لا بد أن يكون لكل واحد منا ذكرى جميلة أو طريفة في أول يوم التحق فيه بالمدرسة في الصف الأول الابتدائي ..

وبمناسبة بدء العام الدراسي الجديد أرجو أن يتكرم الأعضاء بوضع أبرز هذه الذكريات .

:p

الموضوع حلو .. بس كان لازم تبدأ بنفسك

وقصدك مش المواقف الطريفه ... الا الفضايح :p :p

اما من الناحيه هاذي حدث ولا حرج .. اسبوع كامل والمواقف متتابعه ..
بالنسبه لي احس انها مثل الحلم .. ما اتذكرها مره .. وبعضها من شينها كنت اتناساها ونسيتها ..
اول يوم كنت ما ادري وين ربي حاشرني فيه .. اشوف البنات ومطيرة عيوني فيهم .. ما ادري وش القصه ..
وياشين اللي اول يوم يروح فيه ولا عنده احد من اهله يدله وش يسوي .. بالنسبه لي هاذي معاناتي ..
* يا اني اطلع من الفصل ولا استأذن مدري الا و(الابللا ) تلحقني ..
* ولا لما اطلع للفسحه اجر شنطتي وراي والعالم مخليتها بفصولها (الا انا)..
* واذا جاء يوم فيه تطعيم .. الدموع اربع اربع ..
* وكان يدور في بالي تساؤلات عن اشياء بالصف مدري وش قصتها ,, مثل البنات يرفعون يدينهم ولا ادري ليش .. صار علشان يجاوبون .. ( اول مرة اشوف هالحركه ) .. وصرت اسوي مثلهم .. الخ.....
والمواقف ماتنتهي ..

هههههههههه الله يالموووووووواقف والفضايح

بس اكثر شي اذكره انواع الصياح والدموووووووع


بس اطرف موقف مر علي اول يوم من الدراسه توني مسجل في الصف الاول استأذنت من المدرس ابروح لدورة المياه وقال تفضل وانا معلق الشنطه على كتفي وعينك ماتشوف الا النور ولا ردني الا البيت المهم وجاء اليوم الثاني ونفس الشي استأذنت ابروح لدورة المياه بس رفض المدرس آخذ الشنطه معي (( يحسبها اكبر همي )) :p :p ونفس الشي انواع الاشكل واروح للبيت بس هالمره رجعني ابوي بانواع الركب بس كانت ايام ههههههههههههههههه



تحياتي يابو حمد ،،،،

طبعاً كان من المفترض أن أبدأ بنفسي ولكن حبيت أنكم تشجعوني أول بعدين أعطيكم ( بعض ) المواقف اللي حصلت معي ..

الأسبوع الأول كان مليء بالدموع والبكاء وفي أحد الأيام أوصلني الوالد رحمه الله على الأقدام حتى دخلت المدرسة فانصرف فتبعته بهدوء دون أن يشعر بي حتى وصل إلى البيت فانتبه فابتسم كعادته رحمه الله وأعادني دون أن يعاقبني أو يؤنبني .

موقف آخر مع معلم التربية الفنية الذي كان يشرح لنا كيف نرسم التفاحة ثم طلب منا أن نرسم مثله فرفضت رفضاً قاطعاً ( النفس كانت شينة ) فما كان منه إلا أن رسم عني وصححها وكتب عليها كلمة ( ممتاز ) .

اول مرة اروح للمدرسة وبعد اسبوعين مدري ثلاثة تعودت على الوضع لكن في يوم من الايام مسكني مدرس وسألني قال : وش عندك ؟ يقصد وش عندكم حصة الان بعد الفسحة .
انا من دلاختي احسبه يسأل عن اللي عندنا بالبيت !!!!!!!!!!!
قلت عندنا فرن يقول دررررن درررررن . يعني له جرس وذاك اليوم كان فعلا الوالد الله يطول عمره جايب لنا فرن جديد له توقيت واذا خلص التوقيت اللي انت مؤقته عليه يضرب جرس درررررن درررررن
هههههههههه وكان موقف ضحك منه المدرس لين فطس عقبها صار يسميني انت يابو فرن
==================