تحياتي ,,,
هلا بأبو هيا ,,,
مافيه شك ولاتطريز بهلاليتنا وبأننا رأينا واحد ( إن جانا رأي صح صفقنا له ) و ( إن جانا رأي غلط صفقنا اللي يقوله ) , هذي ميزتنا اللي تميزنا عن الاخرين وإذا سوينا غير كذا وش فرقنا عنهم ؟؟؟
نعم ياغالي ( حياد الجزيره ) واضح جدا وهي تبينا نقتنع فيه بالقوه والدليل انها تكرره كل ربع سنه !! وهذي هي تشكل لنا وتبدل مره الهدلق , ومره الامير هذلول , ومره فيصل ابو ثنين , ومره السلومي , ولا يقولون بعد الحلقه القادمه مع التيماوي وبتصير ايام العيد علشان الناس تكون مبسوطه في ذاك الوقت ومعيده ويمشي عليها كل شيء !!!!!!!!!!!!!!!!!!!.
اما سالفة اهداف شخصيه فلا والف لا الجزيره مالها اهداف ولا حاجه وهذي هي تشكل بعد في اللي تنتقدهم :
مره فهد المصيبيح ,,,
ومره ابو محمد ,,,
ومره مدير الكره الهلاليه ,,,,
يعني هدفها ماهو واحد بس حنا اللي فهمنا على قدنا !!!!!!!!.
ابو هيا حنا في شبكة الزعيم نتخذ الموقف المضاد لكل ماهو هلالي ونتخذ الموقف المضاد للي في مصلحة الهلال , يعني الامر واضح جدا ( حنا نسب الجزيره وننتقدها كذا من دون ماتسوي شيء ومن دون ماتكتب شيء عن الهلال ) هي طايحه مدح في الهلال وحنا طايحين فيها انتقاد ( بصراحه مالنا حق !!!!!!!!!!!!) ,,,
وبعدين حنا من نكون ؟؟ الجزيره واقفة مع الهلال من اول يوم ودعمها للهلال واااضح , حنا اللي تونا طلعنا على الدنيا وتبلينا الجزيره واتهمناها بإتهامات ماهي صحيحه ( اللي يشوف اعمار الصحفيين اللي يكتبون فيها يقول هذولا يجون بعكازات !!!!!!) ,,,
وبعدين ترى هم كانو يتوقعون ان المنتدى هذا يكتب مدح في الجزيره وهي بتتكفل في مدح الهلال , لكن علشان ( تموه ) على المنافسين هي اتخذت القرار ( سنه تسب الهلال ) و ( سنه ماتمدح الهلال ) !!!!
والمطلوب منا هو التصفيق على ( الطريقه الكويتيه او الخليجيه ) !!!!!!!!,,,
اما فيما يتعلق بالهلال وبالمصيبيح فلابد ان يكون هذا الامر هو اخر اهتماماتنا ولابد يكون تفكيرنا مركزززز مثل عصير المانجو <=== تطور غير شكل فيه ناس تسميه منجه ( هم يبوننا كذا
وعن النقاط اللي في صالح المصيبيح هذي مالنا شغل فيها وهذي من اختصاصات ( دباس ) هو متخصص مصيبيح بعد اصابة الهدلق بالغضروف !!!!
وبعدين ليش مستعجلين انتم يالهلاليين ( السنه هذي هي سنة عيوب المصيبيح ) وفي السنه الجايه بينشرون ( حسنات المصيبيح ) وصفقني اذا ماكانت ( سطر واحد ) بس,
@ .. عموما ياغالي المشكله الان انهم يرددون علينا كلمة قبول الرأي الاخر و و و
واشوف انهم بدأو في انتقادنا واستنكرو حتى كلامنا , وصارو يتهموننا بحاجات ماهي صحيحه ( يعني قامو يلفقون لنا ) , لو افترضنا ان كلامهم صحيح وين ( قبول الرأي الاخر )؟؟ وإلا هذي علينا بس وغيرنا لا !!!!!!
ياغالي حجتهم واهيه وطريقة طرحهم لمواضيعهم فاااشله هدفهم جبل والرماه ( حولان) جمع احول ;), يبون يكسرونه او يهدونه وفوق هذا يبوننا نوافقهم الرأي
امحق رأي وأمحق رماه وامحق تصويب , هدفهم واضح ونيته ماهي طيبه وحنا الهلاليين ,,,,
تحياتي ,,,
العوّاااام ,,,
الوضع العادي
