|
حسبي الله ونعم الوكييييل ..يا جعل يديهم و رجليهم الشلل يا رب يا كريم تشلهم ومن أرسلهم اخواني اعضاء منتديات الزعيم .. اتمنى منكم الاستماع لما حصل لي وللشباب اللي معي في استاد الملك فهد .. المرة هذي صارت لنا المرة الجاية ممكن تصير لكم اذا ما حصل تدخل من سواء الادارة .. او رعاية الشباب أو مدير الاستاد النمشان .. سؤال بريء : هل من المنطق او من المعقول انك تضبط فوق الثلاثين الف نسمة في مكان تجمع واحد ب أقل من 500 رجل أمن ..... يا اخوان أنا كنت طالع مبسوط ومستانس أنا و عيال عمي وعيال خالتي .. أنا كنت أكبرهم و عمري 22 سنة .. يا طويلين العمر كنا في سيارتين .. جيب نيسان مورانو .. والسيارة الثانية فياقرا اللي كنا فيها انا و اخوي الصغير(16 سنة) و ولد خالتي الصغير (لم يتجاوز ال 12 سنة ) و معنا ولد خالتي عمره 19 سنة .. كنا في السيارة مبسوطين ان الهلال فاز بخماسية و كان الفرح خيالي و كل واحد فينا يقول للثاني عن احلى مجريات المباراة والفنيات اللي شفناها .. و فجأة و نحن على وشك الخروج من البوابة الخارجية للسور المحيط بالمواقف .. ما وعينا الا فوق العشرين شخص .. يغلقون البوابة الحمراء اللي أمامنا .. و كان اللي قدام سيارة ولد عمي شخص ما نعرفه بكامري .. تعرضت سيارته للتكسير والنهب و الناس جوا تعرضوا للضرب كذلك و ما شفناهم الا هاربين .. بالسيارة بصعوبة بعد ان انفتح الباب للأسف انهم أغلقوه مرة اخرى و انا يوم شفت الوضع كذا أقول لولد خالتي انه يطلع الرصيف بس ويهرب لأنه معنا اطفال وما تدري وش نواياهم هالهمج .. يوم طلعنا الرصيف و كنا بنروح للجهة الثانية اللي كان فيها زحمة .. و لكن التفتنا و لقينا الهمج متجمعين على سيارة ولد عمي الجيب .. اللي تشوفون صورها بموضوع ادارة المنتدى المثبت اللي هو تكسير سيارات جمهور الهلال .. تشوفون الجيب الرمادي هذا جيب ولد عمي .. يوم شفنا الوضع كذا نزلنا انا وولد خالتي وانزلنا معنا عصا كهربائية كنا حاطينها في الشنطة احتياط .. انطلقنا الاثنين و ضربنا بعضهم بشكل عشوائي .. وتوجهنا للباب الاحمر الحديدي و فتحناه .. وعيال عمي اللي في الجيب ما انتبهوا اننا نازلين .. فأول ما شافوا الباب انفتح راحوا طالعين من الباب .. يوم ادور ولد خالتي اللي نزل معي و ألقاه عالأرض طايح و يتعرض للضرب .. والله اني وقتها مدري وش اسوي قمت أضرب الناس اللي حوله واللي معه سكين واللي معه عجرة واللي مدري وش معه .. المهم اني قومت ولد خالتي و ألقاه ينزف من راسه و ورجعنا للسيارة و كانت مقفلة لوجود الاطفال الثنين .. يوم فتحوا لنا الباب .. و يجينا هجوم آخر من كل اتجاه عالم طبت في السيارة و حنا ما ندري من نوخر و من نضرب و بمن نستنجد .. ضربوا اخوي الصغير و هددوه بالسكين أنا يوم شفته اللي مهدده مسكته من شوشته و ضربت بها باقوى ما عندي في حديد السيارة و تعرضت للضرب من ظهري من اكثر من شخص .. المهم ركبنا السيارة و يوم شفنا الوضع 30 واحد على اثنين معهم اطفال ما كان امامنا الا الهرب .. ودينا ولد خالتي للمستشفى و خيطوا له راسه ب 8 غرز .. كل هذه الاحداث دون أمن يدافع عنا .. المسروقات جوالين مننا و كاميرا .. و جوال من السيارة الجيب .. اللي صورها في موضوع ادارة الاخبار .. رئيس الهلال مااااا قصر.. حين علم بالقصة اتصل على ولد عمي وعرض عليه تصليح السيارة و أصر على ذلك .. مشكووووور يا سمو الامير لكن ارجوووك لا تسكت عن حقوووقنا !!!!!!!! اذا كانت الخسائر هالمرة مادية ما ندري وش ممكن تكون في المرة القادمة .. رجال الأمن ( للاسف مجبورين نسميهم رجال ) ما فيهم شخص هرع للمكان .. الى ان وقفت عند جيب شرطة و كنت أصرخ لهم بطريقة هستيرية و أقول لهم شوفوا الاجراااااام اللي عند البوابة الثانية و أوريهم فلقة ولد خالتي .. و تحرك بكل برود و بطريقة تثير الاستفزاز !!!!!! أنا والله ثم والله لو لا هالاطفال اللي معي انني لأحاربهم حرب الرعاع الهمج .. لكن وش تسوي لين صرت ما تدري تخاف على البزران ولا السيارة ولا على نفسك ولا على وشو بالضبط .. الجوالات والله انها ما أثرت في حياتي ولا شلت همها .. ما ضيق صدري الا منظر الهمجي اللي ماسك اخوي و يهدده بالسكين .. والحمد لله اني انتبهت له ولا كان الله اعلم وش صار .. اللي صار لنا بفعل فاعل وليس عن طريق الصدفة او تقول انهم مجرد عصابة .. هذول مرسوليييين مرسوليييين .. اخي الصغير عندما وصل البيت انهار و قعد يقول الله يلعن ابو اللي يحضر مباراة مرة ثانية .. ولد خالتي الصغير كان مرتااااااع و هو يشوف منظر اخوه ينزف من راسه .. و كان يصرخ لي يقوول لي شووووف شووووووف دم من راسه كنت مدري اهديه ولا وش اسوي بالضبط .. عندي صورة لولد خالتي و هو ينزف اول ما وصلنا المستشفى صورته و لكن لن انشرها الان هنا .. في الخاتمة احب اعيد واقول .. ياااااااااااا سمو الامير محمد بن فيصل ارجوووووووك لا تتنازل عن حقوقنا .. والله ثم والله اني كنت متردد قبل المباراة احضر ولا اتابعها في التلفزيون علاشان مباراة العين و مباراة الاهلي والاتحاد .. لكني فكرت و قلت والله ما أترك الملعب و ابو سلطان متعني علاشان هالجمهور .. أرجووووووكم يا اخوان لا تسكتون عن حقي و حق ناس غيري تعرضوا لنفس الموضوع !!!!! حسبي الله ونعم الوكيل .. حسبي الله ونعم الوكيل .. حسبي الله ونعم الوكيل .. |
الله يكون بعونك . لو الامر بيدي كان شلت استاد الملك فهد من حي الجنادريه وحطيته بحي المعذر الشمالي ( وااااه يالمعذر قمة الحظاره ) |
الله يكون بعونك وعوني لاني صار معي نفس الشي الله لايسامحهم دنيا واخرة |
حسبي الله ونعم الوكيل الله لا يوفقهم فعلا والله مشكلة |
الله يعينك اخوي والله من جد شي ماينسكت عنه وحسبسي الله ع هذولاء الهمج والله يردها ف اخوانهم اللهم امييين |
يجب تقديم شكوى من إدارة النادي للرئاسه العامه على هذا الإهمال |
حسبي الله ونعم الوكيل |
حسبي الله ونعم الوكيل حسبي الله ونعم الوكيل |
الهلال فوق الجميع الله يشفي مصابكم انشاء الله والحمدلله ماتطور الأمر لأكثر من كذا.... والحمدلله على سلامة الباقين ... أخواني ... أعضاء المنتدى ,, المشرفين لابد من البت في هذا الموظوع . بصراحة الوظع والله معد ينسكت علية ... الا هنا ولازم يتخذ النظرفي هذة القضية من قبل رئيس الهلال ورفع الامر لوزارة الداخلية باللي قاعد يصير.... بصراحة مين يتوقع هاللي قاعد يصير والله مو معقول .. جماعة تمشي بشكل ارهابي ومسلحة .... والله اللي قاعد يصير هذا كارثة !!!! اليوم تكسير وتهشيم سيارات وجروح !!! اذا لم ينظربهذة المشكلة فسوف يحدث مالم يكن بالحسبان !! (( القتل )) |
مشكورين يا اخوان عالمرور والمشاركة .. ولو ان عندي شكوك في الموضوع .. ما ودي احكم لكن اشك الموضوع فيه هدف منه .. وهو ايقاف جمهور الزعيم عن الحضور .. خاصة في المباراة القادمة امام الاتحاد يوم الاحد .. والذهين يفهم .. أنا ما ودي احط شي في ذمتي لكن هذا ما اشك فيه والله اعلم .. عالعموم حسبي الله عليهم ونعم الوكيل .. والله اني من البارح وانا أدعي وأدعي عليهم .. اخوي الصغير قبل شوي صحا من نومه و آثار الصدمة ما زالت في وجهه .. ادعوا لنا و ادعوا عليهم يا اخوان .. والله انهم همج و ما عندهم لا دين ولا حياء ولا حتى ذرة انسانية في قلوبهم ما فيه .. عالم متربين على النهب والسلب والاجرام والعياذ بالله .. اللهم لا تجعل أحد من من يعز علينا يشعر بما شعرنا به البارحة من قهر و ظلم .. يا رب يا كريم انك تحمي كل ذو نية صافية من هؤلاء الهمج .. اللهم آمين .. |
مافيه حل الا انك ماتروح للملعب .. والا الله يعينك تروح وتغامر . وممكن الله يفكك وممكن يصيبك الشي هذا .. الا اذا الاداره بيدفعون لنا بدل خطر عشان نحضر المباريات هذا شي ثاني |
الله يكون بعونك اخوي والحمدلله على سلامتك وسلامت اخوك وذي الاشكال ولا المناطق ذيك لاتدخلها الا وانت معاك فرد اذا كان عددكم مايتجاوز 5 انا وربي ماروح للاستاد الا اذا كان عددنا اكثر من 5 لاني عارف انه فيه سرقه وتهديد وخرابيط الجحلط الله لايسامحهم وان شاء الله تاخذ حقك وزووووووووووود :) |
آآآآآآآآآآآآميــن .... الهـلال فوق الجميع , الله يشـفي أخــوك .. وارجـو انك تنزل الصـور الحيين قبل ما تبرد السالفـة .. وانا أتـوقـع انشالله ان الأدارة راح تحـل المشكـلة .. تحياتي |
حبيبي اللي في الملعب مو رجال امن الا رخوم ماعندهم الا طق جوا الملعب في ذا العالم وبرا ماعليهم من احد؟؟ |
حسبي الله ونعم الوكيل , اكيد حقين شرق الرياض هم اسباب المشاكل |
الله يستر علينا كل هذا صار في الملعب ماصار تقول انه في العراق وسلامات00000 |
اللهم شل ايديهم وارجلهم |
الله المستعان |
وين الباشا مهندس العبقري الفلته النمشان مايقدر يطالب برجال امن لو سيكورتيه على جميع مداخل الاستاد جعل من يفعل مثل تلك الافعال التي لايقرها لادين ولاعقل ... يتمنى الموت ولا يطوله .. بس والله مابي ادعي وماراح اقول غير ... حسبي الله ونعم الوكيل .. فقد وكلت الله سبحانه وتعالى عليهم .. |
الله يكون بعونك اخوي والحمدلله على سلامتك وسلامت اخوك |
أخوي الهلال فوق الجميع... السلام عليكم.... لقد شاهدت المنظر المأساوي الذي حدث لك أمامي ولكن لاحيات لمن تنادي.. لقد حاولت التدخل في الموقف فضربت.... ثم ذهبت إلى أقرب عسكري موجود فطلبت منه المساعده فقال بالحرف الواحد((مالي شغل)). والله ثم والله ثم والله لقد أزعجني هذا الموقف ولكن الله يكون في عونك.. |
آآآآآآآآآآآآميــن .... الهـلال فوق الجميع , الله يشـفي أخــوك .. وارجـو انك تنزل الصـور الحيين قبل ما تبرد السالفـة .. وانا أتـوقـع انشالله ان الأدارة راح تحـل المشكـلة .. تحياتي |
اخوي الهلال فوق الجميع الف الحمد للة على السلا مة انت ومن معك ... والله قصتك هذي مؤثرة والمفروض تنزلها وتثيرها في الصحف اليومية,,, علشان تتدخل ادارة الا مير محمد بن فيصل وتتدخل الرئاسة بكبرها .. وتوصول الى الامير سلطان لكي يكثف رجال الا من في المباريات القادمة .... الله يشفي عيال خالتك .. بس لا زم تنزلها في الصحف ضروري اخوي |
يعني ما عرفت وش اصلهم . .؟ جيازنه ولا طعوس . .الخ |
حسبنى الله ونعم الوكيل |
الله لايوفقهم دنيا واخره |
يا اخوان مشكورين عالمرور .. عالعموم احب ابشركم ان الأمير محمد بن فيصل ماسك الموضوع و الموضوع وصل فووووق .. و ان شاء الله كلنا ثقة في امير منطقة الرياض الامير سلمان بن عبدالعزيز في انه يرد لنا حقنا في المجرمين الهمج .. بالنسبة للصورة يا اخوان ان شاء الله ساعات و بنزلها لحالها في موضوع في الساعتين القادمة .. هي صورة لولد خالتي و باينة عليه اثار الهجوم الهمجي .. |
حسبنا لله ونعم والوكيل والله ظاهره خطيره وخصوصا انها تكررت في اخر مباراتين يجب ان يصل الامر للجهات الامنيه |
حسبنى الله ونعم الوكيل ... ويستمر مسلسل المهازل الامنيه يوما ً بعد يوم ... صوره مع التحيه لادارة الامن بأستاد الملك فهد صوره مع التحيه لـ الامن العام .. صوره مع التحيه للجماهير الواعي الراقيه المتحضره ايمنا كانت.. فمان الله .. |
الله يعينك والله يوم قريت موضوعك والله أني خفت والله الفرحه صاااااااااااارت نكد الله ياخذهم أخذ عزيز مقتدر أنا في الشرقيه وناوي أجي مبارات الاتحاد يوم الأحد بس والله إذا ماصدر قرار من الامير بوسلطان والله ثم والله مانبي نجي فاز الهلال ولا في 60 دااااااااهيه ياااااااااااااخي والله حيات الجماهير أهم بألف مره من الحظور بو سلطاااااااااااااااااااااااااان إذا يهمك الجمهور لازم توقف معانا ويخلون الشرطه الحماره يوقفون عند كل بوابه |
حسبي الله عليهم الله لا يوفقهم ان شاء الله الحمد لله على سلامتكم .. |
حسبي الله ونعم الوكيل |
حسبي الله عليهم |
حسبي الله عليــهم |
ما استبعد الدب الداشر مرسلهم ....حسبي الله ونعم الوكيل ... |
حسبي الله و نعم الوكيل |
حسبي الله ونعم الوكيل ..... الله يكون في عوووووووونك |
الحمد لله على سلامتكم وإن شاء الله ولد خالك مايشوف شر الوضع ما ينسكت عنه لازم ابو سلطان يوصل هالشي لإماراة الرياض ( الأمير سلمان بن عيدالعزيز ) |
يعطيكم العافية عالمرور والمشاركة .. |
يانااااااااااس والله كلها بسبة الهمج اللي في حي الجنادريه وماجاور الملعب وكلهم بدووووووووووون يعني بدون بطاقات مالهم اصل لازم لازم يشوفون لهم حل والله مايمنعني من الحضور لاهم ولا عشره من اشكالهم. |
×?°حسبنا الله ونعم الوكيل×?° |
حسبي الله ونعم الوكيل |
إقتباس:
و إن شاء الله نسمع قرار يصدر لردع مثل هؤلاء |
انا انسرق جوالي ما امداني توني شاريه سعره غالي |
الحمد لله انكم طلعتوا منها والله يعوض علينا وعليكم والله الواحد يخاف يروح مره ثانيه المره اللي راحت صارت في السياره والمره الجايه يمكن تجي فينا |
| الوقت المعتمد في المنتدى بتوقيت جرينتش +3.
الوقت الان » 05:40 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd