف يكون هناك المزيد من التعيينات في المستقبل القريب .

ملاحظة : اي واحد ما يبي منصبه ويبي ينحسب يقول لي وانا اشيله , بس لا يقلب علي .

=================================

اخبار متفرقة :

1- سوف يتم في الايام القادمة هجوم محتمل على منتدى الجمهور الهلالي وانبه للسادة الاعضاء الذين لا يريدون الخوض في المعركة عدم الحضور خلال الايام القادمة .

2- تم بناء مستشفى وسجن لقوات الانقلاب , واي واحد يبي يجيب عذر طبي يروح لمستشفى الموجود في منتدى الالعاب المختلفة ثاني ملف بعد الموضوع السادس .

3- تم تعديل وقت حظر عدم التجول من الساعة1 بالليل الى الساعة 6 نظرا لظروف الاخوان والاخوات .

4- هناك اخبار تقول ان الاخ الاسطورة سوف يقوم بالاستعانة بقوات اجبية


القائد العام لقوات الانقلاب .

الجنرال :fahoode .

شخخخخخخخخخخط .
اضافة رد مع اقتباس
  #9  
قديم 28/09/2001, 05:38 PM
زعيــم مميــز
تاريخ التسجيل: 11/03/2001
مشاركات: 1,605
هلا والله بالشباب :

نايف : معليش ما شفت ردك , اعتزل يا الغالي وما عليك خوف مني بان الله وكان ودي انك تكون ضمن المعينين نظرا للخبرة الطويلة التي لك .

زين الدين زيدان : مرحبا بك يا اخوي عضو في ها القوات .
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:04 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube