صدقوني ماهو نواف .. نواف اجل الحديث عن عقده لحين العودة من بطولة العالم لأنه يطمع بعرض خارجي ..
وليس لأنه يريد البلوي ولا غيره .. ونواف اكد اكثر من مرة أنه يا احتراف خارجي أو البقاء مع الهلال ..
ونواف كان غاضب جدا بعد ما علم ان فيه ناس من الجمهور تقارنه بخميس والدوخي وتقول انه ممكن يسوي مثلهم .. لأنه المال ماهو كل شي عنده ..
والحالة الوحيدة اللي بينتقل فيها نواف لنادي سعودي اخر .. اذا كان المبلغ فرقه كبييير جدا عن العرض الهلالي .. وأنا اشوف انه لو الاتحاد عرض على نواف مبلغ كبير جدا فالصفقة اعلامية اكثر من كونها ذات فائدة للنادي .. ونواف لو غادر الهلال هو الغلطان .. الحمد لله عندنا البديل الناجح ..
نواف لاعب كبير وعزيز علينا احنا الهلاليين وما اتوقع انه ممكن يتصرف مثل ما تصرف الدوخي وخميس .. والشي هذا هو بنفسه أكد عليه أكثر من مرة .. بعدين ياخي تخيل نواف بين نور و تكر والمنتشري والمولد .. ما تجي .. نواف مكانه عندنا بين سامي والشلهوب والخثران والغنام .. و خروجه من الهلال بيكون اعلان لنهايته كنجم لامع .. شوف خميس كيف بدا يلازم الاحتياط عندهم .. والمثل يقول من طلع من داره قل مقداره ..
اتركوا عنكم هالاشاعات وترى التمياط باذن الله سيستمر هلالي
وعلى فكرة ترى توقعي ان اللاعب اللي بيروح للاتحاد هو الحارثي اعارة وتشوفون ..