مختـــــــــــــــارات~2~ شعـــــــــريـــــــــه

صباح الخير توك تسأل عني اشلوني **والله وطلع بك وفا واللي مضى باقي
يقفي وينسى لوعتي والجرح وشجوني **ويقبل ومفروض اني انسى منه احراقي
ماعاد يعنيني وفاك ارحل به بدوني **بعيد عن عينك تعود وتسكن اعماقي
تصبح على خير ياللي تسأل وشلوني**وسلم على طاري الوفى وبلغه بفراقي



تعال ومابقالي يوم بغيابك يصبرني
اخاف اموت من شوقي وانت مطول بغيابك
تعال وكل شي صار في بعدك يذكرني
دروبك ضحكتك طاريك وريح العطر بثيابك



تعالوا نسكت
احسن من كلام تاليته جروح
هلا بالصمت
دام الصمت ما يجرح
مشاعرنا
أنا وانتا وطول الصمت
والدمعة وكثر
البوح
وليل ما بقى به حيل
ينهانا ويامرنا
بكى ما كنه اللي كان يغرينا
فرح ومزوح
سكت
ما كنه اللي كان ملهمنا
وشاعرنا
توحوا تسمعون الليل
مدري وش بلاه
ينوح
على ضحكاتنا والا على
كسرة خواطرنا
اذا يبكي من الفرحة علينا
علموه يروح
واذا يبكي حزن تكفون قولوا له يسامرنا



أنـا ربـتني الـدنيا عـلى جزل العطا والجود
ونـفسي لـلوفا والـطيب وفـعل الخير جزامه
وأعـارض منهج الهابط وأوافق للصعود صعود
وأسـيّر نـفسي بـعقلي مـدام الـنفس هـدامه



لا ما يكفيني معك بعض الأوقات،
خل التغلي عنك لا صرت غالي،،
إن كان وقتك من ذهب بشتري اللحظات،،
أسمع بها صوتك ويرتاح بالي،،
أشتاق لك شوق الهواء للمسافات،،
وأشتاق لك شوق القمر لليالي،،



يـــــاعمري الدنيـــا ماتســـوى تنـــــام وخاطرك زعـــــلان ..
ولابــه شـــي يستـــــاهل يخــــــلي قلبـــك يعـــاني ..
طلبتك كــــــان لي خـــــاطر تبعد عنـــك الاحـــزان ..
فديـــت عيــــونك الحلــــوهـ تبســــم لو علـــى شاني ..
حبيــــبي صار لي مــــده اشـــوفك تايه وحيـــــران ..
وانا واللـــه ليشـــفتك حزين تزود احـــــزاني ..
انا احبـــك ولا ودي تعيـــش بدنيتك نــــدمان ..
تـــــرى الايام محســــــوبه وتــــالي هالعـــمر فــــاني ..



على ذاك الجدار اللي على حد البيوت الطين
وقفت .. و هاجس الذكرى نفض غباره
و في ذاك المكان ثبت أن الآدمي من طين
سألني .. قال أنا اذكر تجوني اثنين .. بكيت ..
و قلت .. صدقني رحـــل و انقطعت إخباره



بس طيفك ماتركني
ظل ساكن وسط جفني
كان وافي
كان يذكر ..وانت جافي!!!
انت وينــــــــــــــــــــــــــــــك؟؟؟



في عز ماكنت اهوجس فيك وافتح لك
ابواب قلبي خذتني رجلي لبابك..
وجيتك وانا مااذكر اني كنت رايح لك
بس اذكر اني كذا لاطول غيابك..
ياما ترددت مدري كيف بشرح لك
اجيك وارجع..ابيك تقول:وش جابك..
ياأبن الاوادم ترى مليت المح لك
انا اعزك""واحبك""واعشق ترابك..
ان كان ودك ترسيني على كحلك
لميت عمري وخاويتك على اهدابك..



تدري انا ماعاد اضن ان لي معك قسمه
وياعزتي للي القدر هو نده وخصمه
قاوم هبــوب العاصفــه وهــدته نسمه
نسمــة رقيقه ظالــمه مابقلبــها رحمه



اذا اهـتـزت مواجـعـنا قصيدي درعي الواقي
أردّد يـوم كـنّـا وكـان مـع نـفـسي واسـليها
انا ودي اصارحها عشان اشرح من اعــماقي
انا محـتار في أمري شـعوري كـيف اخبـيها



من متى تجزع من الدمع وتخاف البعاد؟
من متى تقفي بك ظنون وتجيبك ظنون؟
صرت تاخذ كذبتي صدق، ومزاحي وكاد
لو بقول اني بخونك تحسب اني بخون



على الله يازمن بشكي همومي والليالي طوال
عسى راعي العنى ينسى عناه وينشرح صدره
على الله يازمن بشكي همومي والهـموم جبال
تعـدت عاصـمـة حـزنــي حـدود العـالم بأسـره



اعذريني يمكن نسيت
إني بعمرك كل شي
عالمك كونك00دنيتك
حزنك00وجرحك00فرحتك
ادري أني كل شي
ودمع عينك00وضحكتك
ما تهون يا عمري علي
آسف حبيبي واعتذر
اسف00أنا بنساااك
بانسى ويكفيني الصبر00



والله مـا كــان الفـــراق اختيــاري:::ولا عمــري اختــرت الوصــال ولقيتــه
وانا اعشقك عشق المطر للصحاري:::مهما قسى وقتك على ما جفيته
ماكـان بعدي عنك بالبـال طاري:::اختـرت بعدي عنك منـك ورضيتـه
لوكنت داري بس لو كنت داري:::مااعطيت لك قلبي وحبك مشيته
لو مل من صبري حنين انتظاري:::ماقلت ابيك ولارجوعك رجيته
اذبلت من طبعك ورود اعتذاري:::عطشان ذوق ولطفكم ماارتويته
ليت الزمن يقدر يرد اعتباري:::ويبري لهايب قلبي الي كويته
روح مراح الليل .. والليل ساري:::ولوكان مهما كان حبك نسيتة



كنت في الهوى سيدي..كنت فرحي وعيدي..
ومدام الحب معك ضايع..مدامك بعت انا بايع..
وبقتل حلمي بايدي..وبنســــــاك..



اللي بقالي في غيابك سكتوتك .. والي فقدته من غيابك حنانك
عذرك معك لو خبروني بموتك .. وحقي عليك ان كان عذرك زمانك
ماكان موعد وأعذرك لو يفوتك .. أنا انتظرت العمر كله عشانك
غبت ورضيت وبعدها غاب صوتك .. وأبطيت أكذب من يقولون خانك
بالله كيف تحس في طعم قوتك .. لامن ذكرت انسان خنه ..وصانك
ماكن قلبه واحد من بيوتك .. من تحت سقفه كم شعرت بأمانك
وراك خليته لعتمة سكتوتك ؟ .. وأنا ماغير أعشمه في حنانك
في غيبتك ياكم تمنيت موتك .. أقل شيء أرتاح وأعرف مكانك



أنا ودي أعدي حاجز الصمت ::: وأناجي مسمعك بألفاظ ودي
وإلى مني نويت وقلت عزمت :::أصادق بالطريق ألفين سدي
حبيبي وأستمع لي لو تكرمت :::أنا أحس إن هذا الكون ضدي



منتب معي لو كنت بالقلب سكّـان
قريب لكنـك علـى القلـب ضـده
قبلك وبعدك شفت أنا أشكال وألوان
ما فيهم اللي في هوى القلب شـده
إلا آنت لو صديت في بعض الأحيان
لو فات بغيابك عـن العيـن مـده
خذها فدتّك الروح ياعطر الأشجـان


ألا يا قلبي العاشق متى تصفي لـك الازمـان
متى ياقلبي المحروم تعيـش الحـب وأزمانـه
أنا ماعاد لي شي ( ن) بدنيـا كلهـا أحـزان
أنا بموت أحسن لي مـن الحرمـان وأشجانـه
أنا أرتجـي ساعـه دقايقهـا صفـاء أذهـان
تجي لحظاتها متعه وأهيـم بحضـن هيمانـه
تدلّهني وتحظنّـي وأذوب بحضنهـا الولهـان
تسمّعني كلام الحب وتعـزف أحلـى ألحانـه



لاخان ودك من تعزه على الروح,, معذور لو صديت عن باقي الناس
شخصا معك يمشي لغاية ومصلوح,, ان جاه غيرك باح سرك على الناس
ياقلبي لا تخدعك ضحكات ومزوح,, بيع الذي باعوك واعمل كما الناس



ليتكـ تشوف الولهـ في وحشة غيابكـ..
وتشوف قلبي وجرح البعد ساطي بهـ..
سألت عنك الغياب: ليش ماجابكـ؟؟..
وتمتم شقى غربتي يقول:مدري بهـ..
ياما سألت الطيف وباقي أسرابكـ..
متى على اللهـ يحن الوقت ويجيبهـ



لك عيـن تتكلـم بعـد ما تسببـت""بجروحي وتسأل بعد ويش سويـت
اخطيت في حقي ولا كنك اذنبـت ""اللي يشوفك ما يقول انـك اخطيـت
انا احسب ان عقلك تعافى وقد طبت ""اثرك على نفس العقل مـا تعافيـت
ياثقـل دم اليـوم ليسمي السبـت""وياثقل دمك كل ما اصبحت وامسيت
انت اتحرى جيتي كـل مـا غبـت""وانا اتحرى غيبتك كـل مـا جيـت
اذنبت فـي عرفـك ولكننـي تبـت""الله يسامـح زلتـي يـوم زلـيـت
الصدر يتفجر بعـد حالـة الكبـت""انا اشهد ان صدري تفجـر ومليـت
اغسل يدينك اني اجيك لـو شبـت""معروف عني دام صديـت صديـت



ياليت حزني مجرد دمع وابكيه
ماهوب عايش معي بين المحانـــي
ماهوب يظهر علي واحاول اخفيه
و تصير نظرات حزني هي لسانــي
مدري ذكرني زمان كنت ناسيـه
مدري ذكرت الزمان اللي نسانــي



لاتسرق الوقت من غيرى ..
انا مابى زمن غيـرى..
لاتسرق العمر ياطيرى..
مدام قلبك لحد غيرى..
عطنى من ايامك من نهار..
وباقى العمر للى تبى..
مابه فرح يامعذبنى..
وانت لحد غيرى..


اتمنــى ان تنــال على إعجــابكــم منــااار