#1  
قديم 23/03/2006, 08:34 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,261
لا تدخل وأنت مطفي نورك .. Don't enter if ur light is turn off

السلام عليكم ورحمة الله وبركاته


أصدقائي صديقاتي الالكترونيين والالكترونيات ...


طبعا موضوع مايحتاج لجر الشوش وتشقيق الثياب ومدّة اليد ... خلونا حبايب شباب تراي حليل قسم



مباراة الهلال مع الميناء انتهت والحمد لله كسبنا الثلاث نقاط وهذا الشي الأهم .....

صحيح مستوى الهلال الشوط الأول كان فاشل جدا... بس الشوط الثاني كان شوط مميز للهلال ...



قد يقول قائل إن كندينيو فاشل ... أنا معكم ... بس لاحظت شي في مباراة الميناء ...



الغامدي يهدي لاعب الميناء انفراده بالدعيع ....

الغنام بغى يجيب بنا العيد ببلنتي لولا ان الحكم مانتبه والكورة راحت للاعب الميناء ...

كماتشو قدم أسوأ مبارياته هالموسم كل تمريراته غلط ...

التمياط قدم لمحات مهارية لكن غابت خطورته .... وكثرت شوتاته اللي تقل يصيد عصافير

سامي مرر تمريرات غلط وماكان بمستواه أصلا ...






يعني خطاء كلها أخطاء فردية من اللاعبين أنفسهم المدرب ماله دخل فيها ...

كم من هجمة مهدرة ... هجمات أهداف ... وش دخل المدرب ؟؟

كندينيو أضاع هوية الهلال وأنا قلت هالكلام قبل ...

بس الهلال فيه نجوم المفروض يكونوا على أي تشكيلة جاهزين ...


ليش نحط اللوم على المدرب ...؟؟؟ ... وعندنا لاعبين تقاعسوا عن واجبهم تجاه الزعيم ....



على فكرة ... ياسر قال قبل المباراة بجيب هدف ..... وجاب هدف أول مالعب ...


يعني كان يلعب بحماس وقتالية عشان كان براسه هدف ...

ليش مايكون هالحماس معه طول مباريات الموسم ....؟؟ ..

ليش مايكون فيه شخص يزرع في اللاعبين الحماس في الهلال ؟؟؟

لأن وجود شخص يفهم نفسيات اللاعبين ويدعهم نفسيا شي مهم ...

ليش مانرى روح ياسر أمس في جميع اللاعبين وخلال الموسم كله ...؟



بعضنا قسم قسمات تحلف انه بيقضي عمره وهو جيبوا فلان شيلوا علان ...

قبل ...

قالوا لعبوا العنبر ... ليش احتياط ... شيلوا الجمعان ... هذا فاشل .. بيعوا عقده

ولعب العنبر ...


شيلوا العنبر ... لعبوا الخراشي ... نبي الخراشي .. العنبر مافي راسه كورة ...

يلعب الخراشي .. ثم شيلوا الخراشي .. نبي الصويلح ....


تبي تطول وتبي توصل الى اننا نلعب الجماهير

شدعوا شباب ..... لهالدرجة صرنا ماندري وش نبي ...

طالبوا بابعاد الياس ... والحين يقولون رجعوه ...

قالوا حطوا الغامدي ظهير أيمن ... والحين يقولون شيلوه وحطوا الموري ...

مرة من المرات كثارين قالوا ابعدوا الدعيع عن الهلال لأنه كبر ولايعرف يصد بلنتيات ...

والحين صار الدعيع النجم الأوحد وهو اللي لولا الله ثم هو لمني الهلال بخسائر فادحة <=== ياحبي لي بعد يانا اسلوب


أنت اقرأ المواضيع واضحك بس


أكيد فيه لاعب أفضل من لاعب ...

ولكن بعض الاعضاء كل شوي له رأي ... بعد كل مباراة يبي لاعب

موب غريبة بعد مدة يطالبون بابعاد ابو سلطان عن رئاسة النادي ... وبيجيكم كلامي صدقوني لاتستغربون شي




اللي بقوله وبختصره أدري بكم راعين مشاغل ومنتب فاضين لي

المدرب سبب من أسباب المستوى الهزيل ...

لكن السبب الأكبر هو اللاعبين ...

صدقوني لو لعب كل لاعب بنصف مستواه ... ماخسرنا من العين ولا الاتحاد ...

لو شفنا دقة تمريرات ... ومهارات ... كان قلنا من المدرب ...

لكن اللي شفناه تمريرات ضعيفة وغبية ... تسديدات طائشة تحلف يلعب كرة قدم امريكية من قوة ان الكورة فوق

اتوقع المدرب ماقال لهم مرروا غلط أو سددوا غلط .. اذا ضمن الخطة اعترف ان المسؤولية كلها على المدرب ..


اللاعبين هم اللي بيديهم مفتاح الفوز ... متى ؟؟ .. اذا لعبوا بنفس روح ياسر أمس ... صدقوني بياخذون كاس المونديال


تحياتي لكم ...,,,...

أبوساري
اضافة رد مع اقتباس
  #2  
قديم 23/03/2006, 09:00 AM
زعيــم نشيــط
تاريخ التسجيل: 22/09/2005
المكان: الــجــبــيــل
مشاركات: 550
سلمت يمناك اخوي ساري والله يعطيك الف عافية
اضافة رد مع اقتباس
  #3  
قديم 23/03/2006, 09:04 AM
زعيــم جديــد
تاريخ التسجيل: 24/07/2005
مشاركات: 40
عين العقل
كلامك
اضافة رد مع اقتباس
  #4  
قديم 23/03/2006, 09:40 AM
زعيــم مميــز
تاريخ التسجيل: 04/08/2005
المكان: في نادي الهلال
مشاركات: 2,283
بس ايضا مدرب فاشل
يخلي العنبر اساسي وياسر احتياط !!!!
اضافة رد مع اقتباس
  #5  
قديم 23/03/2006, 09:40 AM
الصورة الرمزية الخاصة بـ ســــ 9 ـــــام
زعيــم مميــز
تاريخ التسجيل: 05/12/2005
مشاركات: 2,177
صح كلامك
اضافة رد مع اقتباس
  #6  
قديم 23/03/2006, 09:44 AM
الصورة الرمزية الخاصة بـ MAHER.9
زعيــم متألــق
تاريخ التسجيل: 08/04/2005
المكان: الرياض
مشاركات: 1,221
كلام صحيح

اغلب الاخطاء في مباراة امس من الاعبين

ولكن الغريب بإن الشلهوب احتياط ؟
اضافة رد مع اقتباس
  #7  
قديم 23/03/2006, 09:52 AM
زعيــم متألــق
تاريخ التسجيل: 11/12/2005
المكان: المستطيل الأخضر
مشاركات: 1,243
صح لسانك كلام جميل احلى ياخطير اش الأسلوب هذا

ولكن اذا كان اللاعبين غير مقتنعين بالمدرب يلعبون بدون روح صدقني
اضافة رد مع اقتباس
  #8  
قديم 23/03/2006, 09:59 AM
زعيــم مميــز
تاريخ التسجيل: 26/03/2003
المكان: U.S.A
مشاركات: 2,011
Don't enter if ur light is turn off
المفروض تصير
Don't enter if ur light is turned off
هههههههههه
اما كلامك .. فهو رهييييييييب
اضافة رد مع اقتباس
  #9  
قديم 23/03/2006, 12:01 PM
زعيــم جديــد
تاريخ التسجيل: 21/03/2006
مشاركات: 24
مشكور على هذا الكلام الممتاز
وشكرا
اضافة رد مع اقتباس
  #10  
قديم 23/03/2006, 12:10 PM
الصورة الرمزية الخاصة بـ موج الخليج الأزرق
زعيــم مميــز
تاريخ التسجيل: 02/10/2005
المكان: في وطن الهلال
مشاركات: 2,921
كلامك عين الصواب
ألف شكر
اضافة رد مع اقتباس
  #11  
قديم 23/03/2006, 12:11 PM
مشرف سابق في منتدى الرياضه السعوديه
ومنتدى المنتخب السعودي
ومحرر اخبار الهلال في الصحف العالمية
تاريخ التسجيل: 18/12/2004
المكان: Jubail.SA
مشاركات: 8,253
تسلم ايدك . اخوي


و صدقني ان كندينيو هو العله
اضافة رد مع اقتباس
  #12  
قديم 23/03/2006, 12:32 PM
زعيــم مميــز
تاريخ التسجيل: 16/10/2005
مشاركات: 2,670
مشكوور اخووي
اضافة رد مع اقتباس
  #13  
قديم 23/03/2006, 01:13 PM
زعيــم متألــق
تاريخ التسجيل: 04/12/2001
المكان: قاره زعيمها الهلال
مشاركات: 1,456
إقتباس
ليش نحط اللوم على المدرب ...؟؟؟ ... وعندنا لاعبين تقاعسوا عن واجبهم تجاه الزعيم ....

ياسلام عليك ... هذا الكلام الي مدري وش يسوي على الشنب ..

انا ضد الكلام الي ينقال في كاندينيو .. مع اني متأكد ان اغلب الي يتكلمون فيه هم اما مع الخيل ياشقرا او يتبعون سياسة انتقد ثم انتقد ثم انتقد حتى يقال عنك فاهم كوره .

إقتباس
ولكن اذا كان اللاعبين غير مقتنعين بالمدرب يلعبون بدون روح صدقني

يعني ما يكفيك كلام الدعيع وسامي عن المدرب ؟ كلهم اثنوا على المدرب وطالبوا وقف الهجوم عليه .
اضافة رد مع اقتباس
  #14  
قديم 23/03/2006, 02:22 PM
زعيــم جديــد
تاريخ التسجيل: 08/05/2005
مشاركات: 48

هذا الكلام اللي لازم نشوفه في المنتدى وشكرا.
اضافة رد مع اقتباس
  #15  
قديم 23/03/2006, 05:49 PM
في انتظار تفعيل البريد من قبل العضو
تاريخ التسجيل: 30/05/2005
المكان: ريـــــــــ العز ــــاض
مشاركات: 136
وعليكم السلام والرحمه..
هلا والله وغلا بصديقي الالكتروني توم كروز البطحاء الحاضر الغائب...
ليه الله يهديك جر شوش وتشقيق ثياب شكلك توك طالع من هوشه تبي فزعه ترى حاضرين هاهاهاها
ايه والله وانا اشهد انك حليل قسم

وصراحه الزعيـــــــــم بوجود كندينيو فــــــــاشل .............!!!!!

وامس صراحه ماعجبني باللعب غير الدعيع وبو غمده وياسر
هاذولا احسن لاعبين لعبوا امس اما الباقي مش ولا بد

وكل كلامك خيو 100%
ياحبي لي بعد يانا اسلوب ===>>> العن ام الثقه لايكثر بس

سلمت ودمت خيو ع الموضوع القميل وارجوا تكثير هالمواضيع السنعه اللي توسع الصدر

اختكـ :
بنوته^^هلاليه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:56 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube