:السسسسسسسسسسلام عليكم ورحمة الله وبركاته
زملائي زميلاتي .. أصدقائي الالكترونيين في شبكة الزعيم الموقرة ..
يوم جميل .. يوم رايق .. يوم بإذن الله صاعق .. يوم ممطر إن شاء الله أمطار هلالية وخير وبركة
أول شي أعتذر عن عدم حضوري لمباراة الوحدة والهلال .. وأقول تراكم شفتوا الباكستاني اللي يبيع أعلام قسم موب أنا
ولكن كنت حاضرا بالدعاء مع زملائي الجماهير بالتوفيق للزعيم ..
بصراحة وللعلم فقط .. قسم بالله مواصل ومن الحماس مالي خلق أنام ... قلت ماراح أنام إلا بعد فوز الهلال بإذن الله
لذلك اللي مابه نوم يجي أكسر راسه
عالعموم موب موضوعي هذا ...
موضوعي هو عن جماهير الهلال والاتحاد .. وانطباعاتهم حول اللقاء <=== متابع كل الرياضة يعني عندي مصطلحات قسم
الجماهير الهلالية ..
تفاؤل كبير لدرجة الغلو
.. بصراحة شي يخوف كذا وأخاف عليكم من الصدمة لو صارت كارثة لاقدر الله ..
سواء كانت من الحكم أو من الظروف البيئية
.. أو عدم توفيق من الله سبحانه
تشكيلة الهلال ماتوسع الصدر ... غياب كبير بصراحة ..
((ان البرازيلي كاندينيو قد اعتمد القائمة الأساسية التي غادرت عصر أمس إلى جدة تأهبا لمنازلة الاتحاد والتي تضم
فهد الشمري في حراسة المرمى، البرازيلي
تفاريس، فهد المفرج، تركي الصويلح، كامل موسى، سلطان البرقان، وعمر الغامدي، في خط المؤخرة، والبرازيليين
جيوفاني، وكماتشو، في منطقة الوسط، فيما المقدمة ضمت
بدر الخراشي، وسامي الجابر قائد الفريق.))
مع إن وجود القائد الروحي قاهرهم وحارقهم ... قاهر صعالليك الاتحاد
.. الكبير غصبن عنهم .. سامي الجابر
ومع وجود تفاريز وجيوفاني وكماتشو ... وقوة السامبا الثلاثية ...
الا ان خط الدفاع والحراسة تخوف والله ...
يعني مثلا مثلا ... كامل الموسى وتركي الصويلح
غياب عزيز والغنام .. مشكلة بصراحة ... المحور الهلالي مشلول بصراحة مع احترامي للجميع
فهد الشمري بالحراسة ... ماعرف مستوى هالحارس والله
الخراشي والغامدي راجعين من اصابة ... والبرقان مستواه عادي جدا ...
ومع ذلك .. تفاؤل واستهتار بالخصم ... مع ان الاتحاد يضم لاعبين خبرة .. ولاعبين مستواهم جيد ..
وأتمنى من الجماهير دعم اللاعبين .. موب تخديرهم ثم نواجه كارثة بنهاية المباراة
جماهير الاتحاد ...
هنا قصة ثانية ...
جماهير الاتحاد لو تمر جنب واحد منهم .. وتقول له .. بووووووو .. كان طمر جدار و ماصورة كهرب تقل بس من الخوف
وأنواع التشاؤم ... تحس إنه بيلعبون بلاعب ونص
اللي يقول 6 واللي يقول 5 ... <=== ليت والله كان يصير اسميهم فريق أبو ستة ويصير مثل خويهم فريق النصر
محترفينهم والله جامدين .. بس تفاريز حبيبنا راح ينهي آمالهم بإذن الله بالطرق المشروعة طبعا
مستواهم مع الحزم موب شرط يكون نفسه اللي بيكون مع الهلال ... يعني رجاء لا ننخدع بهالشي ..
الاتحاد فريق خطير ... ويعد الفريق الثاني بعد الهلال ...
لأن الهلال الأول آسيويا ... وباقي الفرق مثل النصر والاتحاد والأهلي والشباب و(( الحزم ))قاهر العالميين والموندياليين لاننساه
وخوفي والله يفرحون بفوز مايستحقونه .. ولا كان على بالهم ...
لأن طموحهم الحين انهم ينهزمون 3-1
.. فلو فازوا لاقدر الله راح يتخطى هذا آمالهم وأحلامهم
الهلال بإذن الله .. راح يلعب لأجل الفوز ..... وبمساندة جماهيره الكبيرة بكل مكان راح يتغلب على فريق موزمبيق
<= ماقصد الاتحاد
كل خوفي والله من الحراسة والدفاع ... عسى الله يستر بس
وتوقعي الشخصي للمباراة ... هو 3-1 للهلال ...
وحضور جيوفاني اليوم راح يكون قوي إن شاء الله ..
تحياتي ,,,
كان معكم محلل الدجة الرياضي والسياسي أبوساري ... وعمتم مساءا وصباحا ...
10:35 ص
جماهير الهلال وجماهير الاتحاد .. قراءة ص 12 
الوضع العادي
