بسم الله نبدأ :
كيف حالكم جميعاً
بصراحة انا من زمان وانا هنا لكن قليل ما أكتب لكن هالمره قلت أبكتب وافجر طاقتي الشعرية والهندسيه فقلت :
شوقي إليكم أكثر من عدد حبات الرمال ،،، ومرات كبر الاشتياق يولد الانفجار
المهم اسمحولي بكتب هالشي اللي يجي على بالي من فتره واحب اطلع من جوا كبدي واتمنى ما أكون انسان ثقيل
بسألكم سؤال والسؤال هو :
احم تعرفون الببسي ؟؟
تعرفونه ماشاء الله !!!
اخص والله واجد اللي يعرفونه، لو مدرس سألكم تعرفون الدرس الفلاني كان ماعرفتوا ماشاء الله عليكم .هذا انتم يالسعوديين فالحين بكل شي الا الدراسه حتى بستار اكاديمي او مدري وش اسمه سعودي يصوت ضد خويه والله انكم مشكله .
<- - - - - - - - موب عاقل فرانشيسكو
لا عاد امزح لاجينا للصدق والله يعني حنا سعوديين ولله الحمد وانا وانتم نفتخر ولا أحد عنده كلام ثاني ؟؟؟؟؟
فيه احد عنده كلام ثاني ولا لأ ؟؟؟؟ وش فيكم ساكتين .... شكلكم خفتوا !!!
لايروح بالكم اني شغال في المباحث لكني متعاون وأكبر دليل ساكن في حي التعاون بالرياض وأشجع نادي التعاون اللي بالقصيم مع اني ماني قصيمي انا حايلي من جذور ايطاليه لأب حايلي وأم عربيه .
المهم نرجع لموضوع ستار اكاديمي والله انه مصخره هالادمي اللي اسمه ....... .........
السعودي ذو الوجه الاسباني (( أمحق )) الظاهر واحد ماكان وده يحطمه ويقول كنك بنغالي فقال أبي اعطيه دفعه معنويه وقاله كأنك اسباني واستخف الرجال او صدق عمره وصار يدخل معهد اللغات البنغاليه اوه عفواً الاسبانيه في السفاره الاسبانيه .
إنسان ساذج قسم بالله اللي يصوت له اقطع يده واذا كان مصوت مرتين اقطع يدينه واذا كان مصوت ثلاث او اربع او خمس اقطع يدينه ورجوله واذا كان اكثر مصيره غوانتانامو وآه ياغوانتانامو اسألوا مجرب ياناس عشت الويل هناك تمنيت اكون قرد ولا اكون انسان ذقت الموت ولا هو أي موت وكان الموت ارحم لي من اللي جالس يصير لي والمشكله ياليت امريكي ابيض اللي جالس يعذب ، تخيلوا امريكي خال هذا اللي غابني !!!
لكني دعيت ربي ودعيت ربي وأكلت سبانخ وكسرت الحديد وهربت (((( باباي ذا سيلي مان طوط طووط )))) .
أما أغرب بنت شفتها على كثر ماشوف بنات سواء من معجبات ولا من محبات لي كإنسان قبل أن أكون الانسان الشاعر المرهف الاحساس
المهم البنت هذي أكثر وحده تبكي في العالم ماعندها مشكله لو تجلس تبكي 16 يوم ورا بعض ، مره جالس اتفرج عليهم ويوم ناموا نمت انا ماشي معاهم على نفس الوتيره المهم قمت وانا بنص نومي واطالع للتفزيون احسبهم قاموا إلا اشوا طلعوا نايمين ولسى الساعه 6 الصباح إلا شفت هالمصريه جالس تبكي وهي نايمه ياسبحان الله ، ياناس والله لو فيه معدل للانسان يبكي فيه كان خلصت دموعها وخلص دمها لان اذا مافيه دموع ينزل دم واذا مافيه دم ينزل هوا من عينها واذا خلص الهواء يعني مافيه اكسجين يدخل جوا جسمها يعني هي ماتت ولا يزال مسلسل البكاء مستمر حيث الام والاخت والاخ يبكون عليها ولاحول ولا قوة الا بالله .....
وحتى انا امامكم اصبحت أبكي .
نروح للثاني اللي يقولون انه كاتب عدل !!!!!
أمممممممممممممممممممممممممحق كاتب عدل ، أصلا هو يبي له من يعدل انسان ماعنده قراره مع الخيل ياشقرا يشوفهم يرقصون يرقص معاهم يشوفون يشربون يشرب معاهم يشوفهم ياكلون ياكل معاهم حتى لو شبعان بس مثل ماقلت لكم قراره مو بيده ، مطفوق وفيه خباله ، وأكبر دليل يوم قالوا لهم تبون تروحون لباريس انت والمصريه اللي مدري وش اسمها ، المهم انهم انهبلوا وصاروا يسوون حركات مايسويها اللي توه طالع من سجن 50 سنه وطاح بثروة وصار مليونير !!! بداية مقطع الاغنية اصلا مالها مقطع هي كلها كلمتين :
حا نروح باريز .... وبنقول ميرسي ((( لاحظوا بايز مو باريس يعني انا اللي فاهم ))) وبيروحون لباريس ليه ؟؟؟؟؟
عشان يقولون ميرسي !!!!!
يمكن أحد رقص فيهم وقالهم اذا رحتوا قولوا ميرسي ويحسبونها مدينه ولا مدينة العاب ولا شي ماهو موجود الا بباريس ......
وبعدين ليه هالوناسه والرقص عشان باريس !!! يارب لك الحمد أجل لو بيروحون حايل وش
بيسوون ؟؟؟؟؟؟؟؟؟؟؟؟؟؟؟؟؟؟؟؟؟
على طاري حايل انا توني جاي منها ، أحبها موت .
اما اللبناني المسمى ب فـــادي مسوي نفسه روميو زمانه وعلى ما أظن اسم حبيبته جي جفان او زي زفان المهم انه اسم الله بالخير ، وكل ماكلمها جلس يتغزل و (( شو حبيبي )) يعني وخروا عني انا اللي مافيه زيي لا ب ستار اكاديمي ولا بلبنان ولا العرب ولا العالم .
ولما نجي نتكلم عن الكويتي ولا البحريني صراحه انا احترمهم يعني ثقيلين شوي مو زي ربعنا المطافيق .
أما الباقيات (( ريم + المغربيه + مايا )) اعفوني اخاف يأنبني ضميري
هاللي قلته لكم من بعض الصدف اللي جلست اتفرج على ستار اكاديمي للحظات ، ولا ماهي من عادتي اشوف برامج ساقطه زي هذي ، وفيه طبعاً البرايم على اخره لاني أحب اشوفهم يحزنون لما يفارقون أحد
< - - - - - - -- حاقد بقوووووه عليهم .
صدق ناس غريبين جداً هذي اسمها غرابة وعلى طاري الغرابه بقولكم اغرب وفاة في التارخ !!
كان فيه كاتب لبناني طبعاً هو كاتب أديب وكان مايروح ويجي الا بكرسي وطقته اللقاه بذاك اليوم وقال بطلع برا البيت بشوف اخبار الثورة العربية يوم طلع طاحت عليه قنبله رمتها عليه طياره عثمانيه ومات !!!
وللمعلوميه هالقنبله هي القنبله الوحيده اللي رمتها طياره في الحرب !!!!!
يارب لك الحمد ، يالله لاتبلانا .
المهم
نرجع لاول كلمتين قلتها في الموضوع كانكم تذكرون سألتكم أحد يعرف الببسي ، أحب اقولكم شي انتبهوا انتبهوا منه جتني معلوماتي خطيره مره ، لان كان فيه مسابقه بالهند اكثر واحد يشرب ببسي وجا واحد وشرب ثمان علب ببسي وبعدها على طول مات !!! لارتفاع نسبة ثاني أكسيد الكربون !!!!!
وعذراً للإطاله
الوضع العادي
