#1  
قديم 27/04/2006, 01:55 PM
زعيــم جديــد
تاريخ التسجيل: 04/08/2005
المكان: canda . vancouver
مشاركات: 31
والله ثم والله ماراح نتخلى عنك ياأبو سلطان حتى لو إنهزمنا من العين عشرين / صفر

السلااااااااااام عليكم ورحمة الله وبركاتة ...



أخواني والله العظيم إللي تقولونه غلط في غلط وش دخل المنتخب وليش تتمنون له الهزيمه والله العظيم شئ يقهر ...

ياشباب لازم تعرفون إن السبب في سلطان ونواف إللي يقودهم البلوي مع ( ... ) !!!

وأقسم بالله العظيم إني ألحين تذكرت كلام واحد من كبار السن كان مقرب من الأمير الوليد بن طلال وكان يقوله

ليش ما تكون رئيس الهلال وأنت تعشق شئ إسمه هلال تدرون وش قال أبو خالد ....؟؟؟

قال مستحيل أمسك الهلال إلا إذا تم تخصيص الأنديه وعندها يكون بيني وبين الإتحاد السعودي قانون يحميني ويحمي

النادي ولا أكون على كيف من هب ودب ( مثل سلطان ونواف إللي يقودهم البلوي مع ( ... )

عشان كذا ياشباب المنتخب ماله دخل بالعكس حنا الهلاليين أبناء الوطن وأكثر جمهور يحب المنتخب هو جمهور الهلال

وبإذن الله الواحد القهار راح يلعب المنتخب ويشرفنا في كأس العالم ...

ودائما أقول لكم يا أخوان حنا الجمهورالهلالي وسبب تميزنا رقينا وحبنا لفريقنا ولمنتخب بلدنا مو حنا إللي نحب النادي

من يومين أو نحب النادي عشان اللاعب الفلاني أو العلاني وإذا راح جلسنا نبكي عليه !!

أما للي جالس يصير بالهلال هذا شئ طبيعي مو غريب لأننا نادي محارب وللأسف المخربين مالقوا رئيس قادر يدير الإتحاد

وصاحب كلمة ( مجرد خطط علميه مدروسه راح تثبت علوا كعب الكرة السعودية) من يوم كنا في بيوت الطين وهذا كلامه

ماتغير !!! ليش ؟؟ ما أدري ...

مانقول إلا رحمة الله على فيصل بن فهد الصارم الذي فعلا يعمل لمصلحة الوطن على الرغم من عشقه لنادي النصر

ولماجد عبدالله بس عمره ماخلى هذا العشق يتدخل في عمله ...

صحيح كان فيه ظلم ( مثل إيقاف الثنيان ورفع الإيقاف عن الهريفي ) بس والله العظيم إنه أرحم من هذا الوقت إللي جالس

يدير الرياضه سلطان بن فهد ...

التعصب ظهر في عهد سلطان !!!

الفساد والرشاوي ظهرت في عهد سلطان !!!

السخرية والتطاول على كبار المجتمع والتقليل من الأخرين لدرجة أن أصحاب الجنسيات ( ووف ، دووف ، وووو ) أصبحوا

يتطاولون على أبناء البلد وكل هذا ظهر في عهد سلطان !!!

أكبر النتائج وأكبر الفضائح الكروية ظهرت في عهد سلطان !!!

الظلم وما أدراك مالظلم ظهر في عهد سلطان !!!

شغب الجماهير والمضايقات في المدرجات لدرجة الوصول لحالة الوفاة سواء كان بسبب الزحام أو بسبب الشغب

الجماهير وخير دليل على ذلك ( وفاة المشجع الهلالي بسبب التنظيم السئ في الملعب ( عامل أساسي ) وحالة

الطعن والشغب بين جمهور الخليج ومضر في الشرقيه ونتج عنها وفاة أحد المشجعين العام الماضي ) كل هذي

الفضائح في عهد سلطان ...

إستخفاف المجتمع الرياضي في القرارات والأنظمة جعل الجميع يتطاول ويتجرى على القاصي والداني وخير دليل

على ذلك مباراة الجبلين والرائد ( وصدقوني لو يوصل خبر الجبلين والرائد للفيفاء والله العظيم إن يكون هناك

كلام ثاني يقلل من مصداقيه الإتحاد السعودي ( أجل فيه دوله تتأهل لكأس العالم والحكام يلاحقون مثل الغنم في

الملعب) )وللأسف هذا كله في عهد سلطان ...

رئيس النادي الموقر وصاحب الظهور الإعلامي الموقر ( راح يشتري جريدة عشان تمدحه ليل نهار ) يأخذ اللاعب الذي

صدر بحقه إيقاف لكـأس العالم رغم إيقافه لأنه يعلم قوة النفوذ التى لديه على سلطان ونواف وما هي إلا دقائق

وصدر القرار برفع الإيقاف ولذلك لمصلحت الوطن من خلال نادي الوطن نادي ..........

أخواني والله العظيم أنا جلس أكتب هذا الموضوع وأنا في كندا ويعلم الله كثر القهر إللي فيني وعى فكره عندنا في

كندا جمهور هلالي مو طبيعي لو تشوفون اليوم بالجامعة كل الشباب أخلاقهم دمار بسبب القارار الأرعن من الإتحاد

الأرعن ( إتحاد سلطان ونواف ومنصور ) ؟؟!!!!

بس ياشباب كل شئ إلا المنتخب وكل شئ إلا الوطن وصدقوني إن النتخب ماله دخل بإللي جالس يصير لأنها عمليات

مخططه من قبل المسؤلين الفاسدين ...

أنا أتمنى إني أشوف إنتقادات أكبر وأصدق وغضب جمهور وأداره وكل المنتسبين لهذا الكيان الأزرق ولكن ليس على

حساب الوطن وحساب المنتخب ...

كذلك أتمنى كل الشباب إللي حاطين تواقيع لمنتخب تونس يلغونها لأن المنتخب ماله دخل ( وهذي حركات الجار العزيز

إللي ماعندهم إنتماء للوطن أبداَ ) لا نكون مثلهم متخلفين ...

أخيراَ وليس أخراَ لاتنسون محمد بن فيصل ، لاتنسون اللاعبين الشباب ، لاتنسون كل واحد يعمل في النادي وأنا أخص

محمد بن فيصل لأني والله العظيم أحس إنه مقهور وهو ينظر للجميع يتخلى عنه ...

ياشعب الهلال الكبير لاتهزكم هزيمة حقيرة بسبب إتحاد حقير وأنتم تعرفون فريقكم وتعرفون من هو زعيم القارة

الأسيويه الأوحد ...

يعلم الله لوإني في الرياض لكنت سأحضر مباراة الهلال والعين حتى لو إنهزم الهلال ( عشرون / صفر ) وبعدها سأقف

إحتراما لمحمد بن فيصل وللاعبين الشباب وسأصفق بكل حماس ...



تأملوا إخواني هذي العبارة ...


في يوم الإربعاء 28 ربيع الأول من عام 1427 هــ ، الموافق 26 / 4 / 2006 تم إغتيال نادي الهلال في

المملكة العربيه السعوديه وذلك في وضح النهار ويرجع السبب الرئيسي لإغتيال هذا الكيان الشامخ كمكافأة له على

تقديمه طاقم تدريبي متكامل لدرجة أن مدرب الفريق الناشئ في نادي الهلال تم تقديمه مع الطاقم كذلك تقديم عدد تسع

لاعبين وذلك للمنتخب الوطني فخير مكافأة لهذا النادي المعطاء على مر العصور هو إغتياله وقهر جمهوره ..



أخواني أسف على الإطاله بس رجاءً الله الله في محمد بن فيصل وصدقوني كل الناس تخلت عنه إلا الشعب الهلالي

الكبير إللي عمره ماراح يتخلى عنه ...




العــــــقـــــل الـــســـلـــيــــم فـــــي تــــشــــــجــــيـــع الـــزعـــــــيـــــــــــــم


أخوكم أم طليحة من ( فــــــانــــكــــوفــــــر ــــــ كنــــــــــــدا )
اضافة رد مع اقتباس
  #2  
قديم 27/04/2006, 01:59 PM
زعيــم متألــق
تاريخ التسجيل: 22/09/2005
المكان: هـــــداج تيمـــــاء
مشاركات: 1,292
يعطيك العافيـــة


والله من القهر لاتلوم احد الا اتحاد الخطط المعكوســة حسبنا الله عليهم بس
اضافة رد مع اقتباس
  #3  
قديم 27/04/2006, 02:02 PM
زعيــم فعــال
تاريخ التسجيل: 04/12/2001
المكان: الرياض
مشاركات: 200
جبتها على الجرح

الله يرحمك يا فيصل بن فهد

و احنا مع الهلال و ابو سلطان على طول المشوار
اضافة رد مع اقتباس
  #4  
قديم 27/04/2006, 02:32 PM
زعيــم مميــز
تاريخ التسجيل: 24/06/2005
المكان: باريس نجد ( عنيزة)
مشاركات: 3,926
-


كلنا مع الهلال وابو سلطان ..


والى الجحيم هم وخططهم المعكوسة ..
اضافة رد مع اقتباس
  #5  
قديم 27/04/2006, 02:43 PM
زعيــم مميــز
تاريخ التسجيل: 07/04/2005
المكان: في رياض المحبه
مشاركات: 3,256
كلنا مع الهلال وابو سلطان
اضافة رد مع اقتباس
  #6  
قديم 27/04/2006, 03:34 PM
زعيــم فعــال
تاريخ التسجيل: 06/10/2005
مشاركات: 479
بعدي والله اخوي

موضوع كلة درر وكلام واقعـــي

ولازم كلنــــا نحس بالي قريناة من اخونـــــا ونوقف مع الزعيم

مهمـــا احتشد الظلمة وكثر المرجفون


والوعد ان شاء الله درة الملاعب يوم الاربعـــاء

وراح يهزمهم الجمهور اولاً والاعبين ثانيــــــاً



اضافة رد مع اقتباس
  #7  
قديم 27/04/2006, 08:16 PM
زعيــم متواصــل
تاريخ التسجيل: 21/03/2006
مشاركات: 66
أخيراً لقيت أحد مثلي أبو سلطان أكبر فخر لنا ولازم نوقف معاه والمنتخب ماله دخل وتكفون نبغى الملعب يهتز من هتافكم حتى لو خسرنا عشرين/ صفر ..........

ومشكور أخوي.......
اضافة رد مع اقتباس
  #8  
قديم 27/04/2006, 09:11 PM
زعيــم مميــز
تاريخ التسجيل: 01/12/2003
مشاركات: 4,262
الله وهالفيصل بن فهد الي صجيتونا فيه

مو كأنه هو الي سحب الدوليين من بطولة الخليج ومن بطولة اسيا بحجة معسكرات

الفتى سر ابيه
اضافة رد مع اقتباس
  #9  
قديم 27/04/2006, 09:38 PM
زعيــم نشيــط
تاريخ التسجيل: 16/02/2005
مشاركات: 846
هذا الكــــــــلام الي يجمد على الشارب


والله معاك يا ابو سلطان في الفوز والخساره

والله متطمنين على الهلال دامه بيدينك لو ننهزم كل مباريات الموسم الجاي (الله لا يقولها)

معاك معاك يا ابو سلطان

وتأكد يا ابو سلطان انك دامك تسوي الشي وتخلص فيه لوجه الله ان الله بيكون معك وبينصرك في النهايه


واترك اصحاب الخطط العلميه المدروسه لهم الله
اضافة رد مع اقتباس
  #10  
قديم 27/04/2006, 09:47 PM
الصورة الرمزية الخاصة بـ زوزو الهلالي
زعيــم مميــز
تاريخ التسجيل: 17/01/2006
المكان: أطهر بقاع الأرض
مشاركات: 3,181
في حريقه ياوطني لانك حرمتني من مشاهدت حبي مكتملا كالبدر
اضافة رد مع اقتباس
  #11  
قديم 27/04/2006, 09:52 PM
زعيــم نشيــط
تاريخ التسجيل: 05/05/2005
المكان: ...في قلب الهلال..
مشاركات: 636
الله يقلع الي كان السبب الله يقلعه الله يقعله ويحرمه من ابنائه مثل ما حرم الهلال من لاعبيه ..
اضافة رد مع اقتباس
  #12  
قديم 27/04/2006, 09:54 PM
زعيــم مميــز
تاريخ التسجيل: 14/07/2005
المكان: في عالم الزعامه
مشاركات: 1,895
صدقت اخوي

وانا ضد كل من يتمنى الشر لمنتخبنا اللي اغلب عناصره هم ابناء الهلال

شكرا لك
اضافة رد مع اقتباس
  #13  
قديم 27/04/2006, 10:29 PM
زعيــم متواصــل
تاريخ التسجيل: 21/11/2004
مشاركات: 60
الله يرحمك يابو نواف (( فيصل بن فهد ))

مشكور اخوي على الموضوع

وحنا كلنا فداء للأزرق وفداء لأبو سلطان والله لو ينهزم الهلال 100 / صفر سابقى هلالي

غصب وعند في اي معادي للنادي

وسابقى عاشقا للرجل نعم الرجل الاوحد في تاريخ الكرة

ابو سلطان

رجل الرجال وامير الحب ومعشوق الجماهير ..
اضافة رد مع اقتباس
  #14  
قديم 27/04/2006, 10:32 PM
زعيــم مميــز
تاريخ التسجيل: 16/07/2005
مشاركات: 1,647
يعطيك العافيه
اضافة رد مع اقتباس
  #15  
قديم 27/04/2006, 10:55 PM
زعيــم متواصــل
تاريخ التسجيل: 21/08/2005
مشاركات: 163
الله يلعنك يا ابو كرش (نفر قواد هذا بلوي )
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:03 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube