السلام علييييكم
للاسف كل ما كتبت موضوع اعتبرني البعض غير هلالي او اعتبرني اتكلم بغضب
ولكن هذه المره احاول اتكلم بعقلانيه وبالارقااااام
يا جماعة الخير انا معكم الاخ كندينو من جنب العارضه بس نكون واقعيين شوي وما نلوم الحكم هو صحيح له اخطاء بس غير مؤثره على المباراه
فيـــه لاعبين في فريقنا غير صالحين وبكل صراحه اول لاعب في نظري طبعا الكل بيزعل بس كيفكم انا تهمني مصلحة الهلال انا احب الهلال ما احب لاعب معين
اول لاعب هو الاعب الكبير سامي الجابر يا سامي انت لاعب كبير ولك تاريخك حاليا سامي بطئ وليس سامي السابق خطورته شبه معدووومه ماذا ننتظر من سامي ان يلبس الجوتي الاصفر ويصير مثل نهاية الاعب الكبير ماجد عبدالله لا ياسامي نبي نهايتك غيـــر وانت تقول قادر على العطاء ولكن حتى سرعتك يا سامي مو مثل اول
الاعب الثاني محمد العنبر ودي اوجه له نصيحه اللي هي انه لاعب موهوب في الكرات العاليه ولكن لازم يطور نفسه في الكرات اللي على الارض اهدافه بقدميه شبه معدووومه سجل ثلاث او اربع اهداف بالراس وخلاص فرحنا فيه لازم يدقق على هالشي
الاعب الثالث ياسر القحطاني تكفى يا ياسر خل عنك الكعوب والدوران بالكوره وشغل الاستعراض هذا الحارثي ياخي ما قاعد يسوي هالحركات ويهدف ياسر ترا مو منطقي تجيب 9 اهداف بالدوري ست منهم او خمسه بلنتيات راجع حساباتك لو سمحت
الاعب الرابع محمد الشلهوب مو عاداتك ينخفض مستواك انت بالذات يا شلهوووب خطورتك نص خطورة الفريق ارجع مثل ما كنت يا موهوب
شكر خاص للاعب الخدوووم والاعب اللي يلعب بكل اخلاص للنادي الاعب عمر الغامدي واقول الله يعطيك العافيه ما قصرت
عبدالله الجمعان اتمنى عودتك سريعا
ولازم نعد فريقنا بأجنبي افضل من جيوفاني ونعد فريقنا جيدا ان كنا نريد كاس اسيا
تحياتي
ادري قسيت على بعض الاعبين اللي نعتبرهم نجوم الفريق ولكن من حبي للنادي وبغض النظر منهو الاعب
تذكروا احنا نشجع الهلال ما نشجع لاعب معين واذا حبينا لاعب ما يعني هذا اننا ما ننتقده او انه ما يخطي
تحياتي