المونديال في عيون أبو سارة .. صيفنا مع ألمانيا أحلى ! - صفحة رقم 3 - نادي الهلال السعودي - شبكة الزعيم

مجروح الرياض · #31 13/06/2006, 01:12 PM

يعطيك العافية

دمـوع · #32 13/06/2006, 01:13 PM

مرحبا أبو سارة .. اشتقنا لمواضيعك
الله لا يحرمنا من هالطلة .. المفروض كل 3 أيام تنزل موضوع على الأقل ;)

إقتباس


	ألمانيا .. أيطاليا .. هولندا .. السعودية .. البرازيل .. الارجنتين .. فرنسا .. البرتغال .. التشيك . واحد من هالمتخبات التسعة راح ياخذ البطولة

انا في هالوقت كنت قاعد ادور انجلترا .. وأقول معقوله أبو سارة نساهم !
واكتشفت السبب بعدين

إقتباس


	ايطاليا ... يملك دوري قوي نوعاً ما

اما اللي نوعا ما هذي

شكلها من النوع اللي متعوب عليها وحبيت تحطها في موضوعك بأي طريقه

او الظاهر ان الدوري السعودي عندك أقوى من الإيطالي

إقتباس


	ايطاليا : غراميات اللاعب الفلاني .. والحسناء زوجة اللاعب الفلاني

غريب الكلام هذا !
ما عمرنا سمعنا عن هالشيء !
في انجلترا عندهم بيكهام وفكتوريا والإعلام الكبير اللي يحيط بهم ولا يهون روني بعد في الملاهي الليلة وحادثة تصويره مع فتاة هناك ! في البرازيل الحاج متولي رونالدو

في اوكرانيا شيفشنكو وزوجته اللي تمشيه على كيفها .. بالله قول لي من من لاعبي ايطاليا لهم هالسوالف ؟

إقتباس


	لكن مااش هذا توتي وهذي خلاقينه ولا فيه أمل يتغير ,, لو إني مدربهم لأركنه احتياط وأطب في بطنه بعد

اشوى انك مو مدربهم .. كان راحوا في خرايطها

إقتباس


	البرازيل .. لا حب عندهم ولا رومانسيه

طيب انت ذكرت رونالدو وما احد يختلف على رونالدو من هذي الناحية !
و روبرتو كارلوس معروف في الملاهي الليلية .. وقبل سنتين الظاهر سوا حفلة عيد ميلاد لرونالدو وجاب له مجموعة فتيات وتم تصويرهم وفضحهم في الصحف الأسبانية .
كاكا عاد هذا مخربها .. ساحب له بنت من البرازيل معاه لإيطاليا من كم سنة وهيه توها صغار

وعلاقتهم كانت من الصغر

إقتباس


	قسم بالله أن بعض المدربين ودك يا شيخ تجيب لك عسيب نخلة وتحطه في موية ملح عشان يشتد ثم تلعن خامسه

^^^ نفس الشعور

إقتباس


	السعودية : وش يبي أبو الشباب هههههههههه لايكونون صدقوا اعمارهم أنه مرشحين معهم .. أقول روحوا تجهزوا لتونس واتركوا عنكم المشية مع الكبار .. ياحليلهم الظاهر أوبريت رابح ومحمد طيرهم في العجة

إقتباس


	هالألمانيين ودك من يدبغهم بالعجراء ,, بالله المباراة اللي تكون العصر هل تستمتعون بها ؟ شمس وحر وقلة حياء , . والله اني ما كرهت الدوري الانقليزي الا بسبة الشموس اللي يلعبون فيها .. والحين المونديال ! هاه بشروا تكفون سمعت انهم ناويين يقدمون مباراة العصر ؟ يا ليت .

نفس الشعور ايضا !
ما ودهم يغيرون توقيت المباريات ؟
بعد تفكير وتدقيق اكتشفت السبب .. اكتشفت ان المانيا بخيلين .. لا حفل افتتاح زي الناس والمباريات بالعصر ليه ؟ عشان لا يشغلوا الكشافات ويصرفوا كهرباء

بالنسبه للضفدع .. فقد أثبت أنه حرامي من الدرجة الأولى .. قناة فاشلة وتغطية اسوا ..
بدايه باستديو التحليل ومرورا بالمحللين والبرامج المختصه عن المونديال والإعلانات والمعلقين ومشاكل الكرت من تقطيع وغيره

أخوك
دمـوع

الأمل البعيد · #33 13/06/2006, 01:28 PM

هلا والله وغلا

من طول الغيبات جاب الغنايم

وحشتناااا

الله يستر من زود التفاؤل الزاايد اللي رااح يودينااا في خرايطهااا والله لا يعيد اياام 2002م...!!!

اتمنى نمسح الصورهـ السيئهـ اللي ظهرناا بهااا الموندياال الساابق ونطلع بـ نتيجهـ ايجابيهـ ومستوى جيد

وكأس العالم برازيلي بـ اذن اللي ماتناام عينهـ

بـ التوفيق لـ الاخضر...

يعطيك الف عافية

تحياتي

XAVI · #34 13/06/2006, 02:30 PM

ياااااااااااااقدمك يابو ساره

تو مانورت العالميه بهالموضوع

موضوعك خبل ياخبل

اطلق شي سالفه باص ربعنا والالمان

ســــ 9 ـــــام · #35 13/06/2006, 02:41 PM

هههههههههههههههههه

الله يرجـــــــــــــك

اشتقنالك والله

دنـيـدل · #36 13/06/2006, 02:45 PM

مســاك الــله بالخيــر يابــو ســارة ..

إبــدااااااااااااااااااااع

إستبعــادك للإنجليــز علــى المنافســـة تـوقعــت إنك جالــس مــع بيليــه يــوم يرشــح السعوديــة للنهائــي مع البرازيـــل

وياويــلك تــرى رابطــة عشــاق الانجليـــز مريــت مــن عندهــم أسمعــهم يجمعــون شلــه ناوينــــك

تسلــم يمينــك

صدوق الود · #37 13/06/2006, 05:59 PM

التشيك :

مرشحين لسببين : يملكون نجوم ومدرب رهيب . . وعندهم انظباط تكتيكي عالي .. صح انك لا شفت نجمهم كولر الطويل تحقرهم وتقول وش هالمهابيييل السبايك , لكن ترى يجي منهم ويكفي وصافتهم في تصنيف الفيفا ..

-------------------------

تبي الصـــراحـــة أفضــل منتخـــب حــاليـــا"

يعطيـــك العـــااااافيـــة ابو ســـــارة

سـ الزعيم ـام6 · #38 13/06/2006, 07:07 PM

هلا ابو ساره ومن طول الغيبات جاب المونديال

إقتباس


	أنا مدري متى هالأغنية تم تسجيلها لكن أجزم لكم أنها قبل الثمانية ..!

هذي من ايام كاس اسيا 84

بجاد الحربي · #39 14/06/2006, 12:23 AM

الله يرجك يابو ساره

والله أشتقنا أليك >>> عاد أنت اكيد مشتاق لنا

واحد واثق ...

المهم مشكور وبيض الله وجهك >>> مسوي بدوي

أبو ساره تعرف هذه الحركات >>>> <<<<< دائما" تستخدمها أنت وش معنى ؟

وأنا عاد بحاول أصير مثلك وقمت أسوي >>>>

يالله باااي >>>> ماقلت لك متأثر فيك

بجاد بن بجاد ال بجاد

>>>>>>
>>>>>><<<<<<
<<<<<<<<<<

قمت أتلخبط

سامي (188) · #40 14/06/2006, 02:09 AM

يا حبي لك يا ابو ساره انت وتحليلك
الله يوسع صدرك زي ما وسعت صدري
بصراحه يوم رشحت التشيك حسيت ان عندك نظره فنيه ثاقبه ( ياليت انك مدرب المنتخب)
ننتظر كتاباتك بعد مباراة الاخضر

دحيم555 · #41 14/06/2006, 02:26 AM

ابداااااااااااااع ابو سارة

المشذاب · #42 14/06/2006, 02:59 AM

هههههههههههههههههههههههه

كالعادة يا ابو سارة كالعادة ..

اما لو يدري عنك الضفدع ان يجيبك بالاستديو التحليلي

لكن لي عتب عليك ..

الهلال تراه طول الموسم والشبكة مفتوحه 24 ساعه ..

يعني مافيه مانع طلة كل اسبوع .. مو نهاية الموسم تعني نهاية المواضيع ..

D.Aziz · #43 14/06/2006, 03:00 AM

إقتباس

الرسالة الأصلية كتبت بواسطة الهلالي- ابوسارة


	اوف اوف اوف يا الشمري وش هذا ههههههههههههه,, تصدق رجعت لموضوعي قمت أقراه من جديد أحسب اني طاب في الدين أو مخبص في السياسه,, أحترم وجهة نظرك لكن هذا لا يمنعني أن أقول لك : تسمع بالتحليل الله يجزاك خير .. أنا قايل أن الاعضاء دوني ولا شيء؟ أنا قايل أن شبكة الزعيم ضايعه بدوني ..أسمح لي أخطأت النجعة يا بعد حيي .. لكن هذا لايمنعني من إعجابي بطريقة سردك في الرد حاس أنك قوي بيني وبينك الاعضاء اللي مروا وردوا قبلك على الموضوع , هل رأوا هذا الشيء؟ أم انهم في نظرك ساذجين لم يستطيعوا ان يستنبطوا ما استطعت أن تستنبطه انت لله درك .. هههههههههههههه ياشيخ قل اللي تقوله والله انه من حقك و متقبل ردك صدقني وعلى قلبي زي الموية الباردة .. شبكة الزعيم موقع الهلال الرسمي ,, يعني ماشية بالهلال وكونها جهة رسمية للهلال , لو غاب عنها أبو سارة للأبد مادرت عنه ولو تواجد فيها صقر شمر 24 ساعه أيضا ما درت عنه .. صدقني لست بحاجة لتذكيري بأهمية الزعيم دوت كوم. تحياتي لك .. ----------------------- للجميع أزكى تحية وبإذن الله سأعود في وقت لاحق .. أبا سارتن الهلالي

حتى بهذه ههههههههههه أبا سارتن الهلالي

كنترول الزعيم · #44 14/06/2006, 03:58 AM

مبدع كالعاده يا الاطخم

والله لا يحرمنا من ابداعاتك

تحياتي

بكــيراوي · #45 14/06/2006, 04:37 AM

إقتباس


	بس سؤال بالله : تخيلوا ربعنا الصقور الخضر ركبوا الباص وقاموا يلفون ألمانيا سياحة ,, ووقفوا عند إشارة .. يوم التفتوا لقوا الباص حق منتخب ألمانيا ولعيبة ألمانيا واقف جنبهم في الاشارة , وكلوزه عند الدريشة ! تتوقعون ربعنا وش موقفهم ؟ يحطون عيونهم بعيونهم أو يناظرون السماء ويسولفون عن الجو والغيم ويصرفون ام الموضوع

<<<< تم نقل هذا المستخدم إلى المستشفى بسبب الفطس من الضحك على الأقتباس ((((((((((((((((الآنف)))))))))))))))))) ذكره