26/09/2001, 02:32 PM
|
| زعيــم نشيــط | | تاريخ التسجيل: 19/08/2001 المكان: الدمام
مشاركات: 933
| |
|
السعودية وفرنسا .مقارنة لك عليها,
السلام عليكم ورحمة الله وبركاته وبعد ؟؟
احد الاخوان في المنتدى اقترح على عمل مقارنة بين المنتخبين السعودي والفرنسي بحكم ان خوالى
فرنسيين ولى قرابة مع ديشان كابتن منتخب فرنسا السابق. وحيث اني امضيت ما يقارب السنتين هناك في باريس
بادي ذي بد مالنا الا الحراس الخوجلى وبارتيز فيهم طفاقة الثنين بس الخوجلى املح شوي وبارتيز
اقشر وراعي مشاكل حتى انه مرة من المراريت طق المهاجم براسه وفلقه فلقة ماينساها
الضهير الايمن في فرنسا تورام وعندنا الدوخي الدوخي امهر ويسحب حتى في قدراما تورام فشبهه وجلف جعلك ما تبالش انت واياه
متوسط الدفاع فيه لوبوف والله ما عنده سالفه واحمد خليل اصرف منه ولا يعرف يزلق مثل ابو خليل اللي يبي يجيب العيد هو وانبراشاته اللى بالثمان طعش
والمساك عندنا ابو سليمان اذا انبرش الله لا يوريك قطع الزرع تقطيع وهم عندهم الاقشر الاسمراني والله اني نسيت اسمه ما عليش بس ترى كان يلعب في تشلسي
والضهير الايسر ليزارازو مطفوق وكثير حركه وقليل بركه وحسين لو يلعب بثوبه احسن منه
المحور فييرا ما هو بعيد عن الواكد لكن الواكد يشوت ويجيب اهداف عالميه وهو يعني
الوسط الايمن ماطر وهم بيريس وماهم بعيدين من بعض يعني مستواهم متقارب والجابر وزيدان انا اقول زيدان اغلى لكن الجابر احسن ممكن بعضكم يستغرب لكن والله الجابر افضل من زيدان بمرااااحل
صدقوني يالربع الجابر لو محترف برى وهو صغير كان احسن من زيدان الف مرة
الوسط الايسر الشلهوب وهم ويلتوود والشلهوب امهر والثاني اسرع
الشيحان وتريزيجيه الشيحان اسرع وشويت وذالك راس بس
الدوسري وهنرى هنرى افضل من عبيد بس عبيد ابرد منه قدام الباب
مع الاعتذار للاعبي المنتخب والله ودي يجي اليوم اللى نهزم فيه فرنساء وعساه مايطول تراااي
امزح يالربع ودي الطف الجوء شوى قبل منازلة المنتخب الايراني
والفوز للاخضر وسلامتكم.... |
الوضع العادي
