اتذكر يوم كنا صغار كنا نلعب عند ساحة مسجد بيتنا وكان نظام فريقنا اللي مايعرف يلعب يمسك حارس بس احياناَ يلخمك احد اللاعبين ويكون كاشخ بالطقم وتحسبه لاعب فلته ولكن بعد مرور وقت المباراة تشوف الولد شوراع ماعنده شي من لعب الكوره نقوم ونمسكه حارس لانه بالعربي زلابه وفضحنا بالساحة سحبو فيه الفريق اللي قدامنا على وجهه .
سبحان الله نفس السيناريو هذا شفته في مباراة ديربي جده بس كان على اكبر.
انا ماكتبت الموضوع بس عشان اشمت باللاعب ولكن عشان محد يقول ان الهلال فرط فيه وان خانته اصبحت مكشوفه لانه حتى وبوجوده ستكون الخانه مكشوفه وكلنا شفنا عبدالحق وش سوى فيه امس وحتى اعطيه حقه هو كان من المع النجوم في وقت سابق ولكن الحين معصي يعني كان شمعه وانطفت او بيبسيه مليانه وانكبت اللي تبون بس الولد انتهى وشكرا لك يابو سلطان على نظرتك البعيده المدى.

نقاط:
* في مباراتنا امام النصر امتدح النصراويين الحكم شبيه رابح لدرجه كبيره ولكن ودي اسأل الحكم وش سالفة الفاول حق ياسر اللي قلبه علينا يوم عطى ياسر كرت يعني مثلا لو انفرد ياسر بالحارس واعاقه الحارس وصفر الحكم بلنتي وقام ياسر صفق الخوجلي كف بيقلب الحكم البلنتي علينا.

* يوم شفت الخوجلي جا في بالي دفتر (علوم-فصل) لبزر في سادس تدرون ليش ... عشان الصوره اللي في صدره!!!!

* الثلاثه ايام الماضيه شهدت اربع مباريات ديربي قويه بدأها الهلال والنصر ثم الاهلي والزمالك ثم ريال مدريد واتلتكو مدريد ثم الاتحاد والاهلي وطبعا لم ينجح سوى الكبار الهلال والريال.

* بعد مباراة الاتحاد والاهلي صرح نور لقناة اوربت ان المباراة فلتت منهم وسأله المذيع ليه قال انت شفت الاهلي جاب التعادل من كوره ثابته بلنتي وماهو فن ونسى نور انه في نفس المباراة هدفهم الاول بلنتي.

اخيراً:
الله يوفق هلالنا في بطولته الجديده هذا الموسم البطوله الاسيوية ومن بطوله الى بطوله ان شاء الله

مشكووووووووووووووووووور اخوي.... والصورة اللي ع الخوجلي مدري وش تبي من جد!!!!!!!!!!!!!!!!!!!!!