10/02/2006, 03:16 PM
|
| زعيــم مميــز | | تاريخ التسجيل: 10/10/2005
مشاركات: 2,338
| |
|
ليه مجتمعنا يكبر اخطاء هئية الامر بالمعروف ويقلل من اخطاء غيرها..!!!
بسم الله الرحمن الرحيم
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
بصراحه شي عجيب وكثر بالذات في الاونه الاخيره اللي جالس يسويه بعض افراد مجتمعنا من سنين طويله ، لان بعضنا مايفكر بهدوء وعقل وضمير ،، بعضنا يردد الكلام والنمائم بدون حتى مايفكر فيها ، نسمع سوالف كثيره عن اخطاء هيئة الامر بالمعروف والنهي عن المنكر نحس ان اكثرها بصراحه مفبركه او مزوده حبتين من قائلها مع العلم ان فيه غيرهم اخطاءهم والله بالهبل ولانسمع احد يردد سوالفهم في المجالس ويزود عليها .
والله مااكذب عليكم ان بعض شبابنا لولا الله ثم وجود الهيئه كانت تشوف علوم بالذات في الاسواق والمنتزهات وبصراحه بعض شبابنا وهم قله ولله الحمد تصرفاتهم وظواهر فسادهم التي لاتوجد في اي اماكن في العالم تخلينا نحمد الله ونشكره على وجود هيئة الامر بالمعروف والنهي عن المنكر.
تدخل السوق وانت مع اهلك وتشوف نوع من الشباب اللي موقادر ينجح بأي شي ، تحس انه وده يجي بينك وبين زوجتك ويقولها يرحم والديك حبيني انا وش تبين بذا الشين ابو كرش ...؟؟
وصراحه بعض شبابنا صراحه ماالوم الهيئه معهم صاروا يتجرؤون على فعل اي شي ولعل لنا في حادثة ( طريق النهضه) خير دليل على كلامي وصدقوني وجود رجال الهيئه ضروري وبالذات في الاسواق للحدمن ظهور مالا تحمد عقباه .
والشئ الثاني اللي يحز في النفس ان كل انسان معرض للخطأ وكثير من جهات اخرى يخطئ بعض منسوبيها اخطاء فادحه في حق المجتمع والناس ولاتلقى احد يكبر اخطاءهم ويطالب بإلغاء هذه الجهة مثل مايحصل مع هيئة الامر بالمعروف والنهي عن المنكر.
وبعد تلقى بعض افراد مجتمعنا الغااااااااااالي يتكلم عن سمعة شيخ اورجل دين او علامه كأنه يتكلم عن واحد من اصدقاءه او من جيرانهم ، انتبهوا يااخواني ترى لحوم العلماء مسمومــه ولايجوز اخذ الامر بالسهولة في الحديث عن هؤلاء .
لايجب الا ننسى الحكمه القائلة °ˆ~*¤®§(*§*)§®¤*~ˆ°احب الصالحيــــــــــــــن ولست منــــــــــــهم °ˆ~*¤®§(*§*)§®¤*~ˆ° |
الوضع الشجري
