#1  
قديم 21/02/2006, 02:09 AM
زعيــم مميــز
تاريخ التسجيل: 20/07/2003
مشاركات: 2,779
Smile العشم.. كل العشم فيكم ..

السلام عليكم ورحمة الله وبركاته



اخوي الكريم

بمجرد ماتتأكد من انك هلالي ابيك تتأكد من شي ثاني ومهم
انك اصبحت ضمن مصطلح يقاله (الرقم الصعب) ;)

ليه كذا ياجماهير الزعيم ؟
والله ماهو هذا العشم فيكم
حضور الواحد يستحي بصراحه يذكره

ياسكان العاصمه وين ايامكم ؟؟؟

هذا وعندكم رئيس يرفع روسكم واعضاء شرف يشرفون والله
وعلى راسهم سعادة المهندس سعد الجريد اللي ماقصر ابد في دعم الرابطه والجماهير
اجل اذا ماوراكم احد زي بعض الفرق الله لايبلانا وش بتسوون !!
لكن عجبي منكم !!!


للاسف اقولها لكم بمراره
والله ابوسلطان ماينلام لو ماحضر

ابي احرك بدواخلكم مشاعر الحب والغيره على زعل هالانسان اللي ضحى بالكثير على شانكم

يااخي لو طلب منك زميل في العمل مثلا حضور عزيمة عشاء او جاتك دعوه لحضور زواج فلان بن علان
وش يكون ردك؟!!

لاتجاوب عرفين انك بترتب وضعك وبتحط رجلك وتروح سيده وتجبر بخاطره

لكن هالمره الشخص اللي طلب حضورك مو عادي موعادي موعادي ياليت هالكلمه يتردد صداها في سمعك الين
تفهم معناها زين وتحضر للملعب


واسمحولي بصراحه اقول ان فيه اعذار الواحد يسكت ولايقولها عجيبه غريبه

واحد يقولك الجو بارد!!
ياعمي بتفهمني ان الجمهور اللي حضر مباراة الوحده هم بس اللي قدروا يقاومون البرد من بد سكان الرياض
واذا الكاميرا لقطت لنا صور لبعض الاطفال اللي يساندون الهلال ليش تحملوا وماخافوا من البرد زيك ؟!!

بعدين يااخي مااحد قالك اجلس وتحجر من البرد
عندي معلومه قديمه تقول ان الحركه تدفي جسمك وموبس كذا تصفي جسمك من ترسبات الدهون
يعني شجع وآزر و سمعنا صوتك كل هذا حماس يفيدك ويرفع من معنويات اللاعبين
والبس شتوي الله لايهينك عشان لايصفقك البرد لاسمح الله


و فيه شي رافع ضغطي والله العظيم
شي يحيرني من بعض الجماهير اللي تحضر
ماادري ليش اشوف بعضهم يروح يجلس لحاله بعيد يعني كأنه مضيع او منتظر عزيمه
ياخي اجلس جنب اخوياك عشان نحس بتنظيم في المدرجات وتشارك الاخوان بالتشجيع
يمكن يبين عدد الجمهور اكثر


شي يحز في النفس
لما تشوف الجماهير ماتحضر الا اذا كانت المباراه ضد فرق معينه !!
ليش طيب ؟
يعني انت ماتصير هلالي الا قدام هالفرق ؟ ولا الظروف ماتسمح لك بالحضور الا اذا لعب الهلال ضد الفريق الفلاني؟

تدرون اني متحطمه وانا اكتب هالموضوع
اقول في نفسي يابنت الناس ماقدروا طلب ابوسلطان وحضروا للملعب بالله بيلتفتون لموضوعك

بس مااقول غير الله كريم والعشم كل العشم فيكم


.
اضافة رد مع اقتباس
  #2  
قديم 21/02/2006, 02:13 AM
زعيــم مميــز
تاريخ التسجيل: 18/12/2004
مشاركات: 2,435
ماشالله عليك ..
والله بصراحة غريبة من الجمهور الهلا لي الي بالرياض .. وخاصة بالنسبة المباريات القادمة كلها مهمة ..
مايستاهل نزعل ابو سلطان علشان هالشي ..
والعدو يفرح اذا شاف ابو سلطان مايحضر المباريات .
اشكرك اختي هلا لية
اضافة رد مع اقتباس
  #3  
قديم 21/02/2006, 02:22 AM
زعيــم جديــد
تاريخ التسجيل: 07/02/2005
مشاركات: 9
الله يسامح زعماء الرياض
شكلهم بزعلونا منهم
وبعديــــــــــــــــــــــــــــــن افهموهــــــــــــــــــــــــــــــــــــــا
الحر تكفيه الاشاره
اضافة رد مع اقتباس
  #4  
قديم 21/02/2006, 03:05 AM
زعيــم مميــز
تاريخ التسجيل: 20/07/2003
مشاركات: 2,779
الله يعطيكم الف عافيه
اضافة رد مع اقتباس
  #5  
قديم 21/02/2006, 08:50 AM
زعيــم مميــز
تاريخ التسجيل: 24/07/2005
مشاركات: 14,960
يله الله يسامحهم ولكل غايب عذر
اضافة رد مع اقتباس
  #6  
قديم 21/02/2006, 08:58 AM
زعيــم نشيــط
تاريخ التسجيل: 04/08/2005
المكان: ملعب الامير سلمان
مشاركات: 566
والله كلمك صح جدا..... بس جمهور الرياض تشبع... مايدري انه محسد
اضافة رد مع اقتباس
  #7  
قديم 21/02/2006, 10:35 AM
زعيــم فعــال
تاريخ التسجيل: 11/01/2006
المكان: في قلب الهلال
مشاركات: 404
يله الله يسامحهم ولكل غايب عذر
اضافة رد مع اقتباس
  #8  
قديم 21/02/2006, 10:45 AM
الصورة الرمزية الخاصة بـ أسير الوداد
زعيــم مميــز
تاريخ التسجيل: 11/04/2001
مشاركات: 1,960
الأخت هلاليه مهستره ,,,,,

والله أنك جبتيها صح ...... وكل كلامك في محل الروعة

فعلا جمهور الهلال يحتاج مثل هذا الكلام حتى ينتبه لنفسه ....... أو لايطلب من النادي البطولات ........

إذا كان بهذه الطريقه في الحضور والتشجيع ,,,,,,

شكرا أختي على هذا الكلام الرائع ....... وإنشاءالله الكل يسمع كلامك وتتغير الأمور..... الى الأحسن ,,,,,,
اضافة رد مع اقتباس
  #9  
قديم 21/02/2006, 10:58 AM
زعيــم مميــز
تاريخ التسجيل: 27/03/2005
مشاركات: 7,027
ان شاء الله بيرجع جمهور الزعيم في الرياض

وانا من اللي سمعت اعذار ولاتقبلتها
ومنها

العسكر وتصرفاتهم
والبرد
وكلها بايخه
وبكل صراااااااحه
جمهور الرياااااااااااااااااااااااااااااااااااض فشلـــــــــــــــــــــــــــــــــــــــنــــــــــــــــــــــــــــــــــــــــــــــا
اضافة رد مع اقتباس
  #10  
قديم 22/02/2006, 03:00 PM
زعيــم مميــز
تاريخ التسجيل: 20/07/2003
مشاركات: 2,779
الله يعطيكم العافيه

ونبي حضور يهز الملعب يازعماء

دمتم
اضافة رد مع اقتباس
  #11  
قديم 22/02/2006, 03:13 PM
زعيــم نشيــط
تاريخ التسجيل: 16/03/2003
المكان: جـــ غيـــــر ــــدة
مشاركات: 737
مشكورة اختي ( هلالية مهسترة )
ان شــاء الله الجــاي احسن باذن الله ..
والله لو اني ولد كان كل مباراة وانا طاب بالملعب ....
وراح تشفون جمهور الغربيه مايقصر ان شاء الله ...
اضافة رد مع اقتباس
  #12  
قديم 22/02/2006, 08:59 PM
موقوف
تاريخ التسجيل: 30/05/2004
مشاركات: 545
مشكووووووووووووووووووووووووره
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:07 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube