#1  
قديم 23/04/2006, 11:13 AM
زعيــم نشيــط
تاريخ التسجيل: 14/10/2002
المكان: مـمـلـكـة الـزعـيـم
مشاركات: 662
بخصوص ضياع البطولة معليش اسمح لي اخالفك الرأي ياسامي الجابر!!!

الف الف مبروك لكل الزعماء تحقيق إعجاز سداسية القرن

حبيت ازف لكم التهاني والتبريكات قبل اقول هارد لكم على خسارة بطولة واحد من اصل سبع بطولات كوش الزعيم عليها كلها الا بطولة واحده اعتقها لوجه الله لانه مثل ماتعرفون صعبه تجمع الذهب سنتين متتاليه ويتم عليك حولين ولا تزكي على الذهب الي عندك

لانه يازعماء با الشكر تدوم النعم

وربي هذا اول موضوع اكتبه اهنيء فيه الزعيم بعد النجاحات المتتاليه وحصد الذهب تلو الذهب واكيد بتستغربون ان التهنئه كانت بعد خسارة بطولة وانا ما اعتبرها خسارة بطولة بل اعتبرها زكاة ودفاعة بلى انشاء الله

اتذكر اني قريت موضوع لذيب سامي في الشبكة هنا قبل نهائي ولي العهد الي حقق لقبه الزعيم قال ان موسم الهلال بتحقيق كاس بطولة فيصل بن فهد يعتبر جيد واذا حققنا كاس ولي العهد يعتبر انجاز واذا حققنا الدوري يعتبر اعجاز!!

وانا اقول له وربي ماحققه الزعيم يعتبر الاعجاز بعينه فريق يكوش على البطولات سنتين متتاليه ويخسر بطولة وحدة من اصل سبع بطولات مع الاخذ با الاعتبار انه ماخسر الا في النهائي وانتم تعرفون ان اي فريق في العالم لابد يمر بيوم يكون مو يومه وللاسف حظ الهلال ان اليوم هذا كان يوم النهائي وحظ الشباب ان الهلال قبل المباراة هذي بثلاث ايام بس كان لاعب مباراة من العيار الثقيل مع الاتحاد امتدت 120 دقيقة !!ومع هذا لانغفل مايواجه الزعيم من محاربة ومن احزاب وتكتلات تحاول بشتى الطرق ايقاف المارد الازرق من اعلى سلطة الاحاد السعودي سواء بحرمان الهلال من 10 من نجومه اغلب فترات الدوري او من الايقافات التي تطال لعيبة الهلال دون غيرهم او من جدولة المسابقات!! اجل فريق يلعب نهائي ولي العهد ونصف نهائي الدوري وبينهم مباراة خارجية في ظرف اقل من اسبوعين!!!! من جد لاتعليق

طبعا غير توزيع اللعيبة بين الاندية كله لتحاول وقف زحف الزعيم وتكويشه على الذهب يعني اي فريق يطلع يهدي الفريق الي بيقابل الزعيم لعيبته خخخخخخخخخ


عشان كذا يازعماء اتمنى تستمتعون وتفرحون بسداسية القرن وتقفون مع نجومكم وادارتكم الي ماقصروا وربي لدرجة ان الواحد مايلحق يكتب موضوع تهاني وتبريكات لتحقيق بطولة يعني بطولة ورى بطولة والحوت الازرق من يطولة

وفي الاخير الله يوفق الزعيم في مهمته الاسيوية ووعدنا الاربعاء بعد القادم يا الــ ع ــ
اضافة رد مع اقتباس
  #2  
قديم 23/04/2006, 11:23 AM
موقوف
تاريخ التسجيل: 02/07/2005
المكان: في أحضان نجد
مشاركات: 2,193
حبيبي تحقق بطولة آسيا سابع المستحيلات
اضافة رد مع اقتباس
  #3  
قديم 23/04/2006, 12:43 PM
زعيــم نشيــط
تاريخ التسجيل: 14/10/2002
المكان: مـمـلـكـة الـزعـيـم
مشاركات: 662
ياخي تفاءلو با الخير تجدوه!!!

الحين وش الفايده من ردك ان البطولة الاسيوية من سابع المستحيلات حتى لو كنت متشائم خل التشائم هذا في تفكيرك بس لان الحين محتاجين وقفة مع النادي والرفع من روحه المعنويه مو ردود مثل ردك تسد النفس مع احترامي لشخصك!!
اضافة رد مع اقتباس
  #4  
قديم 24/04/2006, 01:33 PM
زعيــم نشيــط
تاريخ التسجيل: 14/10/2002
المكان: مـمـلـكـة الـزعـيـم
مشاركات: 662
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:09 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube