#1  
قديم 22/03/2006, 01:05 AM
زعيــم مميــز
تاريخ التسجيل: 13/06/2004
المكان: ArRiyadh
مشاركات: 2,514
Talking ماذا تفعــــل في ليلــة الدخلــة .. بالتفصيـ..ــل الممـ..ــل ..!! + 18

مورخـــــــا ( بالهولندي ....!!) يعني باي بالعربي ...!!

اليوم درسنا ماذا تفعـل في ليلة الدخلـ...!

خير ! وش عندك قاط وجهك عندنا ؟ .. يله امش انقلع خخخ
اقول ضف وجهك يا ادمي .. خلني اشرح للشباب وش يسوون في ليلة الدخلة

ايه .. ايه .. إذا تعديت الثمن طعش حياك الله خخخ
الزبده .. فوق الـ ( 18 ) ولا تقولون مقال ريان
اللي ينحرف ذنبه على جنبه << تحسون يبي يجيب العيد

****************

ماذا تفعل في ليلة الدخلة بالتفصيل الممل !! << حـــبــــيــــبــــي خخخخ

ليلة الدخلة .. ياهي ليلة خخخخ ( كرسمس من قلب )
لا هيئة ولا قلت حيا ولا خوف و لا بطيخ

طبعا ً الناس تختلف عاداتهم .. من ديره لـ ديره
اللي يلبسون كرفتات .. واللي يلبسون طرابيش .. واللي يلبسون دشاديش ( ثياب )

انا ابي اسولف عن اهل الخليج .. وبتحديد السعودية .. وبتحديد سرلنكا خخخ
اقصد منطقتنا

طبعا ً قبل العرس لازم تنسق مع اهل العروس سعر المهر.
وعندنا المهر مو ثابت .. يعني على حسب البنت
إذا هي شق ( صاروخ ) يطلبون 70000 الف .. وإذا لم تكن كذلك يطلبون من الثلاثين الى 50000 الف

وفي مجتمعنا المحافظ .. يقهرونك قهر ورب الكعبة .. تروح اختك وامك يتفحصون البنت
<< مادري شارين لي موتر مو بنيه .. مو ناقص إلا يطقون فيها فره يجربونها

الزبده ..

و ترا المسألة على حسب ذوق اختك ..
( وبيني وبينك .. اذا تبي تعرف ذوق اختك افتح دفترها حق المدرسة ..
إذا هو مزخرف وحركات وورد وقلت حيا .. يعني ذوقها كذا
وإذا تلقى ذكرى ام صيته + ام مزنه + ام ليالي .. وقلب حب مدري شلون هو جاي ..والله اللي رحت فيها خخخ )

واختاروا لك بنت .. المفروض بالعقل انك تشوفها .. لأنها شريكت حياتك ( الشرع يقول كذا )
اما حنا لا .. بس يوصفونها لك
شعرها كذا .. طولها كذا .. .. وعليها عيوون تجيب العافية خخخ
يعني شي خيالي .. وانت تفكر وتقول بنفسك
( يا الله .. يلعن ام الجمال يا شيخ )

وامك ترفع .. واختك تكبس خخخ .. وعلى هالوصف هذا هيفاء وهبي مو بنت ام فلان
وتقعد لك ثلاث شهور .. وانت بس تفكر في البنت .. لين ينتفخ راسك

ويجي اليوم اللي تمنيته طول حياتك .. ليلة العمر
تلقاك لابس البشت وابوك على يمينك وعمك الكبير على يسارك

وخوانك وعيال عمك وعيال خوالك وعيال جيرانكم .. حتى عيال خدامتكم خخخ
كلهم متجمعين .. واللي يعرض بالسيف ( مسوي لي فيها الزير سالم هو و راسه )
واللي ماسك الرشاش والسما حمرا من الطلق .. تقول جالس بفيتنام
واللي يمشون وراك مدري وش يسوون ( فاهمينها يالشباب خخخ )

الزبده .. وتخش على صالة الأفراح حقت الحريم ..

بصراحة العزوبي ما يخاف الا من شيئين
لمبات العرس إذا ركبوها على البيت ( تحس خلاص ما فيه رجعة )
إذا دخلت على صالة الحريم في صالة الأفراح
هنا يجينا ( مغص في البطن .. يلعن ابو اللي خلفك خخخ )

ولما تخش الصالة .. الله لا يوريك ..

ما تشوف إلا العيون .. اللي حاطه ( شادوا مدري روج بالعيون ) << خخخ حلوه روج بالعيون
واللي مغطية الوجه ومطلعه القذله .. والأجسام ( ياويل حالي ويلاه ) << والله اللي توقفت العضوية خخخ

ولما تخش تمشي بالصالة تبي الكوشة .. تسند جسمك على ابوك على شان ما تطيح من هول ما ترى خخخ
وتجلس على الكرسي تلتقط انفاسك .. وانت من داخل ميت تبي تشوف العروس
ولما يطلعون اللي زفوك .. ابوك وعمك والخمه اللي معهم << قوية الخمه خخخ

يجي عاد الكلام اللي مال امه داعي
امك تطب بالملعب ( والمقصود بالملعب هنا " ساحة الرقص " البست يعني خخخخ )
وتخش خالتك تراقصها .. وشوي تطب مرة عمك .. حتى خدامتكم تخش وتشكشك بالهندي لها ربع ساعة خخخ

طبعا ً العالم اللي عندك منت صوبهم .. تبي تشوف اللي بجنبك جالسة .. تبي تشوف بسكال مشعلاني خخخ
وفي هذه الأثناء انت مفهي على الحضور .. وعينك كبر قوطي جبن كرفت خخخ تقز في البنات اللي قاعدين
عاد البنات الله يلعنهن يستعبطن
اللي تطيح الشيله متعمده .... واللي ترفع الغشوه يعني تشرب ماء
( الله يرجهن يا هن زاحفات خخخخ )

وبعد نصف ساعة كأنه الدهر بحالوه خخخ

تنطلق انت وهالغزال للعشة الزوجية
ويدخلونكم الغرفة .. واللي يلولش هنا واللي يزغرت هناك .. واللي يلعب يوقا عند الباب

المهم .. تخش الغرفة وانت لابس البشت << يعني شرايك .. تبيه لابس سليب
وتقول للعروس السلام عليكم
وهي شطف .. ما ترد

وتنزل البشت .. وتجي تقعد جنبها على السرير

( ايوه ... هنا الكلام )

ويوم جلست .. وانا المح طرف كوعها .. ويوم شفت الكوع
لا تقولون يالربع .. تقول غاطه كوعها بغرشة حبر اسود خخخ

انا هنا صراحة .. قلبي قام يوجعني .. وقلت بنفسي ( لازم نتأكد إن بعض الظن إثم )
واقول لها يا فلانه ..

ولا ترد علي !!؟
يافلانه تعوذي من ابليس .. وقومي
وهي تسوي مستحية .. ما تدري انها لو تقول لي ( بععععع ) انحشت مع الباب

الزبده .. وانا اسولف معها ما ترد علي .. شاطفتني شطفه بنت اللذين
تقول قرد عندها مو زوجها ..

قلت بيني وبين نفسي .. ( يا ولد وش السالفة .. لا يكون البنت مغصوبة علي )
عاد انا شهم لأبعد الحدود << والله انك نصاب لأبعد الحدود خخخ

وقلت لها .. يا بنت الناس .. حنا الحين متزوجين .. يعني انتي مرتي بشرع الله ورسوله
ما ردت علي , كأني اسولف على جدار
وقلت بيني وبين نفسي << يا كثرما تسولف على نفسك يا ...!

( تدري شلون .. خلني اضحكها .. انكت استعبط ..اللطف الجو )

والله واجي واقعد جنبها .. واقول فيها بيت شعر .. اتغزل فيها
وهي شطف .. ولا كأني موجود بالغرفة !

واقوم واخذ القلم واسجل رقم جوالي .. واقطه عليها وقلت لها هذا رقمي
ارقمها خخخ .. " بكيفي مرتي وبكيفي .. ان شاء الله ارقم ابوها بعد خخخ "

وهي تبتسم بس ما تكلمت .. ويوم تبسمت جيت وجلست بجنبها ( لزيت فيها شوي )
وقلت لها .. ( معك مباحس امن دولة ) يعني انكت انا وراسي

هنا البنت قالت بقلبها .. ( يا الله المستعان .. زوجي طلع خبل خخخ )
واخذ لي ربع ساعة وانا مفهي على زولها .. اطالعها من فوق لتحت ..
واقول بنفسي .. ( يا ولد الجسم مايحتاااااج .. بس الوجه .. ابي اشوف الوجه )

والله وانا امسك ايدها .. انا من مسكت اليد وقلبي قام يرقع رقع
.. والبنت قامت تنزل ايدها الثانية شوي شوي

وانا استانس بصراحة .. وقلت العن ام الفله

وبلمح البصر ! .. تسحب الكعب اللي لابسته .. وترفع اليد .. وتنزل الكعب على راسي مثل
الـ B52 يوم تنزل على بغداد .. وانا لي صياح << سجن ابو غريب مو العشة الزوجية خخخ

والله وان اخذ الواجهه .. واروح واوقف عند الباب .. واقعد اطالعها ( طاحت علي سلطة .. مدري وش اسوي )
إن طلعت برا شافوني اهلي .. ويقولون وش فيه ولدنا لا يكون فضحنا مع البنت
وإن جلست بالغرفة .. هذي ما تعطي وجهه .. وقمت افكر و افكر لين طرت على بالي خطة
واشوف سويتش اللمبه ( OFF .. ON ) .. وانا اطفي اللمبه .. واولع المبه الحمرا خخخ

ألمح لها .. والله وتقوم بنت الحلال وتتوجه صوبي
انا يوم شفتها جتني تمشي .. خفت والله .. قلت الحين تبي تلعن خيري الخير
وتجيك المعزبه .. وتطفي اللمبه الحمرا .. وتولع اللمبه العاديه

وانا ماسك يدة الباب ابي انحاش إذا قربت لي << امحق رجال خخخخ
وقلت لها .. يبه ( خلاص بلا عرس وبلا بطيخ .. الحين انا ابي انام .. شلون !؟ )

والله والبنت ساكته .. وانا اقرب شوي شوي .. واسحب المخده ببطء شديد << العن ام الخوف خخخ
واروح لزاوية الغرفة .. واحط المخده .. واحط راسي عليها .. وألقيها ظهري
وحسيت في البنت قامت وتحركت .. ( تغير ملابس الفرح )
وانا صاد اطالع الجدار << ما قلت لكم شهم >> أي هين خخخ تجيكم السالفة

ويوم خلصت .. ألتفت عليها .. وعلى طول تغشى البنت مستحيه مني
والله وانا اقوم واروح لثلاجة اللي بنفس الغرفة .. وفتحتها
وأشوف انواع الحلاو .. وانواع العصيرات .. ( يا بعد قلبي يا يمه .. هي اللي شاريتها )

واسحب الكتكات .. واقعد اعلف من الحلاو لين ارتفع السكر اللي عندي خخخ
واشوف .. إلا هذاك العصير اللي يفضخ القلب ( عصير طماط خخخخ )
والبنت تطالعني مستغربة .. انا إذا شفت الحلاو والعصيرات .. افقد الوعي على طول

وحسيت فيها انها تناظر لي .. وانا اخمط من الحلويات .. من كل بستان زهرة على ما قالوا
واجي واحطهم عندها .. واطالعها وابتسم

( طبعا ً الكلام هذا وأنا ما شفت وجهها للحين )

ومدت ايدها شوي شوي .. وأخذت الكتكات .. عاد انا احلا شي عندي الكتكات ><"
والله وانا افلص بعيوني خخخ .. ( ابيها ترجعه وتاخذ شي ثاني )

وهي تسحب علي السيفون .. وتفتح الحلاو و تدخل يدها تحت الطرحة وتاكل

وقلت لها .. ادفع نص عمري بس اشوف وجهك
قالت بصوت خافت ومبحوح ( صوتها يدوخ ياجماعة الخير خخخ )

قالت .. ابي بطاقة سوا خخخخ
انا يوم سمعت البطاقه .. كنك صافقني مخمس على خشتي
وقلت في نفسي .. هلا هلا .. من اولها بطاقه سوا .. شكلها راعية تلفونات المعزبه ><"
وقلت .. عدك والله على الثريا .. بس اكشفي هالخشه .. ابي اكحل عيوني

" ابي اوصف لكم الحدث .. كأنكم معي "

وتضع يدها على النقاب ..
( وتبدء الكاميرا بالدوران من خلف راسها .. مثل تصوير فلم ماتريكس خخخ )

وانا انظر .. والطلق يميني ويساري .. احم احم ما عليش شبكت الموجه

اقصد و يبدأ التصوير بالبطيء .. وانا انظر لها بتلهف والسعابيل تقاطر خخخ
وحين كشفت لي عن وجهها ..

قلت ( ............................................. )
وهي تبسم وتحرك راسها يمين شمال .. والشعر يثناثر على وجهها

وبحركه خطافيه .. اسحب الطفايه اللي جنب السرير
واحذفها عليها بسرعة 85 ميل في الساعة لكنها تحاشت الطلقه بنت اللذين مثل " نيو " خخخ

انا انقهرت .. وقلت .. والله للعن ابو الساعة اللي جمعتني فيك يا بنت الـ ... طوط طوط

والله وانا اطالعها منقهر .. ومتحسف على المهر ( 70000 ألف ) الله لا يخسر
وقلت لها .. والله لو طاب في الأسهم والله انها اشرف لي من خشتك يا بنت اللذين خخخ

واقوم .. واروح واجيب لي خيشه .. واغطي راسها خخخ .. وفتحت في الخيشه فتحه على شان تقدر تتنسم
واربط الخيشه براسها .. والف عليها سيم ( علاق ملابس )

عاد انا بغيت احلل المهر .. بس تراجعت في للحظه الاخيرة

ومن بكره .. وانا ماخذها لبيت اهلها .. وقلت لهم
والله للعن ابو D . N . A اللي عليكم ...
مزوجين مسخ الله لا يبارك فيكم

بالله هذي بنت .. لعن ابوكم لو اني ماخذ لي سرلنكيه استر لي من نمسس اللي انتوا مزوجيني اياه
طلعوا باقي المهر لا اجيب عليكم الشرطة الحين خخخ

وتقولون هيفاء وهبي بعد .. زكيه زكريا اطلق منها الله لا يربحكم
( عرفتوه زكيه اللي يجي برمضان ومع شمس الزناتي اسمه " قعيدي" ابوعجرا الصعيدي )

الزبده .. وانا اقط البنت على اهلها .. وارسل لهم ورقة الطلاق
وحرمت شيء اسمه حرمه .. وآخر شيء حلفت ما اتزووج
<< لا تلومونه .. الصدمه حيل شلت تفكيره ..


واخيــــرا ........



انا لاني متزوج ولا شي , بس حبيت اتفلسف
والا والله معصي اقول لكم تفاصيل ليلة دخلتي .. هذي كثروا منها


تشاااااوووو
اضافة رد مع اقتباس
  #2  
قديم 22/03/2006, 02:56 AM
زعيــم متألــق
تاريخ التسجيل: 01/03/2005
مشاركات: 1,218
ههههههههههههههه

والله حلوه مره
وتقولون هيفاء وهبي بعد .. زكيه زكريا اطلق منها الله لا يربحكم
( عرفتوه زكيه اللي يجي برمضان ومع شمس الزناتي اسمه " قعيدي" ابوعجرا الصعيدي )
اضافة رد مع اقتباس
  #3  
قديم 22/03/2006, 05:16 AM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
اما امك اللي شاريه الحلاوهههههههههههههههههههههههههههههههههههههههههه

ماشاء الله عليك والله كانك عايش القصه جد عليك خيال واسع ماشاء الله

بعدين كل شوي ناط لي هيفاء وباسكال والله يابناتنا احلى وازين واجمل ملييون مرره من هاللي اسبوعيا

مايقل عن خمسة عمليات تجميل

بالتوفيق لك يارب
الله يعطيك العافيه
اضافة رد مع اقتباس
  #4  
قديم 22/03/2006, 08:41 AM
زعيــم مميــز
تاريخ التسجيل: 23/03/2005
المكان: ..
مشاركات: 2,646
ههههههههههههههههه








×××××

الله يرجك أنت و سواليفك الخطيرة هذي


تصدق كنت عارف أنك منت متزوج و لا يحزنون

لأنك لو جربت الخطوبة بس كان فقدت عقلك


هههههههههههههه

×××××

طبعاً أنا خاطب

بس أني شوفتها و جلست أسولف معهاااااااا


ههههههههههههه

و ألا تبيني أتفشل في يوم زواجي

و بيني و بينك

زي ما قالت السندريلا

عندنا بنات ما شاء الله عليهم

لا هيفاء و لا نانسي هي و عيونها اللي تقول عيون رونالدو ههههههههههههههه


×××××××

صراحة موضوعك أخي ريان عجبني >>>>>>>>> دخل جو

و أنصحك أنك تشوف خطيبتك قبل الزواج

و لا تعتمد على وصف أحد

لأنه خواتي الست و صفوها و لمن شفتها طلع وصفهم بوادي

و البنت بوادي هههههههههههه >>>>> طبعاً كانت أحسن

بس وصفهم كان مختلف نهااااااااااائيااااااااً

و برضه لا تعتمد على وصف قرابتها

تجيك عمتك و ألا خالتك و تجلس تمدح

و البنت من جنبهاااااااا هههههههههه

يقول المثل (( عين الأعمى تعز عليه لو كان ما يبصر بها ))


××××××××

أتمنى لك التوفيق أخوي الغالي



شكراً
اضافة رد مع اقتباس
  #5  
قديم 22/03/2006, 02:03 PM
زعيــم مميــز
تاريخ التسجيل: 09/09/2005
المكان: في حلم الزعيم
مشاركات: 1,545
ههههههههههههههههههههههههههههههههههههههههههههه
ههههههههههههههههههههههههههههههههههههههههههههه


الله يقطع بليسك ياشيخ


اجل صاد عن الحرمه وهي تلبس

ههههههههههههههههههههههههههه
اضافة رد مع اقتباس
  #6  
قديم 22/03/2006, 02:49 PM
زعيــم مميــز
تاريخ التسجيل: 08/09/2005
مشاركات: 4,913
الله يرجك..

الجمال هنا مو في جمال نانسي و هيفاء..

و الله إن اللبنانيين ودهم يتزوجون من بنات السعودية و بالذات أهل القصيم بس يواجهون رفض من عوائلهم..

الله يعطيك العافية..

ألف شكر لك..
اضافة رد مع اقتباس
  #7  
قديم 22/03/2006, 03:10 PM
زعيــم نشيــط
تاريخ التسجيل: 31/01/2005
المكان: الرياض ..
مشاركات: 700
:
:


أنا شايف الموضوع بس وين مدريـ .

أيه أيه تذكرتـ شفته في منتدى قريبـ من هناا ..

أخويـ ::

تسانـ أنت الي كاتب الموضوع في ساحة الأقلاع وجيت ومحطته عندنا أحيكـ على خيالكـ الواسع ..
أمــا تسانكـ لاقطه من هناااكـ أسمحلي أقولكـ .. الغش حراااامـ ..

بيني وبينكـ الموضوع راايق لاكن تمنيت أنكـ كااتبـ منقول لو أنت ناقله فعلا عشانـ مايضيع جهد الأخرين ..

تحياتي لكـ .
اضافة رد مع اقتباس
  #8  
قديم 22/03/2006, 03:36 PM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
^
^
^
^

الولد هذا مشكلة !!

تحيتي لك كاتب المشاركة ..
اضافة رد مع اقتباس
  #9  
قديم 23/03/2006, 01:43 AM
زعيــم فعــال
تاريخ التسجيل: 28/10/2005
المكان: الرياض
مشاركات: 435
هههههههههههههه

الله مير يرج عدوك

مشكور اخوي الله يعطيك العافية وسعت صدورنا
اضافة رد مع اقتباس
  #10  
قديم 23/03/2006, 02:46 AM
زعيــم مميــز
تاريخ التسجيل: 01/09/2005
المكان: الرياض
مشاركات: 1,522
ابو فالح وانت شغلتك بس تنتقد من يوم عرفناك وانت كذا ياخي الموضوع روعه ولا يحتاج لتعليقاتك البايخه وانا متاكد

ان الموضوع اول مره يمر عليك !!!


انسان هلالي/ يعطيك العافيه على الموضوع الظريف

ولكم تحياتي
اضافة رد مع اقتباس
  #11  
قديم 24/03/2006, 02:26 AM
زعيــم جديــد
تاريخ التسجيل: 26/06/2005
مشاركات: 8
ـــــــــــــــــــــــ شكراُ جزيلاً ـــــــــــــــــــــــــــــ

عـــــــــــلى الموضوع الجميل والحساس والمهممممم

بس رجااااااااااااااااااااءً لا تعيدها مرة أخـــــــــرى

وشكــــــــــــــــــــــــــــــــــــــــــــــــــــــــــــراً
اضافة رد مع اقتباس
  #12  
قديم 24/03/2006, 08:16 AM
زعيــم نشيــط
تاريخ التسجيل: 31/01/2005
المكان: الرياض ..
مشاركات: 700
:
:
:

إقتباس
^
^
^
^

الولد هذا مشكلة !!

تحيتي لك كاتب المشاركة ..

..


:
:
:


إقتباس
ابو فالح وانت شغلتك بس تنتقد من يوم عرفناك وانت كذا ياخي الموضوع روعه ولا يحتاج لتعليقاتك البايخه وانا متاكد ان الموضوع اول مره يمر عليك !!!

الله يجزاكـ خير أقراء ردي زين ثمـ تكلمـ ..
بعدين وين التعليق الباايخ .. أناا أساله هو أنت وش تبي ..

ننتضر كاتب الموضوع .. ونشوف وش يقول ..


:
:
:
اضافة رد مع اقتباس
  #13  
قديم 24/03/2006, 02:35 PM
مشاكس اجتماعي بالمجلس العام
تاريخ التسجيل: 30/10/2005
المكان: الكرة الأرضية
مشاركات: 1,847


موضوع فكاهي طريف، مع التحفظ على بعض العبارات


أنا أؤيد أبو فالح وبعنف

هو شاف الموضوع بالأقلاع وانا شايفه بمنتدى ينبع وبتاريخ أقدم ،،


على الكاتب توضيح ما يلي مع تقديم الوثائق الأثباتية في ملف علاقي أخضر:

1) ان كان هو الكاتب الأصلي للموضوع او انه لاطشه

2) في حالة لاطشه، التنبه مستقبلا على استخدام كلمة منقول

3) في حالة منقول، الأخذ بالأعتبار ان المشرف ممكن ينقله لصيد الأنترنت اذا رأى ان الموضوع ماله داعي يقعد في العام


>>> يذاكر قوانين المنتدى <<<<


بس طبعا نشكرك على المشاركة وتغيير الجو


هلالي عبيط

خل العباطة وابو فالح معه حق، الأمانة في النقل مطلوبة ومافيها شي يتأكد ;)

بـــاي
اضافة رد مع اقتباس
  #14  
قديم 24/03/2006, 04:32 PM
زعيــم متألــق
تاريخ التسجيل: 07/09/2005
المكان: كــنــدا
مشاركات: 1,455
ههههههههههههههاااي

يلعن ام التنسيم الي ترفعه يااشيخ

والله موضوع حلوووو (منتاااز)<<< زي جارنا الشااايب هع هع


يعطيك العافيه وماقصرت
اضافة رد مع اقتباس
  #15  
قديم 24/03/2006, 07:03 PM
زعيــم مميــز
تاريخ التسجيل: 21/04/2005
المكان: حتى ظلي له مهآبه
مشاركات: 9,440
خخخخخخخخخخخخخ

اضحكت بطني يافتى
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:27 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube