السلام عليكم اخوي الفرحان جعلك طول عمرك فرحان ان شاء الله


انا رحت اليوم وشريت المودم وقال لي راعي المحل نركبه لك ب150 ريال مدري يستاهل تركيبه السعر هذا ولالا مع اني احس ان تركيبه سهل لكن يمكن الاعدادات صعبه وانا مديت لي سلك مباشر على الغرفه من فتره سلك تلفون عادي مايحتاج نغير السلك ولااخليه نفسه


مع العلم اني لين الحين مااشتركت في اي خدمه ومدري بعد مااركبه الحين اقدر اشترك اليوم ولا لازم بكره وابغى اعرف افضل شركات بالترتيب الله لايهينك

بالنسبه للمصفي انا شريته يعني لو اركبه مايطلع وشوشه في التلفون لما يكلمون اهلي وانا على النت

وبخصوص السرعه لازم تكون نفس السرعة اللي في الا تصالات ولا لا لان الموظف في الاتصالات قال لي لا مايصلح
اسف على الازعاج اخوي والله اني انحرجت لكن وش اسوي غصب علي

يعطيك العافيه

إقتباس الرسالة الأصلية كتبت بواسطة هلالي للغااايه السلام عليكم اخوي الفرحان جعلك طول عمرك فرحان ان شاء الله انا رحت اليوم وشريت المودم وقال لي راعي المحل نركبه لك ب150 ريال مدري يستاهل تركيبه السعر هذا ولالا مع اني احس ان تركيبه سهل لكن يمكن الاعدادات صعبه وانا مديت لي سلك مباشر على الغرفه من فتره سلك تلفون عادي مايحتاج نغير السلك ولااخليه نفسه مع العلم اني لين الحين مااشتركت في اي خدمه ومدري بعد مااركبه الحين اقدر اشترك اليوم ولا لازم بكره وابغى اعرف افضل شركات بالترتيب الله لايهينك بالنسبه للمصفي انا شريته يعني لو اركبه مايطلع وشوشه في التلفون لما يكلمون اهلي وانا على النت اسف على الازعاج اخوي والله اني انحرجت لكن وش اسوي غصب علي يعطيك العافيه

لا عادي بالعكس لا ازعاج ولا شيء ..

انا عطيتكـ رقم واحد بشبكة نت اسمه عبدالله عوض ..

طبعا الافضل يكون السلكـ الخارجي نوع قوي ويتحمل وهذا بتلقاهـ عند عبدالله هذا انت كلمه وهو بيتعاون معكـ متعاون كثير هو ..

قله كل شيء وهوب يساعدكـ وبيخدمكـ .. قله انا معي المودم بس ابيكـ تمدلي سلكـ خارجي وتركبلي المصفي وتثبتلي المودم وتزينلي كل شيء .. وخذلكـ اشتراكـ منهم لمدة شهر وجربه .. اانا الان استخدم شبكة نت وممتازهـ ..

لان سعودي نت واول نت عليهم ضغط

واغلب الشركات عليهم ضغط والشركات اللحين زي الاسهم مرهـ فوق ومرهـ تحت .

انا كلمت عبدالله السوداني وبصراحه الرجال رهيب بس المشكلة قال لي ان الاشتراك مافيه شهر مافيه الا ثلاث شهور ب510 ريال مع والتركيب الظاهر ب100 او 150 نسيت والله

اصلا هو اللي قال لي اشتر مودم من برا ارخص لك بس اختلفنا على الاشتراك لانه بصراحه غالي والحين الوضع المادي لك عليه شوي يعني لو عنده شهر كان من زمان اتفقنا

إقتباس الرسالة الأصلية كتبت بواسطة الفرحان ممكن تكون المشكله من مزود الخدمه نفسه .. شوف افضل حل اشتر بطاقة الو للاتصال المدفوع بعشرهـ ريال .. واتصل على خدمة العملاء وخلهم يحولونها لكـ دي اس ال والسرعه اللي انت تبيها .. وجرب اشتراكهم اذا ما فصل معناها المشكله من سيبيريا .. وترا الو 2 نت ممتازهـ وموجودهـ في كل بقاله

الو يمديني مثلا اشتري بعشره واخليها 256 تجربه او 512 ؟؟؟ و الله فكره جيده

هلا اخوي الفرحان انا قلت له ابي تركيب بس بدون اشتراك قال لي مايصير لكن ان شاء الله احاول معه اليوم لانه بصراحه يستاهل الرجال اخلاق ومتعاون مره

على العموم انت ماقصرت ويعطيك الف عافيه

إقتباس الرسالة الأصلية كتبت بواسطة الفرحان يمديكـ تسوي كل شيء ببطاقات الو .. مثلا العشرهـ هذهـ مدة يوم لـ 512 .. عاد اتصل عليهم وهم بيقولون لكـ كم المبلغ لمدة شهر .. مثلا عجبتكـ خدمتهم تقولهم بكم الـ 512 لمدة شهر .. بيقولكـ بالمبلغ الفلاني .. تجي وتروح للبقاله وتشتري بطااقت بقيمة المبلغ اللي قاله وتتصل عليه ويحولهن لكـ كلهن ويصير مثلا مدة شهر .. وتقدر تصير بالايام مثلا عشرين ريال .. خمسين ريال وهكذا

شكرا لك .. وهذا اللي بسويه

هلالي للغايه يسأل من جدبد الله يعينكم عليه

انا جبت الفني عندي بس لمبة DSL اللي في المودم تأشر بس ماتعلق يعني مافيه اشارة ثابته الاشارة تقطع مدري وش المشكلة الفني يقول المشكلة من الاتصالات وش رايك انت

اسف للمرة المليون على القلق لكن وش اسوي حظي نحس

يعطيك العافيه انا اتصلت على 907 وقالوا لي اتصل على 904 واتصلت وقالوبنجي نصلحه وان شاء الله يضبط


شكرا الف شكر

مرحبتين يا شباب


ابشركم ركب عندي الدي اس ال بس عندي مشكله صغيره ابي اعرف وش افضل مودم موجود حاليا هل هو speed touch OR sys link