:
هذي قصيده جديده بخصوص سفر الهلال للامارات لمقابله فريق العين الاماراتي

اتمنى لها القبول



[poem font="Simplified Arabic,5,blue,normal,normal" bkcolor="transparent" bkimage="" border="double,4,darkblue" type=2 line=0 align=center use=ex num="0,black"]
مستميته يابحور الشوق في لثم البراري=والخفوق الغض ينبت واليباس اقتض ناره
والسفر قطعة جهنم لكن المرسى يباري=من تعنّى للامارات وجمعها في اماره
سافر الفارس وحلمه في عروق الدم ساري=بكل ركنٍ بالجزيره حط له فيها مناره
يا اراضي العين غني وارقصي رقص الحباري=جاكم المعرس يبي معشوقته توصل لداره
شاريٍ ودّ البطوله سامها وبطيب شاري=جامعٍ لجله مهرها وقدّمه لعيون جاره
ما يخوفنا كلام المنتفع عبد ( المصاري )؛=وما يهدّ السد لو هي تقرضة الفـ 2000 ـين فاره
بالنجوم الزرق عدّا كل اعلام الصواري=قارع بفنّه اساطير الكره / مو لعب حاره
مستحل قلوب شعبٍ عشقهم في الدم جاري=هو فريق ..الاّ وطن ..الاّ بفنه صار قاره
كيف تحلم( يالبنفسج ) بالصعود على جداري=كيف تاخذ هالبطوله من يدْ اللي الفوز كاره
ولو رجعنا للحقيقه والحقيقه هي شعاري =فوزكم يالعين جا صدفه ترا ماهي شطاره
هي حكم / والا ظلم / كلٍ يقول الفوز عاري=واحنا ما ناخذ هدايا .. فوزنا يأتِي جداره
والحذر يا حارس العين الهدف جايك كباري=بعدها واقسم قسم ما تلتقى حتى إعاره[/poem]