هلا بأبوساره
والله أنك صادق بكل كلمه تقولها بس تدري وش الي مريحني أني تأكدت بنسبه 100%
أنه 80% من في المنتدى مايحضرون الملعب وليس هم جمهور الهلال الحقيقي تبي تشوف جمهور الهلال الحقيقي
تلقاه في الملعب أما جمهور المنتديات هذه أنا غسلت يدي منهم من زمان أغلبهم مع الخيل ياشقرا
مثل الببغاء يشوفون أول رد ويكررونه تصدق أني أعرف واحد هنا في المنتدى مسجل بأسمين أسم يكتب فيه موضوع
والأسم الثاني يرد بيه على نفسه رد حلو عشان بقيه الأعضاء يكررون نفس الرد ومع الخيل ياشقرا
وترى مثل ماقلت لك جمهور المنتدى غير وجمهور الملعب غير أنا بعد مباراه الكاس ماطلعت على طول انتظرت لين التتويج
وانتظرت لاعبين الهلال وهم نازلين من المقصوره لأني كنت قاعد في المنصه
أشوف الجمهور الي عند الشبك يحيون
جميع لاعبين الهلال وماتصدق لو أقولك من أكثر لاعب لقى ترحيب من الجمهور
خالد عزيز
وفهد المفرج
خالد عزيز يوم طلع من المقصوره كلهم يقولون حيوا عزيز حيوا وكفوا ياأبوعزيز و الي يقول كفوا يالي مهجد الثور نور تحس أبوعزيز استانس من التشجيع
وماسك ابتسامته تحس أنه فرحان من الداخل عرف أن الجمهور مقدرين له مجهوده
فهد المفرج كلهم يسلمون على راسه يقولون له أهم شي الآسيويه وتفداكم مليون بطوله وماقصرت يامفرج وبيض الله وجهك
تصدق أنه هؤلاء وجدوا ترحيب أكبر من سامي وياسر ونواف
أما بالنسبه لإنتقادك للأعضاء أنهم ماينتقدون إلا اللاعبين المظلومين على قولتك أنا اختلف معك في هذه النقطه
ومع احترامي لإداره المنتدى المشرفين هم مايخلون المواضيع إلا الي تنتقد الللاعبين المظلومين
في فتره سامي كان يغيب فيها عن التمارين اما بإجازة أو عشان الدعايات
كتبت أنا موضوع حول غياب سامي وانتقدته في موضوعي نقد بحت مافيه أي كلمه خارجه أو جارحه
كان الموضوع نقدي بكل ماتعنيه الكلمه فوجئت أنه الموضوع حذف في فتره زمنيه لاتزيد عن الدقيقتين
أما المواضيع الي تنتقد المفرج وعزيز والغامدي نقد جارح حتى مونقد إلاسب وشتم قول
تلقى الموضوع عدد الردود فوق ال100 وكلهم مع الخيل ياشقرا والي للأسف المواضيع الي مثل هذه المفروض تحذف لأنها
مامنها فائده وتجد المشرفين لاحركه
مانقول غير وسع صدرك لأنه في فرق بين جمهور المنتديات وجمهور الملاعب
سلااااام