السلام عليكم ورحمة الله وبركاته

هارد لكم يازعماء على خسارة البطولة ومافي فريق مايخسر بس الي احزننا كهلاليين هو عدم تقديم المستوى المشرف في المباراة النهائية
والشباب والله والله والله يستاهل الفوز والكاس

* الزعيم وكعادته كبير حتى في الخسارة والدليل اني جاي من الشرقية وحضرت المباراة وصاحبي الي ساكن في الرياض يقولي بعد المباراة تدري لو الهلال فايز كان سهرت الرياض حتى الفجر قلت في نفسي يالله الزعيم كبير حتى في الخسارة

والله شفت الجماهير رافعة اعلام الهلال على السيارات ومبسوطين ياكذا الجماهير المحبة والا بلاش .

طبعا جاتني رسائل على الجوال للناس الي يهمهم خسارة الزعيم بغض النظر عن الفريق المقابل او مناسبة المباراة
مو علشان شي بس علشان الهلال خسر

* لي عتب شوي على جماهير الهلال في النهائي انا يوم كنت حاضر شفت جماهير ترمي قواطي موية وشفت منظر احزني والله واحد من الجماهير الله يهديه رمى النعول( اعزكم الله) على العسكري وجت في وجهه مو عيب

هذا الي رمى متاكد انه محسوب على جمهور الهلال

عموووما ان شاء الله نعوض في البطولات الجاية وخاصة الاسيوية