السلام عليكم ورحمة الله وبركاته ...
مساء أو صباح الخير للجميع ...
*****************************
في البداية مشتاق لكم يا أحلى منتدى بالعالم ...
وآسفين على الغيبة ...
لكن وش أسوي طلبت إجازة قالوا في المنتدى مافيه غير بدون مرتب قلت أمري لله
...
طبعاً أخوكم في الله يحب السياحة الداخلية من قلب
...
<------------------ والله من النصب ...!!
وأول ما نزلت في مطار الملك خالد وأنا اللي أفكر وين أروح هالحين ...
قلت يا رجال مالك إلا الطائف ...
في هالبراد و الأناسة ...
وجلست يومين في حبيب قلبي الرياض ...
وطلعت بعدها أسبوع للطائف ...
آآآآآآآآآآه آآآآآآآآه من القلب ...
بصراحة مناظر وجو رائع جداً ...
<------------- قم بس قم ...!!
وأسعار بلاش ...!!
الشقة مستحيل تكون بـ ( 500 ريال الليلة ...!!! ) ...
المنتزهات سبحان الله كلها مكتوب عليها لأحبابنا العزاب الغالين ...!!
يعني بصراحة فلة ...!!
<-------------- الله يعين ...
وقلبت راسي قلت خلني أروح لجده ...!!
الله مدينة روعة سبحان الله درجة الحرارة 20 ...!!
والرطوبة 0 ...!!
جو رائع وصيفي بحت ...!!
طبعاً الجلوس في جده خيالي ...!!!
<------------ مسيكين ساعتين وانحاش من جده ...!!
وفي أثناء الليل ...!! ( أخس يا مثقف ...!! ) ...
وفي بلورة الأحلام ...!! ( متأثر بالأفلام ...!! ) ...
طلع سفر الثاني قدامي ...!! ( طبعاً هذا سفر الشيطان كخخخخخخ ...!! )
وقال ياولد مالك ومال الخرطي السياحة الداخلية ...!!
إذا عندك قرشين رح استانس في دمشق وارجع ...
قلت والله فكره خصوصاً أن الدلخ المتميز هناك ...!!
لكن كيف أحصله ...؟؟؟ ما أدري ...؟؟؟
لكن قلت بأروح وعلى الله ...
وأنا أدق سلف من الطائف على الرياض ...
واتفقت مع الشباب على الرحلة ...
ووصلت الرياض ويركبون أصحاب السوء
...
ونتوكل على الله ...
وماوقفنا إلا في دمشق يعني تمتير خطوط ...!!
<------------------ مريض نفسي
...
وصلنا بالليل الساعة 9 ...
طبعاً العادة نوووووووووم والصباح رباح ...
لكن سفر الشيطان رجع من جديد ...!!
قلت ما بدهاش الليلة لازم السهرة والأناسة مايصير ليلة تروح على الفاضي ...
طبعاً غسيل ملابس وتكشيخ ...!!
<--------------- والله من الوساخة والقرف
...
ورحنا للسهرة ...
وما أمداني أحك راسي وأناظر مع الباب إلا هالداج المتميز داخل علي تقول جني ...
وأنا اللي ابلع ريقي واسمي قلت غديه يختفي ...!!
لكن طلع هو الصدقي
...
وانا اللي اسلم عليه ونقوم نطامر لنا شهرين عن بعض ونتقابل في دمشق ...!! يعني إكتمل الجنان ...!!
طبعاً اللي صار في السهرة وباقي الأيام مكتوب بقلم سري ...
يعني اقلبوا وجيهكم ماني قايلكم عليه ...
لكن الحادث الأبرز والأشهر في الرحلة ...
قبل نهايتها بيومين ...
صحيت من النوم الساعة 1 ... طبعاً الظهر وصحاني المتميز الداج يبينا نروح شغل ضروري ...!! (( طبعاً بالقلم السري
)) ...
قلت خلني اروح اغسل هالكمخة واصحصح ...
وانا احس بشعور غريب بطني يلعب لعب ...!!
قلت يمكن حالة عارضة وراحت ...
وأثاري الدلخ المتميز عنده نفس المشكلة وساكت ...!!
وباقي الشباب كلهم نفس المشكلة لكن ساكتين ...!!
الأكيد أننا كنا نمسك طابور على دورة المياه وأنتم بكرامة ...!!
بصراحة مصيبة ...!!
راح علينا هاليوم كامل بشكل سري كل واحد يخبي عن الثاني ...!!
لكن اليوم الثاني كان يوم الفضايح ...!!
ما ينفع تخبي ولا غيره ...!!
صارت دورة المياه بالهواش ...!!
يعني الموضوع انكشف ...!!
وش السالفة قالوا أنتم أكلتم أكل متسمم ...!!!
أفاااااااااااااا وش هالكلام ...!!
والشباب ماشاء الله عليهم إثنين حالة إغماء ومستشفيات ومشاكل ...!!
<--------------- حظه نحس ...!!
طبعاً أخوكم كان أقل واحد مصاب بالمرض ...
جاء المغرب ...
قال المتميز سفر قم ودني بروح حلب ...
قلت يارجال انثبر حالتك ما تستحمل خصوصاً أربع ساعات ...!!
وما فيه دورات مياه كخخخخخخخخخخخخخ
...
قال والله انك صادق لكن يمدحون البامبرز كخخخخخخخخخخخ
...
<----------------- طبعاً هو والمتميز مساطيل خلقه والمرض يخاف منهم ماشاء الله عليهم ...!!
قلت تدري انا باوديك مكان نقل حلب وانا باروح لـ ........... ((( قلم سري
)))
علشان انسى المرض ...
واليوم الثاني العصر يعني بعد ثلاثة ايام من التسمم ...
مشينا للرياض غصب بسبب هالمرض ...
طبعاً المتميز ما هو معنا لأنه رجع لوحده بسيارته من حلب ...
واول ما وصلنا للقريات وعلى اقرب مستشفى ...
ومن شافنا الدكتور وهو مرتاع
...
وعلى طول يقيس الضغط قال يا نهار اغبر الضغط منخفض وانتوا نايمين ...!!
قلنا أخلص علينا هات العلاج ...
قال لازم مغذية وابر ...!!
<------------- ياساتر يكره هالأشياء ...!!
ويبطحونا عندهم ثلاث ساعات ...
ونطلع على طول على خط الرياض ...
ونفس المشكلة لازالت معنا يعني ماتغير شيء ...!!
ورحنا مستشفى بالرياض ...!!
واستمرت المشكلة ...!!
الله يعين
...
لكن ودي اعرف وش اخبار المتميز هالحين غديه يقرا كلامي ويرد ...
ولكم تحياتي ...
أخوكم / سفر المرزوقي .
اول مرة احب التسمم من قلبي ...!! (( الحقوني بالمستشفى !! )) 
) 
الوضع العادي
