ركــــود ركــــود الـــزعــيــم مـــفـــقـــود - نادي الهلال السعودي - شبكة الزعيم

9 خطر 9 خطر 9 · #1 23/04/2006, 05:34 PM

مفقوووود محسووود اللي تبون سموه لكن بالاخير هو مش موقود (( موجود بس بالزملكاوي ))

مدخل

مانقول الا الحمدلله على كل حال وهذي حال الكوره يوم فوز و يوم خساره

وفعلاً زعيمنا ضيعها من الشوط الاول بس برضو اعيد واقول الحمدلله على كل حال

بالبدايه اتمنى انكم تسمحون لي اكتب موضوعي على شكل نقاط (( أسمحو لي تكفون

))

أولاً للأستاذ كليبر واللي سماهـ جستنيه كليفر (( الذكي )) ** شف من اللي مسميه علشان تدري انه ماعندك احد **

ياحبيبي انت ياكليبر لعبنا ضد الاتحاد والاتحاد مسلم لك المباراة والمباراة على ارضك وتلعب الشوط الثاني بـ 3 محاور؟؟

هل انت تفهم في عالم التدريب؟؟ او انك تستهبل؟؟؟

عدينا مباراة الاتحاد بالبــــــركه وجانا الشباب وهنا الطاااامه عاد

فريقك نازل المباراة ومعك حوال 60 الف متفرج صاكين لك الملعب من قبل صلاة المغرب (( اللهم اجعلهم يصكون عليك بغرفه 2 في 2 ومافيها الا مروحة شفط قل امين )) ودفاع الفريق اللي ضدك مكون من محمد الحمدان وعبدالمحسن الدوسري اسوأ مدافعين على وجه الأرض ألعب معهم بمدافع واحد؟؟؟

كليبر من أي كوكب أنت؟؟؟؟

بدأت المباراة بالتشكيل الغبي حق كليبر وجابو فينا هدفين الشباب - الملك عبدالله بكبره توقع ان سامي هو اللي بينزل بعد هالهدفين يجي التغير ؟؟؟!!!!!؟؟؟!؟!؟!؟! أحمد الصويلح؟؟؟؟ وبدال من كــــمــــاتـــــشــــو؟؟؟

انا مااقول ان احمد سيء ولكن خبرته ماتسمح له يلعب هالمباريات ولو لعب مو الجمعان ولا سامي لو لعب الخراشي او العنبر افضل منه

وبعدين يسحب كماتشو؟؟؟ نواف وش سوا الشوط الاول؟؟؟ الشلهوب من بدأ الشوط الثاني وش سوا؟؟؟؟

أعزائي الزعماء كماتشو في مباراتي الاتحاد والشباب العام الماضي كان من اللاعبين اللي ادائهم سيء داخل الملعب ولكن بالأخير من يحسم لك المباراة؟؟؟ ومن غيره الساحر كماتشو؟؟؟

دقيقه دقيقه ..,,..,.. خبر عاجل الاداره الهلاليه تستغني عن كماتشو

ابو سلطان ان صار هالكلام صحيح انا أعتزل تشجيع الهلال ان جاب الهلال الأسيويه ولحد يقولي الهلال مايوقف على لاعب لكن لاعب مثل كماتشو وبهالوقت تخسره صدقني كأننا خسرنا 3 بطولات ... والوعد قدام

صار التغيير والشكوى لله ننتظر شوي يمكن فيه تكتيك معين براس الكليفر كليبر ؟؟!!؟

WoOoOoOoOoOoW

مشعل الموري مره وحده ياللي ماتخاف الله؟؟؟؟؟ لعنبو ابليسك انت ماتدري ان الموري والصويلح ابداعهم كان ضد فريق منتهي هو ماشال الأوزبكي؟؟؟ لعنبو ابليسك ماتفرق بين أوزباكستان والسعوديه انت؟؟؟ لعنبو ابليسك ماتدري ان ضمك لو يلعبون ناقصين 3 ضد منتخب اوزباكستان يمكن يوصولون للبلنتيات معهم؟؟؟؟

الله لايوفقك ياكليفر

انتهت المباراة وانهزمنا 3 تاريخيه ماقد انهزمنا مثلها الا يوم لعبنا ضد 14 لاعب في نهائي كابتن النصر في تلك المباراة العمر

ما أقول الا الله لايوفقك ياكليبر

ثانياً الكابتن العزيز على قلوبنا نواف التمياط

همسه في اذنك يا أبو بندر ;)

النجوميه يـــبـــيـــلـــهـــا

وللمعلوميه فإن مشكلة نواف بعد المباراة كانت مع مشعل الموري واتحدى من ينكر ذلك

ماقلت لك ياابو بندر النجوميه يبيلها؟؟؟

ثالثاُ للأمير محمد بن فيصل ... لن ننتقد بعض النقاط اللي ماسويته للفريق بعد رحيل الدوخي لأنك أصبحت فوق النقد واللي سويته للهلال مهوب شوي ياابو سلطان لكن لي عتب صغير عليك

الهلال من يوم تأسس عرف عن رجاله الأخلاق والروح الرياضيه حتى ولو كان بيننا مشاكل بالأخير يبعدون كل شي على جمب وتتجلى الروح الرياضيه

انتهت المباراة البلطان يواسي لاعبي الهلال والجماهير هاردلك ماقصرتو ان شاء الله الموسم القادم

في الجهه المقابله ابو سلطان يصرح ابارك لجماهير الشباب وللأمير خالد بن سلطان و و و و و ....... ولمن نسمع البلطان؟؟

ياابو سلطان كلنا نكره البلطان وكلنا نكره البلوي ولكن الروح الرياضيه فوق كل اعتبار

تفوق الشباب على الهلال وتفوق البلطان على ابو سلطان

ابو سلطان انا اسف ولكن راجع حساباتك

رابعاً للذئب سامي

ياناس ان كان فيه واحد يحترق كان بيلعب بالنهائي فهو سامي

مشهد الدقيقه 79 :

كليفر يتحدث مع سعيد المترجم .... ياسعيد رح استدعي ( 000 ) للحين ماندري من ولكن لو فيه جدتي وهي ماتشوف تبي تقول سامي

سعيد وصل علم الرايه وينادي الا ابو عبدالله يركض يبي يروح للدكه علشان ينزل يوم وصل عند سعيد
سعيد يأشر بيده لا لا مو انت ياسامي الجمعااااااان

عجبي.

مشهد اثناء تسليم ميداليات صاحب المركز الثاني :
يدخل سامي الجابر يتنهد ابو متعب ويقول آآآآآآآآه يوم شاف سامي؟؟؟ اسألكم بلله هل بعد هالمشهد مشهد؟؟

لايهمونك يا ابو عبدالله وسترد على المتخلف كليبر قريباً ان شاء الله

خامساً واخيراً للزعماء جمهور الزعيم

دخلت الملعب الساعه 6 ومالقيت محل لا بالدرجه الثانيه ولا خلف مرمى الهلال ولا ممتازة الهلال وبعدها بساعه الملعب بكامله ازرق الا ماندر .

ولكن عذراً ياجن الملاعب فاللاعب اللي مايعرف يطلعكم وانتم زعلانيين كان بالاحتياط ومارضى كليفر انه يلعب ويحسب ان كل مره تسلم الجره وكل فريق عنده دوخي بيرجعها له ويقول جيبو الثاني؟؟

لكن فيه شي لازم تحطونه ببالكم مدام خشم ابو عبدالله يشم الهواء فمن هالحين اقول وان بغيتو أحلف لكم ونيابه عن سامي

أبـــشــــرووووووووو بــالـــعـــوض ;)

<<<<<<<<<<<<< جاه مسج في هالاثناء من جوال الهلال يقول ابو سلطان احضرو مباراة العين وانا نيابه عن الجمهور اقول بالأول هات حقنا (( الدوليين مثل الاتحاد )) وابشر بالحضور لكن غيره مابقى فينا نتحمل اكثر

اسفين

تحياتي للجميع واتمنى اني مااطلت عليكم واسمحو لي لو زودتها شوي ولكن صدقوني هذا شي قليل من شي كثير

بالأخير الله يوفق زعيمنا بالأسيويه بإذن واحد أحد وبإذن واحد احد يتأهل الشباب قولو امين

<<<<<<< علشان يجي الاتحاد دور الاربعه ونصكه ويجي الشباب بالنهائي ونردها 30 مو بس 3

شاكر للجميع