دحيم وشلتة في الشرقية الجزء الاخير
عارفين دحيم و غبائة المزمن انا بلقوة متحملة وشلون اذا كان مع شلتة شوفو شلتة .......
طبعا دحيم ماخذ خبرة بلثنوية وايام الا ختبارات جاني دحيم زعلان وقالي انة توهق بختبار الانجليزي وسألتة لية يا دحيم انت ماجبت مدرسين اثنين للنجليزي واحد يشرح واحد يفهمك رد على وقال اية بس انا جتني ورقة اسئلة وجيت احلها على ورقت الاجوبة حليتها بلمقلوب يعني السؤال الاخير خليتة مكان الاول والعكس بباقي الاسئلة قلت دحيم رح لمدرسكم واشرحلة الموضوع وهو يتصرف
المهم انتهت الاختبارات ونجح دحيم بلدور الاول وكانت معجزة حتى انهم العلنوة بكافة المواقع والجرايد وحتى القنوات ( لا تصدقون ترا ابالغ شوي بس ذبح ذبيحة لنا)
وفي نص الايجازة قرر دحيم ولد عمة عمية او عميان انهم يسافرون للشرقية مروني واتفقنا وانا اقول في نفسي فرصة ما تفوت ورحنا وحنا في الطريق كان دحيم مشغل نفس المنوعات حقتة الوجة الاول كلة امنية واذا انتهت تجي بعد امنية والوجة الثاني خمس الحواس ونفس الطريقة وقام عمية وقال : انا بغير الشريط واشغل شريط غربي وقلت الحمد لله نبي نغير الشريط وشغل غنية عمرو دياب عودوني قلت معليش المهم التنويع غربي عربي كلة احسن من منوعات دحيم انتهت الغنية وكانت الغنية الي بعدها عودوني وكان عمية ودحيم منسجمين ويغنون ويرقصون ووصلنا نقطة التفتيش وطلبو رخصة دحيم وكان دحيم الغبي يستخف دمة ويسأل العسكري بغباء : التضليلة ممنوعة
رد العسكري نعم قال دحيم طيب حزام الامان ؟ ؟؟ حزام الامان الغبي دحيم مالبسة والعسكري ما نتبة يعني ورط نفسة وعطوة مخالفة !!
المهم وصلنا الدمام وفجأة وقف دحيم ونزل وطلع شنطتة وغير ملابسة ولبس شورت كان لونة احمر واصفر واخضر وقميص لونة ازرق وبرتقالي وقلتلة لية غيرت
رد . ما ابي اضيع وقت بروح مجمع الراشد( مجمع الراشد مجمع تجاري كبير وحق غزل)
حلفت علية انا نروح للشقة اول ونرتاح وبعدين نروح الراشد
قال عمية لدحيم : دحيم خلنا نروح لشقة اصدقانا عشان نوفر ونستانس
ورحنا للشقة وبدا دحيم يعرفني عليهم الاول كان متعب الحشاش وهو مكان حشاش بس شكلة كنة محشش وكان راسة كبير وراعي بدليات بلكلام
وكان الثاني نايف يقيق وكان راعي خشم غريب لدرجة انهم يطردونة ما يلعب كورة عشان ما يحسب الحكم علية تسلل ودايم يتلقف وينضرب
الثالث سلطان الضفدع وهو يشبة الضفدع وقصير مرة وفية جرح بوجة تقول عنكبوت متعلق بوجة وراعي نصب غير طبيعي
وبعد ما تعرفت عليهم قررو الشباب انهم يطلعون للبحر وشالو فكرة مجمع الراشد
وحنا طالعين على جمس متعب او الحشاش جلست انا وضفدوع اخر مرتبة بلجمس وكان ينصب على ويقول انة راح لندن وصور عند برج ايفل وانهم تمشوا عند تمثال الحرة وهاذا كلة بلندن كلة واحد ندري انة نصاب
المهم وصلنا البحر وجاء دحيم يركض للبحر يبي يسبح وصل للشاطي وزلق وطاح على وجة وهو يصرخ ساعوني بغرق كان بشبر موية وحنا نضحك علية
وبعد شوي اصر دحيم وعمية انهم يركبون جتس كي ( دباب بحر)
قلت لدحيم : تعرف يا دحيم تسوقة انت وعمية
رد دحيم بثقة: انا خبرة بركوب الامواج معليك استمتع انت وتفرج على انا ولد عمي وتعلم فن السواقة......... وكنت ادري انهم بترطون بمصيبة
قلت لدحيم انتبهو لا تعورن احد
المهم راح دحيم وعمية واستاجرو دبابات لهم ودخلو البحر وكنت اتفرج عليهم وكان الحشاش من مطعم لمطعم لانة يقدر الاكل والبيبسي وكان يقيق وضفدوع يتمشون ويتلقفون على هاذا ويتمشكلون مع هاذا وكنت اتمنا اليوم يمر بدون مشاكل
وانا اناظر دحيم وعمية كانو متواجهين وجه لوجة وكانو مسرعين وكان كل واحد يحسب الثاني بيوخر عن وجهة ويوم وصلو بعض كلهم لفو مع بعض لليسار وتخيل المنظر
وكان حادث اللهم لا شماتة وطلعوا من الحادث ولا فيهم شي مثل القطوا بثلاث ارواح
دفعنا تعويض للدبابات ورحنا نتغدأ بمطعم وكان اختيار المطعم من اختصاص الحشاش لانة خبرة بلمطاعم وطول الغداء وضفدوع بعطينا ارانب ونصبات وطلعنا من المطعم كان فية حادث ودخل دحيم راسة معهم وكانوا رجال كبير شوي واحد شباب المخطي الشباب لكنة اقنع الشايب انها صدمة بسيطة اتفقوا ان الشايب يتنازل جاء دحيم ويلمس سيارت الشايب ويقول يوة بتكلف قال الشايب : تكلف اجل ماني متنازل ابدأ لين ما تجى الشرطة:
حقد الشاب وكان بيضرب دحيم الملقوف وهو يقول: يا سوسة كنا متصالحين وخربت كل شي
وقال دحيم : انا مع الحق ومستعد اشهد
المهم جت الشرطة وقيموا الحادث وطلع الخطاء على الشايب وقام يدعي الشايب على دحيم ويقول : الله لا يعطيك عافية كنا متصالحين وتلقفت وخربت كل شي
.
.
.
.

شكلي ازعجتكم بدحيم خلاص هاذا اخر جزء لدحيم ...
ومع العلم لو بكتب مجلدات عن دحيم ما يكفي وانا احاول اكتب مقابلة مع دحيم
بس مو وعد احاول عساة يوافق ....
وليس كل دحيم مثل دحيم صديقي