#1  
قديم 17/03/2006, 03:46 AM
زعيــم مميــز
تاريخ التسجيل: 06/02/2004
المكان: جــــــــــــــده
مشاركات: 5,914
Talking إختبار القياس.. تعليمات... تحذيرات... تنبيهات.. وأشياء خطيره..

السلامـ عليكمـ،،،



طبعًا أخوكمـ اللي هو أنا مختبر اليوم القياس...



ماذا عليك أن تـُــحضـِــر لإختبار القياس:1-بطاقة الأحوال الأصليه وليس المزوره أو المصوره.. لازم الأصليه وإذا أنت مضيعها عطهم الرخصه أو التصريح..
2-الورقه اللي عطوك أياه بنك الراجحي.. طبعًا هذي أهم شي بدونه مافيه أمل تدخل الإختبار..
طبعًا أنا ماجبت بطاقتي الأصليه لأني مضيع الأولى وقلت ماله داعي أضيع الثانيه لأنه الأحوال مب فاضين لي كل يوم مرتز عندهم أبي بطاقه..
بس بيني وبينك أزين أنه ظاعت لأني ماكنت مشخص زين<<<أنواع التناحه


أشيــاء مالــه سنع:
1-التعريف ماله داعي حتى الشهاده حقت الترم الأول مايطلبونه منك.
2-ورقة بيانات تعبي فيها بياناتك مايبون.
طبعًا أخذت ورقة تعريف وغسلته الشغاله وتنتفت :p


ضروريات وأحتياطات:1-فلوس لأنك تبي تطول هناك وتبي تقعد بالقليل 5 ساعات ونص.
2-جوال يدق مب تروح ترز خشتك بجوال مفصول. لأن خويي اليوم خلان أفاحط ثلث ساعه أدوره. :p
مع أن جوالي يدق بس هو مقفل جواله..



تنبيهات... تنبيهات:1-لاتحاول تاخذ برشام يقالك ذكي عشان ماتقعد به.
2-قفل جوالك لأنه لو دق بالغلط راح يطلعونك من الإختبار ولا في أمل يرحمونك.
3-كـُــن على أتم الإستعداد أنك تجلس 5 ساعات على الكرسي بس أنتبه لاتلزق به مثلي اليوم.. :p
4-لا تتلفت ولا تسوي نفسك تطق رقبتك لأنه راح يظفون الورقه على طول..
5-ابدأ الإختبار بالدعاء: (اللهم لا سهل الا ماجعلته سهلاً وأنت تجعل الحزن إذا شئت سهلاً)



مقتطفات من الرحله إلى إختبار القدرات:

طبعًا مافيه الا ماء بس تبي أكل أطلع وتعتبر منسحب من الإختبار


أي رجوع للورق في الخلف يعتبر إختبارك ملغي وصارت مع 2 بالقاعه اليوم..


الإختبار عباره عن دفتر فيه كم ورقه فيها الأسئله+ورقة مسوده تشخمط فيها إجابات+ورقة الإجابات..



6 أقسام هي أقسام الإختبار...

كل قسم يعطونك فيه من 20 إلى 25 دقيقه حاول ماتمطط أكثر من اللازم :p


واللي ماتعرفه خله أو سو له حقره بقره


الوقت يمشي بسرعه في الأجزاء الصعبه..


شفت ورقة اللي جمبي لقيت أسئلته بالقسم الثاني نفس أسئلتي بالقسم الأول..



فيه أقسام حلوه وسهله وأقسام ماله داعي


وفيه قسم صعب كله رسمات دوائر ومثلثات ومستقيمات وطلع المتوازي ولا تطلع الكسر يبي يمللك ويطفشك ويكسلك


مـُـجرد رجوعك للقسم اللي فات يلغي الإختبار كاملاً حتى لو أنك مخلص..


واحد من المشرفين صوته تقل مزكم تحفه أو بمعنى أصح تقل اللعبه ذيك اللي داخله شي يصفر لا ضغطته
قالت: طوووووووووووووط<<<<يقالك فهمتهم


طلبت من مشرف ماء راح وصل لآخر القاعه يدور اللي طلب ماء وأنا بنص القاعه


قلت حشى والله لو أني ما أنشاف بيني وبينكم حسيت أني نمله جالسه على الكرسي


ويوم رجع رفعت يدي قال أنت اللي طلبت ماء قلت لا جدتي... لاتصدقون قلت أيه أنا


المرسام وورقة البيانات هم يعطونك هي


وكان فيه تنظيم حلو بالنسبه للطلاب اللي عندهم إختبار قياس..


طبعًا هذا بجامعة الملك عبدالعزيز بجده


بس غير هذي ما أدري عنهم...



أسئله أتذكرها وحاب أكتبها كمثال:
1-10000-99x99=
أ-.......... ب-............
ج-.......... د-.............


2-كان عمرك 10 سنوات وعمر أبوك ثلاثه أضعاف عمرك ثم أصبح عمرك 20 سنه
كم سيصبح عمر أبوك في هذه الحاله..؟..
أ-............ ب-..............
ج-............ د-.............


3- 990+656+16+537+765+123+295=
أ-........... ب-.................
ج-.......... د-................


هذا اللي أتذكره والباقي بعديييين



أي معلومات أخرى راح أوافيكم بها



أخوكم/ محمد
  #2  
قديم 17/03/2006, 08:20 AM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
ماشاء الله عليك تبارك الله

والله نقلت الاختبار كأننا راحيين نفس المكان

ماشاء الله طريقة وصفك حلوه وتسلسل نقاطها فيه تركيز وترتيب يخلي الواحد فعلا متحمس


وشو مافيه اكل خمس ساعات ولا فيه اكل طيب فرضاً واحد جاي له خمس ساعات ما اكل بعد يقعد خمس ساعات ما ياكل

بيتعب على كذا ولا راح يعرف يركز

الله يوفق الجميع يارب وعقبال التخرج اللي تتمنونه وان شاء الله تحققون كل اللي تطمحون له وانتم برضى وعافية وتوفيق من الله سبحانه

الله يعطيك ألف عافية
  #3  
قديم 17/03/2006, 02:53 PM
زعيــم مميــز
تاريخ التسجيل: 06/02/2004
المكان: جــــــــــــــده
مشاركات: 5,914
أهلين سندريلا...


تسلمين والله...



اللي عنده الإختبار الصبح يفطر قبل مايروح أزين له عشان مايجوع ويفقد تركيزه...



اللي إختباره المغرب يتغدى العصر عشان مايجوع..



نسيت أقول لكم أنه كل قسم تترواح الأسئله فيه بين 21 - 25 سؤال...



طبعًا مسموح لك بالذهاب إلى دورة المياه في أي وقت لكن لازم تخلي جوالك بالقاعه..



اللي مثل حالتي مزكم ياخذ مناديل ويدعسهن بجيبه للضروره



لا تكثر من الكلام مع المشرفين عشان ماتفقد تركيزك..


كن في عالم آخر وأنت في الإختبار وخل تفكيرك كله في الإختبار...


سندريلا... الله يعافيك...


أي إضافات راح أوافيكم بها لاحقـًــا..،
  #4  
قديم 17/03/2006, 04:28 PM
زعيــم مميــز
تاريخ التسجيل: 07/07/2005
المكان: الملحــق ...
مشاركات: 11,513

اوووف ,, حمود ياليتني كبرك والله ,, واختباري السبت علشان اخذ نصايح منك (( وجه مطلع لسانه )) , ,

اما خمس ساعات شوي ذي ,, اما البترول الاختبار 6 ساعات وزحمة السير ساعه ,, يعني خيس

اهم شى حمود وش سويت انت << مهتم فيك

إقتباس
2-كان عمرك 10 سنوات وعمر أبوك ثلاثه أضعاف عمرك ثم أصبح عمرك 20 سنه
كم سيصبح عمر أبوك في هذه الحاله..؟..
أ- 40 ب-50
ج-60. د-70

هذا السؤال عادوه عشرطعش مليون مره

اقولهم غيرو عمر الولد يقولون لا
  #5  
قديم 17/03/2006, 06:51 PM
زعيــم مميــز
تاريخ التسجيل: 22/10/2005
المكان: الــظــهــران
مشاركات: 3,455
خخخخخخخخخخخخخخخخخخخخخخخخخخخخخخخخخخخخخخخ الله يعينا اجل<<<ثاني

5ساعات مرهـ واحد وما فيها اكل<<<دب
اهم شئ ان شاء الله ما جبت العيد
وشكرا جزيل(ن) ع التنبيهااات واهمها الاكل قبل ما اروح <<<قايلكم دب :p
  #6  
قديم 18/03/2006, 12:09 AM
زعيــم مميــز
تاريخ التسجيل: 06/02/2004
المكان: جــــــــــــــده
مشاركات: 5,914
صقيقائي وري ونايف نورتوا الموضوع والله


إقتباس
اهم شى حمود وش سويت انت << مهتم فيك


سويت كل خير والحمد لله وكان الحل منتاز (نوعًا ما)<<<اللي بين القوسين متعوب عليه قووووووه


هالسؤال ياوري يبي يقول لي أياه حفيد حفيد حفيدي أنه جاء بإختبار القياس حقه


إقتباس
5ساعات مرهـ واحد وما فيها اكل<<<دب


أشوا أخيرًا رضخت للأمر الواقع وأعترفت أنك دب..


إقتباس
اهم شئ ان شاء الله ما جبت العيد


لا الحمد لله ماجبته ولو فكر يجي أبي أطرده لأنه توه باقي له كم شهر


إقتباس
وشكرا جزيل(ن) ع التنبيهااات واهمها الاكل قبل ما اروح <<<قايلكم دب

عفوً.. عفوًا.. لا شكر على واجب يانايف

ياحظي نايف يعترف مرتين أنه دب...،، إنه لشيء جميل
  #7  
قديم 19/03/2006, 04:02 PM
موقوف
تاريخ التسجيل: 10/02/2005
المكان: في نادي الهلال
مشاركات: 2,906
اللي يدخل بعد المغرب متى يطلع
  #8  
قديم 19/03/2006, 05:15 PM
زعيــم مميــز
تاريخ التسجيل: 30/06/2005
مشاركات: 1,820
شكرا لك اخي هلالي القرعاء


بس ابي اعرف الكرسي خشب ولا اسفنج ولا بوكفرات<<<<< يبي يشل


واذا كان بو كفرات احسن .. علشان افر الكرسي على اللي وراي خاصة اذا كان دافور مثلي يعني ولما يجيني المراقب اقوله كان يبيني بسالفة ..؟


واما عن سؤال @مايكل بالاك@13 انا اعرفه

سؤاله:اللي يدخل بعد المغرب متى يطلع

جوابي:: يطلع بعد مايخلص الوقت ..!



وشكرا جزلا لك واشكالك وكثر الله من اشكالك<< تحسه يسب مع مدح

تشاوشو<<< اختصار لتشاو
  #9  
قديم 19/03/2006, 09:07 PM
زعيــم مميــز
تاريخ التسجيل: 06/02/2004
المكان: جــــــــــــــده
مشاركات: 5,914
إقتباس
اللي يدخل بعد المغرب متى يطلع


اللي يدخل بعد المغرب يطلع الساعه 10:30 تقريبًا أو يمكن 11:00



إقتباس
بس ابي اعرف الكرسي خشب ولا اسفنج ولا بوكفرات<<<<< يبي يشل


كراسي الجامعات معروفه اللي تجيك معها طاوله والكرسي بلاستيك



إقتباس
سؤاله:اللي يدخل بعد المغرب متى يطلع

جوابي:: يطلع بعد مايخلص الوقت ..!


صراحه جوابك أفاده كثير


إقتباس
وشكرا جزلا لك واشكالك وكثر الله من اشكالك<< تحسه يسب مع مدح


عفوًا...

الله يخليك لعين ترجيك


...
.
.
.
  #10  
قديم 19/03/2006, 11:59 PM
زعيــم جديــد
تاريخ التسجيل: 19/01/2006
مشاركات: 30
-كان عمرك 10 سنوات وعمر أبوك ثلاثه أضعاف عمرك ثم أصبح عمرك 20 سنه
كم سيصبح عمر أبوك في هذه الحاله..؟..
أ- 40 ب-50
ج-60. د-70
يازيــنه هالســؤال كأني تأكدت من الاجابه 60 صح ؟؟ واسئلة اكمل الفراغ حلللوة خخخخخخ بس الاذكياء مثلي بيعرفونها اما الرياضيات عد الى العشره ولون الدائرة

وفيه اسئلــة تفـك المخ اقرا مدري كم قطعه ازياء ونساء ومدري وشو

واحلــى ما في جامعــه البترول دورياتها باصات

وبالنسبه للخروج من الاختبار 10ونص .. مع لفـه ع الكورنيش تصير 11 ... ولا تنسى تغيب اليوم الثاني خخخخخخخخخخخخخ

بالتوفيـــق يا هلالــي القرعــاء
  #11  
قديم 20/03/2006, 03:21 PM
الصورة الرمزية الخاصة بـ مرسول الهلال
زعيــم متألــق
تاريخ التسجيل: 06/11/2004
المكان: بين الشقا وبين الغرام
مشاركات: 1,071
السلااام عليكم


مشكووور اخوي هلالي القرعاء على التوضيح وانا ان شاء الله اختباري اليوم الفترة المسائية ,,

والله يوفقنا ونقدم زين بالاختبار واذا خربناها عندنا فرصة ثانية
  #12  
قديم 20/03/2006, 10:37 PM
زعيــم مميــز
تاريخ التسجيل: 21/02/2005
المكان: الصين مؤقتاً
مشاركات: 1,663
السلام عليكم ....


الله يستر الحين أخوي من المغرب وهو رايح ولا بعد جاء ....

الله يوفقه ويوفقكم قولوا آميييييييييييييييين ....



الحمد لله ماعندنا مثل هالأشياء ... يالله على النسبه لأننا اشطر منكم ...
واسئلتنا اصعب



يارب توفق أخوي وتخليه يحل كل الأسئله صح ويجيب النسبه كامله

<<< ما كني جحدتكم
  #13  
قديم 20/03/2006, 11:34 PM
الصورة الرمزية الخاصة بـ واحد زاحف
زعيــم مميــز
تاريخ التسجيل: 30/01/2004
المكان: الرياض >><< ريدنق
مشاركات: 3,566
7
7
7
اما يجيب نسبه كامله والله لاخليه يفحط بوجهي

ماحد الى الان جاب النسبه كامله !

الاختبار حقنا كان سهل وفيه اسئله حقره بقره

طبعا ً غير الاشكال اللي تسد النفس والروايح اللي تجيب الصرع

بس الاختبار بشكل عام مريح ..



بالتوفيق للجميعـ
  #14  
قديم 21/03/2006, 12:07 AM
موقوف
تاريخ التسجيل: 18/10/2004
المكان: أورانس,, حيث الأمان
مشاركات: 2,727
يسلمووووووووووووو,,,,

بالفعل تسلم على الشرح ... والاسئله الحلوه .. تبي الحل؟

ترا نسيت اقولك ان سؤالكم المذكور جانا .. قبل سنتين هههههههههههههههه
اول ماقرروا اختبار الخياس,,,

بعدين من قالك ,, ارجع والا لا ترجع للقسم اللي قبله ...
انا من طبعي ماخلي سؤال فاضي " طماع" اهم شيء اضلل اي شيء..حتى لو خطأ...
والتضليل مااظن احد بينتبه له ,, ههههههههههه



سلام,,,
  #15  
قديم 21/03/2006, 03:06 PM
زعيــم مميــز
تاريخ التسجيل: 06/02/2004
المكان: جــــــــــــــده
مشاركات: 5,914
إقتباس
وفيه اسئلــة تفـك المخ اقرا مدري كم قطعه ازياء ونساء ومدري وشو


أيه أزعجونا أزياء الشعوب وآلات الشعوب ...


إقتباس
وبالنسبه للخروج من الاختبار 10ونص .. مع لفـه ع الكورنيش تصير 11 ... ولا تنسى تغيب اليوم الثاني خخخخخخخخخخخخخ

كنت ودي أستفيد من إختبار القدرات بالغياب بس المشكله أنه كان يوم الخميس


الدوسري مشكور على مرورك وعلى ردك الراااااايق


إقتباس
السلااام عليكم


مشكووور اخوي هلالي القرعاء على التوضيح وانا ان شاء الله اختباري اليوم الفترة المسائية ,,

والله يوفقنا ونقدم زين بالاختبار واذا خربناها عندنا فرصة ثانية


وعليكم السلام

العفو... بشر وش صار عليك عساك بدعت بالإختبار...


أكيد وقهر الواحد يضيع الفرصه الثانيه


إقتباس
الله يستر الحين أخوي من المغرب وهو رايح ولا بعد جاء ....

الله يوفقه ويوفقكم قولوا آميييييييييييييييين


فرصه ضايعه الله ويفقه ويانا ونشوفه دكتور أو طبيب<<<كله واحد


إقتباس
الحمد لله ماعندنا مثل هالأشياء ... يالله على النسبه لأننا اشطر منكم ...
واسئلتنا اصعب

أشطر منا...

أسألتكم أصعب...


العكس صحيح

إقتباس
يارب توفق أخوي وتخليه يحل كل الأسئله صح ويجيب النسبه كامله

<<< ما كني جحدتكم

آمين آمين آمين

وبالنسبه للجحده عادي بس أهم شي تدعون لنا


لي عوده...
   

إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:52 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube