بسم الله الرحمن الرحيم
السلام عليكم ورحمة الله وبركاته
هذي قصيدة رهيبة و طريفة ومتميزة للامير الشاعر عبدالرحمن بن مساعد
بصراحة من اروع ما قرأت
_____________________________________
مجلــــس رجــــال
على اليسار مقلط
وعلى اليمين صالة
ضيوف جالسين
قهوجي يلم الفناجين
وينطر أخر ضيف منهم يهز فنجاله
ضيف يقبل من بعيد
..يقوم صاحب المجلس طلال لاستقباله
شخص جالس على اليمين يهمس لجاره
.. عبد المعين
هذا احمد اللي جاي ....؟
بس ما هو الحــــــــــاله!!
من معه ؟؟
يبدو لي اطفاله؟!
... يدخل احمد معه ثلاث اطفال
وعند باب الصالة...
يستقبله طلال
الســـــلام عليـــــــكم
الكل يوقف...
عليكم السلام هلا والله مرحبا..
حيا الله احمد , كيف الحال
... هلا طلال أعرفك على عيالي
ابني صابر عمره ثمان اسنين
.... لا تستحي سلم يا صـــابر
بنتي هالة ست اسنين
سلمي يا بنت ,,, سلمي أول
وبعدين .. شدي شماغ عمك جابر
ابني ثامـــــر ثلاث اسنين ونصف
..... سلم يا ثامر على الجماعة
.. وش هذا اللي بيدك ...؟؟
.. آه هذي سجايري والولاعة
عبد المعين يطالع الساعة...
ويهمس لجاره...
.... كيف يجيب أطفاله
ما حد منا معه أطفال..؟ّ!!!
.... كيف يجيب أطفاله
يجلس احمد..
ويجلس حوله عياله
طلال يقول ما شاء الله ,, يحليلهم
الله يحفظهم ويحرسهم ويحميهم
ما شاء الله يا صابر
أبش الثوب الجديد
احمد يقول وملئ وجهه ابتسامهJ
.. هذا صابر موهوب في التقليد..
قوم يا صــابر قلد اصــــــــــــاله
وإلا تدري وري عمك .....
كيف يركض.....
ســـــــــــامي الجابــــــــــــر
.. ينطلق صابر لخارج المجلس
ويرجع معه كوره .... يشوتها
تنزل من السقف.....
...... ثمان لمبات مكسورة
احمد يقول وملئ وجهه ابتسامهJ
شـــــــاطر يا صــــــــابر
شفت يا طلال شقاوة هالعيال
طلال يتمتم ....
يحليلهم الله يحفظهم ويحرسهم
تعالي يا هالة....
سمعيهم ووريهم
أغنية ورقصة الخيالة
لا تستحي يا بنت ... لا تستحي
مافية أحد غريب
هذا عمك طلال..
وهذا عمك مثيب..
وهذا عمك جابر..
وهذا عمك عبد المعين..
وهـــــــذا ...
لا مؤاخذه أنت مين.؟؟
آ أنا عبد الكريم
عبد الكريم...
تخيل ياخي ما عرفتك
.... يمكن لأنك ملتحي
... يالله يا بنت لا تستحي
تدري طلال ..
هالة نجحت بامتياز
.. صوت مدوي ينفجر..؟؟!!
..آه ياثامر ماشطنك..
كسرت القزاز
احمد يقول وملئ وجهه ابتسامهJ
شفت يا طلال شقاوة هالعيال
طلال يتمتم ....
يحليلهم الله يحفظهم ويحرسهم
وش كنت أقول... أبوه طلال
كنت أقول هالة نجحت بامتياز
وأعطيتها البارح فلوس
وقلت يا هالة..
ايش ما تبغي اشتري
طلال يقول:
مبروك مبروك آلف مبروك
ايش يا حلوه تبغي تصيري
لما تـــــكبري..؟؟
هالة تتفل على طلال
وتقول :
وش دخـــــــل أبوك
احمد يقول وملئ وجهه ابتسامهJ
شفت يا طلال شقاوة هالعيال
طلال يتمتم ....
يحليلهم الله يحفظهم ويحرسهم
تعال ياثامر
عد لعمك من واحد إلى عشره
ثامر يبتدي يعد
واحد اثنين ســـــــــبعة
احمد يقول وملئ وجهه ابتسامهJ
دايم يعد ولما يوصل أربعه يلخبط
يالله ثامر من جديد
يبدا ثامر من جديد
واحد اثنين سبــــــــعه
شاطر يا ثامر...
شفتوا كيف لخبط
******
ينفتح باب المقلط
ويدخل النادل ..
.. شايل دخون
والصالة في حالة جنون
احمد يصفق ......
وصابر وثامر يرقصون
طلال يقوم ..... العشاء
تفضلوا الله يحييكم
احمد يقوم ...
يالله ياولاد الله يحميكم
تعشوا أول وبعدين سووا اللي تبون
******
يركض الأولاد قبل الضيوف
وللمقلط يد خلون
صابر يأخذ برتقاله...
... ويرميها على النادل
تطيح المدخنة والدخون
ثامر هناك يكسر بياله
ويرمي شضاياها على اللي يأكلون
هالة ترمي على طلال صينية
وتأخذ علبة مياه غازية .....
تخضهــــــــــــا
تخضهــــــــــــا
تخضهــــــــــــا
ويروح منها الحياء
وترقص رقصة الخيالة
تفتح العلبة
احمد يقول وملئ وجهه ابتسامهJ
أيــــــــــــــــوه هذي رقصة الخيالة
والضيوف في ثياب من المياه الغازية
يرفلون
******
مجلس رجال
على اليسار مقلط
وعلى اليمين صالة
كل شيء فيها ...
...ما هو على حاله
قزاز مكسور..
سجاده محروقة..
غتره مشقوقة...
صينية هناك مرمية
ضيوف مبللين..
... بمياه غازيه
على وجه عبد المعين...
...جرح قطعي ومهلبية
نادر مصاب بحروق ...
... من الدرجة الأولى
وجــــروح سطحيـــه
كوره لمبات مكسورة
يظهر احمد من المقلط
وملئ وجهه ابتسامهJ
أكرمك الله يا طـــــــلال
شـــــايف شقاوة هالعيال
أقول طلال:
اشكر أم العيال نوره
ما قصرت العشاء كان رائع
مشكورة
عشاكم يا جماعه بعد أسبوع عندي
لازم تشوفوا ولدي الصغير
منــــــــــــــــــــــــــصور
عمره ثمان شهور
شيطاني يعقد ....
اضن له معي صوره...
شوف يا طلال الصورة
لا تغرك نظرته ....
تراه والله ذكي
لا يضحك ولا يبكي
لما يبدا أخوه ثامر يعد
طـــــــــلال صامت ما يرد
وترتسم على وجه احمد..
علامة استفهـــــــــام ؟؟؟
ويتسأل في داخله ..
طلال كن وجهه متغير؟؟
أكيد أحد من هالضيوف زعله
مسكين طـــــــــــــــلال
دايم في حــــــاله ما يخلوه
زيـن جبت العـــيال سلـوه
******
يخرج احمد من الصالة
فخور بعيـــــــــــــــاله
تارك وراه مجلس ... كان
مجلــــــــس رجـــــــــال
على اليسار بقايا مقلط
وعلى اليمين شبه صالة
بالله وش رايكم
ودمتــــــــــــــــــــــــــــــــــــــــــــــــــــــــــــــــــــــم,,
مجلس رجـــــــــال...قصيدة طريفة لعبدالرحمن بن مساعد 
,,,
مشكور اخوي 
الوضع العادي
