من مصدر موثوق جداً : نواف التمياط يتفق مع إدارة النادي على تجديد عقده بـ 25 مليون .!! - نادي الهلال السعودي - شبكة الزعيم

Hilali_To_Deth · #1 16/04/2006, 08:48 PM

بالفعل من مصادري الخاصة .. سمو الأمير فيصل بن سعود .. والد الأمير محمد بن فيصل رئيس نادي الهلال يتسلم ملف نواف التمياط ويتفق معه على تجديد عقده لمدة خمس سنوات مقابل 25 مليون .. يتسلم خمس ملايين كدفعة أولى .. والعشرين مليون بعد فترة .. وبذلك يتم إقفال ملف اللاعب ..

وعدم مشاركته في مباراته مع الإتحاد .. تعود لإصابته في تمرين أمس بعضلة الركبة ..

شكراً لكم ..

طارق الهلالي · #2 16/04/2006, 09:06 PM

بالتوفيق لنواف
والله يبارك له مع الزعيم

RoMa4eVeR · #3 16/04/2006, 09:13 PM

اما 25 مليون كثر لي منها خيو

ya ana · #4 16/04/2006, 09:23 PM

مع احترامي لنواف مايستحق هالمبلغ
25 مليون والنادي هو اللي طلعه كثيررررره والله

ومااعتقد انه صحيح

حتى جيوفاني لما جدد عقده مع نادي ماوصل لهلمبلغ لانه يملك بطاقته مثل نواف الحين

فيصل ابو خالد · #5 16/04/2006, 09:25 PM

بصراحه ما يستحق اي لاعب 25 قيمة عقده

فلا تنسون ان ياسر دفعت ال22 لنادي القادسية

أضــــــــــواء · #6 16/04/2006, 09:37 PM

مأتوقع نواف يكلف ناديه هالتكلفه الخياليه

لا وان شاءالله لا لان مانبي تفكير لاعبينا مادي بهالدرجه

تقبلوا وجودي

Mr Hilale · #7 16/04/2006, 09:40 PM

مااتوقع .........................

مو قصدي اكذبكـ بس صععععععبه

ويارب يكون نواف مصاب ويخييب ظني

ويطلع اللي ((في بالي)) مو صح

HILAL_LONDON · #8 16/04/2006, 09:44 PM

نتمنى بقاء نواف ولكن

غيابه اليوووووم اثار اكثر من علامة استفهام لان الاتحاديين قالوها من قبل نواف يعتذر

وغير كذا تقول 25 مليون اتقي الله

كثييييييييره مرررره ونواف بنفسه وسمو الامير محمد بن فيصل

قال نواف مايبينا نتاخذ اي اجراء قبل نهائيات كاس العالم

بالله تبينا نكذب سمو الامير

أبو سميه · #9 16/04/2006, 09:45 PM

اذا نواف طلب خمسه وعشرين مليون , ورفضها الهلال فمايقدر نواف يروح لأي نادي الا بعد مايدفعون 25 ضرب ثلاثة

أي = 75 مليون لنادي الهلال ,,,,

ياسر جانا بـ2 مليون ونص له والباقي لناديه لأنه هو الي طلعه فكيف يدفع له هذا المبلغ الخيالي !!

أحب نواف وأتمنى وجوده لكن أتمنى ماينظلم الهلال أويكون العقد لعشر سنوات

واذا لم يصح هالكلا فأتمنى حذفه

RoMa4eVeR · #10 16/04/2006, 09:49 PM

لالالا انا اكذبك واذا طلع الخبر صحيح دفعت لك 50 مليون ريال

الــســنــتــر · #11 16/04/2006, 10:51 PM

الله يوفق نواف يستااااااااااااااااهل كل خير

وفي نظري يستاهل اكثر من 25 مليون

والدليل تدهور الهلال من غيابة اليوم

في خط الوسط

تحياتي

Hilali_To_Deth · #12 17/04/2006, 12:22 PM

أخواني .. أنا نقلت لكم ما قاله لي أحد أعضاء الإدارة في النادي وأنا كنت أبي أسأله عن سبب غياب نواف وقالي إنه مصاب وقالي ترى خلاص سمو والد الأمير محمد أخذ ملف نواف واتفق معه على كل الأمور والتوقيع يكون بعد كأس العالم بإذن الله .. وقالي 5 مليون يعطونه في البداية والباقي بعدين .. أو على دفعات ..

أكرر .. أحببت أن أنقله لكم .. والمسؤولية على المصدر .. وفي القريب سيتبين كل شي ..

على العموم شكراً على المرور ..

العتيبي2005 · #13 17/04/2006, 12:49 PM

8
8
8
ماعليك منه يارجال