صباح الصباح فتاح ياعليم والكيب مابهوشي ولا مليم

ابقولكم سالفتي مع بنات عمي >>>>>>>>انا لله يابنات هالعم

في البدايه لازم تعرفون عليهن >>>>>غصبن عليكم

وهن كالآتي: الآنسات العانسات الناعسات الصغيرات >>>>>الفقيه ياريري خلين أكتب ...

وهن كالآتي>>>>>>اخلصي ...

ريري .. وهي عقيلة طارق ريري ..<خلاص ياريري لاتصحين المكتوب على الجبين لازم تشوفه العين ...

نيني ... باطله عاطله واللي عنده واسطه ياأهل الخير يوظفه ذبحه النوم ..

شيشي .. اسمه مأخوذ من الشيش طاووق ..

وشغالتهم :هنيه ... خلاص منب مكمله زعلت ..

الزبده0000اكتب وهن واقفات على راسي00000الاياليز اكتبي عنا>>>>>>>>قراوى

أنا وصلت بحفظ الله ورعايته العشاء بعد خنقه معتبره .. تخيلوا كنت ناويه أروح لزميلتي أشوف عنده مباراة ايطاليا عشان عيون در بيرو >>>> على قولة الماما ..

وعيا أخوي الماخوذ لا يوديني ..وأنطلق رجليه ما يردن غير بيت بنات عمي <لا خلا ولا عدم>

وتفتح لي ريري وتاخذني بحضنها وأقعد أعيط تعيط عمري ما عيطته وقالت نيني .. الوعد النهائي لا تبتسين ...

قالت شيشي <عاد جنيه ولا الكوره> ياغوووووغغغغغيتس ياليز <هاذي بالفرنسيه المطعمه بالقصيمي والمصدر حصتا ال .........

المهم جلسنا نتقهوى <الصراخه شبن سبدي يتفنجلن وماسكاتن سواليف من دخلت ولا صبن لي فنجال ...

وحنا في غمرة سولافاتنا مير تنبه ريري وتفز تقهوين >>> عاد شاشت علينا شيشي تقول أخسي واقطعي أنا اللي صابه تليس القهوه اوب ريري ...

المراد .. <بعدم ضم الميم> وعقب القهوه زطونا بالعشاء لأن بيتهم مجاعه ما يتغدون ..

وحاطين مع العشاء جحجحجحجحجحجحجحجح .. مفردها جحه مقطعته شيشي تقطيع هندسي يحبه قلوبكم ..

(أووووه لجت علينا نيني تقول وشحيثي ما تجيبون طاريي قالت شيشي والله ما شقلتي غير الملوخيه )

وبينما نحن نحتسي الجح قذف أحد بزارين أختهم شبشبتن حمراء وجت على راس شيشي (دخلت ريري عرض يابنات فاتنا مسلسل روبي .. قلت الفقيه أويلاه تراه تعاد الصبح حول ثمان >>>>تسوي تعايه ...

نرجع للجح .. اماه يوم حلت الشبشب الحمرا قالت أمهم ياولد لا تلعب بالجح .. وعاد طخيناه ضحك قطع معاليقنا على قولة ريري ..

طبعا أحداث العشاء تدور في الحوش (أوووف ابلشتن هالشيشي شايشه وهي صازه تقول لاتلمسين شاشه اللابتوب وغصبن علي أكتب هالهرج الا بتعلمكم أن عنده لابتوب )

وفيما بعد رقينا للعليه ذالاتن من تالي الليل وتسوي لنا نيني هكا الشاهي العاقد يذكرن بشواهي المسلسلات المصريه وهم يختبرون (صز وراه شاهيهم أسود؟)

وتجيب لنا هكا البطاطس اللي ما أدري من وين جايبته ..

ونقعد نفنك >>>يمه طارت عيونهم هللوو ... ونستعيد زكريات الماضي الجميل .. والدببه حقاتهن اللي مربصاتهن حليب من يومنهن صغار .. والله لو يشمهن الكافر أسلم ...

وحنا نتابع ملخص كأس العالم با أمبيسي شفنا باص غانا ومير يهلن دموع نيني.. وتصبه صوت ريري ..

وأنا أنهبل وشبكن؟ تحتسن؟ وش العلم؟ اهرجن .. ويستردن نوفساتهن ويقولن لي : ليز تذكرنا باص الهلال ومير تدخل لنا شيشي شايشيه وتقول:وطووووووووووووه (والله ما أدري وش معنى هالكلمات اللي تحتسيهن!!)

وأطمنهن. أفا ياذا العلم؟لاتبتسن يابنات الوعد التسابله مالكن االا اللي يوريكن الباص ..

ومن جبنا طاري الباص وتفز ريري : ياخيه ليووز طلبتس خل ندخل على الزعيم ياخيه ..

عاد أنا رحمته وقلت يالله خلينا نشئر على موضوعي السابق ..

وأنا أفتح الموقع قالت لي ببراءه نصه دباشه : ليوووز ياخيه مشتركه بفلوس ياخيه ودي أشترك كم الرسم؟ >>>>على باله آرتي !!! عاد تصدقون ما بقى الا يحتكر الزعيم !!

المهم تدبل سبدي ريري الا احتسي مع الأعضاء تكفين .. عاد قعدت أفهمه ياسبد أبوي على بالس شات ؟!!! ما أقدر ...

قالن خلاص أجل نزلي موضوع عنا ((هينا أنا بلشت بعمري يعني أنا ببيتهم وأخاف يسحتنن عاد الشارع الساعه ست ما تلقون بوه الا سيكل وعامل وبسه عشان كذا خفت على نفسي وكتبت عنهن ))

وهاللحين قاعدات على سبدي الا تخلصين الموضوع ..

نيني تبا تنام عشان عنده عرس الليله وريري وشيشي بيروحن يجيبن تقاديرهن من الكليه وفي هذه اللحظه تلتفت علي شيشي وترمقني بنظرة خبيثه : أقول ليووز أباتشششش أنتي وموضوعس ...

وفي النهايه وفي ختام حفلنا الكريم أقولها لكم >>>>> اخس يا سليمان العيسى

والله اني مب سذا .. تعرفوني مؤدبه وخلوقه بس وش اسوي بهن من عاشر القوم ...


وتمسوا على خير ترى حنا سرينا >>>>>>> محششات

ياغوغغغغغغغغغتتتتكم ....