صباااااحكم اخضر بنكهة سامي وياسر .. لكل من يطل على هالموضوع بالفجريه
والي يقراه بالليل مسائه احمر بنكهة الكوسه الجعايدي << عزالله غصيتوا
قبل اني ابدأ المباراه النهائيه في دوري البلاي ستيشن .. على فكره تراني متورط اخذ الارسنال والا تشيلسي
<< اطلع من مخي ودش دوغري
معليش ياحبايب قلبي .. ابي اصير فيها مدني رحيمي
وابي احلل لكم مباريات اليوم
صحيح اني من جنبها بس على اقل شي اصرف من مدني << تراني احبه هالرجال منشان كذا امون عليه
ماراح اطول عليكم وراح انطلق بموهبتي من اول مباراه << ليتهم لعبوا كيرم
<<< نتمنى لكم متابعه شيقه
!!................. (( اسبانيا VS اوكرانيا )) .................!!
بعد الغمز واللمز في المدرب المولي اراجونز وان ورعانه الي ملقطهم ماراح يبيضون الوجه بكأس العالم وراح ياكلون من السعوديه ثمانيه
وكانت كل المؤشرات مرشحه المنتخب الاوكراني يخطف البطاقه الاولى للتأهل للمرحله الثانيه خصوصاً ان منتخب اوكرانيا عُرف بالانضباط التكتيكي ومع الانتقادات التي طالت الشايب المهوي اراجونز بأبعاده بعض الاسامي ووضع بعض اللاعبين في خانات لم يلعبوها مع انديتهم .. بس اثبت شايب عرعر انه داهيه ومايمديني انا وزملائي الاسبانين بمعرفة مايحوس براسه
دخل المنتخب الاسباني وهو حاط في باله يرسل رساله تحذيريه لكل المنتخبات انه مهوب بسيط وخروجه من كوريا العام الاول ماهو الا بمحض الصدفه ودور الحظ والبلنتيات .. فمع صافرة الحكم استلموا الثيران الميدان وقاموا ينطحون بذا الحمران .. مشكلة الثيران مايجيب راسها غير الاحمر خخخخخخ .. مع اول عشرين دقيقه احرز الاسبان هدفين .. بس غير هالهدفين اذا شفت لعب الاسبان تحلف يمين انك قاعد تلعب بلاي ستيشن لعب مرسوم ومن بداية المباراه الى نهايتها نفس الطريقه ... اعجبتني طريقة تحول الاظهره الى اجنحه .. ياهم تدودهو الاوكرانيين .. ومع هالطريقه زبطو مصيدة التسلل .. يقولون ان شيفا قام يعد كشافات الملعب من كثر مانلحس من التسللات .. بصراحه انا توقعت نتيجه كبيره ..بس احس الاوكرانيين كسروا خاطر راوؤل وربعه .. سمعت ان الحكومه الاوكرانيه عقدت اجتماع طارئ لمناقشة اسباب الهزيمه .. فقروو بنهاية الاجتماع تغير اللون الاصفر لان علماء الفلك والارصاد الجويه اثبتوا شؤم هذا اللون
!!................. (( السعوديه VS تونس )) .................!!
اصبرو شوي ابسوي دور تراجيدي قبل انطلق << ليتكم شفتوا الي معه بعد هدف التعادل تحلفون يمين ان نكسة الاسهم ارحم من نكسة التعادل
تبون الصراحه كنا كشعب سعودي عام واتحاد سعودي ولاعبين بشكل خاص نخطط على هذه المباراه انها انطلاقتنا للدور الثاني .. وبصراحه التخطيط كان مرسوم الى الدقيقه 93 يوم انقلب الفرح والدلع الا ركود وتطريم
انا اعتبر ان المنتخب التونسي كسب نقطه والسعودي خسر نقطتين
نبدأ مع الهدف التونسي الاول .. كلنا نعرف ان زياد الجزيري من اخطر اللاعبين وهو املهم بعد غياب سانتوس .. وماشفنا له مر اقبه او واحد ناشب له .. ومن قبل المباراه وانا اقول هالورع بيجيب هدف .. يعني زياده على طفاقة تكر هناك خطورة زياد وقدر المنتخب التونسي يستغل فرصه وحيده وجاب هدف .. وباقي المباراه ماهناك شي يذكر للتوانسه .. وبصراحه باكيتا خطته رهيبه لعب على امكانيات لاعبينه ولياقتهم حاول يرهق التوانسه بداية المباراه وينقض عليهم بالثاني وهذي كانت مفاجئته .. بس تكر وتغطية الدوخي خربت الجو .. فجابوا الهدف الاول .. ومع هدفهم مازلت متفائل وحاس ان الصقور ناوين يقلبون التوانسه لحباري
... وصدق حدسي .. ومع بداية الشوط ومن كرة ملعوبه من محمد نور دفها للقحطاني .. وينقض عليها ذيبان وبفكر فني ولعبت حريف خلى عمو علي منيجل يمتر العارضه .. بصراحه اندفاعت القحطاني خطيره .. الطرابلسي والجعايدي .. ماشاءالله عمدان هرقل
ومع تمريرة نور وعرضيته مغط ابو قحط من خلفهم وجاء من بينهم ..وتقدم عليهم ولعبها بمخ مب برجله << اطلع من مخي
ومع هالهدف قريت الفاتحه على روح الحباري التونسيه .. وقلت الثاني جاي جاي .. ومع دخول الجابر قلت عزالله راحوا ملح التوانسه .. وجاء الهدف الثاني وبصراحه عن هدفين التمريره من الولد الحريف مالك معاذ .. وصدق الي قال مالك الا مالك
.. بس حلف الدفاع السعودي الا يخرب ام الفرحه .. ويطفي مواترنا ومانسوي حركات تزحلق وتمغيط بالكورنيش .. وجابوا ام ام ام العيد ... اموت واعرف وين مخ الدفاع ... احس اني بكسر الكيبورد يوم تذكرت هدف التوانسه التعادل ...!
!!................. (( رصــــيـــفـــــات )) .................!!
سامي يطوف مولر ونجوم كبار .. ويسجل هدف ثالث في المونديال الرابع .. ومسكين الي ماعنده سامي .. !!
ياسر وين تبي ياخي اسبانيا ولا ايطاليا ... احس بيقوم عليك طقاق من هالدوريين
احب ابارك لجماهير الغفله والمسيار .. بفوز منتخبهم الوطني التونسي بالتعادل
البطوله بين انجلترا وهولندا والبرتغال ... واحس البرازيل ماراح تكمل الى الثمانيه << اطلع برى
فوز سعودي بطعم هلالي .. ياربيه نفسي اعرف شعور الجاليه التونسيه الصفراء الي بالسعوديه
المباراه القادمه مع اوكرانيا .. الاوكرانيين راح يدخلون للفوز فقط .. وهذي فرصة المنتخب .. جو حار مع هجوم مكثف وعدم الالتزام بالادوار الدفاعيه .. ومع استغلال من بكوتي للاندفاع الاوكراني .. بعده بيروحون ربع شيفا رز مقلي
ويفوز المنتخب الاسباني على التوانسه .. ويضمن التأهل .. وقتها يلعب مع السعوديه بالبدلاء .. وقتها نرصهم ثمانيه << ماودك تروح تطير حمام
في الختام عاشت توجو
<< انتظروهم بالنهائي خخخخخخخخخ
يالله طولت عليكم .. بروح اكمل دوري البلاستيشن .. اشوفكم على صباح جديد وفوز جديد بطعم سامي وياسر ;)
!!.. الــصــقــور يــحــولــون نــســور قــرطــاج الــى تــويــتـــي قــرطــاج ..!! 
الوضع العادي
