قصة شردتي من المدرسة < لاتفوتكم > سوينا فِلم مُرعب - نادي الهلال السعودي - شبكة الزعيم

فتى الحروب · #1 03/02/2006, 02:15 PM

السلام عليكم ..!

حي الله شباب المجلس العام

المهم ياشباب ترى الوقت يداهمني >>> أحلى يارجل الأعمال

يعني ماني فاضي للمقدمات اللي ما وراها إلا ( صداع الراس )

خلوني أديور وأطبّ في صُلب الموضوع

= = = = = = = = =

أول شيء خلوني أعرفكم على أبطال هذه الحكاية ..

أبو سليمان : محسبوكم ( أنا) رجل أُحب الديوانيات الشبابيه و الصرقعه

.. أعشق الصحاري.. ورعي الأغنام ..وصيد الغزلان

أبو محمد : هذا واحد من الربع يحب الدجاج على ( الشواية ) وما يحب الدجاج على ( الفحم ) يكره الغزلان وصيد الظُبّان

أبو رزق : هذا خويي منذ زمان طويل ..علاقتنا تمتد منذ ربع قرن أي حوالي ( 10 سنوات)

= = = = = = = = =

بعد ما عرفتكم على نفسي وعلى ( نفس ) أصحابي خلوني أخش في أم السالفه

ذات صباح يومٍ جميل .. كان الجو هادئاً .. والسماء صافيه .. والبحر هادئ .. والأغنام تُصفّر

.. والأبقار تُغرد

ركبنا في سيارتي وأتجهنا إلى المدرسة

.. وعاد كان وقتها الجو مو رهيب بالمره يعني تقولون ( وسط ) ..

مرة الحصه الأولى ..والله والغيوم تتلاصق

.. يعني بدت الوناسة والفله ..وبدءت معالم ( الخُبث ) تشع في وجوهنا

قلت في عقلي وقال أبو رزق في عقله

( لو نشرد ونروح البرّ )
ونطقها وناسه وفله إلى قريب الظهر ثمن نرجع إلى بيوتنا

..

قال أبو محمد والله خوش فكره .. بس أنصحكم لاتشردون ..عاد أبو محمد الأدب مقطعه تقطيع

.. وليس المراد بالأدب هنا مادة ( الأدب) إنما الأدب الذي يظهر في الإنسان

قال بـ نروح للوكيل وبنأخذ ورقة خروج ..قلنا خلاص .. والله ورحنا للوكيل ..وقلنا له : نبي ورقة خروج بعد أذنك >> وش رايكم بس أعرف أجامل

..

قال : لا ما تأخذون ..ماعندكم سبب مُقنع

.. وكل بعد شوي أقول له سالفه .. مره قلت له أهلي بيروحون الرياض .. ومره قلت له بطني ما توجعني

.. وعاد هو أصرّ على عدم الخروج وما رضي

..

قلت للشباب .. هذا ماينفع معه إلى الشرده والعين الحمره

.. قالوا يالله ..

والله وجات الفسحه .. وكل واحد حاط كتبه في بطنه .. اللي يشوفنا يقول ذولي ( حاملين )

..

والله ونروح لنا في جلسة بعيده عن الأنظار .. وجلسنا نخطط ونرسم ( كروكي ) للشرده

..

صفرت الفسحه

.. وراحوا كل الطلاب إلى بيوتهم .. أوه أقصد إلى ( فصولهم )

: .. وغير حنا جلّسنا في الحوش

والله وجلسنا يمكن 10 دقايق بعد ما طلعوا الطلاب إلى فصولهم .. وبدأ تطبيق الفيلم المُرعب

.. رحنا للجدار حق المدرسه وعاد الجدار جنبه ( شجره ) ..يعني الشرده سهله .. بس كان الجدار طووووويل ..يعني لو ينقز معه واحد ( قزم ) تتكسر رجوله

..

أول واحد طلع هو أبو رزق وهو أشجعنا .. وعاد هو ضاري على النقزات والتسلق .. من كثر مايطبّ على المحلات ويسرقها

طلع أبو رزق و أعطيناه الكُتب والسجادات .. والله و ( نط ) بها .. ماقلت لكم إنه ( شُجاع )

.. بعد ما ( نط ) من فوق السور .. نط وراه أبو محمد وكلهم( شجاعين

)

يوم جاء دوري .. والله إني خفت .. قلت أنقز .. لا والله أخاف تتكسر رجولي وما عاد أمشي

..

وهم فرحانيين جالسين يتفرجون فيني .. ويقولون : أنقز لا تخاف حنا ( نمسكك )

..

يمكن جلست ربع ساعه وأنا على هالحاله .. والله وشوي ويجي المدير حق المدرسة .. المدير شافني وأنا متعلق في السور ..

والله وأنط ذيك النطه ..اللي مانطها ( علي بابا )

.. و شغلت السياره وأحط رجلي .. والمدير ورانا .. لو تشوفوني والمدير يطاردني تقولون هذا ( درايفر )

..

أنطل بـ السياره يمين ويسار

.. أبي هالخثه يروح

.. وعاد هو هداه الله ( ماراح )

شكله أستمتع وهو يشاهد سواقتي للسياره

..

وبعدين أخذت لي دوار وأشغل التيربو

.. وماعاد شاف إلا غبارين السياره

:.. والله وطقيناها وناسه وفله إلى قريب الظهر ;) ..

= = = = = = = = = = = =

ما يُستفاد من الموضوع:ـ

1ـ عدم الشردة من المدرسة ..لأن الشرده ما وراها إلا ( الهجولة ) ..بس حنا كنّا مجبورين ..لأن الجو كان ( يجنن )

كتبه فتى الحروب

أمـيـر الــقــلــوب · #2 03/02/2006, 03:06 PM

فتى الحروب

هههههههه

الله يرجك ياشيخ

تسلم على هالقصه

ولاتحرمنا من جديدك وجديد سوالفيك مع ربعك

أخوك
أميرر

عزوز الأزرق · #3 03/02/2006, 03:33 PM

افاااااااااااااااااااااااااااااااااا

<<<<<<طحت من عينه ..

هذا وانا مهريك مدحك .. 7 7 7
مهري "مصدر هراء يهري هراء ومنه مطعم ابن مهري على طريق جده المدينه السريع "

المهم يابو سليمان .. ماقلت لنا وين طلعتم ..وش سويتم ...
والجو بقاء غيوم والا فكة اول ماطلعتم <<ههههههههههههههههههه

وبعدين فاليوم الثاني هل المدير ابدا اعجابه بتنطيلك والا نطل على يدك وظهرك ؟؟؟ <<<<<<يحب الشميته

سؤؤؤؤؤؤال /:كيف الغبار والهواء ... زينا والا اسواء .

سلملم ... ونسيت اقول انك متعلق بالرموش ...

><><><><><><><><><><><><><><><><><><><><><><><><><>
الهم انا نسالك خير هذه الريح وخير مارسلت به ونعوذ بك من شر هذه الريح وشر ماارسلت به ..

واله هلالي · #4 03/02/2006, 05:54 PM

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ ولله انك فله <<<<<<اصدقاه دوافير ما ينحاشون<<<<<<<<الاخ مصري

القيصر رهيب · #5 03/02/2006, 07:43 PM

أبو رزق ذا كأني أعرفه هو من محافظة العلا

بعدين شكرا على ذكر اسمي يوم الجو مو (((((((((((((((((((((((رهيب)))))))))))))))))))))))))

لوحة مميزة · #6 03/02/2006, 09:53 PM

إقتباس


	السلام عليكم ..!

وعليكم السلام ورحمة الله ..!
هلا بفتانا

الله يرجك عز الله رحتوا فيها دام المدير شافكم

إقتباس


	وليس المراد بالأدب هنا مادة ( الأدب) إنما الأدب الذي يظهر في الإنسان

واضح أن اللغه العربيه مسويه لك أزمه

إقتباس


	صفرت الفسحه .. وراحوا كل الطلاب إلى بيوتهم

خبري الفسحه ترن ما تصفر

تسلم على الموضوع
تحياتي ..

M e T o O o · #7 03/02/2006, 09:59 PM

ههههههههههههههه

مشكووووووووور اخوي فتى الحروب

لا تحرمنا من جديدكـ

لا عدمناك
*ع فكرهـ ممكن ترسلي كروكي الشردهـ ع الخاص ودي اطبقها في الفصل الثاني..

figo622 · #8 03/02/2006, 11:21 PM

الله يقطع شياطينك.

روما 2005 · #9 03/02/2006, 11:44 PM

خخخخخخخخخخخخخ

الله مير يقطع بليسك

ان شاء الله احاول اطبق الطريقة بالفصل الثاني ..

فتى الحروب · #10 04/02/2006, 12:21 AM

إقتباس

الرسالة الأصلية كتبت بواسطة أمـيـر الــقــلــوب


	فتى الحروب هههههههه الله يرجك ياشيخ تسلم على هالقصه ولاتحرمنا من جديدك وجديد سوالفيك مع ربعك أخوك أميرر

هلا والله بالأمير

..

وإن شاء الله كل ماحدث شيء ( مُهم ) مع الربع راح أنطله لكم هُنا

تحياتي لك يا ( عسل )

/

فتى الحروب · #11 04/02/2006, 12:27 AM

إقتباس

الرسالة الأصلية كتبت بواسطة عزوز الأزرق


	افاااااااااااااااااااااااااااااااااا <<<<<<طحت من عينه .. هذا وانا مهريك مدحك .. 7 7 7 مهري "مصدر هراء يهري هراء ومنه مطعم ابن مهري على طريق جده المدينه السريع " المهم يابو سليمان .. ماقلت لنا وين طلعتم ..وش سويتم ... والجو بقاء غيوم والا فكة اول ماطلعتم <<ههههههههههههههههههه وبعدين فاليوم الثاني هل المدير ابدا اعجابه بتنطيلك والا نطل على يدك وظهرك ؟؟؟ <<<<<<يحب الشميته سؤؤؤؤؤؤال /:كيف الغبار والهواء ... زينا والا اسواء . سلملم ... ونسيت اقول انك متعلق بالرموش ... ><><><><><><><><><><><><><><><><><><><><><><><><><> الهم انا نسالك خير هذه الريح وخير مارسلت به ونعوذ بك من شر هذه الريح وشر ماارسلت به ..

هلا عزوز

والله ياحبيبي طلعنا ( للبر ) بـ تحديد عند ( زربة غنم الهاجري )

وإن شاء الله راح أنزل لكم الجزء الثاني حق هوشتنا مع المدير <<< والله وصرنا عربجيه

وبعدين إذا أنا متعلق بالرموش .. تراك أنت متعلق ( بالحواجب)

..تمسك زين وأنتبه لا ( تطيح ) أخاف أروح في ( بلشه ) ..مير أنتم يا أهل جده ماترحمون

أستغفر الله

/

فتى الحروب · #12 04/02/2006, 12:31 AM

إقتباس

الرسالة الأصلية كتبت بواسطة واله هلالي


	خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ ولله انك فله <<<<<<اصدقاه دوافير ما ينحاشون<<<<<<<<الاخ مصري