03/02/2006, 01:19 PM
|
زعيــم فعــال | | تاريخ التسجيل: 04/08/2005
مشاركات: 391
| |
جيت من القصيم لاجمهور يوفي ولادفاع يلفي _ والمعذره أبو سلطان
السلام عليكم ورحمة الله وبركاته
اخذت طريق الرياض الساعه 12 ظهرا وكان باعتقادي انني لو وصلت الساعه 3 او 3.5 يالله بلقى مكان بالملعب انا واربعه من زملائي وكلنا أمل ان ان نجد ملعباً اكتض بالزعماء ... دقيت على ولد خالي اللي محظر لي تذاكر أنا وزملائي حسب توصيتي له مريته وقالي اصبرو شوي لاتروحون الحين باعتقادي ان الملعب لسا مافتحوه مارحنا الا مع اذان المغرب وانا بس اهاوشه واقوله ماراح نلقى مكان والسبب انك أخرتنا بصراحه انصدمت يوم شفت الجمهور جيت المغرب ولقيت احسن محل ملعب هلالي لايليق بنصف نهائي كأس ولي العهد .. وانا كنت اقول ان ابو سلطان ماقصر جاب للجماهير اللي هم يبونه راح لاعب محترف عوضهم بأحسن منه ألف مره حراسه متدنيه جاب لهم من ابداع حراس السعوديه باقل من 24 ساعه .... بالله عليكم وش تبون انا متأكد لو فقط نصف جمهور الرياض حاظر لملأ الملعب ..
ولكن لانقول إلا حسبنا الله ونعم الوكيل ...
دفاع الهلال وما أدراك مادفاع الهلال بصراحه شوراع مافيها ولاتفتيش ...
لاعبين الوحده يتمشون على كيف كيفهم تفاريس متفرغ حق ملاحق السيقان وبصراحه تفاريس هالسنه غريب جداً ومو هذا اللي نعرف ...
المفرج لا انكر انه فيه طرف لعب ولكن الهلال مايقبل الاطراف ولايقبل انصاف الحلول اقصد انصاف اللاعبين ... قسم بالله لو يضل الدفاع بهالطريقه اقولكم ماكل مره تسلم الجره .. ولو استغل الوحده امس كل فرصه _ ياساتر _
كماتشو مادوك تلعبه الا بهالمباريات بصراحه . كماتشو بالمباريات الحاسمه قوي قوي قوي .. ولكن بالمباريات العاديه مادري وش يصيبه ...
سامي وما أدراك ماسامي ان قلت ذيب والله ذيب وان قلت قناص والله هو اللي يستاهل قناص لاعب كبير كبير بالله عليكم كم له مالعب وش وش سوى بصراحه لاعب تركيبته السفيولوجيه تركيت لاعب يعني لو يقعد 100 سنه ومالعب وتجيبه لمبارات سوا الهوايل .. حبت راس على جبين سامي ..
وبختصار _ سامي لاتتنبأ بماذا سيفعل _
عذراً ابو سلطان والله خيب ظنك الجمهور عطهم فرصه عطهم فرصه عطهم فرصه . ان شاء الله يبي يعجوبنك
واسف على الاطاله ومشكورين |