حقيقة شارع الحوامل بالرياض والفتيات (وماذا قال الزوج لزوجته)؟؟..( بالداخل صور ) - نادي الهلال السعودي - شبكة الزعيم

توت عنب · #1 28/03/2006, 07:03 AM

شارع الحوامل ..........لممارسة الرياضة.....

- البداية التاريخية:

- حدث ذات يوم إن رجل تعطلت سيارته في طريق الأمير /عبدالله.......ووقف بجانب الرصيف...وكان معه زوجته......وكلم على أخوه وقال تعال ........في الشارع الفلاني أنا سيارتي متعطلة......تعال وصلنا..

-قال أخوه : طيب مسافة السكة...

- قال الرجال لزوجته : وش رأيك نتمشى على الرصيف شوي.....

-قالت الزوجة.......: والله...... ((إنها ليست شينة))........مير......المشي زين للحامل في آواخر الحمل...وقاموا يمشون..........

- وأثناء المشي...........إلا هاك الملقييف........مار معه كابرس.......90 م....ومعه زوجته.....وتعرف (( سعودي )) فيه لقافة. ويحب الفضول..........شوي......

-على طاري اللقافة خذوا هالنكته..

- واحد شاف ناس كثير عند حادث مروري ومتجمعين على المصاب....وده يشوف ماقدر...جلس يصيح ,,,,,,,وخروا وخروا........أخوي أخوي حرام عليك........يوم فسحوا له الطريق ووصل ...حصل المصاب .....(( حمار)) <<<<< وش هالنكتة البايخة

قال شوفي..........شوفي ........الرجال ومعه زوجته......يمشي......على الرصيف ...وشكلها حامل...............(( لا تلقاه........شك فيهم......قبل يشوف إن الحرمة حامل...قروي...أول مرة يشوف واحد يمشي في الشارع مع حرمه.........))

-قالت.........: شف الرجال ........مهب مثلي ياحسرة.....لي ثمانت (8) أشهر.....ولا قد فكرت تمشيني..............قال : أفا..........حنا فيها..........إنزلي أمشيك.......

- وكل من مر...........من الشارع.........يحط في باله.......إنه يجيب حرمته....أو يخبر غيره.......

- ومن هنا بدأت .........فكرة شارع الحوامل.........وكانت فكرة

-((نبيلة.....وسامية.....)) ..........أبشركم نبيلة جابت توم..........وسامية جابت...(( جيري))

- لكن اليوم..........تحولت الفكرة السامية النبيلة.........إلى .......العنود.......ومشاعل......

- فشارع الحوامل...........أصبح شارع........المغازل........

- وبعد إن كنَا نشاهد......النساء ذوات البطون المنتفخة......أصبحنا نشاهد......النساء ذات الصدور المنتفخة........

- فمرتادو......هذا الشارع يصنفون......لعدة أصناف:

- الصنف الأول :

نساء.........يحاولون القضاء على السمنة......واللحوم الزائدة ...لعدة أسباب منها:

1- الخوف من أن يتزوج عليها زوجها........فهو يشاهد النساء ذوات القد النحيل والقوام الرشيق في القنوات........وإذا جاء البيت.......مايشوف إلا ........ألحوم....تزحف...زحف....

2- الفشيلة..........من شكلها في الفساتين في الزوجات.........فالبعض منهن يشتري فستان بالمبلغ الفلاني............وإذا لبسته...........تمزع من الجوانب........وأصبح شكلها......يفشل الفستان........وتحصلها تمشي قبل الزواج.....بأسبوعين.....وإذا انتهى الزواج.......رجعت للكبسة والحلويات...

3- تقليد...........شافتهم يمشون.......قالت خلني أمشي......عشان يقولون إن أمارس رياضة....تسمع إن بنات النعمة........يمشون.......تقول مهب أزين مني......خلني أمشي.....جيزي جيزهم...

-المشكلة.........إذا خلصوا......من المشي.........مرت على باسكن روبنز.......وألهطت من العسكريم...وطلبت........كوب .....كورتين......أبو 18 ريال.....ماسوينا شيء.....ومرت البقالة.............وخمت من ..........الشكولاطات........

- الصنف الثاني:

- فتيات يذهبون........باعتباره نزهه........لأهداف......أخرى.........جايها...طاقه الزين......والعباية العمانية..........والكعب........الشوكة.....العالي.......إذا جت تلبسه الوحدة.....مسكت الجدار.....تسند عليه...........والبرقع.......والعيون المكحلة...........وسماعة الجوال..........وجوال النوكيا n70 ..................قال إيش.........تمارس رياضة..........ودي أمشي.......بعضهم.........مايمديها........تعدى أنخلتين..........إلا ......قالت يله خصلنا........مشيت.......مشينا.....بنروح...

-الصنف الثالث:

- الشباب..........لهم أهداف نفس الصنف الثالث........

- ياناااااس عمركم.......شفتوا واحد........يمارس رياضة.......وهو لابس طاقية ((زري))....وثوب ملك الملبا.........وجزمة.........كعب.......تلمع.......أغلبهم بنية وسوداء......ومرستك نفسه.......والشماغ..................واقف ....كنه مظلة........لو تجيب سيارتك في القايلة....وقفت تحتها..............وطول الوقت........وهو يمشي........(( البحث عن أجهزة أخرى))....وعاد الدلع في الأسماء..........في البلوتوث......خذ الأسماء......

- الرياضي الحلو......(( يلعن الأغراء ياشيخ........جامعها جسم رياضي وحلو......بعد مهب عاقل رامبو))

- الفتوة.......الوسيم.........( تلقاه......عصاقيل.......وخشته...كنها استمارة حراثة..))

- حبوب وطيوب.............(( طيوب.....تكفى ياللبناني.......يعني مرة .......جامع الحبابة والطيبة))

- المخلص...................(( نصاب لو إنك.......مخلص .....ماجيت في هالشارع...))

- كبير وعاقل...........(( لا عاد هذا........يخطط لبعيد...مرة......يعني لا يهمونك البزارين...إللي مشخصين))

-الولد الذي ينكت...............(( طريقة أخرى للجذب.......شكله ثقيل طينة......دمه رصاص))...
-الصنف الرابع:

- الحوامل............ماعاد فيه ......حوامل........أنقرضوا.....آخر حامل مشت في الشارع ألحين عمر ولدها............... أربعين........سنة........

-الصنف الخامس:

- شاب وشابة ........يمارسون الرياضة من أجل الرياضة.......((هم واحد وأخته كان أبوهم قنصل في ألمانيا.......وتعودا على الرياضة.....كل يوم تشوفهم......يمشون ساعتين في اليوم...مافيه إلا هم......................حتى أخته ماعاد تجي........شكلها تزوجت......وراحت سكنت في أبقيق....زوجها مهندس.......كيمكل...........

- السؤال ..........الذي يطرح نفسه؟؟؟؟

- بأي منطق وعقل.........وفلسفة.........يصنف هذا الشارع على إنه........شارع لممارسة الرياضة..........بغض النظر عما يحدث فيه.........

- يعني أنا ماعمري..........في حياتي.........شفت شارع تمارس عليه الرياضة........على طريق سريع...............وفي شارع يعتبر من أهم الشوارع في الرياضة..........وتمر في الألآف السيارات يوميا..................

-بمعنى إن الشارع.........غير مهيأ صحيا........لممارسة الرياضة......

-الدليل على إنه غلط........ماتشوف فيه........أجانب.....

وهذي الصور عشاني قلت في الموضوع فيه صور...

بالله منهو الغبي اللي يقول ان الهلال مهب اكثر شعبية بالله اي واحد يقول هالكلام
عطوني خبر <<<< وش عنده القوي

هذية لسامي ويسمح تخليها توقيع <<< عشانه مو هو اللي مسويها لاقيها كذا

بس الله يعطي العافية اللي مسويها والله تصميم بطل

ياحبي لكم

<<<< وش يبي ذا يحسب اي شي فيه هلال يجيبه

والله اصحا

ب العقول بنعمة

zeezoo · #2 28/03/2006, 11:24 AM

- الحوامل............ماعاد فيه ......حوامل........أنقرضوا.....آخر حامل مشت في الشارع ألحين عمر ولدها............... أربعين........سنة........

ههههههههههههههههههههههههههههههههههههههه
بس والله اخوي كل الي قلته صحيح وش ذنب الحوامل مالقوا مكان يمشون فيه براحتهم

Arsenal.FC · #3 29/03/2006, 12:45 AM

اللي يبغى يمشي يروح للنادي ولا يشتري الأجهزه ويخليها في بيته لكن صراحه الشارع هذا اسمه شارع المغازل

سندريلا الهلال · #4 29/03/2006, 01:52 AM

بصراحه صادق في كلمه قلتها

الله يعطيك العافية يارب

سندريلا الهلال · #5 29/03/2006, 01:53 AM

بصراحه صادق في كل كلمه قلتها

الله يعطيك العافية يارب

مـيـلانـيـللـو · #6 29/03/2006, 01:59 AM

ياناس المغازل في كل مكان المشكله مو في الأماكن المخصصه للمشي او لغيره المشكله فينا احنا

الله يعطيك العافيه اخوي على هالموضوع الهادف

بكل فخر هلاليه · #7 29/03/2006, 03:25 AM

والله أن صادق

والمغازل يزيد يوم عن يوم

..................

متيم به · #8 29/03/2006, 11:18 AM

اهنيك على موضوعك

عـز الهلال · #9 29/03/2006, 03:26 PM

كلامك صح

وموضوعك جميل وشيق

بس أول من مشا هي أمي الله يحفظها

كانت تمشي ومافي الا قليل معها

الكناري الأزرق · #10 29/03/2006, 03:43 PM

يـعطيك ربي الف عافية صراحة موضوع تشكر عليه..،،

القيصر رهيب · #11 29/03/2006, 09:37 PM

تصدق موضوعك حلو

لكن أحلى شي فيه الصور

وتراه راح عليك راح أنقله لمنتدى ثاني

T W I N S O U L · #12 31/03/2006, 12:41 AM

مشكوووووووووور والله يعطيك العافية
موضوع واقعي وطرييييف

أبوسراب · #13 31/03/2006, 02:14 AM

والله..... انك......صادق.....ياخوي.....حتى.....انا.....كنت......امشي.....بالشارع.......لني.....كنت......سمين... ...بس
يوم.....شفت....الوضع.....تغير....بنات......وقلة....حيا.....قلت.....مالها....داعي....يشوفونك وانت.......سمين......
ههههههههههه......انحف وتعال.....تمشى.....ياخوي تعبت وانا احط النقاط ماتعبت انت ماشاء الله

مع خالص تحياتي.....

(مـلـك الـشـوت) · #14 31/03/2006, 02:45 AM

بس المفروض تكتب انه
منقوووووووووووووووووووووووووووووووووول

عزوز الأزرق · #15 31/03/2006, 11:25 AM

-بمعنى إن الشارع.........غير مهيأ صحيا........لممارسة الرياضة......

-الدليل على إنه غلط........ماتشوف فيه........أجانب.....

ههههههههههههههههههههههههههههههههههه
ياشيخ مخك عبقري,,, هههههههههههههههههههههه

تعليلك مو طبيعي بجد ,,,

بس تبي الحق احنا درسنا ان الكربون الصادر من عادم السيارات مضر بالصحه ,,
وملوث للبيئه ,, وبما ان الشارع اصله على خط سريع ع قولك ,, فهو غير مناسب للرياضه ,,
لانك راح تشفط اكسجييييييين ملوووووووووووووووووووث,,,

يسلمو يالاخو ,,, امتعتنا بموضوع رااااااائع ,,,

بس ياليتك قلتنا هو من متى الرجال يحملون ؟؟؟؟؟؟