أتيناكم لنصافحكم من جديد .. ولنحاول أن نقدم ما يحوز على رضاكم .. في عددنا هذا سننقلكم بين المتعة والفائدة .. لتقطفوا منها ما شئتم وما يوافق أذواقكم .. ونأمل بأننا في عددنا الثالث قد تقدمنا وتطورنا إلى ما تأملون له .. وبإذن الله نقدم المزيد والأفضل في الأعداد القادمة ,, فطريق الإقلاع صُممت وأُنشأت من أجلكم , لن نطيل عليكم ونترككم تنتقلون بين زوايا مجلتكم .
كما نتقدم بالشكر والتقدير للاخ " منادي " وللاخ " الداوود " على تعاونهم الكبير معنا في هذا العدد الثالث ..
والان يسرنا ان نعرض اليكم فقرات المجلة لهذا العدد الثالث :
بسم الله الرحمن الرحيم .
في ذات يوم .. اتفقنا انا وأصدق اصدقاي .. وواحد هاج من بيتهم بدون مايدرون اهله .. عشان هيك ماراح اقول اسمه , وابرمز له " سين "
المهم .. اتفقنا اربعتنا على اننا نروح للسنغال منها سياحة .. ومنها استكشاف .. ومنها نشوف برشلونة على الطبيعه
يوم قطعنا البوردينق .. وركبنا الطيارة ,, خوينا " سين " جدعوه بآخر الطيارة .. وانا واصدق اصدقاي جنب بعض !! بس بعض الله ياخذ عمره ما قعد جنبنا
وتجي المضيفه ... تي تي ؟؟ تي تي ؟؟
اصدق اصدقاي قال .. وش فيها ذي ؟ تي تي .. تي تي !!!
قلت المسكينه عندها صعوبة نطق !! ياخي لا تستهتر باتسر الله يبلاك , هي يمكن تبي تقول " تيشوز والا تيجي عندنا والا تيستاهل الفوز يالأزرق " بس عجزت تنظقها للحين !! اصبر عليها
عطهاااا فرصه ... جت عندنا ,, وقالت تي .. تي ؟؟
وانا مفهي واصدق اصدقاي طايرتن أبو أم البوهة !!!!
قلنا بسرعه تكلمي ؟ وشو ذا التي ؟؟؟ لا تقولين الطيارة خطفوها ؟؟؟
قال اللي قدامنا - شكله من ملامح وجهه ولبسه وعيونه وحبة الخال اللي في خده وساعته وخاتمه انه " مب سعودي "
قال تي .. يعني ( شاهي ) !!! تي Tea << صح كذا والا لا ؟
قلناااااااااا آهااااا ,,, لالالا ما نبي تي .. نبي إل !
يعني لبن
انا فاتح جوالي طبعا ً ماهمني لا نظام طيران ولا نظام غذائي وحاطه صامت , وقاعد ارسل لخلق الله بلوتوثات ..
طبعا ً اسمي بالبلوتوث " مستكشف السنغال "
واصدق اصدقاي .. حاقد علي !!! يقول ياخي ودي ارسل واستقبل مثلك ؟؟
قلت والله لو اني البخيت ارسل واستقبل !!!
طيب ياخي ارسل انت ؟؟
قال : جوالي مفصول
>>> لا تدققون واجد
فيه واحد نشب لي كل شوي يرسل لي بلوتوث !!! اسمه ( لايهمكم مستكشف السنغال )
واقعد اتلفت بالطياره .. يمين ... يسار .. فوق .. تحت ..
<< مدري ليه تذكرت ( حركة .. حركة .. حركة . . صنم )
المهم .. يوم اني كشفته على حقيقته !!! واثاريه " سين " مسكته عند باب حمام الطياره !!! قلت تعقل والا ارجعك للرياض ؟
قال اقول وخررررر بس .. خلني آخذ لي كم منديل معطر
ومع الحوسة والصجه واللجه .. مادرينا الا ونسمع صوت الانذار بالطيارة !!!
" سين " يصااايح .. جاء صدام .. جاء صدام !!!
>> المسيكين ماقد سمع جرس الانذار الا بحرب الخليج , يحسبه بس لصدام :p
ونقعد نناقز بالطياره .. لين جاء الكابتن .. وسألته :
شعورك ياكابتن ؟؟
قال .. اول شي بسم الله , وفي الحقيقه .. هذا كله الحمد لله تحقق بجهود زملائي والاداره واللاعبين , وبهالمناسبه احب اقول ..
شكرا ً لكل من دعمنااا .. ووقف بجانبنا .. والمكافآت مضاعفه .. وحيوا الركاب حيوهم .. حيوا الركاب .. حيوهم
المهم سألته ,, وش السالفه ؟؟؟
قال ان وزن الطياره !! ثقيل جدا ً !!!!!! ولازم نستغني عن أكبر قدر ممكن من العفش ,, والا نرمي اثنين من الركاب ؟؟؟
انا قلت .. نرمي سين واصدق اصدقاي
<< لحد يسافر معه , قليل خاااااااتمة
وبعد مشاورات مع الكابتن ,, اتفقنا .. تكون الهجمات من العمق !! ونرمي طبيب الفريق ومسؤول الملابس
طبعا ً وصلنا السنغال الحمد لله ,,, ونسكن في فندق 5 نجوم بس بالسالب !!! آبو القررررررف ياشيخ !!!
انا من شفت موظف الاستقبال ,, وجهه كنه اشارة العروبة مع العليا !!! وانا غاسلن يدي منه بـ فلاش
ايه صح .. قبل لا أنسى ,, شرينا هدية لكل عضو يرد على هالموضوع
ويوم خلص يومهم الوطني .. قلنا وش يقعدنا خلاااااااص !!! بس قهر !! ليتنا دارين ان الرحلة بيكون فيها ببلاش وااااااجد ! كان رحنا باريس والا حدا هالديار ,, وشرينا من هنااااااك
<< يحسب اليوم الوطني .. يوم موحد
يوم نوينا نرجع للرياض , واخذنا عفشنا كله ..
وحنا بالطياره .. بس هالمرة انا لحالي ورا , واصدق اصدقاي جنب " سين " اللي صار اسمه " شين " عقب شمس السنغال !! ياهي تحوس أم أبو البشره
كشفت وزارة الداخلية السعودية في بيان لها بعض التفاصيل عن عملية استهداف معامل أبقيق الصناعية، وقال البيان إن العملية نفذت بواسطة سيارتين من نوع (بيكب) مدهونة باللون الأبيض، تم تجهيز كل منهما بما يزيد عن طن من مادة (نترات الأمونال)، وإن من قام بتنفيذ هذا الحادث الإجرامي الذي استهدف مقدرات الوطن وكاد أن يؤدي بحياة الآلاف من الأبرياء، محمد بن صالح الغيث، وعبدالله بن عبدالعزيز التويجري، وكلاهما ضمن قائمة المطلوبين المعلن عنها، وإن مصلحة التحقيق تقتضي عدم الإفصاح عن التفاصيل الأخرى.. وفيما يلي بيان وزارة الداخلية:
إلحاقا للبيانات الصادرة بشأن الحادث الإجرامي الذي تعرضت له معامل بقيق الصناعية عصر يوم الجمعة الموافق 25 / 1 / 1427هـ فقد صرح مصدر مسؤول بوزارة الداخلية بأن نتائج المعاينة والتقارير الفنية الأولية تفيد بالآتي..
أولا: تم تنفيذ هذا الاعتداء بواسطة سيارتين من نوع بيكب مدهونة باللون الأبيض تم تجهيز كل منهما بما يزيد عن طن من مادة (نترات الأمونال) إضافة إلى مواد تحفيزية شديدة الانفجار شملت مواد آر دي إكس وبي إي تي إن ونيترو الجلسرين وتقتضي مصلحة التحقيق عدم الإفصاح عن التفاصيل الأخرى.
ثانيا: من خلال إجراء فحص الحمض النووي للأشلاء المرفوعة من موقع الحادث اتضح أن من قام بتنفيذ هذا الحادث الإجرامي الذي استهدف مقدرات الوطن وكاد أن يؤدي بحياة الآلاف من الأبرياء لولا لطف الله هم أرباب الفكر المنحرف من المنتمين للفئة الضالة، حيث كان في إحدى السيارات المطلوب للجهات الأمنية محمد بن صالح بن محمد الغيث، وفي الثانية المطلوب للجهات الأمنية عبدالله بن عبدالعزيز بن إبراهيم التويجري، وكلاهما ضمن قائمة المطلوبين التي سبق الإعلان عنها، وقد رد الله كيدهم في نحورهم، إن الله لا يصلح عمل المفسدين.
ولا يزال الحادث محل متابعة الأجهزة المختصة وسوف تعلن المستجدات في حينه والله الهادي إلى سواء السبيل.
التعليق
الحمد لله الذي وفق رجال الأمن لإفشال ذلك العمل الإجرامي الجبان ، و أعتبر ما حدث صفعة أخرى لذلك التنظيم الذي بدأ بالإنهيار ولله الحمد .
ما قام به أؤلئك الأشرار ماهو إلا تأكيد بأن المستهدف من تلك الأعمال هم المواطنون والا ما تفسير قيامهم بمحاولة تفجير أكبر منشأه للنفط في العالم خصوصاً ونحن نعيش عصراً من التقدم والرخاء في ظل القيادة الحكيمة ، الهدف هو نحن أخواني ، لذلك يجب أن نظل يداً واحدة في وجه الحاقدين ، أعداء الدين والإنسانية .
أسأل المولى عز وجل ان يحفظ هذا البلاد وقيادتها وأهلها من كل شر ومكروه ، وان يديم علينا نعمة الأمن والأمان والإسلام .
مرحباً بكم .. في هذه الفقرة فقرة المقلب ، قمنا بمراسلة بعض الاعضاء والمشرفين وقدمنا اليهم رسالة تعاتبهم على ما قام به ، وكنا نتظر منهم رد الفعل تجاهـ هذه الرساله ،،
اليكم ما تم ارساله لهم ، وماذا كانت نتيجة ردهم ..
المقلب الاول كان من نصيب العضوهـ : الهنوووف
إقتباس
الرسالة الأصلية كتبت بواسطة الفيروسه الزرقاء
مرحباً أختي .. شخبارك عساك بخير
بصراحه أنا ماخذه بخاطري منك , وزعلانه عليك ..
كنت اتمنى تجين وترسلين لي وتقولين وش أنا سويت لك أحسن من إنك تروحين وتتكلم علي .
على العموم ،
وصلني خبر بلّي سويته وقلت لازم ارسل لها وأبين لها إني زعلانه منها .
الله يسامحك يا أختي .
الفيروسه الزرقاء
إقتباس
الرسالة الأصلية كتبت بواسطة الهنوووف
هلا والله
الحمد لله بخير
انتي اخبارتس مالتس شوفه
المهم
وش انا قايله ومن قالك هالكلام
ووالله ماقلت شي انا حرام عليكــــــــم
اتمنى تقولي من قالك اني متكلمه فيـــــــك
وش الكلام الي انا قلـــــــته
ومفروض مو اي احد تصدقينــــــــــه تاكدي قبل ياوخيتي يمكن حاقدين علي ولا شي
اتمنى تردين علي بسرعه ترى روعتيني
فمان الله
الهنوووف
ياحليلها صدقت ع طول ... لو دققت بتكتشف أني غلطانه
لان نسيت ماأعدل ع هالكلمتين [ تتكلم - سويته ] :p
الحمدلله ربي ستر .. , وآكلت المقلب
إقتباس
الرسالة الأصلية كتبت بواسطة الفيروسه الزرقاء
هلا اختي ..
عادي ما صار الا الخير ، وخلاص انسي الموضوع ..
بس حبيت اوضح لك ان عندي علم بالسالفة كلها ..
ولا توقعت ان يجي منك هالكلام .. على العموم يليت تنسي الموضوع .. !
تحياتي ،،
الفيروسه الزرقاء
إقتباس
الرسالة الأصلية كتبت بواسطة الهنوووف
هلا
تستهبلين انتي اقوول قولي وش سمعتي عني الله يرجك
شككتيني بنفسي
بس غريبه انك متاكده من السالفه
على العموم صح اني انصدمت بس الحمد لله واثقه من نفسي واتوقع مو من عادتي اتكلم باحد
يعني لاتلعبين باعصابي
سلاااااااااام
أحلى شي أني شككتك بنفسك :p
المقلب الثاني كان من نصيب المشرف : كايدهم
إقتباس
الرسالة الأصلية كتبت بواسطة الفيروسه الزرقاء
مرحباً اخوي .. شخبارك عساك بخير ..
بصراحه أنا ماخذه بخاطري منك , وزعلانه عليك ..
كنت اتمنى تجي وترسل لي وتقولي وش أنا سويت لك أحسن من إنك تروح وتتكلم علي .
على العموم
وصلني خبر بلّي سويته وقلت لازم ارسل له وأبين له إني زعلانه منه .
الله يسامحك يا اخوي .
الفيروسه الزرقاء
إقتباس
الرسالة الأصلية كتبت بواسطة كايدهم
هلا فيو ..
سلامات ؟ وش انا قايل ؟
من ذا اللي قايلك اني متكلم فيك ؟ اصلا ماقد جبت طاريك لا في منتدى ولا برى منتدى واللي قالك مستعد اقابله وجه بوجه واتحداه يقبل يواجهني لانه كذاب وقبل مااعرف منهو اللي قايلك كلام عني .
بس من جد وش القصه ؟!!
لا تقولين لا تحاول تستغبي أو تسوي نفسك ماتدري وش القصه ؟ لاني من جد ماادري وش السالفه وانصدمت من رسالتك هذي .
عادي ما صار الا الخير ، وخلاص انسى الموضوع ..
بس حبيت اوضح لك ان عندي علم بالسالفة كلها ..
ولا توقعت ان يجي منك هالكلام .. على العموم يليت تنسى الموضوع .. !
تحياتي ،،
إقتباس
الرسالة الأصلية كتبت بواسطة كايدهم
خخخخخخخخخخخ ياشين مقالبك ..
كاشفك انتي ووجهك
بس ماقلتلي هالمقلب وين بينزل في المنتدى العام ولا مجلة الاقلاع
>>> حرق عليكم الموضوع
ودي أعرف وش دراااك أنه مقلب
كنت مصدق السالفه ..!
هذي أول مرهـ نصلح مقلب معك !
المقلب الثالث كان من نصيب المشرف : بووليد
إقتباس
الرسالة الأصلية كتبت بواسطة معذبهم
مرحباً اخوي بووليد .. شخبارك عساك بخير ..
بصراحه أنا ماخذ بخاطري منك , وزعلان عليك ..
كنت اتمنى تجي وترسل لي وتقولي وش أنا سويت لك أحسن من إنك تروح وتتكلم علي .
على العموم وصلني خبر بلّي سويته وقلت لازم ارسل له وأبين له إني زعلان منه .
الله يسامحك يا اخوي ,
إقتباس
الرسالة الأصلية كتبت بواسطة بو وليد
هلا فهد
كيف الحال عساك بخير
اخوي فهد, بكل صراحة لا ادري ماذا تقصد بكلامك!!
انا لم أتكلم عليك لا بخير ولا بشر, فكيف تقول اني متكلم عليك وإن شخص ما وصل كلامي لك..
لي طلب بسيط اتمنى منك التعاون معي به..
بلغني باسم الي مبلغك الكلام والكلام الي وصلك حتى اتمكن من الدفاع عن نفسي وليس مراسلتي على الخاص وبشكل مبهم.. حتى نعرف وش الحقيقة..
لأني لا أتذكر اني أخطأت بحقك أبدا..
عموماً على الرغم من اني لا ادري ما الذي حصل لكن اقول لك اسف ان كنت اخطيت عليك بشي, وصدقني مو من عوايدي اخطأ على حد أبد خاصة بدون سبب..
ولك تحياتي
ينرحم ..!
صدق السالفه ع طول ...
إقتباس
الرسالة الأصلية كتبت بواسطة معذبهم
هلا اخوي بووليد ..
عادي ما صار الا الخير ، وخلاص انسى الموضوع ..
بس حبيت اوضح لك ان عندي علم بالسالفة كلها ..
ولا توقعت ان يجي منك هالكلام .. على العموم يليت تنسى الموضوع ..!
تحياتي ،،
إقتباس
الرسالة الأصلية كتبت بواسطة بو وليد
هلا فهد
ولو اني كنت اتمنى معرفة من نقل لك كلام على لساني..
لكن مثل ما قلت ما صار الا الخير..
واتمنى ما نصدق اي كلام,, فاحنا اكبر من هالامور في شبكة الزعيم
الله يحفظك يا غالي..
ولك تحياتي
تحسونه مأكل المقلب صح ..
تنرحم يابووليد :p ... ومزيد من المقالب لك
المقلب الرابع كان من نصيب العضو : هلالي الظهران
إقتباس
الرسالة الأصلية كتبت بواسطة معذبهم
مرحباً اخوي هلالي الظهران .. شخبارك عساك بخير ..
بصراحه أنا ماخذ بخاطري منك , وزعلان عليك ..
كنت اتمنى تجي وترسل لي وتقولي وش أنا سويت لك أحسن من إنك تروح وتتكلم علي .
على العموم وصلني خبر بلّي سويته وقلت لازم ارسل له وأبين له إني زعلان منه .
الله يسامحك يا اخوي ,
إقتباس
الرسالة الأصلية كتبت بواسطة هلالي الظهران
هلا يا غالي ..وعليكم السلام ورحمة الله وبركاته,,
الحمدلله بخير والف عافيه .. بشرني عنك!!
اولا .. لو اني غلطت بحقك يا غالي او تكلمت عليك لك الحق وابشر باللي تطلبه,,
ياخوي والله العظيم اني لا تكلمت فيك لا بخير ولابشر!!! مع كامل احترامي وتقديري لشخصك الكريم ما قد حصل بيني وبينك اي نقاش او احتكاك ابدا ووالله العظيم اني ما اعرف عنك شي اكثر من يوزرك فقط!!!!
عموما يا غالي ياليت تتاكد من المعلومه مره ثانيه لاني بصراحه ماقد تناقشت عن شخصك مع احد مسبقا ومثل ماقلتلك كل اللي اعرف عن معذبهم انه مشرف منتدى السيارات وعضو لجنه اعلاميه وكان لفتره ينقل اخبار الصحف وانه صاحب تصاميم رائعه ,,
عموما اشكرك يا غالي انك توجهت لي حتى تتاكد من الكلام اللي وصلك والله يسامح اللي طلع عني هالكلام واتمنى انه مجرد خطا في اسم العضو او مجرد مقلب لاضافته في مجلة الاقلاع ,,
انتظر ردك وبالتوفيق,,
طلع ذيب الرجال وكشفنا على طول
ماعطنا فرصه نلعب بأعصابه مثل البقيه
في النهاية نعتذر لـ الذين اكلوا المقلب .. ونرجوا ان يعذرونا ..
حيا الله ضيفنا [ لوحة مميزة ]، تفضل أشرب القهوة وعين من الله خير ، وعطنا بطاقتك الشخصية نشوفها ؟!
بسم الله الرحمن الرحيم ..
الله يحييكم
بالبدايه أحب أشكركم على الدعوة هذي والله يحييكم وإن شاء الله أكون ضيف خفيف عليكم وأشفي غليل البعض لمعرفة الجديد عني أو يعني معلوماتي
بسم الله بالنسبة للبطاقة الشخصية على الإنترنت لوحة مميزة والعمر 6 سنوات
والحالة الإجتماعية أعزب ..!
على الواقع أنا برضوه لوحة مميزة ..!
العمر 20 سنه
طالب في جامعة الإمام محمد بن سعود في الرياض قسم إقتصاد
1/ سولف لنا عن بداية طقطقتك بالكيبورد ؟
يووه هذا السؤال جوابه دسم
هي ممكن أقسمها لمرحلتين
بدايتي مع الكمبيوتر هذي مرحله
وبدايتي مع الأنترنت مرحله جديده
بالحقيقه المرحلة الأساس هي بدايتي مع الكمبيوتر
طبعاً كانت البدايه من أحسن الأيام تعلمت فوتوشوب وكل برنامج يعجبني كنت أحب أستكشفت الوندوز إكتشاف تام
وتعلمت الفيجوال بيسك .. طبعاً معلومات بسيطه مثلاً برنامج محرر نصوص بسيط وكم برنامج بسيط وألعاب .. سويت لعبه إبحث عن الوجه اللي إذا ضغطت عليه يتسكر البرنامج <<-- أيام فضاوه
ثم عاد جاء الأنترنت وبديت بالدخول وبالحقيقه كنت متصفح بالبدايه للزعيم قبل التسجيل
كذالك حقيقه أخرى أني أعجبت بالزعيم ليس لأنه مثلاً موقع نادي الهلال أو النادي اللذي أشجعه
إنما أعجبت بالمجلس العام بالزعيم من بين كل المنتديات اللتي كنت أعرفها
صراحه أيام عزه كان المنتدى ولا أحلى
الله يذكر الشيبان بالخير ..
كذالك منتدى الإتصالات كان مشرفه ذا ماستر ولا يهونون الحاليين بس الحين ماصرت أهتم بالجوال وتقليعاته إن صح اللفظ
2/ ياأخي وش سبب أختيارك لـ لوحة مميزة ؟
أنا الصراحة إكتشفت إن لي يوزر ثاني على إيميل عندي
في اللحظه هذي اللي أكتشفت فيها اليوزر تذكرت حاجات كثييييره أيام تسجيلي
كان التفعيل ما يجي على طول وكان لازم تنتظر
فالظاهر تأخر التفعيل علي وسجلت هاليوزر
وأنا الصراحه ماكان همني الإسم وما أدري صراحه هل هو يعني يشدكم الإسم لوحة مميزة ولا لأ
لكن أنا كتبت كم مره أتبرأ من شيء أسمه لوحة مميزة ولا عندي لوحة سيارة مميزة ولا شيء
كان عندي ص ح ر 911 وكان على جيب شيروكي <<-- إكتملت جيب ولوحته صحر من الصحراء يعني ..
و911 يعني صارت منقذ الصحراء
بس الحين راح الجيب وراحت لوحته
منقذ جت من رقم ناين ون ون البرنامج اللي كان يجي بالقناة الثانيه <<-- قديم
3/ وأنت ماشي في هالحياة مامر عليك موقف وحلفت أنك ماراح تنساهـ طول عمرك !
لا أذكر ولا موقف حقيقتاً حالياً أبداً مع الأسف
4/ بيت شعر تحب تقوله ؟
في الحقيقه لكل موقف يحصل حكمته أو بيت شعر خاص فيه
أقصد لا يوجد شيء يردد على كل الأحوال لكن فيه حكمه أحب أرددها
(( ليس الفتى من قال كان أبي .. إن الفتى من قال ها أنا ذا )) ..
5/ عضو تحسه فاهمك وعارفك في المنتدى ؟
والله كل شخص يعزني وبيني وبينه مراسلات أو معرفه فهو أكيد في القلب
وأأكد على الشيء هذا مثلاً أنا لست من الناس اللي مثلاً يبحث عن محاولات تعارف كثيره
إنما من أعرفهم وبيني وبينه معرفه أو مراسلات فهو بالتأكيد له معزه خاصه وينطبق عليه الوصف اللي ذكرتوه
بالمناسبه
أنا دائماً أذكر أو يعني أردد
الشكر لكل القائمين على شبكة الزعيم اللي لولاها ما تعرفت على اللي بيني وبينهم علاقه و معرفه والله أعتز بها
أو يعني أضافت لي الكثير
هذا بمحيط شبكة الزعيم
6/ وش طموحاتك بـ هالحياة ، وتحقق شي منها ؟
بكل تأكيد الطموح شيء أساسي
أولاً رضى الله والوالدين
والتوفيق بالدراسه الجامعيه بإذن الله لإكمال المسيره ..
7/ عضو رافع ضغطك وودك تتمشكل معه ؟
كثير
تذكرت شيء بعد قراءتي للسؤال
تذكرت موقف سبق وحدث لي
وهو حدث أن مره من المرات حدث ما ذكرتوه بالسؤال مشكله مع أحد الأشخاص
فكنت أمشي مع شخص ثاني وقال لي كلمه حتى الآن ما نسيتها
ما أذكرها بالضبط لكن فيما معناه أنه قال أن ذالك الشخص سيكون صديقك وقال حكمه أو بيت لا أذكره أيضاً بالضبط لكن يقول أنه يقال أنه من يعني تبغضه في أول لقاء سيكون صديقك بالمستقبل <<--
^^
إن صح اللفظ
فعلى هذا ياليت كل الأعضاء يرفعون ضغطي وأتمشكل معهم
لكن بالحقيقه فيه واحد ودي أشوفه بس ويصير خير bestuser
في الحقيقه لما لمنتدى الجمهور الهلالي من طابعٍ خاص
فإن لي يوزر خاص فيه
وبالعاميه هاليوزر ماعمره طب المجلس العام أبد
بالمناسبه
ذكرت في البدايه أن لي يوزر إكتشفته قريباً كما ذكرت في أول المقابله
طبعاً هو غير يوزر الجمهور الهلالي
ذاك اليوزر للبــــيع
9/ وش رايك بلّي يحبون يثقلون على المنتدى ويحجزون لهم مكانات "يوزرات"؟
السؤال غير واضح ..
لكن على العموم هذا الفعل مذموم إن لم تدع الحاجه إليه
10/ مجلة زحفونيات بقيادة الزاحف واحد زاحف متى نشوفها بالمجلس ولا مالكم خلق ؟
ماشاء الله يعني ودكم بالمنافسه
موب مشكله ممكن نرجعها مره ثانيه متى ما إلتم شملي مع واحد زاحف بدون إنقطاعات ..!
11/ كلامـ ودك تقوله وتختمـ فيه اللقاء .
أشكركم على الإستضافه والمجلة الممتعه
وأعتذر إن كان في إجاباتي قصور
تحياتي ..
عند التحديث عن الوطن تقف الكلمات عاجزة عن الوصف لما يملكه الوطن من مكانه في قلب كل سعودي ومسلم ، كيف لا وبلادنا هي مهبط الوحي ومنبع الرسالة .
في هذه القصيدة والتي سنستعرض لكم جزءاً منها والتي تغنى بها الفنانون في أوبريت الجنادرية 21 وصاغ كلماتها الشاعر فهد المبدل تحدث فيها بلسان كل سعودي ، مؤكداً مشاعر الوفاء للراحلين ، ومبايعة للقائد عبدالله بن عبدالعزيز وسمو ولي عهده الأمين سلطان بن عبدالعزيز .
يا فهد ذكراك حيه
والوفا باقي وواعد
تكرم الروح الزكيه
لو تغيب ولو تباعد
في هذين البيتين تتجسد صورة الوفاء ، وفاء الشعب لقائد أفنى حياته في خدمة هذه الأرض ، فرحمك الله يا فهد ، وستظل خالداً في قلوبنا جميعاً ، وأعانك الله يا ابا متعب وسدد خطاك وأيدك بنصره .
فإليكم هذه القصيد :
بسم الله بد البسلمه
مبتدا كل سوره منزله
وسلم الله على من أرسله
خاتم الأنبيا والمرسلين
ما ترك للعرب ما تجهله
بين الشرع والدين اكمله
آيته محكمه ومفصله
ما تنزل به الروح الأمين
نجتهد والمصالح مرسله
أمة في الكتاب مفضله
المساوم أبد ما نقبله
الله الرب والإسلام دين
كل عصر ترا له منزله
آخره يستقيم بأوله
أحسن القول كله واكمله
نحمد اللي جعلنا مسلمين
عزاها معزي ورجاله
رجلي جمال وخياله
بطل الوحده قاد ابطاله
أهل السنه وأهل السوره رايات العز المنصوره
لا اله إلا الله رايه
وحدتنا والدين الغايه
وصلوا بالعدل وبالآيه
وصلت رايات اخو نوره ما وصلت للحكم بثوره
ملة سمحا وامة وسطا
سنة وضحى أرض معطا
من سماه معزي ما اخطا
قام الملك البطل بدوره
وجهود رجاله مشكوره
من سما نجد برق العز لاح
حي برق من العارض يلوح
في قدومه هتف نور الصباح
طابت الروح يا طب الجروح
فوق حد الأسنه والرماح
موكب النور والشيخ الطموح
ماتلين وهود واستراح
لين تم المغازي والفتوح
الولا عز والوحده فلاح
والوطن جسم والامام روح
توج الشيخ تاريخ الكفاح
من وقف دون حكم ما يروح
***
يحمد القوم السرا
بان فجر ما كذب
كبر الشيخ وقرا
بين زمزم والمحب
في رحاب ام القرى
شاهد الأمن استتب
الوطن عز وذرا
وشيخنا راس العرب
لون الغيم الثرا
صارت الصحرا ذهب
يا وطنا وش ترا
بيننا دين ونسب
الولا منك انقرا
والغلا فيك انكتب
علم اللي ما درى
عندنا تثنى الركب
***
الاصايل لها ساس وأصل
مملكتنا السعوديه أصلها
من سعى في سبيل الله وصل
من رقا وعرها روض سهلها
ما تمناه أبو تركي حصل
تل شبه الجزيره من جهلها
غاب عبدالعزيز ولم يزل
في حشا المملكه وقلوب أهلها
العهد من بطل إلى بطل
والولا بيعة ربي كفلها
شالها سعود وسعود الأمل
واصل الدرب وجهوده بذلها
وفيصل الحق زيزوم الدول
لم بالملة السمحا دولها
وخالد الخير له قدر ومحل
قايد الناس في صالح عملها
وأبو فيصل فهد قول وفعل
اعتلى قمة المجد ونزلها
يوم لبى فهد داعي الأجل
راية العز أبو متعب حملها
***
يا فهد ذكراك حيه
والوفا باقي وواعد
تكرم الروح الزكيه
لو تغيب ولو تباعد
ابشر بصحبة نبيه
وبشر معزي المجاهد
قل له الدار محميه
وشعب عبدالله معاهد
وبلغ سعود التحيه
ومثلها لفيصل وخالد
السيوف الفيصليه
خيرها بارق وراعد