ردود الفعل النصراويه من فوز الزعيم وثقة الأهلاويه وضربة الإتحادين للبلوي>>> (صور) - نادي الهلال السعودي - شبكة الزعيم

هلهول الزعيم · #1 11/04/2006, 08:16 PM

الله يا زعيم وش سويت فيهم
قهرتهم قهرتهم قهرتهم

بعد صولات على منتديات الفقر والاهلاويه
لقيت لكم كتابات من بعض الكائنات ( الفقراويه ) اللي تشكك دائما في زعامة زعيمهم
ولقيت في منتديات الاهلي مطالبه بمدرجات مسوايه للهلال وتصل حتى للأكثر

بس خلونا ندخل في الموضوع
منتدى الفقراويه والحالميين

هذا احد الهاربين من شهار واللي يتلفظ زي ما تشوفون بألفاظ .....
والموضوع كان عن فوز الهلال وعن لاعبينه وجابو سيرة لاعبين الهلال وانهم ما يستحقون المنتخب وانهم داخلين بالواسطه
فقال احد الاعضاء هل ياسر والشلهوب والدعيع ونواف وعزيز بالواسطه ؟؟
فرد بكل تعصب أعمى
وصراحه هذا من النماذج الغبيه الموجوده في ذاك المنتدى

وهذا بعد احد ردوده
شوي شوي يا ابو الشباب لا يطق لك عرق

هذا بعد احد النماذج الغبيه الموجوده في المنتدى الآخر
واللي ما لقى حجه لبطولات الهلال الخمسه او السته بالاصح المتتاليه
خلصو الحكام والرشاوي والزيطه حقتهم طلعو لنا الحين في الملعب وانه استاد الملك فهد وليش ما يلعب الهلال في استاد جده
يعني الاخ وين يبغاها.. اكيد مدام الراعي الرسمي في الرياض لازم تكون في الرياض

هذا احد النصراويين المغلوب على امرهم واللي كل ما جاب الهلال بطولة قام يكفكف دموعه
لكنه قال الحق وهذا نادرا ما نسمعه من هذا الجمهور

هنا كانو يتكلمون ان الهلال صحافه وحتى فوزه بالبطوله صحافه واعلان كيف ما ادري وهذا نصروي متعقد من ناديه رد عليهم

هذا موضوع في منتديات الاهلي عن جمهور الاهلي وعن المقاعد في الملعب
وهاذي احد النماذج من عندهم

صدق عمره الاخ بقوووووووووووووووووووووووووووووووووووووه
قال ايش قال جمهور الاهلي 70% والهلال 30%
وييييييييييييييييييييين يا ابوي
ليه يا حبيبي ما شفتم جمهوركم في المباراه ولا 30 نفر والباقي نصراويين واتحاديين وشبابيين

هذا واحد مصدق عمره شوي مو مره
لكن المفروض 5% للاهلي والنصر والاتحاد والشباب و95% للهلال

لا يا شيخ تكفى ارضى
اي 50% انت بعد ؟؟؟؟؟!!!!! جمهوركم زي ما قلت لخويك فوق

صح كثيرين وبالإضافه الى جمهور النصر والاتحاد والشباب طلعو زي اللي شفناهم في الملعب

هذا شخص فكر بعقلانيه وقال يعطونا 30% من الواجهه وهذا بكل صراحه من حقهم انهم ياخذون نسبه ولو بسطه من الواجهه

وهاذي مواضيعهم عن بطولة النخبه للسله وواحد مها مثبت
طبعا بعد طيحة الوجه ما لقو الاهلاويه تصريفه عن هزيمتهم
للاسف لا حكم ولا مدرب ولا لاعبين يقدرون يعلقون اخطائهم واخطاء غيرهم الوهميه دائما امام الهلال زعيم نصف الارض
فصرفوها ببطولة السله اللي فازو فيها في نفس يوم خسارتهم القاسيه من الزعيم

وهنا الاعجوبه ... خيانه جماهير الإتحاد للبلوي

جماهير الإتحاد تبارك للهلال على هذا الفوز وتسميه بزعيم البطولات
والله انك رحت فيها يا بلوي ... انجلط مسكين
راح ينتقم الحين من جمهور الإتحاد علشانهم لقبوا الهلال ( زعيم نصف الارض ) بزعيم البطولات ومدحوه
وهاذي تعتبر اكبر مصيبه لدا برميل ابلاوي
ولكن كلمة الحق اذا ما انقالت الحين تنقال بعدين وهذا اعترافهم بالحقيقه

الحوت ألأزرق · #2 11/04/2006, 08:28 PM

مشكووووووووووور

على المتابعه للمنتديات

تنفع مراسل أخبار

هلاmr_bلي · #3 11/04/2006, 08:34 PM

thank>>

eslmooo ya al3"ale

"slam"

اسد بحريني · #4 11/04/2006, 08:43 PM

الحمد لله على البطولات والله يعينكم يا نصراويين

الـشـاعـره · #5 11/04/2006, 08:45 PM

..ياخوي انت تروح تلملم زبايل الناس وتجي تحطها هنا ..؟؟

اذا ما عندك موضوع تكتبه يهتم بالهلال رجاءً .. اسكت

تبي تقرا مواضيع ( النصراويه والاهلاويه والاتحاديه ) اقراهم لوحدك

رحلهم واقرا عندهم وتعال وجيبوك فاضيه

بجد رفعة ضغط .. بنصير مثل النصراويين يعني ( كل مواضيعهم عن الهلال )

.

أضــــــــــواء · #6 11/04/2006, 08:51 PM

الف الف شكر على المجهود وانا نريد مثل هذه المواضيع نقوس نبض الجماهير الاخرى

وشفيهم البنات مالت عليه نصراوي كل هالشمغ والعقل والثياب

اقول مالت عليك عيونك متقلبه >>>>تراها فاهمه السالفه

تقبلوا وجودي

أوتار الهلال · #7 11/04/2006, 08:53 PM

خلونا في هلالنا ومالنا دخل في الاندية الثانية

وخصوصا ان تعليقات جماهير الاهلي وجهات نظر تخصهم ومن حقهم يوقولها وما في داعي للاساءة لهم

اما النصروايين الله يلوم اللي يلوهم 8 سنين ما اخذوا بطولات و الشغلة بتطول معهم

S3oOoOoD · #8 11/04/2006, 09:02 PM

هههههه الله يرجك رجـــاً مبرحـــاً يا هلهول الزعيم

صج صاير مررراسل

ياخي انا دخلت مره لمنتدى الفقر وجاني النوم

ومنتدى الاتحاد ياخخي ماهضمته

ومنتدى الاهلي يوم دخلته حسيت اني في مدرسة ابتدائيه ..

اللهم لا شماته

واللهم احفظ لنـــا زعيمنـــا

دام عــــزك يا هلال ..

ابو عبادي 595 · #9 11/04/2006, 09:07 PM

ياحبيي لاتشغل بالك في كلام الناس الحسدة والمساكين

ahmed-95 · #10 11/04/2006, 10:34 PM

الله يعطيك العافية وعلى قول الاخوان تنفع مراسل
يسلموووووو

ايتوو · #11 11/04/2006, 10:49 PM

جمهوووووووووووووور الاتحاد عقلاني

وان شاء الله نباركلهم بكرة

الزعيم ميدو · #12 11/04/2006, 10:59 PM

فعلا جمهور راقي وفله
رغم اختلافي الكثير مع الاتحادية واخرو اليوم بالظهر الا اني احبكم
شكرا يا عميد على هذا الانصاف وشكرا يا جماهيرو العقلانية

هلاليه ذووق · #13 11/04/2006, 11:00 PM

يعطيك العاافيه اخووي

ZeZo&RoNaLdInHo · #14 11/04/2006, 11:00 PM

إقتباس

الرسالة الأصلية كتبت بواسطة S3oOoOoD


	هههههه الله يرجك رجـــاً مبرحـــاً يا هلهول الزعيم صج صاير مررراسل ياخي انا دخلت مره لمنتدى الفقر وجاني النوم ومنتدى الاتحاد ياخخي ماهضمته ومنتدى الاهلي يوم دخلته حسيت اني في مدرسة ابتدائيه .. اللهم لا شماته واللهم احفظ لنـــا زعيمنـــا دام عــــزك يا هلال ..

HAIL · #15 11/04/2006, 11:01 PM

مشكور يالغالي على الاخبار والنقل الرائع

ماعليك منهم استمر واكتب وانقل وانسخ خذ راحتك انت في منتدى الزعيم

الشاعره امحق من اسلوب الرجال كيفه بينقل المواضيع لنا اتمنى يكون اسلوبك ارقى من كذا ولا انتي فيك عرق نصراوي