بسم الله الرحمن الرحيم

طبعاً الجميع شاهد المباراة الودية ضد البرتغال و تحطم و حمر و جهه و إرتفع ضغطه يقولون لازم نفوز ونهزئهم

حنا المنتخب السعودي .. طيب أقولك معليش حنا أقوى منتخب ولا تزعل بس لا تنسى إننا نلعب ضد منتخب البرتغال

وصيف أوربا و أحد أقوى المنتخبات في العالم شف الأسامي تكفيك و منتخبك ما فيه ولا لاعب محترف حتى بالخليج

وطبعاً هذا الصنف عاطفي و مايفهم بالكوره مع إحترامي.

الصنف الثاني يقول صحيح إنهزمنا لكن هذي وديه و عادي ننهزم و المباريات الوديه تكون لحل المشاكل و مساعدة اللاعبين على عدم التوتر و القلق من الأسامي الكبيره. وهذا كلام منطقي إجمالاً

من وجهة نظري المتواضعه أقول صحيح إنها وديه و قدام منتخب قوي لكن هذا لا يعني إننا نستسلم ولا نأدي

المشكلة كانت إن اللعيبه فاقدين الثقه و مسلمين بالنتيجه و كذا ما نحصل على فايده أبداً.. ترى كل إلي كنا محتاجينه

إننا نمسك الكوره شوي لأن المنتخب البرتغالي ما كان يضغط على حامل الكوره أبداً, الشباب الله يجزاهم خير يشتتون الكرات من منطقة جزاءنا و توصل للخصم و يهجمون علينا وهكذا, لو تلاحظون إن الهجمات المعدوده الخطره لنا

كانت لمن نهدي العب و نسلم الكوره و نستلم صح و شفتو المنتشري يوم مشى بالكوره من الباب للباب و محد جاه.

الشوط الثاني كان أحسن شوي لأننا هدينا الأعصاب شوي و مسكنا الكوره تحت.

الدفـــــــــــــــــــــــــاع و آه يالدفاع ما كان فيه أي تفاهم بين قلبي الدفاع وإلي ذابحني إنهم من نادي واحد مدري المشكله من فريقهم الأصلي أو من اللاعبين نفسهم؟, تكر بإختصار هو المشكله ,بسرعه ينجر و لايخش على اللاعب صح بس يمشي معاه و يوصله للباب والحل عندي

طبعاً كل الأفرقه السعوديه إجمالاً تعاني من ضعف الدفاع فيبيلنا نصبر شوي لين يجي واحد فلته

المهم حل الدفاع بإختصار هو أحمد البحري قلب الدفاع مركزه الأصلي و يجيده ببراعه جسمه جيد و سريع البديهه فأنتم عطوني رايكم في هالموضوع.

فيه ناس يقولون لو نرجع كريري قلب يكون أفضل لأن المحور يقدر يلعب قلب و أنا أقول لا كريري أفضل في المحور و بعدين قلب الدفاع هو إلي ممكن يلعب محور و ليس العكس من وجهة نظري.

كثريين تكلمو عن مسعد ليه يلعبه. أنا أقول الولد كويس و يلعب في أكثر من موقع لكن المباراة كانت شوي كبيره عليه

و من زمان ما لعب مع المنتخب عشان يكون فيه تجانس. وأتوقع لعبه المدرب عشان يجاري سرعة الخصم لأن البحري أقل سرعه و الدوخي مدري شكله المدرب ما يحبه.

بس بقول شي قبل لا أختم باكيتا قال مباراة البرتغال هي الإختبار الحقيقي للمنتخب و أنا أقول نجحت في الإختبار. ولكن ليس بالنتيجه بل بالأخطاء إلي و قعت بها و أخطاء اللاعبين فمن اليوم عندك الفرصه للتغير.

وآآسف على الإطاله و بالتوفيق للصقور.