المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 13/04/2006, 10:46 AM
زعيــم مميــز
تاريخ التسجيل: 01/05/2005
المكان: الرياض
مشاركات: 2,274
Angry حسبي الله ونعم الوكييييل ..يا جعل يديهم و رجليهم الشلل يا رب يا كريم تشلهم ومن أرسلهم

اخواني اعضاء منتديات الزعيم .. اتمنى منكم الاستماع لما حصل لي وللشباب اللي معي في استاد الملك فهد .. المرة هذي صارت لنا المرة الجاية ممكن تصير لكم اذا ما حصل تدخل من سواء الادارة .. او رعاية الشباب أو مدير الاستاد النمشان ..
سؤال بريء : هل من المنطق او من المعقول انك تضبط فوق الثلاثين الف نسمة في مكان تجمع واحد ب أقل من 500 رجل أمن .....
يا اخوان أنا كنت طالع مبسوط ومستانس أنا و عيال عمي وعيال خالتي .. أنا كنت أكبرهم و عمري 22 سنة ..
يا طويلين العمر كنا في سيارتين .. جيب نيسان مورانو .. والسيارة الثانية فياقرا اللي كنا فيها انا و اخوي الصغير(16 سنة) و ولد خالتي الصغير (لم يتجاوز ال 12 سنة ) و معنا ولد خالتي عمره 19 سنة .. كنا في السيارة مبسوطين ان الهلال فاز بخماسية و كان الفرح خيالي و كل واحد فينا يقول للثاني عن احلى مجريات المباراة والفنيات اللي شفناها ..
و فجأة و نحن على وشك الخروج من البوابة الخارجية للسور المحيط بالمواقف .. ما وعينا الا فوق العشرين شخص .. يغلقون البوابة الحمراء اللي أمامنا .. و كان اللي قدام سيارة ولد عمي شخص ما نعرفه بكامري .. تعرضت سيارته للتكسير والنهب و الناس جوا تعرضوا للضرب كذلك و ما شفناهم الا هاربين .. بالسيارة بصعوبة بعد ان انفتح الباب
للأسف انهم أغلقوه مرة اخرى و انا يوم شفت الوضع كذا أقول لولد خالتي انه يطلع الرصيف بس ويهرب لأنه معنا اطفال وما تدري وش نواياهم هالهمج .. يوم طلعنا الرصيف و كنا بنروح للجهة الثانية اللي كان فيها زحمة .. و لكن التفتنا و لقينا الهمج متجمعين على سيارة ولد عمي الجيب .. اللي تشوفون صورها بموضوع ادارة المنتدى المثبت اللي هو تكسير سيارات جمهور الهلال .. تشوفون الجيب الرمادي هذا جيب ولد عمي ..
يوم شفنا الوضع كذا نزلنا انا وولد خالتي وانزلنا معنا عصا كهربائية كنا حاطينها في الشنطة احتياط .. انطلقنا الاثنين و ضربنا بعضهم بشكل عشوائي .. وتوجهنا للباب الاحمر الحديدي و فتحناه .. وعيال عمي اللي في الجيب ما انتبهوا اننا نازلين .. فأول ما شافوا الباب انفتح راحوا طالعين من الباب .. يوم ادور ولد خالتي اللي نزل معي و ألقاه عالأرض طايح و يتعرض للضرب .. والله اني وقتها مدري وش اسوي قمت أضرب الناس اللي حوله واللي معه سكين واللي معه عجرة واللي مدري وش معه .. المهم اني قومت ولد خالتي و ألقاه ينزف من راسه و ورجعنا للسيارة و كانت مقفلة لوجود الاطفال الثنين .. يوم فتحوا لنا الباب .. و يجينا هجوم آخر من كل اتجاه عالم طبت في السيارة و حنا ما ندري من نوخر و من نضرب و بمن نستنجد .. ضربوا اخوي الصغير و هددوه بالسكين أنا يوم شفته اللي مهدده مسكته من شوشته و ضربت بها باقوى ما عندي في حديد السيارة و تعرضت للضرب من ظهري من اكثر من شخص .. المهم ركبنا السيارة و يوم شفنا الوضع 30 واحد على اثنين معهم اطفال ما كان امامنا الا الهرب .. ودينا ولد خالتي للمستشفى و خيطوا له راسه ب 8 غرز ..
كل هذه الاحداث دون أمن يدافع عنا ..
المسروقات جوالين مننا و كاميرا .. و جوال من السيارة الجيب .. اللي صورها في موضوع ادارة الاخبار ..
رئيس الهلال مااااا قصر.. حين علم بالقصة اتصل على ولد عمي وعرض عليه تصليح السيارة و أصر على ذلك ..
مشكووووور يا سمو الامير لكن ارجوووك لا تسكت عن حقوووقنا !!!!!!!!
اذا كانت الخسائر هالمرة مادية ما ندري وش ممكن تكون في المرة القادمة ..
رجال الأمن ( للاسف مجبورين نسميهم رجال ) ما فيهم شخص هرع للمكان .. الى ان وقفت عند جيب شرطة و كنت أصرخ لهم بطريقة هستيرية و أقول لهم شوفوا الاجراااااام اللي عند البوابة الثانية و أوريهم فلقة ولد خالتي ..
و تحرك بكل برود و بطريقة تثير الاستفزاز !!!!!!
أنا والله ثم والله لو لا هالاطفال اللي معي انني لأحاربهم حرب الرعاع الهمج .. لكن وش تسوي لين صرت ما تدري تخاف على البزران ولا السيارة ولا على نفسك ولا على وشو بالضبط .. الجوالات والله انها ما أثرت في حياتي ولا شلت همها .. ما ضيق صدري الا منظر الهمجي اللي ماسك اخوي و يهدده بالسكين .. والحمد لله اني انتبهت له ولا كان الله اعلم وش صار ..
اللي صار لنا بفعل فاعل وليس عن طريق الصدفة او تقول انهم مجرد عصابة .. هذول مرسوليييين مرسوليييين ..

اخي الصغير عندما وصل البيت انهار و قعد يقول الله يلعن ابو اللي يحضر مباراة مرة ثانية ..

ولد خالتي الصغير كان مرتااااااع و هو يشوف منظر اخوه ينزف من راسه .. و كان يصرخ لي يقوول لي شووووف شووووووف دم من راسه كنت مدري اهديه ولا وش اسوي بالضبط .. عندي صورة لولد خالتي و هو ينزف اول ما وصلنا المستشفى صورته و لكن لن انشرها الان هنا ..

في الخاتمة احب اعيد واقول .. ياااااااااااا سمو الامير محمد بن فيصل ارجوووووووك لا تتنازل عن حقوقنا .. والله ثم والله اني كنت متردد قبل المباراة احضر ولا اتابعها في التلفزيون علاشان مباراة العين و مباراة الاهلي والاتحاد .. لكني فكرت و قلت والله ما أترك الملعب و ابو سلطان متعني علاشان هالجمهور .. أرجووووووكم يا اخوان لا تسكتون عن حقي و حق ناس غيري تعرضوا لنفس الموضوع !!!!!
حسبي الله ونعم الوكيل ..
حسبي الله ونعم الوكيل ..
حسبي الله ونعم الوكيل ..

اخر تعديل كان بواسطة » الهلال فوق الجميع في يوم » 13/04/2006 عند الساعة » 11:15 PM
اضافة رد مع اقتباس
  #2  
قديم 13/04/2006, 11:01 AM
زعيــم نشيــط
تاريخ التسجيل: 10/06/2004
المكان: emirates stadium
مشاركات: 868
الله يكون بعونك . لو الامر بيدي كان شلت استاد الملك فهد من حي الجنادريه وحطيته بحي المعذر الشمالي ( وااااه يالمعذر قمة الحظاره )
اضافة رد مع اقتباس
  #3  
قديم 13/04/2006, 11:14 AM
زعيــم مميــز
تاريخ التسجيل: 22/12/2004
المكان: تورينو
مشاركات: 2,750
الله يكون بعونك وعوني لاني صار معي نفس الشي
الله لايسامحهم دنيا واخرة
اضافة رد مع اقتباس
  #4  
قديم 13/04/2006, 11:16 AM
موقوف
تاريخ التسجيل: 22/06/2005
مشاركات: 519
حسبي الله ونعم الوكيل

الله لا يوفقهم

فعلا والله مشكلة
اضافة رد مع اقتباس
  #5  
قديم 13/04/2006, 11:31 AM
زعيــم مميــز
تاريخ التسجيل: 19/03/2005
المكان: كورنيــــــش الدمـــام
مشاركات: 1,563
الله يعينك اخوي والله من جد شي ماينسكت عنه

وحسبسي الله ع هذولاء الهمج والله يردها ف اخوانهم اللهم امييين
اضافة رد مع اقتباس
  #6  
قديم 13/04/2006, 11:42 AM
زعيــم متواصــل
تاريخ التسجيل: 01/09/2005
مشاركات: 197
يجب تقديم شكوى من إدارة النادي للرئاسه العامه على هذا الإهمال
اضافة رد مع اقتباس
  #7  
قديم 13/04/2006, 11:51 AM
موقوف
تاريخ التسجيل: 17/08/2005
المكان: في قلب حبيبي
مشاركات: 1,052
حسبي الله ونعم الوكيل
اضافة رد مع اقتباس
  #8  
قديم 13/04/2006, 11:59 AM
زعيــم مميــز
تاريخ التسجيل: 23/02/2005
المكان: اكيد في بيتنا
مشاركات: 5,145
حسبي الله ونعم الوكيل
حسبي الله ونعم الوكيل
اضافة رد مع اقتباس
  #9  
قديم 13/04/2006, 12:12 PM
زعيــم متواصــل
تاريخ التسجيل: 29/05/2003
المكان: U.S.A
مشاركات: 170
الهلال فوق الجميع

الله يشفي مصابكم انشاء الله والحمدلله ماتطور الأمر لأكثر من كذا....
والحمدلله على سلامة الباقين ...


أخواني ... أعضاء المنتدى ,, المشرفين

لابد من البت في هذا الموظوع .
بصراحة الوظع والله معد ينسكت علية ... الا هنا ولازم يتخذ النظرفي هذة القضية من قبل رئيس الهلال
ورفع الامر لوزارة الداخلية باللي قاعد يصير....

بصراحة مين يتوقع هاللي قاعد يصير والله مو معقول ..
جماعة تمشي بشكل ارهابي ومسلحة ....
والله اللي قاعد يصير هذا كارثة !!!!

اليوم تكسير وتهشيم سيارات وجروح !!!
اذا لم ينظربهذة المشكلة فسوف يحدث مالم يكن بالحسبان !!

(( القتل ))
اضافة رد مع اقتباس
  #10  
قديم 13/04/2006, 12:32 PM
زعيــم مميــز
تاريخ التسجيل: 01/05/2005
المكان: الرياض
مشاركات: 2,274
مشكورين يا اخوان عالمرور والمشاركة .. ولو ان عندي شكوك في الموضوع .. ما ودي احكم لكن اشك الموضوع فيه هدف منه .. وهو ايقاف جمهور الزعيم عن الحضور .. خاصة في المباراة القادمة امام الاتحاد يوم الاحد .. والذهين يفهم ..
أنا ما ودي احط شي في ذمتي لكن هذا ما اشك فيه والله اعلم .. عالعموم حسبي الله عليهم ونعم الوكيل .. والله اني من البارح وانا أدعي وأدعي عليهم .. اخوي الصغير قبل شوي صحا من نومه و آثار الصدمة ما زالت في وجهه ..
ادعوا لنا و ادعوا عليهم يا اخوان .. والله انهم همج و ما عندهم لا دين ولا حياء ولا حتى ذرة انسانية في قلوبهم ما فيه .. عالم متربين على النهب والسلب والاجرام والعياذ بالله .. اللهم لا تجعل أحد من من يعز علينا يشعر بما شعرنا به البارحة من قهر و ظلم .. يا رب يا كريم انك تحمي كل ذو نية صافية من هؤلاء الهمج .. اللهم آمين ..
اضافة رد مع اقتباس
  #11  
قديم 13/04/2006, 12:38 PM
الصورة الرمزية الخاصة بـ أيطالي
زعيــم مميــز
تاريخ التسجيل: 20/10/2003
مشاركات: 1,602
مافيه حل الا انك ماتروح للملعب .. والا الله يعينك تروح وتغامر . وممكن الله يفكك وممكن يصيبك الشي هذا
..
الا اذا الاداره بيدفعون لنا بدل خطر عشان نحضر المباريات هذا شي ثاني
اضافة رد مع اقتباس
  #12  
قديم 13/04/2006, 12:53 PM
زعيــم مميــز
تاريخ التسجيل: 31/01/2005
المكان: الرياض
مشاركات: 2,059
الله يكون بعونك اخوي والحمدلله على سلامتك وسلامت اخوك

وذي الاشكال ولا المناطق ذيك لاتدخلها الا وانت معاك فرد اذا كان عددكم مايتجاوز 5

انا وربي ماروح للاستاد الا اذا كان عددنا اكثر من 5 لاني عارف انه فيه سرقه وتهديد وخرابيط الجحلط الله لايسامحهم

وان شاء الله تاخذ حقك وزووووووووووود
اضافة رد مع اقتباس
  #13  
قديم 13/04/2006, 12:55 PM
زعيــم نشيــط
تاريخ التسجيل: 01/07/2005
المكان: الرياض ياملا الحر
مشاركات: 807
آآآآآآآآآآآآميــن ....

الهـلال فوق الجميع , الله يشـفي أخــوك ..
وارجـو انك تنزل الصـور الحيين قبل ما تبرد السالفـة ..

وانا أتـوقـع انشالله ان الأدارة راح تحـل المشكـلة ..

تحياتي
اضافة رد مع اقتباس
  #14  
قديم 13/04/2006, 01:01 PM
زعيــم نشيــط
تاريخ التسجيل: 19/09/2004
المكان: Portland,OR
مشاركات: 730
حبيبي اللي في الملعب مو رجال امن الا رخوم ماعندهم الا طق جوا الملعب في ذا العالم وبرا ماعليهم من احد؟؟
اضافة رد مع اقتباس
  #15  
قديم 13/04/2006, 01:03 PM
زعيــم نشيــط
تاريخ التسجيل: 08/07/2005
المكان: الرياض
مشاركات: 657
حسبي الله ونعم الوكيل , اكيد حقين شرق الرياض هم اسباب المشاكل
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:09 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube