نواف وقع للاتحاد - نادي الهلال السعودي - شبكة الزعيم

HAPPY8755 · #1 08/05/2006, 07:40 PM

نعم وقع للاتحاد لو تلاحظون انة طلب من الهلال 30 مليون عشان يعجز الهلاليين مثل ماسوى الدوخي لانة موقع معاهم من قبل ومنتهي كل شي
وازيدكم من الشعر بيت كلام شيخهم ابو تامر(علي قولتهم) وانة رايح يوقع مع لاعب وسط دولي موجود
في معسكر المنتخب وين سلطان بن فهد وين نواف بن فيصل لو ان الامير محمد بن فيصل قال هالكلام
وش رايح يصير اعتقد ماراح يسمحون له وراح يحاسبونة
اقول وش رايكم ابوتامر يستلم رئاسة الاتحاد السعودي دامة الامر الناهي ويمكن يدعم افضل
واقول لنواف لاتعتقد انك تلقي نفس حب الهلاليين اذا انتقلت ولاتنسي ان الهلاليين وقعوا معاك عقد
جديد وبمبلغ محترم وانت مصاب اللي قاعد تسوية الان قمة العقوق تذكر كلامي زين وانت حر
واللبيب بالاشارة يفهم

xx BMW xx · #2 08/05/2006, 07:53 PM

اقول وش فيكم مكبرين الموضوع ياخي راح نواف مايشوف شر والقلب داعيله جلس ياهلا ومرحبا فيه ياخي هذا احترااااااااااااااااف اللي يبي يدفع اكثر وبعدين كم بقى من عمر نواف الكروي ياخي خلو الرجال يترزق الله . الرجال متزوج وبكره بيصير ابو عائله ودخل ماعنده غير الكوره اللي وان بقى فيها يادوب ثلاث سنوات وان طول اربع .
وبعدين من قالك ان ادارة الهلال ماصرحت بجلبها لاعب دولي يلعب بمركز وسط في منطقة الغربيه وايضا حارس مشهور ويلعب في اندية الغربيه والمقصود محمد نور ومبروك زايد . ولا انت ماتقرا الا اللي ينكب ضد الهلال . الله يصلحك بس

عموماً نواف ادرى بمصلحته واللي يحب نواف من جد يدعيله بالتوفيق والمستقبل الطيب مع الهلال او غيره . سلاااااام

هلالي ثرمداء. · #3 08/05/2006, 07:57 PM

ياخي صجيتونا

وقع ماوقع

اهتموا بفريقكم

10 الشلهوب الأزرق 10 · #4 08/05/2006, 08:07 PM

روق

الزمرده الزرقاء · #5 08/05/2006, 08:07 PM

فعلا صجيتونا

خلاص كل شي مكتوب في علم الغيب

انتوا اصبروا وشوفوا وتكلموا بعدين ليه

مدوخين انفسكم

المبدع الهلالي · #6 08/05/2006, 08:09 PM

التريث التريث ياجمهور الزعيم ...

لايجيكم ماجا موضوع ياسر القحطاني ...

جوهر 2005 · #7 08/05/2006, 08:10 PM

اذا بيروح نواااف الله معه

وصدقوني هو الخسراان

يوسف15يوسف · #8 08/05/2006, 08:11 PM

ياخي نواف ماوقع للاتحاد والله حرام تظلمون الرجال وتنكرون هلاليته عشان هالاشاعات اللي تطلع

الهلال فوق الجميع · #9 08/05/2006, 08:14 PM

موضوع سخيف مع كامل الاحترام .. ياخي فكونا من الاستنتاجات السخيفة ..
طيب ليه قررت ان نيته للاتحاد ؟؟ ليه ما تكون نيته احتراف خارجي ؟؟؟؟
ياخي ملينا من مواضيع استنتاجات سخيفة ..
اخوي نواف نفسه رفض مقارنته بالدوخي و كان زعلاااان من الجمهور انهم قارنوه بالدوخي ..
و انت موب قارنته بالدوخي .. حكمت انه نفس الوضع ..
اتمنى من الجمهور التريث .. نواف من يومه يتمنى الاحتراف الخارجي .. وهذا اللي مخليه يأجل التوقيع ..
اتمنى ما اكون زعلت احد لكن هذا الواقع ..

@زعيم الرياض@ · #10 08/05/2006, 08:15 PM

انا اتوقع ماراح نسمع اي شي عن نواف الى بعد كأس العالم

ونواف يا مع الهلال او يحترف خارجيا

ماتوااقع نواف يروح للاتحاد

ريوووني · #11 08/05/2006, 08:17 PM

نواف مبالغ بالمبلغ مرررررررررررررررره ثلاثين مليون وش دعوه

عاشقه الزعيــم · #12 08/05/2006, 08:31 PM

مـاتـدرون يمكـن كـلام جـرايـد..‍‍

مـو شـرط إذا أعلنــت قنـاة العربيـــه صـار الخبـر صـح يـازعمــــاء؟

تـذكرون يـوم يعلنـون أن عبد الحـق عريـف وقـع للهــلال صـار كـذ..

العدناني. · #13 08/05/2006, 08:50 PM

اذا وقع نقوله مع السلامة

الكناري الأزرق · #14 08/05/2006, 10:15 PM

إقتباس

الرسالة الأصلية كتبت بواسطة جوهر 2005


	اذا بيروح نواااف الله معه وصدقوني هو الخسراان

هو المستفيد و هذا شئ أكيد..ّّ

سلطان م بغدادي · #15 08/05/2006, 10:42 PM

اعصابك اعصابك ان جلس فهو حبيبنا وان راح الله يستر عليه وراح يندم زي ما ندم غيره ... اللون الازرق وانا اخوك تعشقه العين قبل القلب