#1  
قديم 09/03/2006, 05:43 AM
الصورة الرمزية الخاصة بـ عريب عبدالله
إشراقة المجلس العام
تاريخ التسجيل: 13/10/2004
المكان: الرياض
مشاركات: 3,980
Exclamation من الواقع

اس
اس
السلام عليكم
بعد السلام يحلا الكلام
"مقطع أغنيه سودانيه أختي تغنيها"


سلام شله

أخباركم أخواتي الحلوات أخواني المحترمين

مبسوطين طبعاً لما شفتوني

إن شاء الله دوم


سنعود بعد قليل
لوووووووووووووووو
عدنا والعود أحمد
مسكين أحمد دايم ظالمينه هو مع هند في كتاب النحو
أكل أحمد التفاحه وجاه تخمه وودوه المستشفى
والمشكله أحمد ما يحب التفاح بطاري التفاح تعرفون سيبويه جعله الموت قاهرني بقاعداته الغبيه والا الأحمق اللي أخترع الشعر التعليمي دايم أحس أني غبيه لأني رغم قرأتي السريعه ماأعرف أقراه وأنتهي وأنا ضايعه وأكثر شتات ما أفهم وش يتكلمون عنه مع إدعائهم أنه أسهل للحفظ والفهم
يقول أبو العتاهيه شاعر يجنن كذا أحبه كثير
لابارك الله في من كان يخبرني
أن المحبين في لهوٍٍ ولذات
لموتة تأخذ الإنسان واحدة
خير له من لقاء الموت مرات
أحد يفهمني مناسبة البيت لأنه مر في راسي وكتبته مادري وش دخل أبوه


بطاري الموت سمعتوا عن مقولة: ومن الوهم ما قتل
ودي أحكي لكم حكايه عن العرب يقولون العرب حكماء
أنه مره من المرات الوباء لقي قافله وهو ذاهب لقريه "يزور أهلها " فسأله شيخ القافله وين رايح "يابو الشباب"؟قال الوباء:مسير على القريه القريبه لأحصد الف نسمه فلما رجع سأله الشيخ بغضب: خدعتني "تلعب علي"تقول الف وتاخذ خمسة الآف .قال الوباء: لا أنا ماحصدت الا الف أما الخوف هو اللي قتل الباقي

لأنهم توهموا المرض فمرضوا وهذا يذكرني بربعنا خصوصاً المجتمع النسائي يخافون من الحسد بشكل عجيب ويضنون أنهم مميزين للدرجه اللي تخلي الناس تحسدهم طبعاً العين حق لكن ماتوصل للوسواس أنا أعتقد أن الشخص العايش في وهم الحسد مريض ليس من الحسد بل من الوهم
تلاقيها تطلقت وتقول "أنا محسوده كان طيب ويحبني لكنه يضرب لما يجي سكران آخر الليل ياحرام الناس حاسدينه طردوه من الوظيفه لإدمانه الكحول ولأنه أحرق المكتب لما نسى السجاير على الأوراق ياعمري مسحور من وحده ماتخاف الله يكلمها في التلفون سحرته وخلته مايحبني ويغازل البنات لما نروح السوق........"ولو كملت تكتشف أنه فعلاً مظلوم
الناس صارت تعلق تقصيرها على شماعة الحسد وتلاقيها من شيخ للثاني وكل واحد يقول الشي اللي تبي تسمعه ويبداء الشقاق بين الأهل أنك سحرتيني أو حسدتيني وتمشي جلسات عند الشيخ الجلسه بمية غير الدهونات والمويه والأعشاب اللي تباع عند العطار اللي تبع العياده
ولما يقراء عليها من القرآن وتبكي يقولها فيك عين قويه"أصلاً قراءة القرآن والخشوع مع آيات العذاب وقوة القراءه تدمع لها العين حتى الرسول تدمع عينه للقرآن" أو أنها تصارخ ويغمى عليها لأنها تسمع أن اللي فيه جني يسوي كذا ويقولها فيك سبعه جنون خمسه مسلمين وواحد نصراني وواحد يهودي وش عرفه لاأدري وإذا فيها جني واحد أو الف التأثير هو هو
وأصلاً ياعنده إكتئاب أو مرض ذهاني أو عصابي أو هلاوس سمعيه أو بصريه
طبعاً مو كل الشيوخ يستغلون أو يكونون ماديين وأنا أحترمهم كثير لكن الناس تتوهم كثير والأفضل الإنسان يرقي نفسهطبعاً والبعض يروح لمشعوذين أسمهم شيخ تروح فيها عقيدتهم وأموالهم
أتذكر كنت أشوف برنامج عن ثقافة المغرب وكانوا يبسطون بالسحر في الشارع مثل ما يبسطون عندنا الحريم يبيعون الحب والفصفص في المعيقليه


شي واحد أبي أعرفه شاغلني منذ مبطي
هل يوجد شي أسمه حماية المستهلك؟ووين؟
لأني لما رحنا مكه أنكب الشمبو على ملابسي لأني نسيت أسكره زين إهمال مني وما أستعمل الا هو ووصيت أخوي يجيب من البقاله اللي تحتنا خايسه ماتبيع جالكسي وشرا لي الشمبو نفس العلبه لكن الشمبو غير اللون غير الريحه غير يحتاج شمبوا عشان يغسله وريحته شي عجيب تسبب غثيان :p
طبعاً لأن ببساطه كان تقليد وبنفس القيمه وحماية المستهلك نايمه في العسل
الشمبو يهون عند العطارين وكريم تفتيح البشره وكريم تنحيف كيف أنحف بكريم ما أدري وكريم يوسع العين وكريم يطول الأنف لا وناشبين فيني كل يوم جايبين لي وصفه يبوني أسمن كأني شاكيه لهم مره أدويه ومره خلطات ولاعمري أستعملتها الا يبوني متفوخه مثلهم والأمر وراثي لايمكن أسمن ليه أتسبب على نفسي أعجب شي خلطه موتتني ضحك قالوا خذي عنب يمني أسود وانقعيه 24 ساعه بعدين أطحنيه وصفيه واشربيه خييييييييييير صار خمر يبوني أنسطل أكثر من كذا والله أنا يالحريم مخفات نصدق هالخرابيط



اليوم كنت أفكر وأفكر وأفكر وما طلعت بأي نتيجه لأني كلما فكرت أكثر زادت الإستفهامات أكثر :p
ليه دايم يقولون الخير يخص والشر يعم ؟
من عرفت نفسي في صدفه عجيبه تخيلوا صرنا مولودين في نفس اليوم والأغرب حتى نحمل نفس الأسم وأنا أفكر وما لقيت إجابه ومااقتنعت بالمبداء لأنه ظالم من وجهة نظري


[blink]عندي أقتراح بسيط
لاتنسوا كفارة المجلس لأني ما بقى أحد ما أخذ حسناتي من الحش
على الأقل أسوي شي مفيد واذكركم بكفارة المجلس[/blink]

[glow=9999CC]وأنا أكتب جت حبيبتنا محبوبه على بالي وحطيت الوان كثير أقلدها
تحيه كبيره لمحبوبه الحبوبه وآسفه على التقليد [/glow]


بالحب والإشراق
اضافة رد مع اقتباس
  #2  
قديم 09/03/2006, 08:59 AM
زعيــم مميــز
تاريخ التسجيل: 27/06/2002
المكان: الرياض
مشاركات: 3,940
ححيا الله سيبويه وش أخبارك بشرنا عنك

قصدي رائدة الفضاء الهلالي<<<< وش رايك باللقب الجديد

إلا على طاري شيوخ هالأيام

أقسم بالله إني أعرف واحد هنا بالرياض قال يبغاني أوديه اليمن عشان يعالج ولد خالته
المهم وافقت ورحنا اليمن وقعدنا هناك 4 أيام والولد كان فيه سحر والحمد لله الشيخ اللي في اليمن طلع السحر ثاني يوم .
المهم خويي هذا قعد مع الشيخ اللي هناك وتعلم منه وطقطق شوية عسل وأعشاب وخرابيط
والحين فاتح مركز مشهور في الرياض لعلاج السحر والمس والعين والصرع وكل شيء

يعني راح اليمن تعلم 4 أيام فقط والحين صار شيخ وجلسات ومواعيد وطوابير وزحام .... إلخ .

حبيت أكتب القصة ذي بس عشان حماية المستهلك

تشكرااات

قفلة
إقتباس
الرسالة الأصلية كتبت بواسطة رائدة الزعيم

والله أنا يالحريم مخفات نصدق هالخرابيط


توك تدريـــن ؟ خخخخخخخخخخ
اضافة رد مع اقتباس
  #3  
قديم 09/03/2006, 06:47 PM
زعيــم مميــز
تاريخ التسجيل: 02/09/2005
المكان: الرياض
مشاركات: 3,545
اهلين برائدة واهلين بمواضيع رائدة


إقتباس
الناس صارت تعلق تقصيرها على شماعة الحسد وتلاقيها من شيخ للثاني وكل واحد يقول الشي اللي تبي تسمعه ويبداء الشقاق بين الأهل أنك سحرتيني أو حسدتيني وتمشي جلسات عند الشيخ الجلسه بمية غير الدهونات والمويه والأعشاب اللي تباع عند العطار اللي تبع العياده


تدرين ليش يصير هالحكي ؟؟؟

لاننا ناس مانعترف باخطائنا او اننا مانحاول نفكر باسبابها واقرب شماعة ممكن نعلق عليها اللي يصير لنا هي سالفة العين والسحر

لما الوحدة يروح زوجها منها ماتحاول تفكر ليش راح لانها لو فكرت ممكن توصل لنتائج هي ماتبغى توصل لها وبالتالي اسهل شىء انها تقول سحر او حسد وبقية الامور بحياتنا بنفس المنطق والشكل

إقتباس
شي واحد أبي أعرفه شاغلني منذ مبطي
هل يوجد شي أسمه حماية المستهلك؟ووين؟

مع الاسف نايمة في العسل يارائدة

مسالة الشامبو تهون

روحي شوفي محلات ابو ريالين وش تبيع؟؟

منتجات سيئة جدا جدا والمشكلة في بعضها منتجات حساسة وخطيرة

يعني مثل توصيلات الكهرباء تبيع نوعيات رديئة جدا لو لا سمح الله ضربت التوصيلة وش راح تكون النتائج نتائج كارثية طبعا


إقتباس
اليوم كنت أفكر وأفكر وأفكر وما طلعت بأي نتيجه لأني كلما فكرت أكثر زادت الإستفهامات أكثر

علشان كذا قالوا ان العلم بحر لانهاية ولا حدود له

لانك كلما حاولت تجاوب على اسئلة معينة من خلال الاجابات اللي تتوصل لها تنبع اسئلة اخرى

لذلك قالوا (( اطلب العلم من المهد الى اللحد ))

مشكورة كثيرة يا رائدتنا على هالطرح وعلى هالاسلوب الرائع في ايصال افكارك بشكل سهل وميسر ويدعو للاعجاب فعلا

الله يحفظك ويخليك
اضافة رد مع اقتباس
  #4  
قديم 09/03/2006, 07:22 PM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,713
مرحبتين بالشاعره رائـــده المهم

ملخص الملخص للتعليق على كلامك ,,, ان من تمسك بكتاب اللــــــــــــــــه لن بضره شي بمشيئته

كما قلتي ,’, ومن ابتعد عن الاوهام والوسوسه الزائده فهو بخير ,,,

اما من ناحيه حماية المستهلك فيطول الكلام ,, لانريد ان يهتموا بالشامبوا وغيره من المستلزمات
والمشكله في الادويه واصحاب الصديليات الذين لا يخافون اللـــــــــــــه ,, وراح ضحيتهم الكثير

ومن رأي المتواضع ان المرأه بطبيعتها اجمل من الخرابيط اللي يسونها في وقتنا الحاضر ,,,
والمشكله يا ليت كل اللي يسوونه يفيد ... !!! ما اقول الا الزين زين لو قام من النوم هع


ثانكس خيتوووووووووووووو
اضافة رد مع اقتباس
  #5  
قديم 09/03/2006, 07:28 PM
الصورة الرمزية الخاصة بـ دبــل كيــك
زعيــم مميــز
تاريخ التسجيل: 02/12/2003
مشاركات: 3,453

إقتباس
اس
اس
السلام عليكم
بعد السلام يحلا الكلام

وعليـكـم السـلاااام ورحـمـة اللـه وبركـاااتـه ...
اللـي قـااايلـهـااا ...عـز الـلـه مـهـوووب سـودااانـي ... ولااا هـووب حـوول الـزوولـة ... بـس نـمـشيـهـااا دااام الـمـوضـووع مهـووب رسـمـي ... نـعـتبـره فلـة حـجـااااج .. والبسـااااط أحـمـدي ;)


إقتباس
لابارك الله في من كان يخبرني
أن المحبين في لهوٍٍ ولذات
لموتة تأخذ الإنسان واحدة
خير له من لقاء الموت مرات

اخـتـيـاارك لـهـذيـن البيـتـيـن ... كـفيـل بـأخـذ تصـوور عـن رقـي ذااائقـتـك الأدبيــة ... صـراااحـة رغـم قـراااءتـي لـهـذيـن البيـتيـن سـااابقـاً ... ولـكـن الآآآن لـدي شعـوور فضـووولي بـمـعرفـة منـاااسبـتـهـااا .. أشـغـل محـرك البـحـث وأشـووف ديـوااان أبـوالعـتـاااهيـة ... لااا وصلـت اعـطـيـك خبـر ...




ومـن الـوهـم مـاااقـتـل ... ومـن الـوسـووسـة مـااا بـهـذلـت صـاااحـبـهـااا ...
الـعـيـن حـق ... والـقـراااءة مـشـرووعـة ...وأتـفـق مـعـك تمـااامـاااً بـأن بـعض مـن يـذهـب إلـى المشـااايـخ للـقـراااءة عليـهـم ... (مـوسـوسيــن نـمـرة واسـتـمـاااارة) .. وبـعـضـهـم يـعـااانـي مـن أمـراااض نفسيــة ... وفـعـلاً القـرآآآن دواااء الـقـلـوووب ... وراااحـة البـااال ... أنـااا مـن نـاااحيـتـي .. ومـن بـااااب الفضـوول .. واكتـسـاااب الأجــر ... ذهـبـت لشيــخ يـعـااالـج بالقـراااءة ... وجلـسـت واسـتـمـعـت للـقـراااءة ... ورأيـت بعيـنـي مـن هـم فـعـلاً (مسـكـوونيـن) ... تـصـوري كـنـاااا مـوزعيـن علـى ثـلااااث غـرف كـل غـرفـة يمـكـن فيـهـااا مـاابيـن الميـة والخـمسيـن ... فـي الـغـرفـة اللي أنـااا فيـهـااا لااا مـر عليـنـااا الشيــخ ... مـااا شفـت إلااا واااحـد بـس كـااان يـنـتـفـض فـوقـف الشيـخ عـلـى راااسـه يكـرر الـمـعـوذااات ... عـلـى الـعـمـووم .. ان الـوااحـد لااا طـلـع بـعـد القـراااءة سبـحـااان اللـه تجـيـه راااحـة نـفـسيــة لااا تـووصـف ... وانشـراااح للـصـدر ...



حـمـاااايـة الـمـسـتـهـلـك مـوجـووودة ... بـس انـهـم يـتـحـروون تـلـفـووون ... والـحـريـم عـنـدنـااا مـصـدر رزق للـكـثـيـريـن ... والـوصـوول إلـى فـلـووسـهـااا فـي غـااايـة السـهـوولـة ... فـقـاااعـدتـهـم (الـغـااالـي ثمـنـه فيـه) .. و(كـل غـااالـي حـااالي) ...


إقتباس
ليه دايم يقولون الخير يخص والشر يعم ؟

هـذي قـاااعـدة عـسـكـريــة ...بـحـتـة ...والـظـاااهـر انـك فـي بيـت مـتـأثـريـن بالعـسـكـريـة ...


شـكـراً رااائـدة الـزعيـم عـلـى هـذا الـمـوضـوووع الـخـفيـف ...

لـك مـنـي كـل الـتـقـديـر ...

دبـل كيــك ...

كفـااارة الـمـجلـس .. (( سـبـحـااانـك الـلـهـم وبـحـمـدك ... أشـهـد أن لاااا إلـه إلااا أنـت .. أسـتـغـفـرك وأتـووب إلـيـك)) ...
اضافة رد مع اقتباس
  #6  
قديم 12/03/2006, 05:13 AM
الصورة الرمزية الخاصة بـ عريب عبدالله
إشراقة المجلس العام
تاريخ التسجيل: 13/10/2004
المكان: الرياض
مشاركات: 3,980
عاشق الزعيم من اليمن
إقتباس
ححيا الله سيبويه وش أخبارك بشرنا عنك

ربنا يسامحك ما لقيت الا هالمعقد
أخباره الف قاعده جديده في علم النحو ونسا الصرف
إقتباس
قصدي رائدة الفضاء الهلالي<<<< وش رايك باللقب الجديد

رووعه بما أنه منك وأنا نفسي أروح بلوتوا أبعد كوكب أبحث عن حياة جديده

إقتباس
أقسم بالله إني أعرف واحد هنا بالرياض قال يبغاني أوديه اليمن عشان يعالج ولد خالته
المهم وافقت ورحنا اليمن وقعدنا هناك 4 أيام والولد كان فيه سحر والحمد لله الشيخ اللي في اليمن طلع السحر ثاني يوم .
المهم خويي هذا قعد مع الشيخ اللي هناك وتعلم منه وطقطق شوية عسل وأعشاب وخرابيط
والحين فاتح مركز مشهور في الرياض لعلاج السحر والمس والعين والصرع وكل شيء

يعني راح اليمن تعلم 4 أيام فقط والحين صار شيخ وجلسات ومواعيد وطوابير وزحام .... إلخ .

عادي مهنه شريفه بيقتل كم واحد من الوهم وكم واحد من الأعشاب ومافيه حماية مستهلك

كل الشكر لحلاوة كلامك بحلاوة العسل اليمني




افتخر بالزعيم

أهليييييييييين بالحلوين


إقتباس
تدرين ليش يصير هالحكي ؟؟؟

لاننا ناس مانعترف باخطائنا او اننا مانحاول نفكر باسبابها واقرب شماعة ممكن نعلق عليها اللي يصير لنا هي سالفة العين والسحر

لما الوحدة يروح زوجها منها ماتحاول تفكر ليش راح لانها لو فكرت ممكن توصل لنتائج هي ماتبغى توصل لها وبالتالي اسهل شىء انها تقول سحر او حسد وبقية الامور بحياتنا بنفس المنطق والشكل

صدقت

إقتباس
مع الاسف نايمة في العسل يارائدة

مسالة الشامبو تهون

روحي شوفي محلات ابو ريالين وش تبيع؟؟

منتجات سيئة جدا جدا والمشكلة في بعضها منتجات حساسة وخطيرة

يعني مثل توصيلات الكهرباء تبيع نوعيات رديئة جدا لو لا سمح الله ضربت التوصيلة وش راح تكون النتائج نتائج كارثية طبعا

هناك أنواع الغش ولاحد سائل


إقتباس
علشان كذا قالوا ان العلم بحر لانهاية ولا حدود له

لانك كلما حاولت تجاوب على اسئلة معينة من خلال الاجابات اللي تتوصل لها تنبع اسئلة اخرى

لذلك قالوا (( اطلب العلم من المهد الى اللحد ))

هناك الكثير لنتعلمه
إقتباس
مشكورة كثيرة يا رائدتنا على هالطرح وعلى هالاسلوب الرائع في ايصال افكارك بشكل سهل وميسر ويدعو للاعجاب فعلا

الله يحفظك ويخليك

كل الشكر لكلماتك اللتي تضيف الكثير للموضوع
وتسلم على كلماتك يالغالي





الكــلاسيكي
إقتباس
مرحبتين بالشاعره رائـــده

قوييييييييييييييييييييييييييه
شاعره حته وحده لي ساعتين ماعرفت من تقصد

إقتباس
ملخص الملخص للتعليق على كلامك ,,, ان من تمسك بكتاب اللــــــــــــــــه لن بضره شي بمشيئته

كما قلتي ,’, ومن ابتعد عن الاوهام والوسوسه الزائده فهو بخير ,,,

دائماً كلماتك كبيره وفي محلها
إقتباس
اما من ناحيه حماية المستهلك فيطول الكلام ,, لانريد ان يهتموا بالشامبوا وغيره من المستلزمات
والمشكله في الادويه واصحاب الصديليات الذين لا يخافون اللـــــــــــــه ,, وراح ضحيتهم الكثير

هذا القهر
إقتباس
ان المرأه بطبيعتها اجمل من الخرابيط اللي يسونها في وقتنا الحاضر ,,,
والمشكله يا ليت كل اللي يسوونه يفيد ... !!! ما اقول الا الزين زين لو قام من النوم هع

فعلاً
لكن لازم بعض اللمسات سوالف حريم لي كبرت تعرفها
الجمال الحقيقي هو ماسطرته يدا ذلك المبدع والكلاسيكي





دبل كيك

إقتباس
وعليـكـم السـلاااام ورحـمـة اللـه وبركـاااتـه ...
اللـي قـااايلـهـااا ...عـز الـلـه مـهـوووب سـودااانـي ... ولااا هـووب حـوول الـزوولـة ... بـس نـمـشيـهـااا دااام الـمـوضـووع مهـووب رسـمـي ... نـعـتبـره فلـة حـجـااااج .. والبسـااااط أحـمـدي

ياعمري أحمد وين مايروح داخل في اللغه مافيه مثل الا وأسمه موجود
على فكره الأبيات على ذمة أختي أنا ما اسمع اغاني وهي اللي تقول أنها أغنيه
والا اختي لو تسجع كلمه ما بقى احد ماعلمته يعني أكيد صادقه

إقتباس
اخـتـيـاارك لـهـذيـن البيـتـيـن ... كـفيـل بـأخـذ تصـوور عـن رقـي ذااائقـتـك الأدبيــة ... صـراااحـة رغـم قـراااءتـي لـهـذيـن البيـتيـن سـااابقـاً ... ولـكـن الآآآن لـدي شعـوور فضـووولي بـمـعرفـة منـاااسبـتـهـااا .. أشـغـل محـرك البـحـث وأشـووف ديـوااان أبـوالعـتـاااهيـة ... لااا وصلـت اعـطـيـك خبـر ...

أنا كنت أسئل عن مناسبة البيت بالموضوع ماله علاقه يعني ليه يمر في راسي

إقتباس
هـذي قـاااعـدة عـسـكـريــة ...بـحـتـة ...والـظـاااهـر انـك فـي بيـت مـتـأثـريـن بالعـسـكـريـة

أبوي صيدلي وأخوي مدرس رياضيات لأني مافهم في الأرقام
لايخلوا عايله من العساكر بس بشكل غير مباشر
أضفت الكثير للموضوع بكلماتك الرائعه
كل الشكر لوجودك الرائع

بالحب والإشراق
اضافة رد مع اقتباس
  #7  
قديم 12/03/2006, 04:14 PM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
سبحانك اللهم وبحمدك اشهد ان لا اله الا انت استغفرك واتوب اليك

إبداع يتلوه إبداع و من مشاركة إلى مشاركة ترسخ علاقة رائدة الزعيم بالإبداع ..

لك تحيتي ..
اضافة رد مع اقتباس
  #8  
قديم 13/03/2006, 03:24 AM
زعيــم مميــز
تاريخ التسجيل: 28/12/2005
المكان: قلبُ أمي :(
مشاركات: 2,045
هلا والله برائده وينك منذو مبطي ما شفتك
يازين مواضيعك حليوه ومهضومه
حنا زينين انتي شو اخبارك عساك بخير

احمد وهند في كتاب النحو سوا الهوايل كل يوم وهم طالعين بشي جديد
مره كتب احمد الدرس وحلت هند الواجب<<< اشك انهم مراقبين من قبل الانتر بوووول << وش دخلها
ذكرتيني بمعلمه الفقه عندنا والله انها ميب صاحيه كل ما شرحت لنا مثال بالفقه
ما تذكر الا احمد ومحمد واذا غيرت قالت صالح وسيارتهم حمراء << الله يرجها

؛؛؛؛؛؛؛؛؛؛؛؛؛

والله يا خيتو ما نسمع الا بحمايه المستهلك لكن فعل ما فيه
مره رحت السبر ماركت بغينا نشتري لبن لبوي عاااد ابوي وصئنا نشوف التاريخ قبل
شفنا التاريخ لقينه منتهي من سبع ايام ويبيعونه وكانه شي عااادي
يعني ما عندهم مشكله لا احد تسمم <<< ول عليهم ما يرحمون اهم شي مصالحهم
؛؛؛؛؛؛؛؛؛؛؛؛
الخير يخص والشر يعم <<< هذا المثل صجونا به في المدرسه
لا اغلطت وحده الذنب على الجميع ولا مني قلت لهم انا ايش دخلني اتحمل ذنوب غيري
قالت نفس الجمله ودامكم بفصل واحد كلن يتحمل ذنب الثاني

بس انا زعلانه عليك لييييه تقولين الحريم مخفات فضحتينا امام العواذل خخخخخ
مشكوره خيتو على موضوعك الجميل
الله يعطيك العافيه خالص الشكر لكِ :منـــار

سـبـحـانـك الـلـهـم وبـحـمـدك ... أشـهـد أن لا إلـه إلا أنـت .. أسـتـغـفـرك وأتـوب إلـيـك
اضافة رد مع اقتباس
  #9  
قديم 13/03/2006, 07:29 AM
الصورة الرمزية الخاصة بـ عريب عبدالله
إشراقة المجلس العام
تاريخ التسجيل: 13/10/2004
المكان: الرياض
مشاركات: 3,980
أبو ريمــــــان
الأبداع الحقيقي هو تواجدك معنا




بنت الزعيم
هلا بالزين كله وين الغيبات
إقتباس
ذكرتيني بمعلمه الفقه عندنا والله انها ميب صاحيه كل ما شرحت لنا مثال بالفقه
ما تذكر الا احمد ومحمد واذا غيرت قالت صالح وسيارتهم حمراء << الله يرجها

كل معلمات الدين يبيلهم يقرون عند مطوع
وانا بصير وحده منهم لأني نفس الدراسه

إقتباس
الخير يخص والشر يعم <<< هذا المثل صجونا به في المدرسه
لا اغلطت وحده الذنب على الجميع ولا مني قلت لهم انا ايش دخلني اتحمل ذنوب غيري
قالت نفس الجمله ودامكم بفصل واحد كلن يتحمل ذنب الثاني

تدرين هذا القانون ظالم وياما في سجن الفصل مظاليم
إقتباس
بس انا زعلانه عليك لييييه تقولين الحريم مخفات فضحتينا امام العواذل خخخخخ

فاتتني وما اتوقع يمسكون لنا على الوحده

كل الشكر لكلامك اللي مثل العسل ياعسل

بالحب والإشراق
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:56 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube