فوق هام السحب وان كنتي ثرى ..
فوق عالي الشهب يا اغلى ثرى..
مجدك لقدام وامجادك ورى ..
وان حكى فيك حسادك ترى مادرينا بهرج حسادك ابد
انتي ما مثلك انتي مامثلك بهالدنيا بلد والله مامثلك بهالدنيا بلد
من على الرمضا مشى حافي القدم .. يستاهلك
ومن سقى غرسك عرق دمعاً ودم .. يستاهلك

يستاهلك .. يستاهلك ..يستاهلك



يالربع والله اني منطرب طربا ً معترض .. مدري وش يبي بمعنى اصح
جالسا ً اردح في الغرفه وماعلي من الشيطان طاري ..
<< - - اما ماعليك من الشيطان طاري يبيلها

مادريت الا المخده في خشتي !

اثره اخوي ...
طبعا ًهو كان يناديني بس انا ماسمعته .. ماخذني الحماس الوطني
وجالس اغني واردح لاومن زين الطبايع ناشبا ً في المسجل يعني كل ذا خوفاً ان شئ من الاغنيه يفوتني ..

<<< والله التفكير بعد ..

المهم بعد مناوشات انا والاخ الكريم قال عسى ماشر .. وش فيك ؟

قالها طبعا ً بعد صمت دام بضع دقائق من هول الصدمه اللي شافها ..

اجل يشوف اخوه يردح تسنه من هاللي يردحون في الجنادريه ايام الاوبريت..

قلت لالا ابد ماشر ياخوي بس انت عارف يوم وطني ولازم نحتفل ..

قال عاد مهوب عشانهم عطوك اجازه تجلس تغث خلق الله ..

ترى جيرانا داقين يقولون قلبتووو بيتكم تسجيلات ..

قالت امي لا والله بس العيال الله يصلحهم ناسين التلفزيون مشغل ..

شوئ والا الجرس يدق ..

الا الجيران مروحين لنا مويه مقري فيها ..

يوم عطيتها امي قامت وصبت لي كاس وقالت اشرب الله يصلحك ..

ولين جيت بتنوم بعد اشرب لك كاس ..

قلت ليه وش صاير ؟

قالت اشربها وبس .. ضنكم ليه ؟

تحسبني مهبول والا منيب صاحي ؟؟

لالا ان شاء الله ان الامور تساهيل والمويه المقري فيها زينه في اي وقت

<< يسلك لعمره
^
^
^
سحبه تحبها قلووووبكم على هالكلام اللي فوووووق كـــــــــــــــل ابوه

<< يعنبووو دارك كل هالكلام اللي فوق واخرتها اسحبو عليه ..جالس ساعه اكتب فيه والله ..
^
^
حتى ذي بعد اسحبووووو عليها ..


مسهم بالخير جميعا ً ...

ياعنك انها مناسبتا ً بالحيل زينه ..

اني انزل ماضوعا ً فاليوم اللي يصادق نفس اليوم الوطني ..

<< اقول تراك قلبت روسنا ..وين وين اليوم الوطني

خلووووونا نشوف هالصور







^
^
حبيت اذكركم والفت نظركم لموضوع اللبن واهميته في هذا الشهر الفضيل
فمعروف ان اللبن اكثر ماينشرب في شهر رمضان ..<< تسنك راعي طويله ..
والغالبيه بعد السحور ..فمثلا ً عقب ماتدبج في النعمه سواً رز او غيره ..
تلط لك كاسين لبن معاد تدري وينك فيه ..تقوم تشوف اللي جنبك ثلاثه ..
وهذي هي اهم فايده .. تصلي الفجر عقباها تقول وعلى الدنيا السلام ..
<< - - بالله وش رايكم ؟ منيب اصلح اصير مدرس والا مشرف تغذيه ..

<< مال امها دخل بس كنك ماشفتوووها ..




^
^
قدر الله على هالربع اللي فوق وصدمووو ..
وتشوفون ابو قبعه صفراء ذا .. باين على التأثر الشديد ..
فما ادري هل هو يعرفهم والا انه يطلب الرجال دراهم ومات ..
المراد ان حالته النفسيه الحين يقولون انها مهيب بالحيل

<< - - كمل موضوعك ولايكثر




^
^
يعنبووووو درا هالكونتيره مدري وشهي .. وش في وسطها ؟؟
يادافع البلا .. مابقى الا شوئ وتواسي هالسيارات مع الارض
بس العلم اللي وصلني ان راعي هالشاحنه جاي على سرعه وناتف والدي
الاشاره والا ماصاروا بالمواتر تسذا





^
^
ماشاء الله ذابحك التفاني في العمل ..
اجل حاطا ً الغذايه في يد واحداً مرعوص تحت هالبليه ..
انت الحين حاول تطلعه ولاحقا ً على تأدية واجب المهنه يالمخلص





^
^
ابو قبعه حمراء احسه يقول ..
ان وين الله جابني اباشر هالحادث ..
ماغير كلش متكسر وحالت امهم حاله
خلونا نروح بس ..




^
^
جاك المتفاني والمخلص الثاني ..بالله ناظرووا
<< - -لهم عيون والصور قدامهم و يشوفون كلش ترى مافيه داعي تنشب وتصير حقنه
اجل يشربه المويه والرجال مايقوى يتنفس
انا ابي افهم وش السر وماالاسباب لذلك ؟
يعني عشان يقولون ادينا واجبنا وخلاص ؟
طيب طلعوو خلق الله ولاحقين خير ..

<< - - جعلك ماتصير مشرف عليهم تسان رمغووووك لين تقول بس وحطوك حدر حدى هالسيارات
احس هاللي واقف على اليسار يقص اظافر المفغوص .. صراحه يراودني احساس بذلك

<< فارق انت واحساسك ..




^
^
يعنبوووو حيها هالبليه ... ماخلت عرقا ً ينبض في هالموتر
طلعت عيونه مسيكين ..
الا مهوب كن هاللوحات لوحات دبي ؟

<< دبي والله دميجتك اللي مافيها مافي البريق اللي جنبي ..




^
^
هذا اطلق وازين وافضل موظف فيهم
<< - - مصدق عمره انه صار معزبهم
يعني يحاول انه يخرج المصاب بكل حذر ..
بس هاللي على يمينه طفاية حريق والا بخاخ
<< انت وهالوجه طفاية الحريق والبخاخ فيها اسلاك ؟ صدق انك جلمه وماتدري وينها سارحه ..



في نهاية هذا الحدث المثير ...

اتمنى انها جازت على رضاكم ونالت استحسانكم ..

واللي عنده رد زين يكتبه فيذا ..

والا عنده رد غير تسذا .. لا اشوفه قارباً الموضوع ولامعتب هنيا ..

وانكان هناك اي خطا فالسمووحه والمعذره ياجماعة الربع ..

يله نراكم على خير ..

فمان الله ..