عاجل عن الجيش السعودي - نادي الهلال السعودي - شبكة الزعيم

بوجاسم الهلالي · #1 05/05/2006, 03:04 AM

اخواني الهلاليين
محدثكم بيخلص الثانوي هالسنة وودهـ يدخل الجيش السعودي
ولقى ان الجيش له 4 كليات
1- كلية الملك عبد العزيز الحربية >>>>>>>>>>> تخرج القوات البرية .
2- كلية الملك فيص الجوية >>>>>>>>>>> تخرج القوات الجوية .
3- كلية الدفاع الجوي >>>>>>>>>>> مدري شتخرج وودي اعرف وش تخرج .

4- كلية الملك فهد البحرية >>>>>>>>>>> تخرج القوات البحرية .

المشكلة ليست هنا المشكلة في
القطاع اللى بدلاته زينة (بدون بدلات الارهاب , لان الارهاب 5-10 سنوات وبينتهي ) و ترقياته ماشيه ورواتبه طخه.

تكفون لا تطنشون ردوا يا مال الغنيمة

abo-s3ood · #2 05/05/2006, 07:41 AM

هلا اخوي ..

ماشالله عليك شكلك تحب العسكرية والجيش و الاشياء ذي ... بديت احس انك مفصل لك بدلة عسكرية

والله حلو ان عندك طمووووح .. الله يوفقك

المهم انا بقولك اللي عندي واتمنى اني افيدك ..;)

اولا انصحك انك ماتدخل عسكرية .. لأن زمنها ولى وراح .. حلو الا اذا عندك واسطة قوية فهذا شي ثاني

المهم ... انا بقولك ان كلية الملك فيصل الجوية هي نفسها الدفاع الجوي .. وتخرجك يا مهندس طيارات .. حربية طبعا ولا تخرجك قائد طيارة ... يعني نشوفك تسوق الــ F15

بس لها شرووووط مثل ان طولك لازم يتعدى الــ 180 .. وتمتاز بقوة نظر ويعين اشياء زي كذا ...

لكن تبي نصيحتي .. ونا اخوك ... ادخل الجامعة وخلصها وبعدين ادخل العسكرية .. تصير تاخذها في اقل من سنه ..
وغير كذا اللي تخرج من الكلية على طووول ... يصيري دق لك تحية ماشية ملييوووووون...

اما عن البدلات والرواتب فهي تقريبا متشابه ... بس اللي اعرفه والله اعلم .... ان خريجي الكلية الجوية .. لهم ميزات اكثر

الكناري الأزرق · #3 05/05/2006, 11:47 AM

بالتوفيق و ان شاء الله تصير أكبر واحد بالجيش<------- ما يعرف وش أعلى رتبة هع

بوجاسم الهلالي · #4 06/05/2006, 12:35 AM

ابو سعود
الكناري الازرق مشكورين على ردودكم
وما قصرتوا

أنا السعودي · #5 06/05/2006, 02:07 AM

أقول يمدحون كلية التقنية ( قصدي كلية المقبرة)

عزوز الأزرق · #6 07/05/2006, 12:06 PM

يعجبني طموحك ...

بس الاخ يحب البران والا البحر والا الجو ...

حط فاعتبارك التعيين ...

يعني لو تخرجت من البحريه مثلا ... وين بيعنونك ...

اكيد يايننوك فالشرقيه او الغربيه .. او نهم يسحبون البحر الى حد ديرتكم ...

استشر و استخر... وركز ع دروسك الان .. وخل باشر لــ باشر..

اما ان شخصيا اتوظف عند امي رااااااقد . ولا اتوظف في عسكريه ...هههههه

الشرطه في خدمة الشعب

سلامو,,,

زعـــ( اسيا )ـــيم · #7 08/05/2006, 12:34 PM

هلا و الله

زي ما قال ابو سعوود ,,

يا زين الشهادة الجامعية و بعدين قدم على العسكرية ,,

يدخلونك دورة 9 اشهر و تطلع ملازم على طول ...

من ناحية البدلات و هالكلام كلها تقريبا زي بعض ...

ضاوي · #8 11/05/2006, 02:15 AM

خذها مني وانا اخوك عليك بالكلية الحربية

و خل عنك الجامعة اقسم بالله انها غثى .... و انواع الكوابيس

و رزق الدكاترة النفسيين كله على طلاب الجامعات

ادخل الكلية الحربية كله 3 سنين ولا 4 و تتخرج ...

و تطق لك 7000 ريال في الشهر يحلم بها راعي الانجليزي و الهندسة اللي تقديره جيد او جيد جدا

القيصر رهيب · #9 11/05/2006, 08:39 AM

الله يوفقك سعادة الضابط

huss5500 · #10 12/05/2006, 07:41 AM

اولا ... مبروك التخرج ..

وبما أنني طيار وأنتمي للقوات الجوية حبيت اصحح معلومات الأخ abo-s3ood

إقتباس

الرسالة الأصلية كتبت بواسطة abo-s3ood


	ان كلية الملك فيصل الجوية هي نفسها الدفاع الجوي .. وتخرجك يا مهندس طيارات .. حربية طبعا ولا تخرجك قائد طيارة ... يعني نشوفك تسوق الــ F15 بس لها شرووووط مثل ان طولك لازم يتعدى الــ 180 ..

الكلية الجوية تجرجك ملازم طيار (حربي) أو مساعد طيار أو مراقب جوي أو ضابط عادي(اداري)
أما الدفاع الجوي ... مايخرّجون طيارين .. يخرجون ضباط يكون تخصصهم على الاسلحه وتشغيل الصواريخ فقط

أما الطول .. للمعلومية " كلما كان الطيار اقصر يكون اكثر تحمل (وهذي يبيلها سبوره عشان اشرحها

)
فالطول تقريبا مافيه مشكلة بالنسبه لشروط القبول ......

بس اللله يعينك على الدراسه في الكليه (صعبه ) .... بس عادي لا تخاف اللي مشّى غيرك بيمشّيك

مجنون سام · #11 14/05/2006, 11:50 AM

بالتوفيق اخوي الغالي

بوجاسم الهلالي · #12 15/05/2006, 01:04 AM

مشكورين على الردود واسف على التاخير
على العموم انا ان شاء الله حاط البحرية في راسي (يا انا يا هي )

عبدالله عبدالرحمن · #13 15/05/2006, 01:37 AM

اركد وانا اخوك البحريه ما تسوى والله اذا حطوك بالسفن الصاروخيه ان تحلم تشوف اهلك خصوصا اذا كنت من اهل الرياض او المناطق البعيده عن الشرقيه و الغربيه وبعدين الاسبوع سبع ايام وفي البحر ثلاث الى اربع ايام غير المناوبات والرواتب الرزق على الله صح انا في الجبيل عندنا الحين بدل ارهاب وبدل نائي وبدل بحر وبدل خطر بس نصيحه انحششششششششش وانا الحين طاشيني بمدارس اللغه وبعدها يسفروني بعثه سنتين لبريطانيا في ميناء بورتسموث جنوب لندن لا وقاطعين بدل ابتعاث ومعقدينا الا اذا عندك واسطه ترى هذا غير بس الواسطه مو تكون رتبه كبيره بس لا واحد يمون على شؤون الضباط

ابونوف الهلالى · #14 15/05/2006, 01:56 AM

اقول اذا قدمت وانا اخوك خل الواسطه بمخباتك

والله يوفقك وهو السميع العليم

تصدق فى واحد بكليه الحرس اعرفه يقول الضابط يسئلنا كل واحد عن نسبته يقول قليل منهم تعدى 70% يقول كلها واسطات

مشعل العتيبي · #15 15/05/2006, 01:57 AM

نصيحه انحش عن العسكرية وربي يرزقك والله انها غثاء
نصيحة اخ رح للهيئه الملكية في الجبيل ثلاث سنوات ونصف وتتخرج واذا كان معدلك حلو اول مربوط 13000 ريال وممكن ازود